السوق ماهو للصغار المساكين ...؟؟!!
 

كغيري من الناس ممن جرفهم تيار الاسهم
واصابهم ذلك الزلزال المخيف

ولكن هي تجربة اضعها لكم على عجالة في هذه الابيات



[poem=font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا بديت براسمالي ثمانين = ووزعتهن بين المواشي وبيشه
وحطيت معهن كثرهن ياميامين= يالله نبي ناكل مع الناس عيشه
قلنا نبي نكسب وراهن ملايين = وجهزت للمكسب ثلاثين خيشه
قلنا نبي نركب جيوب وصوالين = ونبي نغير وضعنا بالمعيشه
ونبني لنا فله كبيره بدورين = ونحط مسبحها بخلف الدريشه
احلامنا فاقت حياة السلاطين = وفاقت حياة اللي على الراس ريشه
كنت احسبه يمشي بعدل وموازين = ما كنت اعرف الحرمنه والغشيشه
جيته غشيم وطحت بين متواسين = واثري دخلت بغابة (ن) مستهيشه
لقيت ناس تاكل الزين والشين = ما همها الا يومها اللي تعيشة
هامورهم يامر وهم له مطيعين = كنه اوامر قايد وسط جيشه
السوق ماهو للصغار المساكين = لعبة هوامير تبختر بريشه
واليوم ابشركم بقالي ثلاثين = وانا احمد اللي كافل (ن) هالمعيشه
وثلاثة اسهم تدمي القلب والعين = سهم المنايا والمواشي وبيشه[/poem]

ابو عبدالرحمن القريشي

رد: السوق ماهو للصغار المساكين ...؟؟!!
 

وثلاثة اسهم تدمي القلـب والعيـن
000000000000سهم المنايـا والمواشـي وبيشـه

ابو عبدالرحمن الله يعوض عليك يالغالي

كل يصيح من جهه

نص يتحدث عن مشكلة العصر

وسوق الاسهم الذي انهك الجميع

ماعدا هوامير السوق

صح لسانك ودام حرفك

وعوض الله عليم خير منها

دمت بخير

رد: السوق ماهو للصغار المساكين ...؟؟!!
 

[color=#008000][size=5]صـــح لـــســـانـــك أخـــــــــي
أبـــــــــو عـــبــــد الــرحــمـــن
كتب فأبدعت في الوصف والحرف
والله يعين كلٍ على بلواه
ويخلف الله علينا وعليك وعلى كل مسلم
دام نبض حرفك ونزف قلمك الراقي
ودمت دائماً نجماً متألق في
ســــــــــمـــــــــاء
الإبـــــــــــــــداع[/size][/color]

رد: السوق ماهو للصغار المساكين ...؟؟!!
 

اخوي المبدع :
الشاعر / ابوعبدالرحمن القريشي
الف صح لسانك على هذه الرااائعه
في هذا الموضوع الذي أصبح حديث الناس ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

رد: السوق ماهو للصغار المساكين ...؟؟!!
 

صح لسانك
اخوي قصيده رائعه
وجميله وان شاء الله الله يعوضك
عن الخساره وتجيب راس مالك واكثر


تقبل مروري

رد على: السوق ماهو للصغار المساكين ...؟؟!!
 

صح لسانك على هالرائعه ..


والله يعوض على الجميع .....






تحيتي وتقديري

رد: السوق ماهو للصغار المساكين ...؟؟!!
 

[COLOR="DarkOrange"]صح لسانك و سلم بوحك ،،

تسلم عالقصيد الطيب

الف شكر لك

دمت برعاية الخالق ،[/COLOR]

رد: السوق ماهو للصغار المساكين ...؟؟!!
 

ابيات جاءت من معاناه
وهي شكوى الجميع ممن تسبب سوق الاسهم في خسارتهم
وقد نظقت بألسن الكثير
عوضك الله خيرا منه
تحياتي

رد: السوق ماهو للصغار المساكين ...؟؟!!
 

القريشي أبوعبدالرحمن



ألف صح قلبك وفكرك .. أبدعت في وصف الحاله .. والله يعوضك خير ..



لاهنت .. لاهنت




إعجابي .. وغلاااااااااااااااااي



م ن

رد: السوق ماهو للصغار المساكين ...؟؟!!
 

يبدو انى سامر هنا كثيرا
لروعه وجمال
ما جاء بين سطورك