|
أوخيتي وأستاذتي الفاضلة //الأمل <<<<<أسمك يسعدني يحسسني بشيء حلو مدري وشو؟؟!!
جوابك : أولاً : أن الرجل كان في الماضي يمثل للمرأة كل شيء ويصدق عليه كلامك الآنف الذكر ولكن .... في الوقت الحاضر الذي أصبحت المرأة مستقلة في كل شيء ولم يبقى لها في الرجل من حاجة سوى العاطفة فكيف تموت بدونه ؟؟ والرجل مثلها وأصبحت مساوية له ,, إذاً فالعلاقة أصبحت عاطفية تبادليه فهما في كل ماينتج عن هذه العلاقة سواء في الجرح وفي الألم,, وصدقيني أنني حكمت هلى رأيك ورميت بالحكم لأني أعرف أنك لن تستريحي حتى تأخذي مني جواب عنه ولهذا حاولت أن أدفعك لحوارنا هذا ولكن يجب أن ترعفي أنك حكمت قبل أن أحكم أن غدر الرجل أعظم مع أن العلاقة كما أشرت علاقة تبادلية عاطفيه فهم يشتركون في نسبة الألم نظراً لحيثيات بناء العلاقة على القاعدة السابقة وبالتالي فالغدر هو الغدر سواء من الرجل أو المرأة بما يسبب من ألم وجرح غائر ,,, وشكراً =============== ماذكرته أعلاه لايعدو كونه مجرد رأي لي قابل للخطأ والإصابة بل وربما التراجع عنه أن توصلنا لقول أحس أنه أصح من هذا القول لأن الحق أحق أن يتبع :) |
[COLOR="SeaGreen"][SIZE="4"]سييدي الفاضل ...
الرجل هوالرجل في كل زمان ومكان وحواءستظل حواء أينما ولت وتولت ،احتياج المرأة للرجل لايمكن أن تلغيه النظم الحديثة ولا التغيرات المستمرة ،أنا سأظل كما أنا وأنت كما أنت ... أليس الله يقول في محكم كتابه((الرجال قوامون على النساء ...الخ الآية)وبالآية تفصيل لماهية التفضيل وأسبابه وماهية القوامة ؛تلك التي شرعها الله من الرجل للمرأة في كل العصور ولم يقيدها بزمن دون زمن ،،، فلازال الرجل يفضل المرأة فيما أقره الشرع وثبت في القرآن ولازالت المرأة تحتاج للقوامة وترغبها بل تنادي بها ،كيف لا وبالقوامة توقيع للأنوثة ... يا آدم ... هل تغيرت حقوقك على مرالعصوروالأزمنة ؟وهل تطورت واجباتك وتبدلت!!! ماسبق يعبر عن رأي حواء (اللي هي أنا )فالرجل لايمكن بعبارات ولاحتى قواميس اختصار مايشكل ومايكون ،،،...........يتبع بعد مداخلتك ،فعبر مشكورا[/SIZE][/COLOR] |
أوخيتي الأمل
كلامك صحيح لكن أليس للواقع تأثير البته أنا أسألك فأنا لم أجرب الحياة بجانب أمرأة لأحكم حكم دقيق عليها من قرب ولكن... الكلام الذي بدأ نقاشنا هو الغدر وذلك الغدر أنا أسأل نفسي هذا السؤال هل لو غدرت بي أمرأة هل سأتألم أقول نعم وهي إذا غدر بها ستتألم وهذا واقع ولكم أن تنتهي الحياة فلا,,, المرأة لاينكر حاجة الرجل لها وحاجتها له إلا رجل لا يعرف القرآن ولا السنة ولا حتى ماتوصل له العلم الحديث في الطب النفسي أو غيره ولكن نقاشنا هو على مسألة الغدر وقلت رأيي فيه وليس هذا الرأي تبرير لغدر الرجل أو دفاع عنه لا والله فلست بمن يدافع عن الظلم أي كان ولكن هذا الكلام من واقع حياة رأيته ,, ومازلت أقول وسأظل أقول أن الرجل بحاجة المرأة والمرأة بحاجة الرجل ,,, ولكن ربما يكون الألم زائد عند المرأة وذلك لايعود لأن الرجل غدره أشنع بقدر أن الله خلق المرأة بعاطفة جياشة تسبق عقلها وخلق الرجل بعاطفة أيضاً ولكن السبق لعقله,,, أوخيتي كلامك صحيح ولكن يجب أن لا نحمل الرجل الوزر الأعظم مع علمي أن هناك من يستحق تحميله ذلك ولكن يجب أن لا نعمم في أي حكم خصوصاً حكم مثل هذا ,, وسأقول لك أن الذي دعاني للرد بذلك الرد كان صدمتي بقوة الرد لأني أعلم من نفسي الوفاء وأعلم منها أني لايمكن أن أؤذي أحداً بمثل خلق الغدر ومادمت كذلك فأنا متأكد أن كثير من الرجال رأيه مثل رأيي ولهذا قلت الذي قلته ,, أترك الميكروفون لمراسلتنا الفطحولية الأمل لتتابع الحديث... |
[COLOR="RoyalBlue"][SIZE="4"]اختلفنا في مسألة القوامة وتغيرمفهومها في زماننا ،لذا توجب علي أن أوضح لك رأيي فيها والذي بنيت عليه رأيي الذي أزعجك وكدرني .....
اذا اتفقنا أن الرجل قوام على تلك الضعيفة والتي سيكون لها مالايمكن حصره فهوسندهاوالقائم على شؤونها كلها بما هيأه الله له وبما حواه قلبه من حنان وود يسبغه على زوجته فمؤكد حين يوجه طعنة غادرة لها ستتهاوى فكلها قد انتهى !!! هذا القوام عليها وبرغم ماستشكله له من معاني ،حين تغدر به ،سيتألم مافي ذلك شك وسيجرح وبعمق ولكنه سينهض وبسهولة فهورجل وقلبه ليس كل مافيه وهي وان أخلص لها ووفى فلن يعدو غدرها به من وجهة نظره الا جرح ستدمله أنثى قادمة ... ------------------- صدقني لا أعمم فالتعميم حيلة أنصاف المتعلمين انما هذا رأيي ورأي نساء مثلي كثيرات ؛الرجل لهن حيـــاة بأكملها ،،،أما حواء المسترجلة والتي ترى قوامة الرجل في مال ينفقه فقط دون أن تعي معنى القوامة الحقيقي_ كما أنزله الله في كتابه _والتي استغنت بمالها عن الرجل واحتياجها له ،فلست أعنيها ولاتهمني ؛وحتما تلك لها نظرة أخرى في الخيانة ...[/SIZE][/COLOR] |
[quote]صدقني لا أعمم فالتعميم حيلة أنصاف المتعلمين انما هذا رأيي ورأي نساء مثلي كثيرات ؛الرجل لهن حيـــاة بأكملها ،،،أما حواء المسترجلة والتي ترى قوامة الرجل في مال ينفقه فقط دون أن تعي معنى القوامة الحقيقي_ كما أنزله الله في كتابه _والتي استغنت بمالها عن الرجل واحتياجها له ،فلست أعنيها ولاتهمني ؛وحتما تلك لها نظرة أخرى في الخيانة ...[/quote]
ليش يعجبني رأيك :) بيض الله وجهك ماأجمل المرأة إذا امتلكت الأدب والثقافة :) [quote]اختلفنا في مسألة القوامة وتغيرمفهومها في زماننا ،لذا توجب علي أن أوضح لك رأيي فيها والذي بنيت عليه رأيي الذي أزعجك وكدرني ..... اذا اتفقنا أن الرجل قوام على تلك الضعيفة والتي سيكون لها مالايمكن حصره فهوسندهاوالقائم على شؤونها كلها بما هيأه الله له وبما حواه قلبه من حنان وود يسبغه على زوجته فمؤكد حين يوجه طعنة غادرة لها ستتهاوى فكلها قد انتهى !!! هذا القوام عليها وبرغم ماستشكله له من معاني ،حين تغدر به ،سيتألم مافي ذلك شك وسيجرح وبعمق ولكنه سينهض وبسهولة فهورجل وقلبه ليس كل مافيه وهي وان أخلص لها ووفى فلن يعدو غدرها به من وجهة نظره الا جرح ستدمله أنثى قادمة ..[/quote] أسمعي إذاً نحن نتفق على هذا الذي اقتبسته في الأعلى :) وسأخرج الآن لأنام قبل الفجر قليلاً حيث لدي دوام غداً وأريد أن أستريح قبل الأذان :) ولكن على وعد أن نرجع غداً لإكمال حديثنا إن كان مازال لديك تساؤلات أخرى فنضع هنا كل مايدور لدينا من أراء حول هذه المسألة أو غيرها,,, ======================== صدقيني أني في غاية السعادة بهذا النقاش البناء بل سعدت بأن أناقش عقلية نابغة وفكر راقي مثل فكرك ,, أخوك : ذيب السنافي |
[COLOR="DarkGreen"][SIZE="4"]بل سعدت أنا بمحاورة رجل مختلف كذيب ،،،
منام العافية أيها الطيب ،وغدا بحول الله لنا لقاء واستكمال للحوار[/SIZE][/COLOR] |
اوفيتو وكفيتو ولكن لكل شخص نظره وعنوان وماتراه صائبا غيرك يراه خاطئاً ضع هذا نصب عينيك وامش نحو هدفك مستعينا بدينك وخبرتك في الحياه وحاول ان لاتشد الحبل او ترخيه وتضمن الحقوق لاهلها تنجح في مرادك ومبتغاك
هكذا علمتني بعض تجارب الحياه :D والباقي لاتعليق ..:rolleyes: |
[SIZE="3"][COLOR="Red"]يبدو أن صاحب الموضوع هومن طلبناه للحوار والبقية فقط يكتفون بالفرجة
--------------------------------------- شكرا لك أخي / ذيب وشكرا لمن قاطع وتطفل..[/COLOR][/SIZE] |
طالما الموضوع في الفكاهة والسوالف ، فقد نرى بعض المفردات ، التي ينبغي
النظر لها من هذه الزاوية .. اما مواضيع الحوار الجاد ، فلها مكانها الخاص بها .. |
كلام أبو عبدالله صحيح في الفكاهه والسوالف ويجب أن نحتمل الكلام هنا:)
أما بالنسبة للنقاش نكمله متى ما أردتي |
عذرا من الجميع ...
ربما أخطأت الدخول هنا ولكن!!! لاأرى أي عبارة فكاهية في رد من رد على الحوار ،،،، ومع هذا أعتذر لدخولي ولن أجازف مرة أخرى...[b][/b] |
لذلك ينقل الحوار إلى منتدى الحوار ، والله يقويكم
|
[quote]عذرا من الجميع ...
ربما أخطأت الدخول هنا ولكن!!! لاأرى أي عبارة فكاهية في رد من رد على الحوار ،،،، ومع هذا أعتذر لدخولي ولن أجازف مرة أخرى[/quote] لا المسألة والمقصود منها أنه حرام نقاش جيد مثل النقاش الي حصل بينا يوضع هنا في قسم الفكاهه والسوالف بل يجب أن يوضع في مكانه الصحيح والحقيقي الذي يستحقه وأنا أرى أن نضع مائدة حوار في منتدى الحوار ونبدأ النقاش ونضع له قانون أن أي شخص يبي يشارك عليه أن ينتظر حتى أنتهاء النقاش ثم يطرح مالديه فما رأيك ...؟؟ |
أنا من طلب الحوار وصاحب هذا الموضوع وافق على استضافتي هنا ،وعندما كتبت ماكتبت من رد على من قطع الحوار قبل انهائه لأني أعلم أن للحوار أصول لابد من احترامها ومادام لم يقرطرفا الحوار أوأحدهما بانهائه فهولايزال قائما ودهشت للمقاطعة والتي لامبررلها ولوكانت تحمل طابع الفكاهة لربما تغيرالوضع ،،مشكلة صاحب الموضوع أنه استضاف وفي نفس الوقت أعتذر قبل انتهاء الضيافة ...
رغبة... أرجومن المشرف العام مشكورا عدم نقل حواري فلارغبة لدي بالحوار ولوكنت أرغب لتوجهت للقسم الخاص بالحوار ولكني تواجدت هنا لسبب يعلمه صاحب الموضوع وهاأنا أغادر موضوعه وأكرر رغبتي بعدم نقل الحوار بل يحذف ان استدعى الأمر .... اعتذاري للمشرف العام واعتذاري لصاحب الموضوع ...[b][/b] |
أختي الأمل
بالنسبة للمقاطع في الموضوع فهو عضو جديد ولم يعرف عن حوارنا شيء أما بالنسبة للضيافة فمازلت على ضيافتي لك فيه أما قولي بنقله فهو ليس ألا أن تعم الفائدة ولأن موضوعنا وحوارنا كان جيداً فلهذا اقترحت ذلك وأرجوا أن تعودي لحديثي لما أقترحت عليك ذلك طلبت رأيك ومعنى هذا أني أردت رأيك وهو أنك بالخيار أن أردتي بقينا وأن أردت أنتقلنا ومادام ترغبين بالبقاء هنا فالقول ماقلتي نبقى ونكمل حوارنا :) |
[b]أشكرك لضيافتك الكريمة أخي الكريم وأعتذر منك فلا أقوى على المحاورة هنا ولاهناك ،وأرجومنك التفهم
مرة أخرى أعتذر لدخولي الخاطئ فللحوار نافذته بالمنتدى ...[/b] |
[quote]أشكرك لضيافتك الكريمة أخي الكريم وأعتذر منك فلا أقوى على المحاورة هنا ولاهناك ،وأرجومنك التفهم
مرة أخرى أعتذر لدخولي الخاطئ فللحوار نافذته بالمنتدى ...[/quote] للأسف فقد كنت قد بدأت أستمتع بالنقاش وروعته,,, ولكن ..... لن أقول شيء لك ماطلبتي ,,ووالله أني صادق في رغبتي في الحوار خصوصاً مع من هم مثلك من أرباب الفكر ولكن إكرام النفس هواها ,,,:( |
باقول لكم سالفه
فيه وحده يا حياتي رايحه تصف جهازها في بيت الزوجيه وعرسها الاسبوع اللي جاي بعد ما خلصت من صف ملابسها لاحظت ان باب الدولاب الثاني مقفل قالت ليش يقفله وهوعلى كيفه راحت ونادت ابوها وقالت له : شف منيب طالعه من البيت الا وانا فاتحه الباب حاول ابوها يقنعها يمكن اشياء شخصيه له ,, قالت : حتى لو اشياء شخصيه المفروض ما يقفله , وجاب ابوها العده الازمه لفتح الباب وافتحوه لقو شنطه سودا كبيره قالت ابي افتحها والشنطه لها رقم سري وحاولت جاهده في فتحها الين انفتحت الاها مليانه اكياس هروين |
أف وش ذا القصة أعوذ بالله ,,,
يستاهل هذا الله يعافيه ولا يبتلينا بسبب الأب الغبي الي ماسأل عن الرجال وشو من لحية قبل مايزوجه,,, ======================================================================= |
ودي أستشيركم
وش رايكم أسوي سلسلة لدروس ذيب السنافي الدينيه من تأليفي <<<<<أدري بتضحكون بس ترى والله صادق ودي ولا ودي أخاف ماتتقبلون الفكرة وترفضونها قلباً وقالباً لهذا أستشيركم هنا وعطوني رايكم ويكون الدرس بحسب طلب الأخوة والأخوات :) |
يعني مستشار شرعي ... فكرة طيبة ...
واقترح تكون في منتدى العقيدة والحياة ... الرجل المناسب في المكان المناسب ونصحح لقبك بحيث تصير : نائب المشرف العام للشؤون الدينية .. |
تعلمنا من والدينا أنهم ايام زمان يحجّون ، او يسولفون بنوع من الكلام الذي ينشط الذهن .
من هذه الأحاجي : يجي واحد ويقول للثاني : وش في المثعب يرد عليه : قطوٍ يلعب لمن يعرف وش في القليب |
طاح الذيب :)
طيب وش في الصين؟؟:) |
غلط : نقطة حليب
وش في الصين فنسٍ ملاعين وش في اللزى |
انا مقهوره من الشباب بصفه عامه
يعني بصراحه تخيل وحده لابسه عباتها على راسها والنقاب ضيق ,,,,,,,,,,,,,زين هذي حالتي ابغى افهم بس في هالحاله ,,,,, ليه اذا طلعت لسوق واحد مع حرمته ,,, او ما معه احد ليه النظرات اللي اعوذ بالله احس فيه وهو يطالعني يحرقني يعني من جد احس ان فيه احد يطالعني لو من بعيد لدرجة اني ذاك اليوم في المحل واحس اني احترق سألت اختي قلت فيه احد ورانا الحين يطالعنا يوم لفت قالت : اي والله ولا يقز قز,,,,,, في هذه الاثناء قلت : ياكثرالبنات اللي يدورون هالشاكله من الرجال ,,, وذلك اذا دخلت السوق كأنها داخله لعرس من طبقات المكياج اللي هي حاطته يعني علموني من المفروض اللي ينتناظر ( تنشخل من المناظر )؟؟؟؟؟؟؟؟؟؟؟؟؟؟؟؟؟ |
شمووخ انا ما يقهرني اكثر شي الا الي يناظر ويغازل وهو معاه زوجته وعيااله
هذا الي من جد ودي اذبحه من جد يقههر ,,,,وشبابنا اغلبهم اعوذ بالله ما يملى عيونهم شي يعني بس يدورون البنات بكل مكاان بس ترا بيني وبينك اذا كانت البنت زي ما قلتي كنها رايحه زواج والا تتميلح وكذا وياكثرهم هالايام حتى اني اسمع ان البناات هم الي صارو يدورون العيال ويغازلونهم اتصدقيين؟ فا والله ماالومهم اذا سوو كذا لكن المشكله هي انه اغلب العيال الي مهبل وما عندهم مخ يصيرون ما يقدرون يفرقون بين نوعية هالبنات وبين البنات المحترمات ,,, |
مالكم أجل ألا تتغطون غطوة كاملة بدون نقاب لأن الخربانه صارت تخرب على الصاحية ففيه كثير من لباسات النقاب يفعلن أمور لا ترضي الله ولا تتبع شرعه ,,,,
أنا بالنسبه لي أخواتي يرفضن أنهن يخرجن للسوق بدون غطوة كاملة وقفازات ولبس كامل ولازم يطلع معهن واحد منا يالأولاد والغالب أنها أنا :) لأني أشيل عنهن ويشاورني ويقولن أن شكلي هيبه ,,,:),,, بس أنا أتوقع علشاني مثل البعير طوويل يبغني أصير حائط صد :) وبعدين ترى مو كل الشباب كذا :) ألا الي ماعنده شرف ولا مروة ولا حاجز من شيمة أو دين والرجل لابد يحفظ نفسه عن ما يجرح شرفه أو يجرح أسمه أو دينه من أمور الفساد ,,,, |
صحيح كلامك نوعا ما
بس ترا البنت تبيين اذا ماهي محترمه وتبي هالاشيااء واذا ما تبي من النظره الاولى يعني اكيد انتا ادرى والعيال ادرى بالحكم باان هالبنت ماهي محترمه او تبي هالاشياء فا مو بكل الاحوال الغطوه والقفازات راح تبعد الشبهه عن البنت ..وبالمثل في حجاب يستر البنت شبيه بمثل هذا باانها تلبس عبايه واسعه على الكتف او الراس طبعا وتتغطى او تتنقب ,, فا مو شرط الحجاب هو الي بيخلييهم ما يناظرون ,,هو اغلبهم اهم شي انها بعبايه لو انها عجووز منتهيه ممكن يلاحقونها ويغازلونها :p |
صحيح وأذكر على ذي السالفة
كان من أول عند أجدادنا السواني تعرفونها كان يحطون ابل تروح وتجي تزعب الماء من العد وكان يخلون عليها واحد الأبل يسوقها لين جاء الليل المهم فيه واحد من الأولين الي على الابل هذي يغازل ويحب النسوان وكانوا علشان يخلونه يشتغل مايرقد لأنه ضعيف نفس يحطون له كيس ولا فروة ولاشيء فوق البيت ويخلونه يشتغل وهو طول ليله يغني ويسحب ذا الابل يعنني نشيط :) يحسب ذا العباة ولا الشرشف بنت :) ولين جاء حول الفجر شالوها ويتضاحكون عليه وهو يحسب نص الحريم يحبنه وذولا الشيبان يضحكون عليه ولادرى الضعيف ألا يوم شيب قالوله وبغى يروح فيها :) خخخخخخخخخخخخخ:) |
لووووووووووووول
مسكييين من جد رحمته الضعييف :p |
فيه بنات يخلون الشباب غصب عليهم يحترمونهم مهماكانت لابسه
وهالنوعيه قليل ماتلاقين عليها تحرش وحتى لو صار ردة فعلها تكون محترمه صدقيني الا غصبا عنه يبتعد وانا اعرف كثير من هالنوعيات وفي بنات مايعات وحتى لوكانت لابسه عالراس ومتغطيه بغطاةموبنقاب وهم اساسا غير محترمات فهاذي مهما سوت بتلاقين عليها الشباب موشرط يتغزلون فيها بس بيضايقونها لانها مضيقه اساسا خخخخخخخخخ تشكرات كتيرات افندم |
على طاري ماذكره ذيب السنافي ..
واحد كان مركب في صحن الونيت خروف اسود ، وطالع بعد المغرب من الريا رايح للخرج ، وطول الطريق وهو يلاحظ إن فيه سياره تتابعه ، المهم طنش الرجال ، حتى وصل لبيته ، يوم نزل من السيارة ، إلا والسيارة اللي تطارده يوم وقفت بعيد ، طبعا الشارع مظلم ، فأوهمهم إنه دخل في البيت ، وراح وجلس قدام سيارته الله والعالم بحوالي سيارتين ، إلا والسيارة اللي تطارده ، يوم جت جنب سيارته هدت من السرعه ، إلا وهو يسمع هالضحكة العالية ، ما امداهم يتحركون إلا الرجال طامر عليهم ، ومسك السواق وتله برا سيارته ، يوم طلع معه ثلاثة شباب يمكن في حدود العشرين . لكن الرجال جبر وما عليه يقدر يكفخهم كلهم . قال للسواق هالحين يوم انك تطاردني من الرياض ، يوم سمع الشباب يضحكون بقوة وهو ناوي يكفخهم قالوا له والله ياعم إننا نحسب اللي في الصحن بنت لابسه عباة ، وهالحين اكتشفنا إننا عميان فالخروف مع حركته والهواء يحرك شعره نحسب إن البنت تشاور لنا وتقول الحقونا .. وهذي القصة وما فيها ،،، الرجال فطس من الضحك عليهم ، وخلاهم يروحون .. |
هههههههههههههههههههههههههههه
والله ماتسوى عليهم |
المسألة لاتتوقف عند الشباب فقط ، بل هناك من البنات ، من لاتتورع ان تفعل أي شئ .
كان واحد من العيال راعي مغازل ، وخوفا من أن يسئ لأحد من تليفون البيت ، عملت رقابه على التليفون ، فعرفت أن له علاقة بوحده ، ولثقتي في أن ولدي ثعلب ، كان لابد لي من حماية البنت منه ، فمنعته من الإتصال بها. وفي يوم من الأيام إلا والتلفون يرن ، رفعت السماعه ، فإذا بصوت بنت : السلام عليكم ، وعليكم السلام ، ابو فلان ، هالحين ما تقولي ليش انت مانع فلان من الإتصال بي ، وانت دكتور وعايش في امريكا و... و... . قلت لها والله يابنتي حنا ايام امتحانات وخايف يؤثر هذا على مستقبلك ومستقبله ، لو تؤجلونها لما بعد الإمتحانات يمكن يصير افضل . لكن ابنصحك لوجه الله ، تراه لعاب ويعرف غيرك كثير ، فشوري عليك لاتثقين فيه ولا غيره من هالعينه . قالت اجل انت ماتعرف ولدك زين وانا اعرف مصلحتي . انتهت المكالمة ، وراحت الأيام ، وبالطبع بيني وبين اولادي مكاشفات ، ولايخبون عني شئ ، لقيت سيارته لوحتها الأمامية غير موجودة ، قلت له خير وين اللوحة ، قال بصراحة رحت لذيك البنت ، ولقيتها فاتحه لي باب القراش ، ودخلت وشفتها ، ولو ابي شئ ثاني حصل ، لكن والله شكلها يروع ، وجيت ابنحاش ، ويبدو أن احد من الجيران كان مسبريني ، وفحطت ولحقني ومع المطبات طاحت اللوحة ، ولا ادري وين طاحت فيه .. طيب انا عملت اللي علي سواءا تجاه ولدي او بنت الناس ، لكن بنت الناس ليش اهلها ما يحافظون عليها.. |
صراحه ياذيب انا ما اتفق معاك لان النظيف نظيف
حتى مره رحت لسوق والله اني شايفه ثنتين الاولى لابسه غطوه وقفازات ومتغطيه زييييييييييين ما بان منها شي واللي معها لابسه عباية راس (((( لاحظ )))) حاطتها على كتفها ومسويه زي اللي يلبسون عبايات على كتوفهم بس هذي تسولف وتضحك بصوت عالي وهذي اللي معها اللي متغطيه كانت خايفه يعني وضعهم بصراحه مريب ( انا قلت 100% انها طالعه من بيت اهلها لابسه مثل خويتها بس يوم وصلت للسوق غيرت حالها................................ |
صحيح بس لاتنسين أن التربيه هي أهم شيء ياشموخ :)
يعني الي بنت ناس ومربية على الخير ماراح تسوي كذا وعلى كلن ترى حتى الي تلبس على الكتف فيهن الصاحية وفيهن التعبانه وأنا لي شفت البنت لابسة كذا ولا لابسه كذا ما أتهمها لا لكن أقول الناس تختلف بتربيتها في وحده تلبس كتف لكن تخاف من الله يمكن أكثر من الي متغطية صح والعكس صحيح فالأمور ترجع للإقتناع الداخلي أو للغصب من الأهل وأنا فلسفتي في الحياة أقنع أبنائك بالعقل والحوار ولا تغصبهم على شيء ولو الله مريد لهم الإقتناع راح يقتنعون فهمتي يعني الأمر يختلف بالنسبة لأهلي أنا ما أغصبهم على شيء هذا أقتناع منهم ووالله أني ما أذكر أن أحد من أبوي إلى أصغر واحد من أهلي غصب أهلي على شيء من أنواع العبايات لكن مجرد أقتناع وحرية منهم :) وبعدين حنا ما تكلمنا عن هل البنت إذا لبست كذا ولا كذا لا نحن نتكلم عن الشباب كيف يكف أذاهم عن البنات :) وأنا قلت أقتراح من الإقتراحات والشيء الثاني المفروض الرجل ينزل مع أهله علشان ما أحد يستجرأ على أذيتهم ويشاورهم ويشاورونه وصدقيني لو أن كل رجال يطلع مع حريمه كان رومنسيه ما بعدها رومنسيه المرأة تحس بأهميتها عنده والرجال يحس بأن فيه امرأة تعتمد عليه ومجرد الأحساس هذا يخلي كلا الأثنين يلتصقون في بعض أكثر ويتعلقون ببعض أكثر والسلام ختام :) |
بصراحة انا مع اخوي ذيب في ضرورة ان الرجال ينزل مع اهله لاي مكان يروحون له بس هذا شي صار نادر الحين
اقلها أهله يحسون انه فيه احد معهم بس حتى ولو الغالبية ما يرضون وخاااااااصة السوق يعني تحس السوق عنده هم كبيييير يعني انجاز انه يوديهم كيف ينزل معهم وبعدين اذا نزل تصير نفسه في خشمه ويدور اي واحد يتطاق معه واذا ما لقى احد يتناشب معه حاس اهله ورجهم وخلاهم يطلعون طبعا هذا مع اهله بس يعني لو هو بلحاله تصير علوم وعلى طاري هالسالفة تقول لي وحدة من صديقاتي انهم مرة كانو طالعين للسوق هم وخالتهم كلهم بنات وموديهم اخو البنت هذي المهم طول الطريق وهو يهزأ ويهاوش ويقول لا تتأخرون ..... تخلصون اغراضكم وتطلعون على طول.....وتراني بمشي احالي ومابي ولا وحدة منكم تمشي معي المهم يوم وصلو البنات راحو في جهة وهو نزل وراح ((يترزق الله)) وهو يمشي لقى بنات يمشون طبعا اخونا في الله طار وراهم ولفوا به السوق لف ويوم خلصوا اغراضهم قربت من عنده وحدة منهم وقالت (فلان) يالله بنطلع طبعا البنات هذولي طلعو خواته وخالته الرجال يوم درى انهم اهله حلف ما عاد يوديهم للسوق |
:)خخخخخخخخخخخخخخخخخخخخخخخخخخخخخخ:)
تدرين عاد أن أهلي ماقد نزلوا السوق ألا أنا أو أحد أخواني معهم :) لأنهم يبون أحد معهم ووالله العظيم أنا مثلاً لين جو أخواتي يروحون يجون يقولون ذيبو يله نورح للسوق أنا ما أقول لا تدرين ليه لأني أحس أنهن ضعيفات وما أقدر أخليهن ما أوديهن وإذا ذاك اليوم مشغول ومزحوم ولا أقدر جت وحده منهن لوقيه كذا سوت نفسها زعلانه ودميعتين أخرخر أقول يله أعود أرحمهن وأوديهن :) بس في النهاية الإنسان يكون مدرك أن ذولا خواته إذا مابرهن الحين متى بيبرهن لين تزوجن وراحن يمكن هذي فرصته يبرهن ويرحمهن ويصل رحمه بتوديتهن :) وفي النهايه ما أقول ألا الله يصلح حالنا وحال كل مسلم :) |
أنا ما أقول إلا كفو ياذيب وكثر الله من أمثالك........
بالنسبه لي ماأحب الرجل يزل معي السوق .........يسبب إزعاج ......أخلصوا ,,يكفي دوران تعبت, ........الخ والوحده ماتقدر تأخذ كل ألي تبيه وتلاقيها راجعه في اليوم الثاني ......تغير ألي شرته ...بعد الربكه التي كانت من الرجل الذي كان معها................ |
:)خخخخخخخخخخخخخخخخ:)
صادقة واحد من أخواني مايحبون خواتي أنه يروح معهم يقولن أنه يستعجلهن ويله بسرعه ويطاق البياعين ومشكلته مشكله بس المشكلة تطيح الروحه في راس العبد لله المسكين :) |
| الساعة الآن 04:37 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة