![]() |
وهنا سوف يكون التركيز على شعر الشاعر عبدالله بن صقيه أمد الله في عمره ومتعه بالصحة والعافية
هو عبدالله بن علي بن عبد الله بن علي بن ابراهيم بن محمد بن احمد بن علي بن صقيه وال صقيه من ال بسام بن عساكر بن بسام بن عقبه بن ريس رن زاخر بن محمد بن علوي بن وهيب بن قاسم بن موسى بن مسعود بن عقبه بن سنيع بن نهشل بن شداد بن زهير بن شهاب بن ربيعه بن ابي سود بن مالك بن حنظله بن مالك بن زيد مناه بن تميم بن مر بن اد بن عمرو بن الياس بن مضر بن نزار بن معد بن عدنان والشيخ الشاعر الفحل عبدالله بن علي التميمي ولد عام 1356هـ ببلده الصفرات بمنطقه المحمل في بلاد نجد بداء ينظم الشعر الشعبي عام 1372هـ وصدر له اول ديوان عام 88هـ والشيخ له المام بعلم النسب ويحفظ المطولات من عيون الشعر الشعبي ولا يزال يتحف مستمعيه عن طريق الاذاعه (برنامج من الباديه ) ويتحفهم من شعره وعمله رئيس هيئه الامر بلمعروف والنهي عن المنكر في بلده الصفرات والشاعر الكبير عبدالله بن صقيه شاعر تميم أو شاعر الفخر الأول كما يسميه الأديب معيض البخيتان له روائع من الشعر النبطي وقد قال عنه أحمد العريفي في كتابه معجم الشعراء الشعبيين (( إن ابن صقيه هو ابرز الشعراء في عصرنا الحالي )) مشيراً إلى مقدرته الشعرية وتميزه في الإلقاء الذي ينفرد به ، ولابن صقيه مطولات تعد من الملاحم من بينها " التميمية " التي قدّم لها أبو عبدالرحمن ابن عقيل الظاهري وقال (( إنها ملحمة في بنى تميم " الآخذين بمشارف الرقعة العربية وحيازيمها " وكان شيخه ابن حزم يقول إن " تميماً قاعدة من أكبر قواعد العرب " ومن بينها ملحمته في أهل الجبلين من تميم ومنها قوله : علم على التسعين وانظر بالآعيان =تشوف منقاد الجبل لا تضاحيت تميـــــم مذّبحة فـــــرّح الضـان=اصل الكرم فرعه ليوث عناتيت مْوسعٍ صدري فخر دوحة لي=بني تميم مهدمين الطوابير اقصى بني عمي بكل الدولِ=وادنى بني عمى هل الوشم وسدير وبأجا وسلمى واهل الحوطة اللي=ندّر حرار من رفاع المواكير من لا اعترف بافعال ربعي يولي =ويضرب براسه روس ابانات والنير وله من الروائع قصيدة بعنوان "اللى سكن حايل جبلها والاسهال" وهي من الدرر التي تفيض حِكماً ومنها قوله : ياذيب لا تغتر في بعض الازوال=بعض العرب ياديب ما من تكانه ربعك تميم اللي لهم دسم الافعال=الخاين البّوار ربعك عرانه من حال عقال وفي حال جهال=فيهم على راع المتانه متانه امفضخة يا ديب لعيون الافيال=انشد جموع الفرس وانشد ايرانه ويا ما ويا ما من جديدات واسمال =لا عن صياد الفوارس حصانه وابن صقيه يجيد توظيف التاريخ في شعره حيث عرض هنا لوقعة القادسية المجيدة التي سمّاها بنو تميم معركة الفيول كما في شعر ربيعة بن مقروم وكان زهره بن الحوّية وهلال بن عُلفِّة وحنظلة بن الربيع قد صرعوا قادة الفرس فيها ويعطف ابن صقيه على رمز تميم الكبير "صيّاد الفوارس" المدفون بارض الجبلين بحائل في سميراء ويختم بقوله: وسلّم على من سكن في ذيك الاطلال =أجا وسلمى اللي باهلها مصانه بني تميم وشمّر الشم الابطال =واولا د عبس اهل الظفر والزانه اللي سكن حايل جبلها والاسهال =ترى السلام لمن بها معك أمانه من كان نزال ومن كان رحّال =والكل منهـــم باخنينه بخـــــــانه واثنى ابن صقيه على شمّر في تنازلهم عن قصاص أحد التمايمه ومن ثنائه قوله: والف لعبده من سلايل عبيدة = ضيٍاغمٍ قحطان واكرم قرومها يشير في ذلك إلى تاريخ الضياغم المنتمين إلى عبيدة من مذحج من كهلان القحطانية وتاريخهم ثرى بالوقائع والاشعار في رحلة من جنوب الجزيرة إلى أرض الجبلين وقد رد على قصيدته جلعود بن لافي الشمري مثنياً على بني تميم . ومن روائع ابن صقيه في قومه قوله : الصافنات الموغرات المرهمات =حنا اليا حل البلا فرسانها وحنا اللوايح بالبيوت العامرة = وحنا اليا رد البرا عمدانها وحنا (عصا موسى) اليا حمي الوطيس =تمشي وتلقف ما صنع كهانها يبكى علينا ولا نبكي على موتة شهيد =من مات عله في فسيح جنانها وقد سبقه إلى المعنى الأخير شاعر جاهلي من تميم حيث يقول : يبكى علينا ولا نبكي على أحدٍ =فنحن اغلظ اكباداً من الإبل أما استخدامه لـ (عصا موسى ) فقد استعمله آخرون من بعده كفهد بن عافت الشمري . ومن الطرائف عن ابن صقيه ان السيدة ليرك وهي تبحث في شعر الضياغم كانت في منزل أحد الشعراء فلما جلسوا على المائدة قام أحد الشعراء الشمامرة فقطع لسان الذبيحة ووضعه امامها وقال العادة ان الشاعر يكون اللسان من نصيبه فاخذت اللسان ووضعته أمام ابن صقيه وقالت هذا هو الشاعر. ومن فخريات ابن صقيه المدوية قوله : تميمي يطعن بحربة دناياه =عظم رقبة ما هي عزوة حلايف قبيلة ماهي بـ ( لفو) ملزاه =يشهد لها بالطيب كل الطوايف مثل الجبال اللي بنجدً مرساه =نوايف يزمي وراها نوايف وقوله : ضيف يهددنا وحنا المعازيب =يبي لسيفه لا بلينا يســـلي شاةٍ نويل الوقت بتفرس الذيب = يا شاة في عشب المساييل فلي ياللي تنقّل للنشاما مشاعيب =ليتك لثوبك يالمغفل تشلي وقوله: ذكرتني عصرٍ لحاجب وقوسه =وبني تميم جبال نجد الرواسي صار العوض بعدود نجد رسوسه =كبار البطون مهاجمين التباسي ساس الردي لا بد مبناه ينهال =ولد الردي صاحي تحطه بطانه ترى الذهب من صافي جنيه واريال =ما يختلف ياذيب طيلة زمانه تلقاه وقت الضيق لا ضكك الجال =الصفر لا يغريك زين لمعانه بستان غيرك لوبه الوان واشكال =ما تنتفع من خوخه وبرد قانه ما ينفعك ما فيه لو بالثمر مال =لا صار بالغدراء جداره مخانه احرص عن الزلات في كل الاحوال =لا تنخدع باللي يعلج اللبانه ما يفتري ويشين الناس رجال =راع الحكي بالناس خله وشانه عليك باللي بالمهمات سردال =ليث مثل من حط قوسه رهانه انته وانا نبعد عن القيل والقال =كم واحدٍ ياذيب ضره لسانه ترى أصدق صديق للمرء كتمان سره = اصحا تبين مايكن حشاك وبالك تسامح من يرى العفو ذله= هالوقت طول للكلاب عصاك موتك على عزولو حي ماتدفن= سحم الضواري يمعطن شواك اعز من تبقى ذليل ساعة= بجوار نذل قاصر يدهاك ان كان كفك يبذل المال حبوك =والا محبة دين محد يحبك الى قل مابيدك بالحال سبوك= اقرب قريب من القرايب يسبك مثل الدكاتر الى أيسوا منك خلوك= والا بذلت المال يلقون طبك اعرف ان التكبر والغرور =على راعيه خاتمته خذايل واعرف مدعين الدين زيف=يسون الهوايل بالقوايل واعرف المحصنات من البيوت =واعرف انه به سقيط وخمايل واعرف الجبان من الشجاع =واعرف اللي يردون السلايل والا ياجاهل غره زمانه=على مهلك ترىالدنيا دوايل تواضع لاتشيل الكبر تتعب =ترى شيله على الشايل عبايل يابو عيون هدبهن ســـــود= لاتذبح الناس بعيــــــــونك تذبح بنجل وبيض خـــــدود= عجزت أوصفك وش لونك الرأس فوق المتن مرجود= واللون مثل القمر لـــونك يازين ماعن لقاك صـــدود= ياجيت تمشي على هونك بيبان قصرك عليها جنــود = والموت يازين من دونك يازين ياخيرة الماجــــــود =بعض المخاليق يفدونك وله ايضا يابنت ياللي كنها قايد الصـــيد = صيد طيور القنص ماذيرنه ياغصن موز ناعم في ذرا غيد = بالصيف ناشية الروايح سقنه يازين حبك لجا بالــــجوف=حب قديم على ســـــــاس ماعــاد لك يالحبيبه شوف=دونك ثمانين حـــــــــراس قلبي على شوفتك مشعوف= وش فيك ماتنهزع قاس لوأنت تكسب بنا مـعروف=مابالوصل لو حصل باس مالي بكل البني شــــفوف=ألا أنت يازاهي الألبـاس يالعين لاتستخيلي بارق زلك = ياصار للغير مصيافه ومـربـــاعه يلاع قلبي الى شاهدت دمع لك=كما يلوع الوضيحي رامي لاعه لدي لمن هو على الشدات صاف لك= الي شكن الغوايش صكت ذراعــــه عين وخــــــــــــد وعنق بارزات لك= ونهــــــود ماكسرت للثوب شلاعـــه وردوف مثل الزوامــــي يوم يزمن لك= ودوينة في بحر ماقيس له قاعـــــه يابنت ياللي جديــــــد اللبس زاه لك=داوي عليل نحل من كثرت أوجاعـــه عطيه بالوجـــه دام إنك على حلك=لي زل عصر الصبا يابعد مرجاعـــــــــه ترى أصدق صديق للمرء كتمان سره= أصحا تبين ما يكنه حشاك وبالك تسامح من يرى العفو ذله=ها الوقت طول للكلاب عصاك موتك على عز ولوحي ما تدفن=سحم الضواري يمعطن شواك أعز من تبقى ذليل ساعة= بجوار نذل قاصر يدهاك بـنـي تمـيـم منزحـيـن الخصيم " " يقوله اللي ماكذب فى كلامـه ان كانها بالمفخره من قديـــم " " مناب ذيل المجد حنا سنامــــه فان كانها بالظيم حنا نظيـــم " " ون كانها بالدين حنا ازمامـــه ون كان صار من القبايل زعيم " " ياما او يا ما صار فينا زعامـه كم سيد ساد الخلايق تميــــــم " " ولنا الردافه لين يوم القيامــه مقامنا عند العارب عظيــــــــم " " فرساننا قبل الهلالي او عامه ورماحنا لازرجن بالعديـــــــــم " " مظهارهن يشدي لريع الثمامه نودع ضنا من يحتقرنا يتيـــــم " " شيال حمل الزوم حنا اكعامـه خطوا الولد يعجبك كالحر لا انضف=مجرّب لا هدّ يدمي الكفوفي ماهوب هرجه بالمحافل مصنف=وإليا هرج عرّاف ما هو زهوفي ياديب لا تغتر في بعض الازوال =بعض العرب ياديب ما من تكانه ربعك تميم اللي لهم دسم الافعال=الخاين البّوار ربعك عرانه من حال عقال وفي حال جهال=فيهم على راع المتانه متانه امفضخة يا ديب لعيون الافيال=انشد جموع الفرس وانشد ايرانه ويا ما ويا ما من جديدات واسمال = لا عن صياد الفوارس حصانه وسلّم على من سكن في ذيك الاطلال = أجا وسلمى اللي باهلها مصانه بني تميم وشمّر الشم الابطال = واولا د عبس اهل الظفر والزانه اللي سكن حايل جبلها والاسهال = ترى السلام لمن بها معك أمانه من كان نزال ومن كان رحّال = والكل منهـــم باخنينه بخـــــــانه البارحة من همومـي ضايـق صـدري=في ها الحياة الشقيـة هاجسـي حـار دنيـا بهـا كـل حـي ماشـي عبـري=الرابح اللـي سلـم فيهـا مـن العـاري يلومنـي مستريـح غـافـي هــدري=من خلقته غـوج لا شيـور ولا شـار صبرت لين اقتصيـت وطـول الصبـر=أقـول كـود الفلـك بالصبـر يـنـدار لي مت ما احد مساعدني وانـا بقبـري=ما ينفع الهرج لى منه جـرى الجـار في عالـي الرجـم دايـم كننـي سبـر=ينساح بالي إلـى منـه عـوى ضـار لي عادة مثل غيري مـا احمـل الكبـر=وادمح خطا الجار ما غثى على جـار أمشي متـر بالوفـا للـي مشـى فتـر=بالضيـق للـي صفـا مانيـب بــوار ليا شاخ فـي حـي دار قاصـر الشبـر=بدلـت دار الجـفـا والــذل بـديـار يا الله يـا رب يـا خـلاق يـا مبـري=يا منزل الغيـث يـا رزاق يـا بـار يا واحد ما لأحـد فـي دبرتـك خشـر=يا معيـش بالعـش مختلفـات الاطيـار تبـري عليـل وطتـه سنينهـا الغبـر=ما تنعـرف علتـه لـو حـط منظـار للي ردي لو قريـب جـد مـن يشـري=نبيع برخيـص يـا سـوام يـا شـار ترى العـرب قيظوايـا كابـع البـدري=اشتر ثياب الستر وانستـر يـا عـار يا خوخ ياتيـن يـا رمـان يـا سـدر=شرع على مـا قـراح غـب الأمطـار احرص على زمركم يا راعـي الزمـر=سحم الضواري ضوت والذيـب غـدار يا محارب المرجلـة يـا ميـت الذكـر=مالـك دلالٍ تراكـى صفـر بـوجـار درب المراجل على راعى الـردا عسـر=مـا يمتهنهـا سـوى الوافيـن الأخيـار لا يفرسنـك ذيابـة نجـد يـا وبـري=دور عـن ديـار وافيـن الشـبـر دارِ لى هاج موج البحـر لا تقـرب البحـر=قوع البحر فيـه حـوت وفيـه محـار أحد صعـد فـوق واحـد دون منحـدر=لابـد مـن عقـب المسنـاد مـحـدار مـا همنـي خايـع متـهـور دهــر=على الخلايـق ضعيـف العقـل زمـار دايم مع البيض باقصـى البيـت منثبـر=وان فاض للسـوق جيبـه مابـه زرار أبـا حقـب يـدرج شـره يبـا الوكـر=والوكرفوقـه نـداوي حــر غـيـار يا ماكر البوم وش بك تحسبـك صقـر=ما ينقلـك فـي ليـال القنـص صقـار يـوم الجنايـز لهـا بالمعركـة نطـري=وانتـم تـرى بيـن حمـار وبـقـاري تفكري وابصري وافهمـي يـا هكـري=حتـى تعرفيـن ميـرادي ومصـدار يعرف عريب البدو ومعـرب الحضـر=ما فيـه قصـر بـلا مدخـل ومظهـار يا ساري الليل جنـح الليـل لا تسـري=راعى المساري يتيه الدرب يـا سـار كم ضارب للمهالـك مـا درى غـدري=صاحي ترى الوقت لو لـك زان غـرار ياما هلـك بـه رجـال بالقسـا تـذري=على نصايـب مقابرهـم ذرى الـذار انشد عن سنين حجر وش جرى لحجـر=عن عرشه ملكه سريـع زالـه الـزار امداري الناس شاب الراس مـا تجـري=كثر المدارى يعيب الرجـل يـا مـدار عنز على اللـي لعبـده يكتـب الأجـر=بمـزارع الزيـف لا تغريـك الأزهـار يا ثقل حملي بها الدنيـا ويـا صبـري=عز الله انـي علـى الشطـات صبـار أسهـر واسمـار نجـوم بالسمـا زهـر=ودمـوع عينـي كمـا همـال مـدرار أنحب نحيب الصويب مديب مـن كسـر=مـا ينوجـد للكسـر بالديـن جـبـار ينام خـال الهمـوم آمـن وأنـا سهـر=يحرم على المنام إلـى طـرى طـار الى نشدني غشيـم قلـت لـه مـا ادري=أقـو للمشتبـه مـا ادري وانــا دار واجد بها الوقـت مثـل الـدب منحشـر=كرسي موظف إلـى مـن ديـر ينـدار نـاس يغـارون مـن خسـار بالعسـر=لعـل ينـزل علـى واديهـم اعصـار وينجي عريـب بـداره قاصـره فجـر=آراذي ثلـث سقـط وثـلـث مـكـار عند الكـلاب الجعـارا عـارف قـدري=مطـول للعصـا فـي سـر وجـهـار لو مسكني بالمعـزه فـي خـلا بخـدر=أحسن ولا قصرة اللـي سلكهـم عـار أسـأل بكـل المعانـي واحـد خبـري=سـاس الـردا لـو تكـا لابـد ينهـار من شيل حمـل العناكنـي علـى جمـر=صدري من الضيق كنه فـوق مجمـار لعل عقب العسـر يـا خالقـي يسـري=يا فـارج الكـرب يـا محـاي الأوزار يا مجري الكون يـا داري بمـا يجـري=يا مدير الافـلاك يـا عـلام الاسـرار هيهات هيهات لـو يرجـع لنـا عصـر=عصر مضى يفرق الصافي من الصار أفطن لساس القصر يـا سكـان القصـر=ترى المراجـل ماهيـب أسـوار وأدوار غناتـي بعـز نفسـي تبـعـد الفـقـر=أتاجـر بعـزهـا وأفــوز وأمــار من شرب صافي لزوم يشـرب الكـدر=يـا شـارب نقـع مـدرار لجـا بغـار كـم حلـة شيـدت وابطابهـا الوطـر=طوق علـى رجالهـا فرسـان ومهـار من فجر لين العصر يجزر بهـم جـزر=بالسيـف والحضرمـيـه وأم شنـكـار راحت دماهم ومـن غـرر بهـم هـدر=إلى استدارت رغـا مـن كـان هـدار عقب الرخا كنهم فـي ساعـة الحشـر=ياشيـن عقـب المعـزه ذل الأحــرار ما ينجلي ضيـم عمـن ضيـم بالهـذر=إلا بمـتـر حـنـي للظـهـر بـتـار شر يعدل ميـل مـن كـان بـه زمـر=من كف قرم إلى من صـار مـا صـار معـرب ساطـي لـه بالظفـر شطـر=مـن لابـة باللقـا ترخـص بالاعمـار بيض صفحاتهـم توضـي كمـا البـدر=تعـرف تواريخهـم سكـان الامصـار ليا صار لك عزوة تزجـر بهـم زجـر=لي قيل يا اهـل العوايـد والدخـن ثـار واللـي حيـاة تقصـر طايـل العـمـر=يهـدد ذيابـهـا طلـيـان مخـضـار يـا عـادل يملهـا يـا والـي الأمــر=يسر لنا عـن طريـق الضيـق معبـار يا ابو جعود ضفت فـوق المتـن شقـر=يا غصن مـوز تثنـي فـوق الأشجـار يا قايد الريـم يـا جـذاب يـا عفـري=حكمك على اهل الهوى يا جاير اجبـار حسيبـك الله يـا غـرو نـوى هجـري=شيـب براسـي وفتـح فـي الانظـار كم هي نجوم الحيا يـا زيـد يـا عمـر=تلاشـت الماشيـه مـن كثـر الأدهـار تغيرت حال وافى البـاع عـن خبـري=يا طيـر وده خبـر واجنـي بالاخبـار أنـاس شفاتـي عريـب اجعلـه ذخـر=ما همنـي دق عـود وصـوت مزمـار لى نام غيـري عيونـي نومهـا نـزر=دايـم علـى وجنتينـي دمعهـا جـار حالي كمـا عـود ثـن يابـس مبـري=بالموس باريـه بسنيـن المحـل بـار امشطـر مثـل عـود طايـح جـدري=يومي بقلع المـدى لـي شـاف مـرار وإلا غريـر بلجـات البحـر دجــري=وقع بجنـح الدجـى والسفـن عبـار وين انت يا خضر وينك يا حسن بصري=من هو قبيلي إلى من حـارت أفكـار يبصـر ببيـر لتجديـد القشـر حـفـر=انشر عن الـذل قبـل الـذل منشـار الحـمـد لله والتعـظـيـم والـشـكـر=هبت هبايب صحـاري نجـد يـا ذار لا والـذي نـزل الاعـراف والعصـر=أني فلا اقصد يمـوم الجـدي ومبـار من شانت بطانتـه مـا ينغبـط عثـري=قصـاص الاثـار يقتـصـه بـالاثـار يا جالبين التمر فـي عاصمـة هجـري=ما احد عرف من عربكم ويش الاسعـار نـادى المـدوه لــذود وارد عـفـري=واهتـال جـذاب دلـو الـورد واحتـار وارزت على الحوض ترزوم وجبة الظهر=الجـل صـارت يميـن ودقهـا يسـار معهـا عشايـر همـل حشوانهـا قشـر=لهـا مـن العـام يــا سـتـار دوار داجت وراجت وهجـت وانتـوت فجـر=اللي لهـا حـوار واللـي مالهـا حـوار يـا بـو عيـون هدبـهـا iiســود لا تـذبــح الـنــاس بعـيـونـك تذبـح بنجـل وبـيـض خــدود عجـزت اوصفـك وش iiلونـك الراس فوق المتـن iiمرجـود واللـون مثـل القـمـر iiلـونـك والله مـا عـن لقـاك iiصــدود لا جيت تمشي على هونك يـا زيـن يـا خـيـرة iiالمـاجـود بـعـض الـخـلايـق يـفـدونـك يـــا عـيــد لا عـــاد رجـمــك يــــوم iiمـريـتــه ذكـــر عــلــى الـحـبـيـب ســمــح iiالاقــبــال الـزيـن فــي بـيــت ســـاره جـــا ولا iiجـيـتـه وانــــا غـشـيــم وهــــو مــدهــون جـــــدان يـــا ليـتـنـي يـــوم شـفــت الـزيــن iiحبـيـتـه ولـويــت شـقــر الـذوايــب فـــوق iiذرعـانــي مــرت بــي الهـجـن عـجــلات عـلــى iiبـيـتـه ولا تــعــذر لـطــيــف الـــــروح iiواسـقــانــي حــارت بـــي الـرجــل يـــوم انـــي تعـديـتـه لـيــت الحـبـيـب عـلــى الـعـيـرات خــاونــي جيـت الغضـي جـالـس يــا عـيـد فــي بيـتـه في الشمس يقضي الفرض ما فوقه iiظـلال وبـــردن بـشـتـي ثـلـيـل الـــراس غـطـيـتـه من خوفي الشمس تصطي في هوى بالي سـايـل عــن الـبـاب وقـلـت الـبـاب iiصكـيـتـه مـــار ارجـهــن لا تـــروع يـــا بـعــد iiحــالــي عدي على الرجم يا رجلي الـيــوم لـلـرجـم iiمـحـتــاج ماغيـر يارجـلـي iiاهجـلـي من هاجس بالحشا iiلاجي القـرم يمشـي بهـا iiخجـل شـيـخ بـهــا كـــل هـلـبـاج يـا ليـل مـا تنجلـي iiعـجـل انجـل عــن الصـبـح ينـبـاج ياراعـي المـركـب iiالعـجـل لا تـنـطـح الـمــوج لاهـــاج الي امحلـت ديرتـك iiعجـل يـرعـى دبشـكـم بــلا بــاج ليا دك بي هاجوس شبيت ضوي=.وحمست بن فوق جمر غضاوي بـريــة ماحــافــهـــا كــل بــــــوي =دلالها يبــــــري لــهــا نجر ماوي والـى لـفونـي قـاطعـة كل دوي=صفيت ماها ماطبخت الثنــاوي حنــا الذي للـشـاذلـيه نــسـوي=اليا لوبدوا امنومين الــضحــاوي وان هب نسناس الهبوب الشتوي = غربية تشوي وجيه الشــواوي كثرت فيها الهــيل يشهد عدوي= الالف عندي والريال متــســاوي والمرجــله كل بفـعلـه يــنـــوي= لاكـنـــها تكلف قــريب الـــهقــاوي تبغي عريب مالوجـهـه يـــلــوي=قـرم عـلـى عــرضـه وسمته يلاوي حلـحيل للسيـف المهند يروي= من لابة تعرف نهــار الـعزاوي ياتل قلبي مـن وثيـق المعاليـق=لاشفـت عـد فاختـوه النزولـي عـد يربونـه رجـال مطاليـق=ياجاهـل فيهـم تراهـم سهولـى رجالهـم يحـرق البـن تحريـق=يفرح به الطرقي وراعي الذلولـي يامخرجو من مستصيب من الضيق=تشهد بها السلفان من قبـل قولـي يوم البخيل انـوق المـال تنويـق=يعطـون عانيهـم ثنـي وحولـي رمايتن للشيخ مـع فكـة الريـق=لاصبحوهم مـع جميـع الخلولـي يرعون من حد السواحل الى طويق=يرعونهـا شبانهـم والكهـولـي مني وانا منهـم ولافـي تبريـق=افزعلهم وان جت علـي فزعولـي يغلونـا وانـا عليهـم مشافـيـق=ياجاهـل فيهـم تراهـم سهولـي جريت لي بالرجم ونه = في مهـمه خالـي لحالي رجـم علـى عالي الـقنه = للـحـر باعـلاه مــدهـال سحم الضواري يربنه = واللي حداه اشهب اللال من سمع صوت يجرنه= يـعـاف نـومـه ويـهـتال حالي كما مطوي الشنه = كـثر الغـثا ميـبس حالي القلـب له بالحــشـا حـنـه = بيـن الـمهـاديـف يجتـال دايـم شـطـــونـه يـتـلـنــه = لا واهـنـي سـايـح البـال مـافــيـــه شــك ولامـنـه = اـلوقــت لــوزان مـيــال خيـلـه تـطـارد بلا عنـه = بـسـروجـهـا كـل خـيـال من مات موت علىالسنه= يرضى بما دبر الوالي يازمان البلاوي من بلاويـك شبنـا=من بلاويك شبنا يا زمـان البـلاوي إن سكتنا مرضنا وإن هرجنا نشبنـا=في أعللنا من البلوى يحيـر المـداوي صار دانا ومسموم الدوا مـن عربنـا=افحص الدا وبرّق بالدوا يا الرخـاوي من يعالج جربنا قبل يعـدي جربنـا=في بعضنا جرب حقدٍ وحسد وشهاوي إن صفّن القلوب وطوع العي طبنـا=الحساني تراهـن يذهبـن المسـاوي كل ما قلت من عـدِّ قـراحِ قربنـا=حال من بيننا والعد وحل ومـلاوي يبست ارياقنا من بيرنـا مـا شربنـا=والعدود البعيده دونها الذيب عـاوي ياناس خلوني على فالـي أصيـح=الوصل يحيي الروح والهجر ذباح والله لولا قولـة صـاح لصيـح=صيحة طريحٍ طاح مطروح برماح وإلا غلام ٍ ضف شقـح اشليويـح=عقب العصير شوي قفا بها وراح دلى ايطوح بالأصاويـت تطويـح=أو روح أيصيح غاير الدم منجـاح والا المشرف فوق روس اللحاليح=قبل غروب الشمس تدريق أوطاح مابه عزازيـبٍ ولابـه سراريـح=الا قميريٍ علـى الـدوح نـواح أصبح يقذح غرهد المـر تقذيـح=واعظاه كل اجروحها ريحها فـاح من شي يجرح ثومة القلب تجريح=اسباب من خده كمـا بـارقٍ لاح الله جعل لبـواب رزقـه مفاتيـح=يابـو نهـودٍ كنهـا طلـع تفـاح ياغصن موز غض تومي به الريح=الله يجيرك من نسانيس الأريـاح أسهر الى انحن النجـوم المدابيـح=اللي تولع فيـك ماهـوب مرتـاح سبعة عشر عامٍ وأنا أقوم وأطيـح=مثل محدودٍ ثـوروا فيـه بسـلاح والله منتا ياريش العيـن بشحيـح=لاشح في ماشح بـه كـل شحـاح (تجميع ولايزال التجميع مستمراً) |
وهنا سأضع مطلع كل قصيدة ورابطها من شعر الطائر المهاجر في تميم والموجوده بديوانه بهذا الموقع
ارعدي وابرقي ثـم امطـري ياسحابـه=وين شئتي .. نتاجك في تميم محسـوب [url]http://www.fatahilah.com/showthread.php?t=2659[/url] الا ياطير يمهاجر رفض ذل القيـود وطـار=يغنّي بالفخر مجدٍ تميمـيٍ تطـرب لحونـه [url]http://www.fatahilah.com/showthread.php?t=4195[/url] التميمي لا زعل شـيٍّ عظيـم=تزعل لأجله ثراهـا والسحـاب [url]http://www.fatahilah.com/showthread.php?t=4192[/url] التميمي لا غضب بركـان ثايـر=بالحمم تقـذف شمالـه واليميـن [url]http://www.fatahilah.com/showthread.php?t=4196[/url] الجهات اربع بكونٍ مـا ابدعـه=خلقة اللي في مخاليقـه حكيـم [url]http://www.fatahilah.com/showthread.php?t=4197[/url] الشكـر لـك لله رحمـنٍ رحـيـم=منشـي الإنسـان باحوالـه عليـم [url]http://www.fatahilah.com/showthread.php?t=4202[/url] باسم اللذي بالكون دبّـر وصـرّف=اللـي خلقنـا ثـم امرنـا نتعـرّف [url]http://www.fatahilah.com/showthread.php?t=4198[/url] تميمي وفتخر باصلي ولانـي بالفخـر مغـرور=ما دام إنّا كتبنـا فـي الزمـن آثـار محفـوره [url]http://www.fatahilah.com/showthread.php?t=5291[/url] تميمـي ويـن مـا امشـي عزيـز ورافـع لـلـراس=رصيدي فـي الحضـاره واضـحٍ والمجـد مـن دونـه [url]http://www.fatahilah.com/showthread.php?t=4189[/url] قالت من انت من العرب يالمهاجـر=بالعون شعرك فيه من كل الالـوان [url]http://www.fatahilah.com/showthread.php?t=4194[/url] لابتي بالفخر مـن أصلـه تميمـي=في الرخا ظلي ودرعي في الحروب [url]http://www.fatahilah.com/showthread.php?t=4199[/url] لا من نويتَ بالكـرم والشجاعـه=فانص التميمي لو تطول المسافات [url]http://www.fatahilah.com/showthread.php?t=4200[/url] لو سألت الشط وامـواج البحـر=ولو سألت الصخر في شم الجبال [url]http://www.fatahilah.com/showthread.php?t=3575[/url] يقولون التميمي ما يضيـق وخاطـره مرتـاح=تحضّر من بعـد ذيـك البـداوه وانتهـى دوره [url]http://www.fatahilah.com/showthread.php?t=4190[/url] |
شكرا مشرفنا
جهد رائع ومشاركات جميله وننظر الشاعر عبدالله بن صقيه أمد الله في عمره ومتعه بالصحة والعافية دمت بخير |
والنعم في بني تميم كلها
|
موضوع جميل
ولاهنت يالطيب ومثل ماقال د.عثمان العبدالله بأنه لايمكن حصرهم بهذا الموضوع بالنسبه للقصيده حنا القرايا والمعاني لها اثمان _______________ والعيب باللي ماذكر له قرايا هي ليست لشاعر القبيله ابن صقيه أطال الله بعمره بل هي للدكتور عبدالرحمن الفريح .. الملقب بـ (صياد الفوارس) ويعطيكم العافية |
الفارس الامير / محمد بن عبدالعزيز ال ماضي
[IMG]http://www.l22l.com/l22l-up-4/e08acf5cce.jpg[/IMG]
نسبه هو / محمد بن عبدالعزيز ال ماضي المزروعي العمروي التميمي أمر جلالة الملك عبدالعزيز رحمة الله عليه بتعيينه أميراً بعد أخيه جاسر سنة 1333 هجري فقام بالعمل وهو لم يتجاوز الخمسة عشر سنة من العمر ولكن كانت علائم الذكاء والنجابة تبدو عليه من صغره ... ولا يتخلف عن الغزو وكان ذا جرأة وشجاعة وفصاحة ومكارم أخلاق جمة وله مواقف حميدة وآراء سديدة . . له اتصال خاص بصاحب السمو الملكي الأمير محمد بن عبدالعزيز بن عبدالرحمن آل فيصل ويحتل عنده مكانة عالية لما له من رأي سديد مع حسن المعاشرة التي يمتاز بها رحمه الله .. وفي سنة 1352 هجري صدر الأمر الملكي بتعيينه أميراً على مقاطعة ضبا في المنطقة الشمالية الغربية من هذه المملكة .. وفي سنة 1354هجري نقل من امارة ضبا إلى امارة القنفذة .. وفي سنة 1355 نقل من القنفذة إلى جازان وهي المقاطعة الكبيرة المشهورة في الجزء الجنوبي الغربي من المملكة العربية السعودية ... وفي ذي الحجه سنة 1358 هجري نقل من إمارة جازان إلى مقاطعة الظهران من المنطقة الشرقية فقام في خلال هذه التنقلات بما يلزم من الأعمال الإدارية خير قيام ونال سمعة طيبة ... وفي سنة 1364 صدر الأمر الملكي بإقالته من الوظيفة بناء على طلبه بسبب مرض عضال أقعده عن العمل فمكث في الروضة مدة يعاني أمراضاً شديدة ثم سافر إلى لبنان للمعالجة هناك على حساب الحكومة وذلك في جمادى الثانية سنة 1370 ومكث في لبنان ثم توفاه الله في شهر رجب سنة 1372 هجري رحمه الله وله من الأولاد ثلاثة هم عبدالعزيز وعبدالله أمير الروضة حالياً وحمد ... __________________ الكاتب خالد بن محمد جزاه الله كل خير |
اعلام من بلدة الخيس في سدير
السلام عليكم
واليوم بعد رايحه اجيب لكم بعد من اعلام بلدتي الحبيبه سدير اللي نفتخر فيهم وقد ذكر الخيس الشاعر حميدان الشويعر - رحمه الله - في قصيدته التي وصف فيها بعض بلدان سدير وأهلها فقال عن الخيس: والخيس بويليد مسقى ضبيبٍ لاجي له بوعره وجاء في الأمثال العامية قولهم: (مبادل جلاجل بالخيس مثل المحول من الدرجه) ولهذا المثل قصة تاريخية ويطلق على من استبدل الشيء الغالي والثمين بما هو أقل منه ثمناً وأهمية. وأبرز سكان الخيس في الماضي هم: آل هبدان وآل حديثه من بني العنبر بن عمرو بن تميم وآل حديثه المذكورين تفرع منهم: آل روساء في المجمعة وآل غديان في الزلفي، والمعروف أن آل حديثه منهم أمراء القارة سابقاً والذين من بقيتهم الآن آل نحيط أهل الحصون وحرمه. اسمه ونسبه: هو نافع بن عبد الرحمن بن هبدان من آل هبدان من آل جماز من بني العنبر بن عمرو بن تميم. وأسرة آل هبدان من الأسر القديمة في بلدة الخيس وتولوا إمارتها وكانوا قد نزحوا إليها من منطقة قارة سدير الواقعة جنوبي حوطة سدير اليوم حيث منطقة عشيرتهم آل جماز من بني العنبر بن عمرو بن تميم بل إن منطقة (القارة) هي مركز بني العنبر بن عمرو بن تميم منذ القدم. وقد جاء في حاشية كتبها الشيخ النسابة إبراهيم بن صالح بن عيسى (1270- 1343ه) - رحمه الله - على حوادث سنة 1103ه من تاريخ الشيخ أحمد بن محمد المنقور - رحمه الله - (1067- 1125ه) الذي بخط يده عند قوله: وفيها سطو آل جماز على الجنوبية وقتلة آل ابن غنام. إفادة عن آل جماز المذكورين والأسر التي تنتمي لهم حيث قال إبن عيسى معلقاً: آل جماز المذكورين منهم.. آل جماز أهل ملهم وآل هبدان أهل الخيس وآل رشيدان أهل الجنوبية كلهم من بني العنبر بن عمرو بن تميم. ومن هذه الإفادة يتضح لنا كما أسلفنا أن آل هبدان نزحوا من جنوبية سدير أو (القارة) إلى بلدة الخيس بعد تفرعهم عن آل جماز المذكورين بزمن لم تحدده المصادر التاريخية والشفوية والله أعلم. ومن الوثائق المهمة عن نسب آل هبدان والصلة بينهم وبين آل مانع وآل رشيدان أهل جنوبية سدير وثيقة كتبت في أواخر القرن الثالث عشر الهجري ورد فيها إفادة تروى عن أهل الخبرة في الأنساب من أهل الجنوبية وتفيد بأن جد آل هبدان وجد آل رشيدان وجد آل مانع الثلاثة اخوان وهذا نص ماجاء عن ذلك في الوثيقة: بسم الله الرحمن الرحيم من محمد بن عيسى بن قاسم إلى من يراه من علماء المسلمين بعد السلام عليكم ورحمة الله وبركاته أما بعد فالموجب إبلاغ السلام وغير ذلك سألني عبد العزيز بن رشيدان عن قرابته مع بن مانع فأجبته عما نقلته عن محمد بن مانع يقول عبدالله بن هبدان ورشيدان جد الرشيدان وجدنا يالمانع جميع الثلاثة اخوان هذا ما نقلته عن محمد بن مانع لفظه بلسانه يقينا لا إشكال فيه كتبه عن أمر ببن قاسم علي بن ناصر بن سند يبلغ الناظر له السلام. ومن أعلام أسرة آل هبدان في الماضي الأمير إبراهيم بن محمد بن هبدان - رحمه الله - الذي تولى إمارة الخيس في أوائل القرن الرابع عشر الهجري وكان علامة بالأنساب والأخبار روى عنه المؤرخ إبراهيم بن صالح بن عيسى - رحمه الله - في كتابات له عدد من الروايات والأنساب المتعلقة بكثير من الأسر في سدير وغيرها ومن تلك الروايات روايته عن نسب الفداغم والقويفل حيث جاء في مجموع ابن عيسى (ص 235) قوله: ذكر لي إبراهيم بن هبدان راعي الخيس أن فدغم وقويفل اخوان وانهم من آل أبو حسين أهل حوطة سدير من بني العنبر بن عمرو بن تميم. وكذلك روايته عن نشأة بلد الغاط وأوردها في مجموعه ،كما روى عنه عدة روايات وقفت عليها في أوراق متفرقة عن أنساب أسر من بني العنبر بشكل خاص وأيضاً عن أسر من قبائل أخرى في بلدان سدير. ولنا بإذن الله وقفات اخرى مع هؤلاء الابطال وغيرهم ......... اختكم شموووووووووووووووووخ ســــــــــــــــــــــــــــديـــــــــــــــــــــــــــــر |
قرأت بشغف
ولي عودة |
موضوع أكثر من رائع
مشكورة أختي شموخ على هالموضوع الهادف أهل عشيرة سيف ومنسف أوي رجال بهاك الظهرة |
مشكورة يامشرفنا على هالمعلومات الرائعة
لك أجمل التحيات |
الساعة الآن 07:52 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة