رغمٍ عن انفي

[عبدالله الشويمان]

هذه اقصيده حصلتها ضمن أوراقي القديمه..قلت اضعها للقارئ..
متمنياً ان تصل الى درجة الاعجاب.



رغمٍ عن انفي

يا تل قلبي تلة جذوع الارطا=في سيم مربوطٍ بشنكار شاصي
من عقبه الحطاب يقرطه قرطا=ما يشتكي ويقول جاني خصاصي
اللي حطب قلبي ومرَّطه مرطا=ريمٍ سطابي من عيونه رصاصي
أبطيت اراعي له وهو ما تغطا=رغمٍ عن انفي لو مهوب اختصاصي
من يوم شفته صاب حالي وعطا=الله يعطه كيف يبغي قصاصي
غروٍ تعدى الوصف ويبط بطا=ماله وصيف بين داني وقاصي
من هامته لين الحذا اللي توطا=جماله الفتان طاغي وعاصي
شفته وهو بالباب بيمناه مشطا=ناوي يقظ الشعر وناو الرقاصي
ينطر لمرسوله يجي من المحطا=يجيب له بلسم وعلبة شباصي
أشرلي ابعد لا بدربي تخطا=تراي انا مانيب احب المعاصي
أقفيت عنه وقلبي ايشط شطا=يرجف كما رجفٍ يهز النواصي

عبدالله الشويمان-الرعد