وتمضي لياليها سريعه وحولهااااااا

[نجم الإبداع]

سلامي على دنياء تزين وحولها = من الغيّ خابر عرضها قبل طولها
تمني نفوس الناس بالسعد والهناء = وتمضي لياليها سريعه وحولها
لها كل مره غدر في خافق اللبيب = وتطغي نفوسٍ هايمه في غلولها
تحط الكريم وترفع الخانع الدني = ومن لايطاوع غيها مايطولها
دنيه وعاشقها من الفخر مرتسم= يبيع الكرامه لاجل لثمة رجولها
تفرج على بلوى زمان الرويبضه =رخال الغنم بالزور تركب فحولها
اشوف المخادع يمتلك كل مايريد= ويشقى كريم القوم كنه جهولها
فكم من فقير امسى غني عقب سؤ حال= وكم من ملوك الارض عافوا نهولها
وكم من رجال اجرت محاجر عيونهم= وخانتهم الدنياء وجارت حمولها
لفتنا الفتن كاليل الاسود تروعني= وللموت في بغداد صوتٍ يهولها
سرى الهم من فتنه عظيمه لها أريز= من الجور بالآكام شانت سيولها
هي الملحمه حسب الروايات واضحه=وهي حرب هرمجدون حطت رحولها
تكالب على ميدانها الناس وانزوت = في ارض العراق اخبارها عن جهولها
وباقي الجبل يظهر وله ياتقاتلون = وبعض النفوس الوضع جوره يهولها
حسب ماورد في سيرة المصطفى الحبيب=عليه الصلاة وخير كلمه نقولها
نحلل ولا ندري ورجحت فكرتي= وتابعت في الدنيا شهادة عدولها
لقيت اننا باخر زمن رغم مايقال = وكن الليالي حان موعد افولها
لو اني مخير في مقامي وعيشتي = لفضلت هجري عن توالي سلولها
ولكن مالي حيله ولا بها ملاذ= سوى منظر العشاق واحسب فصولها
وانا مامعي حسره على زيف زايله= ولا منتظربين المخاليق زولها
رخيصه بعيني يوم غيري يحبها= وهي غارقه بالغدر وانشد سهولها
ورزقي على الي صاغها رازق الطيور= وهومنبت الحبات بُرٌوفولها