خخخخخخ

طلعوا وش خبثكم الولادي

*
كانوا اخواني وابوي نايم يقومون من اسرتهم ويحطون تحت البطانيه شراشف واشياء علشان يوهمون لابوي انهم فيه وهم يروحون يسهرون مع الشباب اللي برا
ابوي ياخذ كل كم ساعه ويطل على الغرفه يشوفهم فيه ولا لا وقاصين مفتاح بعد علشان يفتحون الباب لان ابوي كان يقفله

وياقلبي ابوي يحسبهم فيه عاد إذا قربت صلاة الفجر رجعوا قبل مايصحى ابوي علشان عارفين ابوي إذا ماقاموا لصلاة الفجر خذ ضرب لين يقوم وكان شيء ماصار اخذوا فتره على ذي الحاله اخر شيء كشفهم ابوي خخخخخخخخخخ بس كانهم بريئين إذا ابوي قال قوموا صلوا يصلحون انفسهم توهم قايمين من النوم

وأنا واختي ماقدرنا نقول لبوي يقولون والله إذا علمتم ابوي والله مانوديكم السوق ولا نسوي قلنا نسكت احسن وابوي بيكشفهم خخخخ

**
واخواني من زود لعانتهم ببعض واستهبالهم الدفش إذا كان واحد منهم نايم الثانين يحلقون من شعره لين يطلع نكته ويروح يحلق شعره كله خخخخخخخخ


***
وانا بعد مره اخوي كان عنده مشوار مهم في الصباح بدري كانوا مطفشني في الليل ففكرت اردها له وهو نايم حطيت على شعره زيت عافيه خخخخخخخ لين غرقته فيه

الضعيف قام الصباح وعاد انا من كثر اهتمامي كيف بيكون شكله قايمه قبله
قال انتي اللي سويتي كذا قلت ايه خخخخخخ الضعيف اخذ له حمام كامل ولا نظف مرررره خخخخخخخ
علشان ماعاد يطفشني
هو توعد فيني وقال طيب عارفه اني مشغول وتسوين كذا
تشوفين إذا ماحطيت دقيق على دواء الكحه على كل شيء في المطبخ وحطيته في الليل اخليك تغسلينه شهر وماينظف مت من الضحك انا هو ماقدر يمسك نفسه قعد يضحك معي ولحد الآن كل ماجيتهم يهددني فيها ويضحك

[quote]لأنهم عاشوا مع بنات قشران
[/quote]
اقول ذيب ترى والله اخلاقي موووووشيء مابي ازيد يكفي الطفش اللي فيني ليش انت كذا تحب ترفع الضغط
ذيب ليش حطيت موضوع احاسيس الاعضاء علشان تعرف انهم طفشانين وتطفشهم زياده تطبق علي طفشان طفشهم

أنا آسف جداً والله ماقريت الأحاسيس ألا بعد ماكتبت وأبشري اللحين أشيل كلامي وأنتي والله أخت وعزيزة بس نحب نمزح معك لكن بشيل الآن تكرم عينك ياأمورة المنتدى :)

الله يسعدك جميع على هالسوالف الحلوه

تحياتي واحترامي

بس الله يسعدنا صح دعوه حلوه
بس اللي يدخل هينا لازم يقول له سالفه خخخخخخخخخ

سالفتي وكنت قلت لعضو أني أضحك من ذا السالفه باستغراب ووعدته أني أكتبها وهأنذا أكتبها لكم :

الأسبوع الماضي كنت ماخذ مصري يشتغل عندنا أدربه على السواقه وبغى يوديني في داهيه وأنا راجع به من المخطط الي أدربه على السواقه فيه قال تكفى ياديب وديني على السوبر ماركيت عاوز اشتري ميه لابني عبدالرحمن قلت له خلاص مادام لولدك دحيم الدبدوب فما عندي مانع وديته ونزل ونزلت معه وخذ كرتون مويه واحلف عليه وأدفع عنه المهم جينا طالعين ألا والله ذاك الباكستاني ابراهيم خان أعرفه لأنه مصلح عندنا مجلس من الطين في البيت وغالب أبوي في السعر وقلت لأبوي قال أبوي عساه ياولدي مايغلبنا ألا في الدنيا
الدنيا بكيفها خلها تولي لا تهمك أربعه ولا ثلاثه تنفعنا يوم القيامه :)
المهم ماهي أول مرة يعني أبوي دايم يفزع له في كثير من الأمور وذولا الباكستانيه ماعاد يسمون الوالد ملا الملا فلان الملا فلان لأنه ماشاء الله ملتزم ولحيه وهيبه وكان ضابط في قطاع الأمن المهم الرجال الباكستاني أنا شفته بس انتبهت معه ولده وبنته ومرته وصديت على طول ورحت يم السيارة مابي أنحرج لأني حياوي جداًُ,, ولا ودي بعد أحرجه المهم مادريت يوم قال زيب زيب وقيف ياجماعة خير أشفيك مافي شوف أنا أنا نادي أنته قلت لا يارجال بس الله يطول عمرك مانتبهت وكذا قال مافيه ماينتبه يالله اقلط سوا سوا قلت الله مير يسلمك لا والله أنا عجل وبمشي ويبي فيني وأعيي المهم خلال الحديث الا ينادي ولده تعال ويجي ولده وهم كانوا جنب السيارة حقته اقصد عياله تعال ويجي الولد قال حب خشم عمك زيب قلت الله يس..... لا مافيه فغسنلاليلاكلاخ<<<<كلام أردو بنزرة ونفخه طويلة المدى على ولده مير ويقوم الولد ويتعنقط في رقبتي ويحب خشمي شوي ويلتفت على بنته ومرته وينافخ عليهم بكلام أردو يوم انخرشت انا قلت بس الرجال يبي بنته ومرته يحبون خشمي العطه ياولد توني بشق الشعيب الأ مسكني مع يدي قال تعال زيب أبي أنت كلمة راس قلت سم ويجرني على جنب وعياله يبعدون عنا حول خمسة أمتار أو ثمانيه قال أنت رجال نشمي وأبو انت شيخ أبو زيب رجال كويس هذا مثل سعودي كلام رجال يشري رخمه بيع وأنت عاجبني قلت الله يسلمك ويلتفت على بنته وينفخ ذيك النفخه يوم التفتت بنته على ابوها وجت يمنا يوم انخرشت وانا مدري وش اسوي عرقت وحالتي حاله واحمر وجهي واصفر وطلعت الوان الطيف كلها بوجهي قلت بس أكيد في ه حبة خشم ولا انتبهت الا يوم قربت البنت لابسه بنطلون الباكستانيه ذاك الي يخبخب وسيع وونه زهري وحذاء سندل سيور واصيبعات رجليها صفة وحده وملس ويوم قربت ولينها لابسه نقاب ولين عليها ذاك الرمش الي يمزع قلب (الخفيف من الرجال ) ومكحول أسود طويل وتمد يدها يوم انخرشت واغمض عيوني بحياء خايف لا تصير حبة خشم ولا سلام يوم سمعت قرقشة مفاتيح فتحت عيوني لا والله أبوها مطلع المفتاح حق السيارة وكلمها بالأردو وفهمت انه يقول افتحي الباب لامك واخوك والبنت مستحيه بين عليها ورجعت لأمها والتفت أبوها علي وأنا اتصبب عرق من الخوف وقلبي يرجف مرتاع من الموقف حسبي عليه ماقد قرب من عندي حرمة في حياتي ألا أمي وأخواتي وعماتي وخالاتي وذا ثور المهم نكمل قال هاه يا أبو فلان أن شاء الله يصلح لمزاج أنت أنا يشري رجال واي ساعه أنت يجي هذا ساعه مبارك قلت الله يسلمك يابو خان والله أني مدري وش أقولك بس أنا مافيه زواج الحين قال ليه أنت ناقص أنت مافي رجال أحلق شنب لحيه قلت الله يسلمك كنك بديت تغلط يابو خان بس أنا خلاص سوي ملكة والحين واحد أسبوع بعدين زواج (طبعاًُ أصرفه ولا لا ملكه ولا غيره مالت علي بس أنا أبي من شغاميم نجد ولا يهون الكل) المهم ياله تخلصت منه ومشيت أنا والمصري يرطن علي ويسولف وأنا قاعد أفكر ياولد هو صدق حتى الباكستانيه يبون يسترون على بناتهم أثرهم مثلنا وقعدت أضحك على كلمات المرجله من فمه زي الشهد لأنها طالعه مكسرة بس حلوووة ,,,.

=========================
بتستغربون الباكستاني يتكلم كذا لا ويقولي ماجور قلت الله يجيرك ومرة عطيته مويه قالي تسفيت الضيم وأنا الي أفقعها ضحكه بس الباكستاني هذا كان راعي أبل عند ناس وعلموه لغتهم خخخخخخخخخخخخ :)

والسلام

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
عندهم بناتٍ يالسنافي يهبلن = لا رحت الى كشمير تلقى العلومي
عندي خبرهن لارمشن صرت منجن= ودامك سعودي فالهدو لك لزومي
هذا اللي هبل بناس على فن= قالوا جهاد وبيضوا كالرخومي
قل النظافه واضحه مشكلتهن= فوق اللغه ما يعرفن للسلومي[/poem]

هههههههههههه

ماشاء الله انت ملاحظ انك قازها قز موطبيعي

وش دراك ان اصابعها ملس ؟؟؟؟؟؟

ليه ؟؟؟؟؟؟؟؟؟؟

خخخخ

عادي وش فيها إذا تزوجت باكستانيه

تسمع الشعر منها شيء مكسر هع هع
تخيلوا ذيب زوجته باكستانيه صح انها انسانه بس عاداتهم تختلف
يصير ذيب يقلب راسه مايدري وش الطبخه
تصدق انا عندي صديقه هنديه بس من زمان ماكلمتها اكبر مني بسنه بس رهيبه
صح انا مانفهم على بعض مره لأنها ماتعرف عربي مره
تعرف انجليزي وأنا الانجليزي ماعرف له بعد مره شويه بس فإذا كنا بنسولف كلمه بالانجليزي وبالعربي المكسر
ويادوب نفهم بعض
بس إذا تقابلنا احسن بالإشارات والتوضيح إذا مافهمنا على بعض

[quote]عندهـم بنـاتٍ يالسنافـي يهبلـن لا رحت الى كشمير تلقى العلومـي
عندي خبرهن لارمشن صرت منجن ودامك سعودي فالهدو لك لزومـي
هذا اللي هبـل بنـاس علـى فـن قالوا جهـاد وبيضـوا كالرخومـي
قـل النظافـه واضحـه مشكلتهـن فوق اللغه مـا يعرفـن للسلومـي
[/quote]

الأبيات ماتعوق ماشاء الله عليك يابو عبدالله :):)

===================================================
[quote]هههههههههههه

ماشاء الله انت ملاحظ انك قازها قز موطبيعي

وش دراك ان اصابعها ملس ؟؟؟؟؟؟

ليه ؟؟؟؟؟؟؟؟؟؟[/quote]

وشلون وش دراني عند السوبر ماركت وأنواره قويه ثانياً البنت جت لين عندنا وذا الباكستاني يمسكني مع يدي شوف أنت يبي زواج لازم شوف وأنا مستحي وبعدين ماشفت ألا عيناتها وهي تاخذ المفاتيح غصب وأما رجيلاتها وأصابعها فهذا لأني كنت منزل راسي للأرض ياشمووووووخ لهذا هذا الشيء الوحيد الي شفته مضبوط خخخخخخخخخ:)
=================================================
[quote]خخخخ

عادي وش فيها إذا تزوجت باكستانيه

تسمع الشعر منها شيء مكسر هع هع
تخيلوا ذيب زوجته باكستانيه صح انها انسانه بس عاداتهم تختلف
يصير ذيب يقلب راسه مايدري وش الطبخه
تصدق انا عندي صديقه هنديه بس من زمان ماكلمتها اكبر مني بسنه بس رهيبه
صح انا مانفهم على بعض مره لأنها ماتعرف عربي مره
تعرف انجليزي وأنا الانجليزي ماعرف له بعد مره شويه بس فإذا كنا بنسولف كلمه بالانجليزي وبالعربي المكسر
ويادوب نفهم بعض
بس إذا تقابلنا احسن بالإشارات والتوضيح إذا مافهمنا على بعض[/quote]

عاد تصدقين أنا كلي باكستاني خخخخخخخخخخخخخخ:)

لكن وش أسوي يمكن ذا الباكستاني قال خلنا نزوج ذا السعودي شكل أصله باكستاني خخخخخخخخخ

وبعدين ياعهيد مصادقه هنود من قل سعوديات يعني خخخخخخخخ

زي المصري ذا يقول أبي أعرف أم عبدالرحمن على الوالدة قلت يكون خير رحت لأمي قلت لها الكلام قالت ياوليدي لين كانت أجوديه ماهيب مشكله البلى لين صارت مصرية تعبانه قلت أنتي أعرفك يمه ماراح تقصرين لو صارت تعبانه بتصرفينه بأدب خخخخخخخخخخ
أوميمتي عاد لين عرفها أحد من الحريم نشبولها كل يوم وهم جايين لأنه طويبه ومثل أبوي كريمه وراعية مراجل أقولها دايم يمه ياليت ربي خلقك رجال وحط لك لحيه وشنب أنتي عزالله فحول الرجال يعجزون عن طيبك وكرمك يابنت سعد وتستحي تقول لي أها بس أسكت :) خخخخخخخخخخخخخخخخ :)
====================================

بسم الله

يوم الخميس نمت وصحيت الصباح الساعه 8.30

المهم قمت ومجلس الرجال الصباح وصب قهوة وفطور وجلسة الين الساعه 11.30 طلعت أصلي الجمعه وبعدها رحت الحلاق وحلقت وطلعت خذت الذبيحه من عند الطباخ وطياره على ناس من الجماعه من عيال عمي متوفي أبوهم في أمريكا كان تعبان ومودينه يعالج وتوفى الله يرحمه هناك الكلام ذا له حول شهر ونصف وعياله كانوا حالفين ماحد يجيب شيء ذيك الأيام المهم مرت الرجال تصير خالة الوالد وحلف عليهم أبوي بالغداء زيارة لخالتي
و صلة للرحم المهم وأنزل الغداء وتغدينا وياهم وكنت أبوي وقت أدخل المنتدى بس ماقدرت وبعدها طلعنا حول العصر صليت العصر وطلعت اليوكن 2005 من البايكه وقلت لأبوي يله قال توكلنا على الله والله الي يقضي الحاجات وانا ابوك
والله وأخذ معي ثوب وغترة جديدة في الدالوب للطوارئ والله ونطلع للرياض وعندنا شغل خلصناه هناك وبعد المغرب وونطلق مع الدايري الجنوبي ويوم وصلنا شارع المدينه المنورة وأميل يم الشارع ذاك وأمر لي ذاك السوق قال أبوي وش عندك قلت له الله يكرمك بشتري لي نعال والله وبالفعل شريت بس بعد مناقشات طويله هذي لا هذي والله رجلك وأنا أبوك تدل على أنك من الرجال الاصليين الي أنا خابر يبي لك تفصيل حديد خخخخخخخخخخخخخخخ:) قلت يايبه ترى الهزوى عدوى وقعد يضحك المهم ونطلع وأمسك الجسر المعلق وأرجع مع الطريق الي غرب الجامعه وأحط رجلي 160 وأبوي مانتبه للسرعه شوي يوم تقضب وقالي وش فيك قلت وشو يبه قال وش ذا السرعه قلت له ماعليش يبه ما انتبهت قالي صار خير انتبه للخط قلت ابشر والله وامسك خط صلبوخ وانا احسب أنا رايحين لسدوس شوي قالي أبوي ترى المحل في العيينه قلت أبشر والله وأمشي لين قبل العيينه بشوي ونلز عند ذاك المسجد ونصلي العشاء وندخل العيينه ونلبق يمين وأنزل البس قال ابوي بتلبس في الشارع وانا ابوك قلت ماعليه يبه رجال وش تبيني أسوي قال خلاص يله بسرعه قلت ابشر والله بالفعل واطق أم الرسم وأشخص ونروح للرجال وهو من أمراء العيينه بس ماراح أذكر أسم لأن الي يعرف ذيك المناطق بيعرف من أقصد والله بالفعل دخلنا المزرعه يوم فقيت فمي وش ذا السيارات الفخمه ماشاء الله واللد وبالفعل وندخل ذاك الصيوان الكبير من الطين وقدامه خيمه للقهوجيه وجنبه خيمه كبيرة بالحيل المهم ويطلع الرجال أرحبوووووو ارحبوووووو ياهلا ومرحبا والعزيمة هي أصلاً لثلاث عوايل من القبيله بالفعل ونجلس مكرمين معززين عند أبناء العمومه شوي ألا والرجاجيل يتوافدون ويمتلي المجلس كله كباريه وبشوت ويطيرون بابوي وأنا اقول في نفسي ماشاء الله عليك يايبه كل ذولا تعرفهم المهم يوم جلسنا وتقهوينا وسولفنا ويقلطونا على العشاء ونقوم ندخل ولين وش ذا البوفيه المفتوح الي من هنا لي هناك طووووووووووووووووووووووووووووووووووووووويل

ونجلس وانا مدري وش الطبخه ماخذ على التربيعه وأضرب بام خمس والله بالفعل أقعد أشوف وشلون يسوون أسوي مثلهم لين فيه خرقة صغيرة لونها حليبي يفرشونها على رجليهم واسوي مثلهم ولين جنبي شايب قالي ابوي اسمه وجلس جنبي موب سهل ذا الشويب عطو ذا تراه مستحي يقولها كذا بصوت عالي وانا مستحي صدق بس فشلني حطو له عطوه ويجيك ذا اللبنانيين ويجلسون يحطون مرقوق وجريش ورز وأكلات ثانيه مدري وشي شيات صغار وشيات كبار وشيات مدوره وشيات مدري وشلون قايلها وأنا أجرب شين طعمه زين وشين ما أعجبني مدري وشلون قايل أيه ونسيت أقولكم كان معنا السكران ذاك المذيع حق الباديه ياهو مزووح ووسيع صدر وأثره عود خالص وأنا احسبه شباب المهم ونجلس ناكل وشوي ونقوم ونغسل ونروح للمجلس ويحلف أبوي عليهم ووالله ويوجبونا الرجاجيل وواعدونا في شهر ثلاثه آخر شهر ثلاثه ونطلع ومن يد نشيط ليد نشيط دكاتره وأطباء ومدري أيش المهم في كل هذا أنا جالس هناك مشخص ومسبط ولا هيب عوايدي وابوي يشري لي أشارات ويضحك يقصد فيك النوم شكلك وأنا أضحك شوي يلتفت علينا أحد يشوفوني أضحك ومافيه أحد يضحك معي شكلهم يقولون في أنفسهم الحمد الله والشكر وش بلى ابو فلان يضحك مع نفسه وأنا أصلاً أبوي وفيه واحد ثاني يشرون لي أشارات تضحك :)

ويوم طلعنا قلت لابوي الشايب الي جنبي ذا خفيف نفس وأجودي وطاير بي الله يرفع مقامه شكله أطفرهم ويضحك أبوي قال بالعكس وأنا أبوك هذا راعي شركات وغني جداً بس الدنيا ماتهمه خفيف نفس ورجال موب سهل أبد بس هذي طبيعته

المهم طلعت وأنا ساكت وأمسك الخط قال أبوي خذ ذا العلك وأنا أبوك باطوق نعناع خلها يصحيك لاتنوم على الخط والله وأقعد أموضغ فيه مع أني بغيت أودي أبوي في داهيه بالسرعه بس الحمدالله ربكم ستر ووصلنا على خير ثم دخلت ونمت وصحيت الفجر صليت وجيت للمنتدى طاير ومشتاق أبي أشوفكم :)

والسلام ختام

ههههههههههههههههههههههههههههههاي
انا اشهد انت رجولك مشاكل ياخي شكل رجليك لو تمشي حافي مادريت عن الحصى والقزاز خل عنك شكلك فله ياخوي بس ماتمسك موتر بيني وبينك كم مره بغيت تودي ابوي في داهيه ناوي تيتم اخوانك صراحه هههههههههههههههههههههههههههه يبي لك ضبط من جديد ونسوي لك فورمات لحد الحين تستحي على قولة الاولين الحيا مهوب زين ههههههههههههههههههه


تحياتي لك ولابوك الله يحفظه والله يطول بعمره امين يارب.

خخخخخخخخخخخخ

ذيب كاتب كل شيء بالتفصيل مره ماشاء الله عليك بس بقول لك شيء تراك شكلك مخطي في اليوم يوم تقول الخميس شكلك تقصد الجمعه صح ولا انا غلطانه حتى قلت بعد انك رحت تصلي الجمعه يعني اكيد غلطان يوم قلت الخميس
[quote]يوم الخميس نمت وصحيت الصباح الساعه 8.30
[/quote]
[quote]المهم قمت ومجلس الرجال الصباح وصب قهوة وفطور وجلسة الين الساعه 11.30 طلعت أصلي الجمعه
[/quote]
واهنيك على اسلوبك في الكتابه

ياصياف يافضيحه طيب خلني أشوفك وبوريك السنع :)

====================================
لا ياعهود أنا أقصد أني نمت في الليل يوم الخميس وصحيت الجمعه الساعه 8.30 بس مع العجله وأنا اكتب يسقط من الكلام كثير خخخخخخخخخخخخخخ :)

وتسلمين على المرور والله أنك ترفعين معنويات الواحد وتخلين له نفس يكتب يكفيني أنتي تقرين لي هذا أكبر دافع يخليني أكتب :):)

ههههههههههههههههههههههههههههه


ياشين اللي ماتعودوا بوفيهات ورى ابوك ما اخذ اخيك صياف احسه اطلق منك ( اجرأ)هههههههه

وجاي للرياض بدون جزم >>>>>>>>>>>>>>افا ياذا العلم

بعدين انا اعرف هالعزيمه اخواني كانوا فيها ما شفتهم واخوي يقول ان فيه واحد متقطع من الحيا

اثرك انت ..........

يؤ انا ما ارضى على ذيب وش حلاته والله بس اذا كشخ كشخ بس حتى لو كشخ مايغطي علي هههههههههههههههههههههههههههههههاي ياحبي له والله بس تراه ذيب يتاقلم بسرعه ماعليك طبعا بحسب خبرتي وصداقتي الاكترونيه معه

الله يرجك

باطوق نعناع
أطعم اللي بالفراوله
خخخخخخخخخخخخخخخخخخخخخخخخخ
ذكرتني بحلويات زمان ريكو وابو ولد وحلاو غندور اللي اربع بريال

[quote]ياشين اللي ماتعودوا بوفيهات ورى ابوك ما اخذ اخيك صياف احسه اطلق منك ( اجرأ)هههههههه[/quote]
بوفيهات مابوفيهات انا ما اعرف الا ام خمس ثانياً وش دخل صياف في الفورمة ابوي مايعرفه خخخخخخخ:)

ثالثاً البوفيهات هذي للأغنياء اما انا على قد حالي سندوتشة فلافل اكلها مستريح البال وواثق من نفسي اني اطلق من الف شنب يجلسون على البوفيهات واطيب منهم الحمدالله :)
أما الجرأة يبطي صياف يجي أجرأ مني :)<<<<الي مايدري ..............
[quote]وجاي للرياض بدون جزم >>>>>>>>>>>>>>افا ياذا العلم[/quote]

الله اكبر رايح لفرنسا انا حتى لو رحت فرنسا بشتري زبيريه عناد فيك خخخخخخخخخخخخ:)
[quote]بعدين انا اعرف هالعزيمه اخواني كانوا فيها ما شفتهم واخوي يقول ان فيه واحد متقطع من الحيا

اثرك انت ..........[/quote]
ايه هين لو كانوا فيه كان عرفتهم تدرين ليه لأنهم اكيد رايحين يكونون نفس طخة شمخ مخ خخخخخخخخخ:) وكان بيجونك منهبلين شفنا واحد لبناني مستحي جالس جنب شايب كبير خخخخخخخخخخخ:)<<<ارفع لنفسي خخخخخخخخ
[quote]انا ما ارضى على ذيب وش حلاته والله بس اذا كشخ كشخ بس حتى لو كشخ مايغطي علي هههههههههههههههههههههههههههههههاي ياحبي له والله بس تراه ذيب يتاقلم بسرعه ماعليك طبعا بحسب خبرتي وصداقتي الاكترونيه معه[/quote]
تبطي عظم غيران مني يعني لا تحدني اطخ بالصورة الاخويه هنا ذيك الي انت خابر الي ارسلتها لي خخخخخخخخخخخخخخخخخخخخخ ونشوف من الي يغطي على الثاني خخخخخخخخ:)

[quote]الله يرجك

باطوق نعناع
أطعم اللي بالفراوله
خخخخخخخخخخخخخخخخخخخخخخخخخ
ذكرتني بحلويات زمان ريكو وابو ولد وحلاو غندور اللي اربع بريال[/quote]
نج نج ماتدرين بعد حلاو بقر وبسكوت ابوميزان وبسكوت مالح وأشياء اخرى كلها في السياره حيث ان الوالد الله يطول بعمره يحب التراث :):)

هههههههههههههههههههههههههههاي وين راحت السوالف حقة امس الليل طيرتها الله يطير عدوك وش دعوه

اية سوالف يابابا ماطيرت شيء توني داخل الحين وبعدين دق علي أبيك :)

حصل خير يابابا