حبيت شايب ..ليه(بالصوت)
 

بصوت خاز باز
[rams]http://up.ftahilah.com/up/uploads/khazandme/7baitshybKH2.rm[/rams]


[poem=font="Simplified Arabic,6,darkred,bold,normal" bkcolor="transparent" bkimage="http://www.fatahilah.com/images/toolbox/backgrounds/24.gif" border="none,4," type=2 line=0 align=center use=ex num="0,black"]
حبيت شايب لا تقـولون لي ليـه = لقيت عنده ما أبي العزّ والجاه
حصّلت كل الحبّ من قلب يعطيـه = هو حبّي الاول ولاخر وانا افداه
قرب على التسعين لا شي يشكيـه = سلفه يـدّق بلا اشتراكٍ وتحمـاه
مهمـا طلبته قـال حاضر ولبّيـه = يركض على شاني ولا همّه شراه
لـو هو لبن عصفور لابـدّ لاقيه = يفـرح اذا من قلت يارب تجزاه
وان ضاق صدري بان حزنه بعينيه = ورحت اتمشى فيالبساتين وايّـاه
يجمع لي أجمل ورد من نقوة ايديه = والشوك عن دربي يشيله بيمنـاه
واذا رجعنـا البيت فالأنس يحييه= شال الهجيني والرقص دوم يهواه
وان كان ابي "ديسكو" فلا هوب خافيه= "البريك داون" يضبطه ما تعنّاه
يا بنت خـوذي شـايبٍ لا تعـدّيه = خـاتم بيدّك والمخـاليق تخشاه
وش لك بورعٍ تايـهٍ في مفـاليه = اما سهر والا دشــاره وبلـواه
والا فقيـرٍ راتبـك ما يخـلّيـه = والا غني والبخـل دوم بخطـاه
والا مطـوع وحــدةٍ ما تكفيّـه = ولو هي وحيده تنتهي من سواياه
قضبة عمى يا ويل من طاح بيديه= فسيـارته من كثر كـرفه تشكّاه
ولا تاخذي شاعرترى العشق يغريه = يا سـرع ما يقلب لحبٍ تحـرّاه
ولا تقبـلي راعي "تداول" وتشريه = فكـره مع الاسهم عشيقٍ وليلاه
فالشـايب اللي كبر جـدّك تمنّيـه = لـو قدّر الله مات فالورث ذكراه
من بعـدها تشرين زوجٍ وتغنيـه = دام الشباب اليـوم فقره توطّـاه
ويصير لك ظـلٍ وطفلٍ تربّيـه = برويتبٍ مثل الموظف ولا احلاه[/poem]

الله عليك يالطائر المهاجر

فكرة جميلة لو جاني شايب بتزوجه

هههههههههههههههههههههههههههه

وصح لسانك ولاهنت

دام حرفك ... يجسد نبضك


بنت الجروح

اجل من حظك الخطابه ام علي في المنتدى تشوف لك طلباتك توها منزله الترحيب بكم

صح لسانك ,,

تعليق:
بس في بنات أعمارهم في ال20 يبون يتزوجون ناس كبار بالعمر,,(حقيقه)
ومثال على هذا بنت عمتي زواجها( بالعطله هذي) بشاب أكبر منها بسنتين تقريبا ,وهي لو بيدها ماأخذت إلا واحد كبير في ال40 مثلا
بس أحسه شي مو منطقي أبدا.. إذا خلفت بيكون أول طفل لها إذا صار عمره 10 سنوات إلا الأب في قبره.. وهذا فيه ظلم للأطفال..

بعض الشياب نلقاه يطق الميه ويدفن حرمته اللي بينها وبينه 40 سنه
فالأعمار بيد الله

صح الأعمار بيد الله.. بس حتى أفكار الجيل هذا غير اللي قبله أصلا صار اللي أكبر منك مثلا ب5سنوات كأنه بجيل ثاني..مهما كان..


إلا أقول المشرف شكلك ناوي بنيه خخخخخخخخخخخخخ..

الشايب اللي وصفته في القصيدة عملة نادرة
يكفي انه يجيد "البريك داون" وهي من اصعب الرقصات الغربية في الديسكو ،
فهذا الشعر الكوميدي ، يحاول أن يعالج مشكلة معينة ، فيوجه الفتاة لمن يصلح لها
ومن لايصلح ، ويركز على مشكلة الشباب الذي يعيش عالة على اهله ، فلا وظيفة
وتركيزه على البنت التي لها راتب حتى يكون عالة عليها...
فالشعر ليس بالضرورة بوح للشاعر ..
تحياتي

هههههههه
الله يوسع صدرك يابو عبدالله .. مع الكوميديه اللي تخللت الأبيات
الا انها منبع للحكم .. والدقات على قولتك ..
بس ماضيّق صدري الا هالبيت ..

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ولا تاخذي شاعرترى العشق يغريـه = يا سرع مـا يقلـب لحـبٍ تحـرّاه[/poem]
وردي عليه ..

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الشاعر اللي يكتب البيت يقفيه = في عشق حبه ما يداني لفرقاه[/poem]

وصح لسانك ولاهنت ..

والا مطـوع وحـدةٍ مـا تكفـيّـه
ولو هي وحيده تنتهي مـن سوايـاه
قضبة عمى يا ويل من طاح بيديـه
فسيارته مـن كثـر كرفـه تشكّـاه

بلاك ما تدري وش صار لي مع المطاوعة على هالبيتين!!!

فالشايب اللـي كبـر جـدّك تمنّيـه
لو قـدّر الله مـات فالـورث ذكـراه
من بعدهـا تشريـن زوجٍ وتغنيـه
دام الشبـاب اليـوم فقـره توطّـاه
صح لسانك مشرفنا رائعه جدا
ولكن صعب جدا الفارق الكبير
بالسن خصوصااذا الشايب لديه
ابناء حتي لوكان الشايب
طيب تقع المشكله من الابناء
سلمت وسلم شعرك ووسع الله صدرك
تحياتي

[QUOTE]قرب على التسعين لا شـي يشكيـه
سلفه يـدّق بـلا اشتـراكٍ وتحمـاه[/QUOTE]
[COLOR="Blue"]
ههههههههههههه

صح لسانك

يامشرفنا

والله ام على شكل الضغط بيكون عليها جامد الله يستر:)[/COLOR]

ههههههههههه


ابو عبدالله


صح لسانك على الحكمه الفكاهيه




تحياتي واحترامي

كل الشكر والتقدير لكم جميعاً
على كريم الحضور والتفاعل الرائع
تحياتي الطيبة

ههههههههههههههههه


ماهي من القلب يادكتور ..



صح قلبك وفكرك ...




تحياتي وغلااااااااااااااي




مبارك . ن

السلام عليكم
صح لسانك وقصيده رائعه
لك مني كل الود

المشرف العام
صح لسانك تصوير رائع وأنا أخوك
هههههههه
فعلا كوميدي

المشرف العام

يتنفس شعرا

العباقرة

وحدهم من يستطيع ذلك

وهذا كلامي منذ امد

ايها الدكتور الشاعر

اعذب الود واصدقه لك

هههههههههههه

لاتعليق

<<< احتارت هو صحيح الشايب أفضل بس ماتحب الشخير

ههههههههههههه

أضحك الله سنك شاعرنا المرح

بنـت خـوذي شايـبٍ لا تعدّيـه
خاتـم بيـدّك والمخاليـق تخشـاه
وش لك بـورعٍ تايـهٍ فـي مفاليـه
امـا سهـر والا دشـاره وبـلـواه
والا فقيـرٍ راتبـك مــا يخلّـيـه
والا غنـي والبخـل دوم بخـطـاه
والا مطـوع وحـدةٍ مــا تكفـيّـه
ولو هي وحيده تنتهي مـن سوايـاه
قضبة عمى يا ويل من طـاح بيديـه
فسيارته مـن كثـر كرفـه تشكّـاه
ولا تاخذي شاعرترى العشق يغريـه
يا سرع مـا يقلـب لحـبٍ تحـرّاه
ولا تقبلي راعي "تـداول" وتشريـه
فكره مع الاسهـم عشيـقٍ وليـلاه
فالشايب اللـي كبـر جـدّك تمنّيـه
لو قدّر الله مـات فالـورث ذكـراه
من بعدهـا تشريـن زوجٍ وتغنيـه
دام الشبـاب اليـوم فقـره توطّـاه
ويصيـر لـك ظـلٍ وطفـلٍ تربّيـه
برويتبٍ مثـل الموظـف ولا احـلاه

قررت ماأعرس الا بشيبه وبعد من الشيبان اللي يشربون حليب البل خخخخخ

مشكور اخوي عثمان والله يضحك سنك ويطول عمرك ..

تحيتي لك / مشاعر حالمه ..

اشكركم جميعا على كريم الحضور والتفاعل الرائع
وكما رأيتم فالقصيدة هادفة
من بعدهـا تشريـن زوجٍ وتغنيـه
دام الشبـاب اليـوم فقـره توطّـاه
ويصيـر لـك ظـلٍ وطفـلٍ تربّيـه
برويتبٍ مثـل الموظـف ولا احـلاه

فمع الأسف بعض الشباب اليوم ما ينغزى به
فالبعض تجده لا يزال عالة على اهله ، وحرام
انه ياخذ بنت الناس وهو بهذه الحالة ، يتعذر بقل الوظائف
ولكن في الحقيقة يبي مكتب ومكيف ، ولا يبغى إلا أعمال معنية
ويستمر في التبطح في بيت اهله وقد تكون امه هي من يعطيه
مصاريفه اليومية.
لكن وضع القصيدة بهذا القالب الكوميدي والترغيب في الزواج
من الشياب الهدف منه تحريك اولئك الشباب ، وليست دعوة حقيقية
للزواج من الشيبان ، فشاب فقير يغنيه الله ، ولكن شرط ان يكون لديه
العزم لتطوير نفسه ، وقبول العمل مهما كان شاقاً ، اما فكرة الشيبان فهي
من باب المداعبة فقط ولا انصح أي فتاة بذلك مهما كانت ثروات الشايب.
وبالطبع مثلها قصيدة "شاب يحث على الزواج من العجايز" والتي مطلعها
عجوز امس مرتني ومعها شايب مطيور
تحياتي الطيبة لكم جميعا

هههههههه

مشرفنا الغالي وأنت مصدق اننا نبي نتزوج شيبان ؟!!

والله لو مابقى بالدنيا رجال ماخذت شايب يونون علي ويخيسني بريحته من كثر التدهين ويزعجني بشخيره

صحيح الشياب لهم مكانه عندنا واحترام وهم الأساس بس ماتوصل نتزوجهم حرام أضيع حياتي مع شايب

لكن صراحه قصيدتك وضعتها بقالب كوميدي مشوق هههههه

رد على: حبيت شايب ..ليه(بالصوت)
 

هههههههههه

روعه روعه القصيده

ممتعه للغايه

صديقتي جدها عمره ميه و شي
و متزوج وحده عمرها كم و ثلاثين
و عنده طفله صغيره

الله لا يبلانا

صح لسانك و علا شانك

دمت برعاية الخالق

رد: حبيت شايب ..ليه(بالصوت)
 

[B][COLOR="DarkRed"]

ههههههههههههههه


صح لسانك بو عبدالله ،،


جبت اصناف الرجال صح والله ،،


يعني نقدر نقول " وشهد شاهد من اهله "



دمت طيب :)




،،[/COLOR][/B]

رد: حبيت شايب ..ليه(بالصوت)
 

مهما طلبتـه قـال حاضـر ولبّيـه
يركض على شاني ولا همّـه شـراه
إذا هو فوق التسعين ماالظاهر يركض هههههه
وجدت واقع رغم القالب الفكاهي الذي كتبتها فيه الا ان آخر الابيات واقعنا لهذه الايام
صح لسانك طائرنا المهاجر

رد: حبيت شايب ..ليه(بالصوت)
 

[COLOR="Red"]وان ضاق صدري بان حزنه بعينيـه
ورحت اتمشـى فيالبساتيـن وايّـاه
يجمع لي أجمل ورد من نقوة ايديـه
والشوك عن دربي يشيلـه بيمنـاه
واذا رجعنا البيـت فالأنـس يحييـه
شال الهجيني والرقـص دوم يهـواه
وان كان ابي "ديسكو" فلا هوب خافيه
"البريك داون" يضبطـه مـا تعنّـاه
يا بنـت خـوذي شايـبٍ لا تعدّيـه
خاتـم بيـدّك والمخاليـق تخشـاه[/COLOR]

[COLOR="Purple"]الطااائر المهااااجر

والله خوش شايب أذا لقيت ذا النوعيه من الشياب علمني

أبيات حلوه ومرحه

من شاعر مرح

دمت وداام الشعر[/COLOR]

رد: حبيت شايب ..ليه(بالصوت)
 

[B][COLOR="Blue"]اي هين يابو عبدالله

ذي تسويق سيرة ذاتية

بس ما راح احد يطيعك

صح لسانك وبيض الله وجهك

دمت بخير[/COLOR][/B]

رد: حبيت شايب ..ليه(بالصوت)
 

يقوله اللي راح عمره ويرجيه = يبغى شبب وظروف وقته توطاه
ماهوب حق تخليى البنت بيديه= لاافارج همه ولا مضحك فاه

تحياتي

رد: حبيت شايب ..ليه(بالصوت)
 

الشاعر المبدع الطائر المهاجر

قصيده بها فكاهه والكثير من الواقع

وماذا عن الشاب اذا تزوج عجوز

ههههههه اكيد ما ترهم

رد: حبيت شايب ..ليه(بالصوت)
 

رائع جدا اخى

تسلم على الكلمات الرائعه

يعطيك الف عافيه

رد: حبيت شايب ..ليه(بالصوت)
 

شكرا لأخي نسناس الهوى
على كريم الحضور والمتابعه
لاهنت
تحياتي

رد: حبيت شايب ..ليه(بالصوت)
 

وحبيت شايب
الله يعينها
استاذي تراني انا وياك شياب
علم الجميع خخخخخخخخخخخخخخخخخ
شكرا ولافض فوك
ابيات جزلة من جزل وهادفة بحق

رد: حبيت شايب ..ليه(بالصوت)
 

صح صح لسانك ملايين


لاهنت على هذه الشامخه




ابدااااااااااااااااااع


دمت بخير

رد: حبيت شايب ..ليه(بالصوت)
 

[center][glow=003333][size=6][font=comic sans ms][color=#ffffff][color="deepskyblue"]
[color=#00ccff][size=7]
[color="plum"]صح صح صح الساانك

قصيده جزله

لا هنت

موج القصيد[/color][/size][/color]

[/color] [/color][/font][/size][/glow][/center]

رد: حبيت شايب ..ليه(بالصوت)
 

سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

رد: حبيت شايب ..ليه(بالصوت)
 

صح لسااااااانك و صح بدنك

و اعتلا شانك

تحيتي

رد: حبيت شايب ..ليه(بالصوت)
 

جزلة
سلمت وصح لسااااااااانك

صعوووب

رد: حبيت شايب ..ليه(بالصوت)
 

[font=simplified arabic][size=4][b][align=center]الله عليك
صح لسانك مدد مهو عدد
حضور راقي وقصيده ارقى
يسعدني المرور
سلطان ..[/align][/b][/size][/font]

رد: حبيت شايب ..ليه(بالصوت)
 

شكرا للفاضلة الخنساء
على كريم الحضور والتفاعل
لاهنتي
تحياتي

رد: حبيت شايب ..ليه(بالصوت)
 

هههههههههههههههههه

صح لسانك وفكرك

صعووووووووووب

رد: حبيت شايب ..ليه(بالصوت)
 

صح لسانك

ونصيحه طيبه

بس انا لا

لاهنت

تقبل مروري

وتقديري