منتديات الفطاحله - ((فوضى كبيره))

[QUOTE=تركي علي القثامي;418573][poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

فاض الفضا كله قناوات واعلام = كلاً على كيفه مشغّل قناته
فوضى كبيره حطمت كل الأرقام=أمراً تخالط سيّته بحسناته
سيلً عرمرم طم واجتاح الآكام=يفجع هديره والخطر من نباته
أحدً هداه الله على نهج الأسلام=قدم حياته في رجاوي مماته
ينشر تعاليمه وتوضيح الاحكام=يحرص على الدين القويم وثباته
والذكر والنصح المتوّج بالالمام=وسنّة محمد والحديث ورواته
اللي لحب الخير جزّام عزّام=ياطيب حظ اللي يسوّي سواته
وأحدً ملا الدنيا سفاهات وخمام=ياشيب عينه يوم يجمع رفاته
أعدم عقول الناس جعله بالاعدام= هل يرتضي مايفعله في بنا ته
هد الفضيله هد لو شد الاهرام=وعمم على كل البشر منكراته
لم الرعاع وحاشهم مثل الاغنام=ودمّى لذيبه في عراقيب شاته
ويسوّق الخنزير مع صوت الانغام=بث الفواحش والعهر أمنياته
وثقافة الواوا وآهات مريام =وامجاد سي السيد وحنكة حماته
وستار اكاديمي مباديه وهشام=كاس الأنوثه فازبه عن خواته
يسعى على ترسيخ الافساد بالزام=ويحارب المولى بكل استماته
لكن صبراً والمواعيد قدام=أن ماتراجع قبل حزة وفاته
يشبع من الحسرات ويعضّ الابهام= ويلقى جزا ماقدمه في حياته
وأحدً مع العبّاد عبّاد الاصنام=أيسبّح بحمده ويلعق عباته
يرضى بما يلقاه من تحت الاقدام=وياكل تحت جزمة الهه فتاته
شيطان أخرس يبشر بنار ولجام= من بعد غط النور يلجم شفاته
عيناً تنام وعين للعم أبو سام =يخاف لايزعل وياكل شواته
وأحدً سواة الكلب نبّاح ظلاّم = ماكبّ واحد غير حنى حصاته
على العروض الطاهره سلّ الاقلام=بالتفرقه والبغض يومي لهاته
شغله يرش الورد في حقل الالغام= يعجبك لونه والبلا في نواته
وأحدً بسط كفه على كف حاخام=يمشي باساليبه ولازم وصاته
يحشد له التأييد عامً ورا عام=ويلطف الاجوا لمستعمراته
في نشرته موضوع غنّه بالادغام=ويفوح لحن القول من مفرداته
تشويش مع تخذيل مع أفك وايهام=ضرب الهدف يحتاج مستلزماته
وأحدً يحاول بالشبك صيد الانعام = من دمها يشرب ويجمع غناته
واقف يلوّح للضغاين بالاعلام=شرً تفرّق قان يجمع شتاته
سفيه يلعب مع سفيهين الاحلام=بالنار والبارود ومهاتراته
لو يدّعي ويقول موروثنا هام=كذاب واتحداه يثبت براته
الرأس ماليه ينابيع الاجرام=أن لم تكن بالفعل الاجرام ذاته
طاغوت للرحمه وللخير هدّام= ناح البحر والبر من موبقاته
ولقت لها من بعض الاعراب خدام=تكشف حقائق نيّته منجزاته
أمست مراكبنا على بحر طمطام= من صفق موجه ضاعت اربع جهاته
والتين والزيتون من ذات الاكمام=يشكي على الله من فعايل جناته
من موجدين المسغبه يوم الاطعام= حت الورق قدام وقت انحتاته
ماعشت والله ياهل العرف لوّام= واحلف برب البيت ماهي شماته
وعندي خبر في طبع سيّور الايام= مذكور فالمأثور زود انفلاته
ولاني على دورات الاحداث قوّام=لكن يأبى شعري الا التفاته
مع انتباهة قلب مع عصف الالهام=توافقت بين اليراع ودواته
قلباً يشوم عن السفاسف والاوهام = همّه كبير وتنطحه مقدراته
من باب أولى يوجب أنكار الاثام= ويرجي بها من عند ربه نجاته[/poem][/QUOTE]

[frame="3 60"][color=#FF1493][size=5]
السلام عليكم ...
العزيز الفاضل / تركي القثامي
سلم قلبك وغاليك وجاد بيانك
ومع الأسف هذي حالنا الآن
تقبل حضوري وتواضع مروري
فيض ودي وتقديري يالغلا
محمد بن عما ر[/size][/color][/frame]