ياوجد حالي على لاماك يالغالـي

[الطامي]

ياوجد حالي على لاماك يالغالـي=وجود حسني على عرشه وكرسيِه
مع ثورة الشعب مافاد التجمالـي=ولافاد فيها الحناشـل والبلطجيِـه
او وجد معمر بعد ماشاف الاهوالي=ثم قام ينخى ويزهم فـي دناويِـه
ضيع مسيرة في الاقفى والاقبالـي=يرغي ويزبد وفكره في الجلاويِـه
كُلّن علـى مابـلاه الله بغربالـي=يجر صوته ويرثـي فقـد غاليِِـه
هاذي هي احوالهم وانا بذا حالـي=وكل يغني على ماصـار مرثيِـه
لانشاء من الغرب نوٍ قلت عزالـي=ذكر علي صاحبٍ محبوب طاريِـه
الاحي الورق واجامل مع السالـي=وقلبي مهو يم فكري او نحاويِـه
اطق الابهام بالوسطى من الصالي=لاشفت انا مثل زول او حروة مواريِـه
ياللي تلوم المولع مالك ومالـي=القلب لو هو يطاوع طاع راعيِـه
ياكيف بسلا غرام اللي على بالـي=وهو مديمٍ علـى بالـي بطاريِـه
اخر رسايله محفوظـه بجوالـي=اشوفها كل صبح وكـل عصريِـه