[poem=font="Simplified Arabic,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
انا مابي معاجمكم ولا لي في مثانيها= انا لي معجم بيّن وكل يمسك لزاته
ولا لي خص في هرج تحسبه من دوانيها=انا واعي لهالدنيا وقلبك غط بسباته[/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اجل حاسب على الكلمه قواميسٍ نطويها = يكفي الجزل لامنا تفننا بصفاته
لكم لهجه ولي لهجه بديعه في تجنيها = حشى مابينها داني وقولي عندي اثباته[/poem]

مقاطعه بسيطه
 

صح الله بدنكم جميعا ..
اول مره اقراء محاوره من غير ماامل >>ماتحب الشعر مره:o

بس شفتكم كاتبين الطاروق يعني وش:D
وآسفه على المقاطعه إن شاء الله ماخربت عليكم بس ودي اعرف معناها وماادري وين اسئل قلت دامه مكتوب هينا خلني اسئل هينا:D

هلا ببنتي عهود
الطاروق هو اللحن او الشيلة اللي تنشال عليها القصيدة او الأبيات ، فهو اشبه ما يكون بالطريق الضيق
الذي يسمى طاروق عادة يكون في سفح الجبل او التل، ولا يتسع لأكثر من شخص واحد لضيقه ، فشبه
اللحن بهذا ، لأنه لايتسع لأية خروج عليه ، فلابد ان يكون البيت من طاروق او لحن دقيق معروف ....
هذا حد علمي ، ولعل الإخوان يفيدونك أكثر . فنحن يهمنا ان يتذوق غير الشعراء الشعر ، ويتفاعلون
معه .

[poem=font="Simplified Arabic,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
انا لا جبت لي كلمه وبه ناس ترزيها=فلاني شايل هم الغشيم وهم غفلاته
والى خاطبت لي قوم تصيد في موانيها=فابرميهم بوسط اليم واضيعهم بغباته[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا ما هقوتي تسبح ولا حتى بمطاويها = تحت دشك ولا تغرق وخل اليم وحكاته
اعرفك ضب ما له بالمياه ولا يدانيها = وثوبك ما تغسله خوف يدرى وش بمخباته[/poem]

[poem=font="Simplified Arabic,6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
أنا مدري ورا المشرف دروبه قام يلويها = يرمز كنه الجرذي .. الا ياشين عاداته
نجي منا .. يجي منا .. يخمخمها ويخطيها = وشفته منسدح عندي الا ياكبر جمهاته[/poem]

[poem=font="Simplified Arabic,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ترى بعض العرب تجزع مدام انك تكويها=وانا ماجبت لك هم والا المخطر وكوياته
وابشعل ناري الزرقاء على الفتنه واراعيها= وابي هالناس تتفرج على الليل ومجراته[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا كالسيل في دربه فلا له في علاليها = يدور ما انخفض يجرف نديم بكل حسراته
ويمسط بالنخل حتى عروقه ما يخليها = مثل قيطون واتباعه ومن صار بموالاته[/poem]

[poem=font="Simplified Arabic,5,black,normal,normal" bkcolor="white" bkimage="" border="none,4," type=2 line=0 align=center use=ex num="0,black"]
تبي من يجمعك مع ناس قد كويت علا بيها= والى جا الليل كل قام يتحدى بوناته
تعرف الحق مع ناس على كتوفك تعليها =وترى حلم الفتى يكثر الى من زاد في سباته[/poem]