[b][center][size="5"]( 40 )
حاجة واضحة وزى الشمس
مش محتاجة نظر ولا همس
موافق ... مش موافق
الحرية دى كانت بالأمس
***** [/size][/center][/b]

قلبى قايد فيه النار
للى بيحصل ف الدار
قالوا نبنى أقوى جدار
صرخت لأهـ .. هاضرب بالنار
رائع ماتكتبه اخي الشاعر سامح
ورائع هذا الاحساس ا لصادق بالوطنيه
سلمت وسلم خاطرتك
تحياتي

*****

[size="5"][center][b]( 41 )
حبيتك يا حبيبتى ومش هاقدر أقولك
عشان انتى من سنى وأنا من سِنك
وبكره يجى اللى يشترى ويقدر
ويخطفك من كفى ويبعدنى عنك
***** [/b][/center][/size]

[b][center][size="5"]( 42 )

يامه تعالى شوفى حالى
وتعالى شوفى اللى جرالى
دا كل واحد من إخوانى
رافع عَلمه وبيقول وأنا مالى
***** [/size][/center][/b]

[b][center][size="5"]( 43 )

عشموها كتير بالحلق
وذاع النبأ ع الملأ
لا هِى فِرحة بودَنها
ولا هى دِخلت السبق
***** [/size][/center][/b]

[b][center][size="5"]( 44 )

سألتك بتحب .. ما جوبتنيش
طب رد .. أيوه .. مافيش
رسينى .. اسكت وأحب وأعيش
ولا أصد .. وابعد عنك .. ولا جيش
***** [/size][/center][/b]

[b][center][size="5"]( 45 )

شبابيك بيتنــا القديم كلها قديمة
ما بين الخرسانة والطوب ما هى سليمة
فكرت أشيلها بالشاكوش من مطرحها
جات ريح من الشمال بنسمة عليلة
***** [/size][/center][/b]

[b][center][size="5"]( 46 )

تصور إن الحامل والمحمول بقوا واحد
وإن العيل والراجل كمان صبحم واحد
لما يشيل الحامل المحمول بسهولة
ويأمره الراجل بضرب العيل المارد
***** [/size][/center][/b]

[b][center][size="5"]( 47 )

ما بين أربع حيطان بحيا وأموت كذا مرة
أنام مرة وأموت مرة وأعيش مرة ومرة
ولا عمرى فكرت فى بكره ولا اللى جاى
ولا كانت حياتى فى يوم أبداً مره
***** [/size][/center][/b]

[b][center][size="5"]( 48 )

تيجى نبتدى صفحة جديدة
ما احنا حياتنا
يا حياتى كلها صفحات
تيجى ننهى صفحة قديمة
ما احنا كتابنا
يا حياتى فيه غلطات
تيجى تهتدى وتكونى شريكة
دا احنا حياتنا
يا حياتى كلها درجات
***** [/size][/center][/b]

[b][center][size="5"]( 49 )

من زمان وأنا لسه بحلم
يجى بكره بألف عيد
يزرع جوانا ألف بذرة
تبدر سنابل ف كل إيد
نفرح ببكره وبعده
اللى مستنى لسه وليد
***** [/size][/center][/b]

[b][center][size="5"]( 50 )
مش من حقى ولا من حقك
افتح بقى ولا تفتح بقك
امشى براحة وجنب الحيط
وبص ف صورتك وصورة جدك
***** [/size][/center][/b]

[b][center][size="5"]( 51 )

عشت قصة حب وكتبت قصايد
فيها المتهنى والشقى والفريسة والصايد
فيها الشهيد والجبان والضعيف والمارد
الكل فى عذاب والكل جحود كايد
***** [/size][/center][/b]

[b][center][size="5"]( 52 )

ما بين نفس ونفس
آدينى عايش وبتنفس
وما بين سلوك عريانة
خايف لتتلمس
بمشى وأنا ف سكتى
شايف وبخَمِس
***** [/size][/center][/b]

[b][center][size="5"]( 53 )

كل البيبان المفتوحة اتقفلت
حتى الشبابيك المواربة اتحشمت
واتحجبت واتستت واتهننت
وف أوضه ضلمه اتربطت واتكممت
***** [/size][/center][/b]

[b][center][size="5"]( 54 )

ريان يا عرب ريان
طلقه من ده أو ده سيان
مادام بيصيب الهدف بنجاح
يبقى يستحق أعلى وسام ونيشان
***** [/size][/center][/b]

[b][center][size="5"]( 55 )

ضاعت منى خطوط الطول والعرض
واختفت ملامحى وأنا ع الأرض
وانعكست المراية واتبدلت الأرض
وصبحت واحد تانى بطول عرض
***** [/size][/center][/b]

[COLOR="DarkRed"]ياسلام عليك يااستاذ .. سامح ..
بجد رباعيات تجنن ..
ربنا يديك الصحه ياباشا ..
تحياتي لك و لاهل مصر الطيبين ..[/COLOR]