ياحمام على الغابه ينوحي - من قائلها؟؟؟
 

[font="comic sans ms"][size="6"][color="blue"]
لعلكم تعرفون ابيات هذه القصيدة السامرية المشهورة ياحمام على الغابة ينوحى
ولكن حصل هناك اشكالية لمن هذه القصيدة ؟؟
وقد ذكر الاستاذ/عبدالرحمن السويداء بمجلة اليمامة عدد736 انه هذه السامرية لموسى بن زيد السويداء المتوفى عام 1348هـ
بينما يؤكد الاستاذ/ سليمان النقيدان ان القصيدة لابراهيم بن منصور الكنعانى من اهالى عنيزة (1)
وللاخوة رواد المنتدى الذين يعرفون هذه القصيدة من قائلها ؟؟ يدلون بدلوهم وخصوصا اهل عنيزة او بريدة
# القصيدة #


[color="red"]

يــا حـمـام عـلــى الـغـابـة يـنـوحـي=ســـاجــــع بــالــطـــرب لا واهــنــيـــه
قــلـــت حّــيـــه ولا كــنـــه بــيــوحــي=مــــــر عـــجـــل ولا ســـلّـــم عــلــيّــه
واعـسـى السـيـل دايــم مايـروحـي=مـايـفـارق جـفــار الصـايـغـيـه(2)
حيـث ينصـاه خطـوات الطموحـي=كــــل بـيـضــا هــنــوف عـسـوجـيّـه
تنقـض الـراس لا جــت بتـروحـي=وتـنــكــســه لـــيّــــة فــــــــوق لــــيّــــه
نـقّـضـت راسـهــا ودّهـــا تــروحــي=قـلـبـهــا مـشـتــغــل يـــبـــي خـــويـــه
يـــا شـريـفـه مـتــى ودك نـروحــي=يــــم ديــــرة هــلــك يــــا لعـسـوجـيـه
قـالـت اصـبـر يطيـبـن الـجـروحـي=شـهـر وعـشـر ودنــوا لــى مطـيـه
كــن فــي ضـامـري قـــدر يـفـوحـي=او غــــروبٍ تــوامــى فــــي ركــيّــه
روح روحي بغت روحـي تروحـي=يــوم قـيـل الـغـضـي فـيــه جـدريــه
جيت ابشرب والى مسكٍ يفوحي=غــاســـلٍ فــيـــه وضّـــــاح الـثـنــيّــه
قــلـــت قــــــوّه ولا كـــنـــه بــيــوحــي=صــــــد واقـــفــــى ولا رد الـتــحــيــه
قــال قـبـلـك غـــدا نـــاس ذبـوحــي=ويــن عبدالرحـيـم ويــن حـيـه(3)
الوليعـي وقـع فــي راس صـوحـي=طـاح فـوق الحصـا سالـت دمـيـه
[/color]

الهوامش :-
(1) بتصرف من كتاب ديوان السامري والهجيني /اعداد محمد الحمدان
(2) جفار الصايغية :مكان جفار معروف في عنيزة
(3)عبدالرحيم المقصود هو محمد بن عبدالرحيم التميمي المعروف ( بالمطوع )
من اشيقر وقصة قصيدته محزنه انظرها في معجم اليمامه لعبدالله بن خميس ج 2 ص 423 -- 425


[color="darkslategray"]ارجو ان تنال اعجابكم[/color][/color][/size][/font]

رد: ياحمام على الغابه ينوحي - من قائلها؟
 

همسات
معلومات قيمه
ورحم الله من شعر
ولاهان من نقل
شكرا لكي اختي

رد: ياحمام على الغابه ينوحي - من قائلها؟
 

[font="comic sans ms"][size="6"][color="blue"]يسلم حضورك متصفحي[/color][/size][/font]

رد: ياحمام على الغابه ينوحي - من قائلها؟
 

جـفــار الصـايـغـيـه(2)
وفي روايه الصالحيه ، والجفار جمع جفره وتطلق على جفار الملح في القصب
اما اسم عبدالرحيم فلا اظنه اسم لفرد في اوشيقر وقد يكون حصل تحريف لأسمه مع النقل
إلا اذا كان عبيد الرحيم فهم يصغرون عبدالرحمن بدحيم وعبيد الرحيم
والقصائد مثل هذه يتم التحريف فيها بالنقل لتنطبق على من يرغب ان تنطبق عليه
اعتقد والله اعلم ان القصيدة لأبن لعبون او لشاعر من القصب
وهي قديمه جداً ويتناقلها اهل نجد وبالذات في الوشم وسدير منذ فترة طويله


شكراً لك

رد: ياحمام على الغابه ينوحي - من قائلها؟
 

[font="comic sans ms"][size="6"][color="navy"]يسعدني وجودك متصفحي استاذي[/color][/size][/font]

رد: ياحمام على الغابه ينوحي - من قائلها؟
 

رائعه[color="blue"][/color]

يعطيك العافيه

رد: ياحمام على الغابه ينوحي - من قائلها؟
 

[font="comic sans ms"][size="6"][color="purple"]الروعه تواجدك متصفحي غاليتي[/color][/size][/font]

رد: ياحمام على الغابه ينوحي - من قائلها؟
 

رائعه

يعطيك العافيه

رد: ياحمام على الغابه ينوحي - من قائلها؟
 

[font=arial][size=5][color=navy]تسلمين همساااااااات[/color][/size][/font]
[font=arial][size=5][color=navy]ولا عدمنااااك[/color][/size][/font]

رد: ياحمام على الغابه ينوحي - من قائلها؟
 

يعطيك العافيه همسات ، وصح لسان الشاعر


تحياتي وتقديري

رد: ياحمام على الغابه ينوحي - من قائلها؟
 

[font="comic sans ms"][size="6"][color="red"]يسعدني وجودك خمان الكون[/color][/size][/font]

رد: ياحمام على الغابه ينوحي - من قائلها؟
 

[font="comic sans ms"][size="6"][color="purple"]شاكره حضورك متصفحي حوررريه[/color][/size][/font]

رد: ياحمام على الغابه ينوحي - من قائلها؟
 

[font="comic sans ms"][size="6"][color="red"]يعطيك العافيه لحضورك متصفحي زهره[/color][/size][/font]

رد: ياحمام على الغابه ينوحي - من قائلها؟
 

هذه القصيده معروفة لدى الكثير من اهل السامري من جميع القبائل ولكن للأسف فقد حرفت ونسبت لغير قائلها. القصيده في الأصل قالها الشاعر خلف بن صنوخ بن جميعان بن جروان الهمزاني الشمري حفيد الشيخ جروان الهمزاني المعروف براعي اللقية أو راعي الكسابة. وقد قيلت هذه القصيده في احدى بنات عمومته وهي سلمى موسى من الطاري من الهمزان قبل ما يقارب 100 عام. واذكر من هذه القصيده البيت اللي يقول فيه الشاعر:
يعل زمل يبي سلمى تروحي
ينكسر في شعيب الحامرية
_____________
شعيب الحامرية المذكور هو احد الاودية في ديار الهمزان ويقع جنوب منطقة حائل حوالي 65 كلم
هذا ما أردت توضيحه ولكم جزيل الشكر والإحترام

رد: ياحمام على الغابه ينوحي - من قائلها؟
 

القصيدة وجدتها برواية اخرى وتعدد النسخ قد يدل على انه تم تحريفها مع النقل ومرور الزمن ، ويمكن ادراك ذلك من تكرار قافيه (تروحي) ، فمن يقول هذه القصيدة شاعر
محترف ومثله لايغيب عن باله ان تكرار القافية غير مقبول

[poem=font=",5,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
آه وا ويلاه من شـي بروحـي=مـار كاميـه لا يـزرا عليـه
يا حمام علـى الغابـة ينوحـي=ساجـع بالطـرب لا واهنـيـه
قلـت حيـه ولا كنـه بيوحـي=مـر عجـل ولا سلـم عليـه
وا عسى السيل دايم مايروحـي=مـا يفـارق جفـار الصايغيـة
حيث ينصاه خطات الطموحـي=كل بيضـا هنـوف عسوجيـة
تقض الراس لاجـت تروحـي=وتنكسه ليـة مـن فـوق ليـة
قضـت راسهـا وده تروحـي=قلبهـا مشتغـل يبـي خويـه
يا شريفة متـى ودك نروحـي=يم ديرة هلـك يـا العسوجيـة
قالت اصبر يطيبـن الجروحـي=شهر وعشر ودنوا لـه مطيـة
كن في ضامري قـدر يفوحـي=او غروب توامـى فـي ركيـة
روح روحي بغت روحي تروحي=يوم قيل الغضي فيـه اجدريـة
جيت ابشرب واليا مسك يفوحي=غاسـل فيـه وضـاح الثنيـة
والحجب نابي فوق السطوحـي=والجدايل علـى متنـه طويـة
جعل زمل يبي خلـي يروحـي=ينكسر فـي شعيـب الحامريـة
قلت يا ذا الحمام اللي تنوحـي=جارك الله عن الرامـي نجيـة
ذكرت صاحبي مبري الجروحي=قذلتـه فـوق متنـه هلهليـة
قلـت قـوه ولا كنـه بيوحـي=صـد واقفـي ولا رد التحيـة
قال قبلك غـدا نـاس ذبوحـي=وين عبدالرحيـم ويـن حيـة
الوليعي وقع في راس صوحـي=طاح فوق الحصا سالت دميـة [/poem]

رد: ياحمام على الغابه ينوحي - من قائلها؟
 

تقض الـراس لاجـت تروحـي
في رواية بتروحي
ومن يقول بتروحي هم اهل الرياض وجنوبها حتى وادي الدواسر

من ناحية اخرى فالبتين :
آه وا ويلاه مـن شـي بروحـي=مـار كاميـه لا يـزرا علـيـه
يا حمام علـى الغابـة ينوحـي=ساجـع بالطـرب لا واهنـيـه

في رواية تلبيت الأول هو الثاني وهو الأقرب في المعنى

وهذه رواية اخرى

[poem=font=",5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياحمام(ن) على الغابة ينوحي = يزعج الصوت من عالي البنيه
آه ويلاه وا شيئ بروحي = مار تساميه لا يزراء عليه
روحي روحي بغت روحي تروحي = يوم قيل الغضي به جدريه
حب سلمى سبا عقلي وروحي= يوم شفت الخواتم في يديه
الحجب نابي(ن) فوق السطوحي=والجدايل على حد الشطيه
يوم أجيكم على الهرش النزوحي= أشرب الماء وأنا مابي ضميا
وأتمسح وانا مالي مسوحي= ثم اصلي وانا مالي بذيا
ياشريفه متى ودتس نروحي= يم ديرة هلتس العسوجيه [/poem]

وهنا وجدت بيتين لم يكن موجودا في النسخه السابقه
جعل زمل يبي خلي يروح =ينكسر في شعيب الصالحيه
قلت ياذا الحمام اللي تنوح =جارك الله عن الرامي نجيه

يبدو ان القصيدة ليست لشاعر من القصيم او من حائل
فكلا المجتمعين يذكر المؤنث في ضمير الغائب ، بينما نرى
انه استخدم هاء التأنيث في قوله :
نـقّـضـت راسـهــا ودّهـــا تــروحــي
فشاعر من القصيم او حائل سيقول
نقضت راسه وده تروحي

لذلك لا ازال اميل للقول انها لشاعر من منطقة الرياض