رجعتنا للي مضى وانتعاشه = يومي انا وياك بارض الطواشه
تهبش ونا اهبش ماقدرنا هباشه= واللي لقينا باسم الثغر مجمول
وش لون صار اليوم كله وحاشه = كنك نسيت ومخطر بالنحاشه
قدرك ولاحدٍ ناويٍ به فتاشه = والسر يبقى سر مادام مجهول

يالله قوهم

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
أنا معاكم شاهد في طماشه=وأشوف ماقلتوه في وسط شاشه
يازين شعر مغلف بالبشاشه=أقراه بلحالي ولاعندي الزول
الطير حاير بالسما والفراشه=وفلاح بن منشار خلا فراشه
خوفي عليهم يسهرون بدفاشه=عقب يجيهم تالي الليل عبهول[/poem]
ونحن من المتابعين

شعر الفكاهه لا بدا به غباشه = يترك فلا له داعي لارتهاشه
بعض يتحمل لو وصله الدفاشه = والبعض انبيره يولع على طول
من يدخل الميدان يطوي فراشه = ويفل جنحانه يخاوي الفراشه
يطير والبسمه بدرب افتراشه = فاللي يجي له لازم منه مقبول

هلا
اخوي سناعيس
ادرك اخوك

استلموا لاهنتم

معلوم يادكتور خابرك باشه = لاكن ياحبك لذبح الكباشه
من القفا ساعات واحيان جاشه= جبار واما يمي المزح مقبول

طاووس ماحلى وقفته وانتفاشه = من كل لون الفن يعطيك كاشه
المد طاغي والبلا بانكماشه = خصوص لامنه نظر جرة الفول

تحياتي للجميع

قبل الذهب يشرى عليك بنخاشه = واوزنه صافي قبل تدفع لكاشه
ولا من بغيت البحر فيه الوحاشه = إن ماسبرت القاع تغطس على طول
ما ينفعك عزمٍ كمن في الحشاشه = ولا ينفعك من ضحك يبرق فلاشه
والرجل مثل البحر فيه الغباشه = حتى تحده درب في الوجه مقفول

ياصاحبي وش فاد راعي الحماشه = ملوه خلانه بساعة طياشه
يخبي الموتر ويقفل قراشه = وان جاه زاير قالوا الشيخ مشغول

يلهث ورى الدنيا ويقطع نقاشه = لو قالو ا ان اليوم خسران راشه
يفز من نومه وينسى غطاشه = للبنك كنه ضبع بالبر مجفول

الرجل ما حاشت يمينه وحاشه = منطوق وقت زايد بالجحاشه
لو هو حرامي قالوا الناس باشه= يتصدر المجلس ويوخذ له القول
واللي ضميره حي عاش بوحاشه = صعب يدري الراس مثل الخشاشه
هذا نصيب الحر فالوقت داشه = يصبر فلا له في الزمن حيله وحول

كم واحدٍ من قبل يجمع خياشه = واليوم يتعالى وينسى بقاشه
يانعنبوا ياخوي عثمان خاشه = كنه ملك ذا اليوم والعام مجهول

فيه الغبى زايد وفيه الطهاشه = ينسى الجميل وينكر انه رهاشه
الي يطنش ماله الا الطناشه = لو صار عند البعض يشبه لابو الهول

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
المشكله من جاد حظه وكاشه=وصار يتغطرس والبرستيج عاشه
وكنه وريث للسلاطين باشه=القول قوله والعرب مالهم قول
من عقب ماهو مايفارق غراشه=ومافيه رجل شافه الا وهاشه
وكان يتوزى ويتنحش نحاشه=ماله وجه يجلس مع الناس يحّول [/poem]

اسمحوا لي نقلب على قافية ثانية

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قلّبت وقتي لين ياخوان مليت = وشفت العجايب لين ماشاب راسي
حاولت فهمه لكن الحق ازريت = بحره عميق ولا عرفت المقاسي[/poem]