مختارات احمد الناصر الشايع
 

[img]http://www.alriyadh.com/2006/05/13/img/135620.jpg[/img]

هو احمد بن محمد بن ناصر الشايع ال موسى ال زمام المساعره الدوسري ولد في حوالي 1935م في الزلفي في نجد من الشعراء المعاصرين ممن يجيدون شعر النظم والمحاورة ، شارك ابو محمد في عدة امسيات منها : شعبيه في بيروت و الدوحه والمنامه و دول الخليج العربي وبعض الدول العربيه ومناطق المملكه ويعتبر من شعراء المحاورة المعروفين حيث تحاور مع العديد من شعراء المحاورة المشهورين وتغنى بشعره العديد من الفنانين
مثل سلامه العبدالله ومحمد عبده ، وصدر له ديوان(نسمات الربيع) يغلب عليه طابع الغزل .
مما قال:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه يوم العباد رقود=النوم مايطري على بالي
مجروح روحي وخاطري ملهود=ياناس خلوني على فالي
تبكي وعيوني والدموع الشهود=اي والله ابكي صاحب غالي
يازين مالك بالعذاب فود=ارفق باحالي يابعد حالي[/poem]

وايضا:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياناس قالوا لغض العود =تكفون ياناس قولوله

مااشوف له من عذابي زود= كثر التصاديد وش هوه له

ابو تليل اشقر مرجود= اسمع بذكره ولا اطوله

وعيون نجل هدبهن سود =يذبح بهن من جي حوله

ياكثر الازوال بيض وسود= ماهم بمثله ولااهم حوله [/poem]


ومن قصائده التي تتضمن طرافة الموقف ولم يضعها بديوانه

انه سافر مره من الرياض ومعه صديق له اسمه(عبدالعزيز)

وفي ذلك الوقت لم تكن الطرق معبده كما هي الان

فتعطلت السياره في الوحل وكان يوما ممطرا فتلوثت ملابس

شاعرنا فقال:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

سفره لعلها يا عزيز ما تعود=بين خزه والخناصر قعدنا ليلتين

موتر مشيه لك الله مثل(---) الذود= دايم يرجع ورا يا معين الصابرين

ان بغى الجودا رد البنك رده مايجود= ان مشى ساعه وقف يا عزيز ساعتين

مع صلاب الحزم يمشي وكنه في نفود=جعلها الله للقرافه وحنا سالمين

البساتم والكرنكات جمله والعمود=جعلهن يخبطن من يسار ومن يمين

ثم اشوفه في عيوني مثل كنب الهنود=واقف تسفي عليه السوافي كل حين[/poem]

رد: مختارات احمد الناصر الشايع
 

يرثي فيها ابنه فهد

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نهار ثالث عقب عيـد رمضانـي= ناس عطـاه الله ونـاس محرومـه
احدٍ قضى عيده سـلام وتهانـي=واحدٍ توصله الكواكـب همومـه
صادفت صدفه من صدوف الزماني=منها قوي الحيـل تفتـر عزومـه
هـذا زمـان الهـم والامتحانـي=وقتٍ على قلبي تعاقـب سهومـه
الأولـه كامـل جميـع المعانـي=مزبن المضيوم شـرع الخصومـه
محمـد اللـي بالقسـا والليانـي=عقبـه سمايـه غايبـات نجومـه
والثانيه باقـرب قريـب ودانـي=خامس عيالي يوم جتنـي علومـه
قالو مابيـن الخاصـره وحلبانـي=ولدك مات اللي ترجـى قدومـه
جاء يومه الموعود بأربـع ثوانـي=قلت السبب قالو دنى منـه يومـه
علمٍ على الكبد السخيفه كوانـي=كية عطب ما تنشكى للحكومـه
تهشمت كـل الضلـوع المحانـي=مفجوع والمفجوع محـدٍ يلومـه
أخذت لي ساعه وانا فـي مكانـي=حسبت لي عشرين طيحه وقومـه
إليا بغيت الهـرج ييبـس لسانـي=والذاكره عندي تقـول معدومـه
قمت اتلفـت واتسمـع بأذانـي=من شاف حالي ما تهنـى بنومـه
مما بقلبي رحـت بالليـل عانـي=للموتر اللـي مابقـا الا رسومـه
عن روحتي ياليـت ربـي نهانـي=ولا شفت دمه سايح في هدومـه
قمـت ودفنتـه والله المستعانـي=في خرقة بيضـا عليـه محزومـه
يـم القويعيـه بـلاد قحطانـي=والحر غير لون وجهـي سمومـه
واقفيت من عنده وعشري ثمانـي=مثل المصيـح والبـلاد محكومـه
والله يا لولا اني وسيـع البطانـي=لا أصكها مثل اشقر الريش حومه
طاوعت نفسي مير عقلي قوانـي=عن الخطا مافيه نفـس معصومـه[/poem]

رد: مختارات احمد الناصر الشايع
 

كل من عاش في الدنيا يشوف العجايب



[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كل من عاش بالدنيا يشـوف العجايـب=مثـل ماشفـت بالدنيـا وشفتـه باهلهـا

قمت ابرق وافرق بين مخطي وصايـب=مثل فرق الجبـال النايفـه مـن سهلهـا

والتوافيـق عنـد حظـوظ و وهـايـب=عند رب يجـازي كـل نفـس بعملهـا

اشهـد ان الهـدوم يستـرن المعـايـب=اثرها تستـر الحرمـه وتستـر فحلهـا

الاوادم بعضهم مثـل وصـف الجلايـب=لو توحد بها ذيـب الخـلا كـان اكلهـا

كم صبـي تحسـب انـه ع الضرايـب=وان بخصته , كرهت الديره اللي نزلهـا

مايسر ان حضر , وان غاب ماقيل غايب=مار الارزاق عنـد ربٍ لخلقـه كفلهـا

مايضـد الضديـد ولايفيـد القـرايـب=يوم نفسـه تعـدى حدهـا مـن زعلهـا

وفيه رجـل يحـل المشكلـه والنشايـب=كـل ماحملـوه الواجـبـات احتملـهـا
وااقـفٍ للـزوم ومرتـكـي للنـوايـب=والحمـول الثقيلـه مالهـا الا جملـهـا

ليت روحه قبل تركز عليـه النصايـب=حط عنه اربعين مـن الزلايـب بدلهـا

وفيه منهـو مسالـم مايحـب الطلايـب=مشتقى من رضى نفسه ولا من زعلهـا

وفيه منهو اذا كبرت عليـك المصايـب=ساق وجهه وجاهه لـك ونفسـه بذلهـا


وفيه منهو يبـا الجـودا فلاشـك هايـب=كل ماناض صدره جـى عضـوده خللها

وفيه منهو يحـل المعجـزات الصعايـب=اصغر افعاله الجـزلات محـدن فعلهـا

وفيه منهو يعيـش وعيشتـه بالسبايـب=كل ماسمعله غلطـة مـن رفيقـه نقلهـا

وفيه منهو على نفسه رضـى بالغلايـب=الله اللـي رفـع نفـس ونفـس خذلهـا

لـو تبـي تنصحـه لله نجـر الهبايـب=انكـرك والنصيحـه ردهـا ماقبلـهـا

اشهد انه عقوبـه مـن كبـار العقايـب=قاصر المعرفه قلبـه كمـا قلـب بلهـا
[/poem]

رد: مختارات احمد الناصر الشايع
 

هل دمعي


[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هل دمعي على خدي نهـــار الوداع=يوم قالوا فامان الله جاني بــــــلاي

التفت والتحظني بالعيون الوســـاع=وارسل الدمعة اللي زاد منها عنـــاي

خايفٍ من فراقٍ ماوراه =يالله اليوم لاتقطع رجـــــاه ورجـــاي

طاحت اقدام رجلي في محلي ذراع=مااقدر المشي قدامي ولا ارجع وراي

مابغي السر من بيني وبينه يشـاع=يضرب الوصل دايم في غلاه وغــلاي

جعل من لامني في غرامه يـــــلاع=حيث وصله هوى قلبي وغاية منـــاي[/poem]

رد: مختارات احمد الناصر الشايع
 

في رثاء ابنه محمد
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا بعد نوم الليل عن حجـر عينـي=صبر على ما صار من وال الأقـدار
صبرت صبر بـاح منـه الكنينـي=أضحك مع العالم وكني علـى نـار
ما غير أهوجس بين نفسي وبينـي=يعلم بها العلام فـي كـل الأسـرار
تقل اتحـرى لـي علـوم تجينـي=مع الطروش اللي يجيبون الأخبـار
فهمت رأس العلـم مـن كلمتينـي=من يوم قالوا جا محمـد ونصـار
تكسّـرت عقبـه جرايـد يمينـي=عز الله اني عقب ما صـار صبّـار
من عقبهـا ونيـت لـي ونتينـي=ونة غريب بالخلا ضـاع واحتـار
لولا الله أبـرك ثـم قـوة يقينـي=لا طير مثل الطير من كف صقـار
تخنقنـي العبـره وأفـرّك يدينـي=واحترت مثل مصالي النار والغـار
علـم يخلـي كـل قاسـي يلينـي=كنه على قلبي رصـاص أم كـرار
الى ذكـرت عيالـه المصغرينـي=هــذا يعزيـهـم وهــذاك زوار
احد على جنبه واحـد لـه ونينـي=جتني هموم القلب من كل الأقطـار
قلت اصبروا والله مع الصابرينـي=الله يكافيكـم صواديـف الأشـرار
عسى عوضنـا الحـي بالميتينـي=ناصر ونايف ذخرا سـر واجهـار
وأحمد وعبدالله ذرانـا الحصينـي=صغار سن وان بدا الـلازم كبـار
يجبر عزاي اللي بخلقـه ضمينـي=محيي العروق الميته عقب الأمطار
مالي عن المكتوب فـوق الجبينـي=لو رحت شرق وغرب ويمين ويسار
صليت نصف الليل لـي ركعتينـي=أطلب له اللـي للخطيـات غفَّـار
خفف ذنوبه يا أرحـم الراحمينـي=في ماقفٍ ما ينفعن فيـه الأعـذار
جعله برضوانـك مـن الفايزينـي=بالماقف اللي به يضيعـن الافكـار
في ماقفٍ بـه كـل خافـي يبينـي=تمت وصلى الله على سيد الأبـرار [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أذن المـذن ونـادى طـول صوتـه بالمنـاره=وقمت طولـي للسفينـة ثـم فليـت الشراعـي
لو يزيد الموج مانـي فالبحـر سـواق طـاره=عارفٍ مجرى السفينـة فـي نـزولٍ ورتفاعـي
كـل رجـال ٍ هواجيسـه علـى قـد اقتـداره=والحظيظ اللي مع العربـان عاقـل واجتماعـي
العرب لـو بشرونـي كـان سلمـت البشـاره=في بيوت مخترعهـا طيـب العـرف اختراعـي
بين الأثنيـن المفاهـم فـي محلـه والمشـاره=لو يجون اخوان صلب أو هم خوان من الرضاعي
حجة الغايب معه ومـن اعتـذر قبـل اعتـذاره=مايضيقن النفوس ولا الـدروب اللـي وساعـي
وانـت عنـدك لاتعلـم بالثمانيـن الـحـراره=والهروج الضايعة مثل الهمل من غيـر راعـي
صابر بالحـق دام الحـق مـن جـار ٍ لجـاره=لو نجيبه دين ياصالـح مـن البنـك الزراعـي
والسعادة حظ والا العـرف والمعنـى شطـاره=لو رضاك بعيد اسافر له على النقـل الجماعـي
وسع الخاطـر ولابـه كسـر يحتـاج الجبـاره=دايم العاقل وسيع ابطـان ماهـوب انـد فاعـي
اعتذرت من الرفيق وزبـدة الهـرج اختصـاره=إن عذرني كثر خيره وإن ومر بأمـره مطاعـي
قصة جت من رفيقك غصب من غيـر اختيـاره=سألفـه ومخالفـه ماودنـا الهـيـن يـذاعـي [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه واليوم عينـي طواريهـا كثيـره=عيني طواريها كثيره وش اسـوي بعينـي
ماجا خبر وعلوم وطروش من ديره لديـره=وطروش من ديره لديره يسلون االحزينـي
من ينصر المظلوم كوده الى سمع السريره=كوده الى سمع السريره حكم بينه وبينـي
هجر وسهر وهموم ضاقت على كل الجزيره=ضاقت علي كل الجزيره وانا ضلعي متيني
لاهل الغرام سلوم ومصيبه الفرقى كبيـره=ومصيبه الفرقى كبيره عساهـا ماتجينـي
عيني تعاف النـوم بالليـل يالله الستيـره=بالليل يالله الستيره يبـا الخافـي يبينـي
نادو عقيد القوم ياقوم ملـزوم استشيـره=ياقوم ملزوم استشيره لـو انـه مايبينـي
يازارع اليشموم ليتك تبيع بحسـن سيـره=ليتك تبيع بحسن سيره علي او تشترينـي
ان بعت باول سوم سموك ابو خيره =سموك ابو خير وخيره وابو قلـب فطينـي
رضيت بالمقسوم سافر عساها لك سفيـره=سافر عساها لك سفيره وانا وش في يديني
انا له المحكوم ماهمنـي مخلـوق غيـره=ماهمني مخلوق غيـره بحبـه مشترينـي
لو قيل لي منجوم راضي وخلوها قصيـره=راضي وخلوها قصيـره ولا بّيـح كنينـي [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ليت العمـر ينبـاع والله لشريـه=وأروح للطيّـب وأزوّد سنيـنـه
وإلا الردي لعـل تقصـر لياليـه=ما من وجـوده فايـده خابرينـه
أفزع مع الطيّب عسى الله يخليـه=اللي لفعل الطيـب تبـذل يمينـه
خل الـردي لعـل تكثـر بلاويـه=ثقيـل دم وفـوق ذا ثقـل طينـه
ياللي عبيده تطلبـه ثـم ترجيـه=أعطف على عبدك وقـوّه بدينـه
وإلا الردي ما همني وش يجي فيه=لو غاب ما همب العرب فاقدينـه
لا واحسافه كيف يصبح مساويـه=النذل والطيّب سـوى بالسفينـه
مواقـف الطيّـب تعـزه وتغليـه=وإلا الـردي لعـل ربـي يهينـه
أشكي على اللي شامخات هقاويه=أبو محمـد جعـل ربـه يعينـه
مواقفـه هالحيـن وإلا بماضيـه=ترفع له البيضاء على أعلى جبينه
اللي يلبـي كـل صـوت يناديـه=رجل المواقـف كلنـا عارفينـه
إليا لفى كـل الجماعـة تحييـه=أحد يحب الخشـم وأحـد يدينـه
من حشمته كـل يحبـه ويغليـه=أبو محمد جعـل يبطـي ونينـه
أقول كلمة حق والله مـا أرجيـه=أرجـي كريـم كلنـا عابريـنـه[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أقبل الليل واكتف النهار= واعذاب العيـون مـن السهـر
تنقص الحال والعلة تزيد= مابعد صـاح صيـاح النبـات
كل مادار وقتي واستـدار =عارضتـي صواديـف الدهـر
يفعل الله بخلقه ما يريد =باصروني على عمـري فـوات
قاعدن بين نار وبين غار =واسهر الليل من سابع شهـر
لو اضلوعي حيد من حديد= كان ممـا جـرى متخالفـات
التفت من يمين ويسار =ماعـن التـرف رداد الخبركلمـا
اصبحت لي صبحٍٍٍن جديد= غابت الشمس والعلـم الثبـات
يوم أقول آه من غير اختيار =ضوح خدّه مثل ضوح القمر
ثم عينه مثل عين الفريد =مقدر انساه لـو قلبـي حصـاة
صرت في دار والغالي ابدار= والدهر صار له بطن وظهر
والقريب اختلف قبل البعيد =مقدر ارسل سلام ولا صـلاة
اتقي بالصغار من الكبار =والحذر مـا يفـك مـن القـدر
كان مار جاني العلم الوكيد= عندي الموت أخير من الحيات
ان نخيت الرفيق ابدى العذار= ما نفعني بحـزات الخطـر
واظهر العز قدام الضديد =كـان مابـي جـروح كاميـات
افترقنا ولا ادري ويش صار =حان دون الخبر منك البحـر
كيف تدله وانا همي شديد= يا غناتـي ولا غيـرك غنـاة
شين الانكار عقب القرار= ليتنـي فيـك حققـت النظـر
اشهد ان التمني مايفيد =ما احسب انك تسـوي هالسـواة [/poem]

رد: مختارات احمد الناصر الشايع
 

محاوره شعريه بين احمد الناصر الشايع وابنه محمدرحمه الله

احمد:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلامي رديه عدد مانشى وامطر صدوق السحاب. =رديـه سويتهـا يـوم جانـا وقـت ميعادهـا
من لايفكر في زمانه وياخـذ لليالـي حسـاب. =تلعب به الدنيا وهو مادرى والنفـس مافادهـا [/poem]

محمد:

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامرحبا والله اعلم بالخطا والله اعلم بالصـواب. =اقولها والناس تقـدح نهـار الحـرب بزنادهـا
من لايحسب في زمانه يبي يصبح عشا للذيـاب. =.يصبح عشا للسحم والسحم يعرف كيف مرصادها [/poem]

احمد:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كم واحد ظميان في القيظ قد غره لميع السراب. =يصبح مثل ماقيل سرداد رجله مثـل مردادهـا
لي عادة ماتختلف لو يشيبني شيش ولد الغراب =ون كان لك فزعة يابو مدفع روسي معك نادها [/poem]

محمد:

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مافيه شك وكل بيـت يعمـر فيـه طاقـه وبـاب =والمركبه من صبح فوق القمر طلعـت بروادهـا
اللي يهاب من الخطر ماحضر واللي حضر مايهاب =واللي يشوف المعركه في عيونـه راح ماعادهـا [/poem]

احمد:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راسـي مضـر للتعـب والمشاكـل والعنـا والعـذاب =مالي حزامـي بالفشـق والذلـول الصبـح بشدادهـا
حاربت يوم الحرب الابيض وحرب اهل العصا والحراب. =ومن لاعرف مصدارها ماعرف وشلون ميرادها[/poem]

محمـد:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الحيـه الرقطـاء قطـع راسهـا مابقيـا غـيـر داب =واكثـر عبـاد الله معـك يايبـه تـاريـخ ميـلادهـا
قد قلت لي بالك تعلق على الجربـا صميـل او جـراب =..ماربح سايقها ولا ربح ياهـل العـرف مـن قادهـا [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياناس قولوا لغض العـود..=تكفون يانـاس قولـو لـه

ما اشوف له من عذابي زود.=كثر التصاديد وش هو لـه

ابو ثليـل اشقـر مرجـود=ااسمـع بذكـره ولا اطولـه

وعيون نجل هدبهن سـود=يذبح بهن من يجـي حولـه

ياكثر الأزوال بيض وسـود=ماهـم بمثلـه ولا حـولـه

عقب المودة جفا وأصـدود.=ماشفـت زول مثـل زولـه

إن مت ابا القى عليه اشهود=عنقـه وخـدّه ومجـدولـه

أسهر وكل العيـون رقـود.=اليـا تباطيـت مرسـولـه

يازين حبل الهوى ممـدود.=لكـن سجايـاه مجهـولـه [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألا يا ونتاه اللي مـن الفرقـى بـرت حالـي =كما بري الدبا الغصن الوريق اللي على حلّه

على اللي من ثلاث إسنين هو همي وغربالي =ولكن ماحصل لي منه ساعه تبـري العلـه

إلى مني بغيته فـي محلـه مـا تهيـا لـي =والى منه بغى ياصل محلي صار بـه ذلـه

وإلى مني بغيت انساه وادّلَه عن هوى بالـي =بلاي النفس ماهي عن صخيف الروح منحله

والى منه نطحنـي قـال ياستـار الاحوالـي =عجبّ لله كيف الخل ما يشفق على خلـه ؟!

يطيح اللي بكفي واذهل الدنيا وهـو سالـي =والى منّّك نظرت اللي تودّه بان بـك خلـه

وانااللي طول ليلي مع نهاري بالخلا الخالـي =أصايد رغبته واتبع طريقـه وآتبيّـن لـه

الى من غاب عني ماتبـي حالـي ولا فالـي =أعوّد في عماي الاول اللـي مابـه إشّكلّـه

انا وياه مثـل اللـي وردّ مطويـة الجالـي =برى حاله ظماه ويوصف الما لـه ولا دلـه

كذوب اللي يقول اقوى فراق الصاحب الغالي =وانا لامن نظرته تقل حكم الروس لي كلـه

إلين اصبحت انا المطلوب بـالأول وبالتالـي =انا المطلوب والطـلاب راع القذلـة الهلّـه

ولاني قاعـدٍ أرجيـه ليـن إيجيبـه الفالـي =وانا ما ودّي العذال والعـدوان تفطـن لـه [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابدر قبل الليل قرب لـي الفـرت=شيك على البنزين والزيـت كلـه
القير والدفرنس وإن كان ناظـرت=به نقص راعي المشحمه مافطن له
عايـر هـواه ومـاه ولا تذكـرت=شي يبيه اللـي يبـي فـدوة لـه
حتى اللي مني على خير سافـرت=أمشي ونفسي راضيـه مسفهلـه
عن اللزوم اللي ضروري تأخـرت=هات الخفيـف وماتثاقلـت خلـه
وإلي ظهرت من البلاد وتشطـرت=ترى لزومي فيه جـا وقـت حلـه
إلى أنتحى قمت أذكر الله وكبـرت=كنه يسابق تالـي العصـر ظلـه
لآمر عجـلات المواتـر وفكـرت=لاكنهـن وقـاف مثـل الإخـلـه
طارٍ علي إلى مشيـت وتنحـرت=قصرٍ يسر اللي يجـي عانـي لـه
مارحت عنه يميـن ولا تياسـرت=قلبـي يهذريبـه وعينـي تدلـه
ترى الدروب السود مهما تصاغرت=منهـا تراهـا علـه فـوق علـه
وإلا الدروب البيض مهما تكابـرت=ترى الحظيظ اللي تجي سكـة لـه
إلى بغيـت أفـرج الهـم سيـرت=للـي حجاجـه للمسيـر يفـلـه
اللي ليا إني جيت عنـده تحيـرت=فلـة حجـاج ومجلسـه ماتملـه
عز الله إنـي للصداقـه تخيـرت=اللـي رفيقـه مايشـوف المذلـه
عبدالعزيز أكبر من اللي تصـورت=الفعل فعـل سعـود والـدل دلـه
بغيت أحبه ربـع فعلـه وقصـرت=بأول شبابه والفخـر مقبـل لـه
ياكـم أماريبـه وياكـم فاخـرت=ياسعد عين اللي يجي فزعـة لـه
مالي عذر عن جيتك لو تعتـذرت=ياللي تنـزل كـل رجـل بمحلـه
عن طبع أبوك وعادته ماتغيـرت=للي سنـام المجـد لـه مستحلـه
وردتهـا هـداج تيمـا وصـدرت=من سار مع درب فهو جايـز لـه[/poem]

رد: مختارات احمد الناصر الشايع
 

يستدير الفلك

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بالله يا للي تبا الفيحا عنيـزة ديـرة أهـل الفخـر=يا سعد منهم عضوده بالشدايد والزمـان العسيـر
نطاحـة الكايـده لا قـل بالدنيـا بعيـر الظـهـر=الطيب منهـم وفيهـم كلهـم كبيرهـم والصغيـر
جعل السلامة زهابك بالطريق الـى نويـت السفـر=اسلم وسلم على عيال العميـم صغيرهـم والكبيـر
اهل الوفا والمـروّه والشهامـه لويشيـن الدهـر=من يديك ليدين صالح خذ كتابي جعل خيرك كثيـر
يا بو محمد ليالينـا تصافـق مثـل مـوج البحـر=عجزت أميّز لها وجه او قفا يا الله مقسـوم خيـر
واحترت مدري وش اخذ وش اخلي بين هم وقهـر=لمبتدا زين مير المقبـلات الله علـم وش يصيـر
اللي ذبحني بغير اسلاح ما جا منه علـم او خبـر=اللي بعقلي وروحي في حياتي صايرن لـي خشيـر
متى على الله عيوني من صخيف الروح تملا النظر=القلب لولا الضلـوع اللـي يردنـه خطيـر يطيـر
كن الشهر لي سنه عقب التفرق والدقيقـة شهـر=يا الله تلطف بحال المغرم العاشق عليـل الضميـر
يا صدق راع المثل قال الهوى والحب كلـه خطـر=والزين مثل الحيا متبوع مشهـاة الغنـي والفقيـر
اتلا الخبر يوم وادعنـي واقدمـاه طريـق الحفـر=للديرة اللي ورى الرقعي يقود القلب سلك الحريـر
اصعب علي شوفته من شوفة اللي فوق سطح القمر=لا شك ابصبرا على ما صابني لين الفلك يستديـر [/poem]

رد: مختارات احمد الناصر الشايع
 

[rams]http://www.alsh3r.com/files/A7md_AlnAcur/alsh3r8.rm[/rams]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نهار سبعـة عشـر سبعه بتالـي رجـب =ياليتني ما دخلت السوق وانـا اجنبـي
العصر مريت يوم السبت سوق الذهـب =لقيت مخلـوق لا هنـدي ولا مغربـي
من شوفته ما لقيت الا السهـر والتعـب =صار السهر والتعب من شوفته مكسبي
اللبس لبس اجنبـي والـدم دم العـرب =زول ليا شافه الشايـب يعـود صبـي
مكمـل بالجمـال وبالحسـب والنسـب =قلت السلام وتبسم قال لـي وش تبـي
وليا تقربت مـن زيـن الحلايـا هـرب =واقول عطني الصراحة وانت ابو ما تبي
بغيت اعرفه وش اسمه مير ما الله كتـب =يقول ابي سمعتي واخشى على مذهبـي
تبين النور مـن خـده علـي واحتجـب =يا الله عليك الخلف تخلف على اتعبـي
انا قتيل العيـون النجـل سـود الهـدب =ذقت العنى والعذاب ولا حصل مطلبـي
قلت ارحم اللي طواه الهم وانت السبـب =قالت لعلـه يطاولـك السهـر بسببـي
قلت الظليمة حـرام بكـل حشمـة وادب =قالت معي عين وصانا عليهـا النبـي
انشد ولا يلحـق النشـاد لـوم وعتـب =انا غريب وقضى مايي وقضى منهبـي
انتي من اهل الكـرك والديـر ولا حلـب =قالت يشيب الولد ما حصل اللـي يبـي
قلت انتي من السويد اهل الفرح والطرب =قالت بلاد العروبـة رغبتـي وطلبـي
انتي من اهل الخليح مخصليـن النشـب =قالت من المسلمين وجد ابـوي عربـي
واللي يقول الهوى كله خطر مـا كـذب =قلت وعديني وعد بس اذكـره وكذبـي
قامت تعجب وقالت يـا زمـان العجـب =يا لايمه للغرام انا اشهـد انـك غبـي
عليك رسـم البـدواة والزمـان انقلـب =قالت عظامي ودمي واللحـم وعصبـي
انا من البدو كان الـدم وصـل الركـب =يوم السلاح المفتل والرصـاص حلبـي [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابتدي باللي عليه اعتمـادي=عالـم بالبينـه والخفـيـه

كل شـي مرجعـه النفـادي=غير والي العرش ورب البريه

دارنا الزلفي لياجا الوكـادي=مربـع الأجنـاب والآهليـه

دارنا اللي يوم وقت الطرادي=دونها نارد احيـاض المنيـه

كم طردنا من عـدو معـادي=ما يجبيها دام الـروح حيـه

جعل وبل السيل مع كل وادي=من حقوق المزنه العقربيـه

يسقي الزلفي نفود او حمادي=والجبل يمشي شعيب وشغيه

فعل اهلها عند حضر وبوادي=يشهد الرجلي وراعي المطيه

ربعي لـو ينـادي المنـادي=يظهرون اهل الوفا والحميـه

ما حد منهم وقف بالحيـادي=من ذكرهم فزعتـه واهنيـه[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامل عين الـى جـا الليـل عيـت لاتنـام =تكثر عليها الروابـع يامعيـن الصابريـن
من عقب ما استبشرت بالنور وانجال الظلام =شافت من الغيظ مايملـي نظرهـا مرتيـن
لا وهنـي المعـافـى مايـلـوم ولا يــلام =مستانس لـو يزيـن الوقـت ولا مايزيـن
ماذاق مـر الفـراق وفارقـه حلـو الغـرام =والولف ملاك ما يحتـاج عـراف وظميـن
الصاحب اللي هدب عينه مثل ريـش النعـام =ما يلتفت مع طريقه من يسار ومن يميـن
اكبر مصيبـه ليـا سلمـت مـا رد السـلام =مدري وش اللي خطر في بال وضاح الجبين
إن كان لك يا اشقر المجدول في هجري مرام =صبرت صبر الجمل بارضاك لو ضلعي متين
الموجب انه ملكني حـب مـردوع الوشـام =لا خير في عشرتن ما هيب في حرزن مكين
هو حق ياللي تعرفون الحلال امـن الحـرام =يسهر عيوني ويدعي سري الخافـي يبيـن
العشـرة الصافيـة تقـود أهلهـا بالخـزام =ما تختلف عشرة الغالي على طول السنيـن
وان كان عقب البطا فك اللحام مـن اللحـام =ما عاش أبو نيـة وحـدة مـع أو نيتيـن
ياصاحبي مـا تسـاون الغـوارب والسنـام =من خف ميـزان قـدره لـو قلبـه ذهيـن
لو شفت منك الجفا مارضى على عيني تضام =قطعت منـك الرجـا كنـك مـع الميتيـن [/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أول وأنا ماشري بحبـك ولا أبيـع =واليوم بأول سـوم والله لابيعـه
عقب أنتشالك لي بروس الأصابيع =رميتني بين الرجـا iiوالقطيعـه
ذوقتني الحرمان سبعـة أسابيـع =وأشقيت نفسٍ لك مطيعه مريعـه
أيام صفو الحب تآمر وأنـا أطيـع =واليوم لامرك والله إني ماطيعـه
لاتحسب إني عقب فرقاك أبا أضيع =البيض واجد وارض ربي وسيعه
سبَّعت قلبي من محبتـك تسبيـع =وأقفيت عنك وسو ماتستطيعـه
خذ راحتك يامصَنّع الحب تصنيـع =مادام نقض العهد عندك طبيعـه
من لا على صهوة جواده مصاريع =خطر يطيح ومثل هـذي هزيعـه
مزَّعت صورة ماضي الحب تمزيع =وأنوي على تكوين صوره فضيعه
مع من جبينه مثل نور الشعاشيـع =وإلا كمـا بـرقٍ تزايـد لميعـه
الصاحب اللي لامري امطيع وامريع =من شان حبي كل غالـي يبيعـه[/poem]

رد: مختارات احمد الناصر الشايع
 

محاورته مع صياف

احمد الناصر الشايع وصياف

أحمد:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مرحبا عداد ما تسري نجوم السما فالليل = ردة وافيه نبدي بها عند واجبها

بس انا والطواري والهواجيس حط وشيل = عام اصدق هواجيسي وعامين اكذبها [/poem]


صياف:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البقا بالعميل اللي يمد الحن بالحيل = من رجال زمان العام تفتل شواربها

احمد الناصر اللي عام الاول يسج الخيل = السنه ذي يربط راسها قبل يركبها [/poem]

احمد:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عامنااللي مضى هاذي مواقف جمال عقيل=ماقف الفارس اللي سبق الخيل يتعبها

غاب عيبه طويله والله اقوى قوي الحيل=وكل نفس بعملها ربها اللي يحاسبها [/poem]


صياف:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شفت سيل حدر واد الرمه مثل نهر النيل = والجمال اغرقت ما سلمت الا غواريها

وانت لو شفت نجم الجدي قدام نجم سهيل = يمكن انك تحصل لك ارجال تصاحبها [/poem]

احمد:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
باقي الجدي والمرزم عسى ما يجيهم ميل = وجعل سود الليالي ما تجيهم مصايبها

اخذ فنجال اشقر خالطه زعفران وهيل =يقعد الراس والافكار عندك يقربها [/poem]

صياف:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فتح العين لين تشوفنا وارفع الدربيل= وامسح الخط كله والملفات جنبها

ما عرفنا المقاضي لين فكيتوا الزنبيل = يا عيال الحلال اللي قرينا مكاتبها [/poem]


احمد:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جعلها ما تجي بديارنا قصة اهل الفيل = وساعة الطرقي العجلان تاقف عقاربها

من ينقص لك الميزان ينقص عليك الكيل =وما احد يعرف العربان حتى يجربها[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وين هاك البروق اللي عيوني تخيل=خبروا واحدن يشفق علـى سيلهـا

ذا قصيرن عن الغايـة وذا طويـل=ليـت عينـي تخبرهـا مراسيلهـا

اتنشـد وراع الحـب مثـل الذليـل=كلما شاف زوله جـا يبـاري لهـا

يبرح الدروب وبسده شحيحن بخيـل=هرجت الشك هرجه ما يحالي لهـا

يا هوى البال قلبي من فراقك عليل=والسهر ضر عيني منك عٍزّي لهـا

لا سقى الله نهار السبت يوم الرحيل=يوم قفت ضعونه قمت أراعي لهـا

عقب ما نبي اشوفه كل يوم وليـل=فرقتنـا الليالـي فـي تهاويلـهـا

الليالي تفـرق بيـن خـل وخليـل=واهنـي المعافـى مـن غرابيلهـا

يا اتلع الجيد منك الوصل لو هو قليل=يطرد الهم عن روحن بـرد حيلهـا

التفت بالعيون اللـي هدبهـا ظليـل=ناظر الحال عقبك ويش يجري لهـا

يا حبيبي ترى حِمل المـودة ثقيـل=من عرفتك وروحي شايله شيلهـا

إن شكيت المضرة قيل ويش الدليـل=وإن سكت أرسلت عيني هماليلهـا [/poem]

رد: مختارات احمد الناصر الشايع
 

لوعة المغرم


[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أعالج لوعة المغـرم وتكبـر لهفـة المشتـاق=بحسن رضايا أسوق خطايا أقدم رجلي وأفهقها
وأهوجس من طلوع الشمس لمغيبية الاشفـاق=وابلوي رجلي في ظلام الليل مدري وش يوافقها
أبصبر وأتصبر ما أظن إن الصبر مـا ينطـاق=لقيت الصبر مر ولـو يلـوش الكبـد يحرقهـا
الا يا كامليـن المعرفـة سلـك الغـرام دقـاق=إذا صـاب القلـوب الله يعافيـنـا يخرقـهـا
أنا لي صاحبن خده ورا الشيلـه كمـا البـراق=به عرض المزنه اللي مثله شمس الظهر بارقها
خلقـه الله وزيـن خلقـه وأخلاقـه الخـلاق=جليلن جنسها فـي زينهـا سبحـان خالقهـا
لها عينن ليا لدت بهـا تذبـح بهـا العشـاق=وبها وصفن من عين المهاة وطـول عاتقهـا
إلا ما شفتها ضاقت بي الدنيا وصدري ضـاق=وأنا لولا الهواليك كـان عينـي مـا تفارقهـا
أحب مشاهد الغالي عسى ماهـو بحـب فـراق=ولو راحت بعهدي ما أغلي بالدنيـا ومشرقهـا
إلا جا الليل ما شفتـه يزيـد بقلبـي الدقـاق=معـه روحـي بسلـك العنكبـوت الله معلقهـا
ليا عرض عليا أقف مثل وقفة كسيـر السـاق=وساعة الوداع أسـرع مـن الكدلـك دقايقهـا
أنا ويـاه جددنـا القسـم والعهـد والميثـاق=ولكـن قـدرة الله سابقـه محـدن يسابقـهـا
تعاطينا العهد في واحدن من عاهده مـا بـاق=مادام الناس ذاهبه فالنفـس يذهبـن لواسقهـا [/poem]

رد: مختارات احمد الناصر الشايع
 

آه من قلب


[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
آه من قلـب هواجيسـه تلوفـه=مع همومه كل ما اقفن واقبلنـي
لاذكرت اللي زها الحنـا كفوفـه=يالطيف الحال طار النـوم عنـي
ليت عيني وان بغت شوفه تشوفه=كود قلبـي يستريـح ويرجهنـي
حيث عيني عن هوى غيره عيوفه=ماتبي غيره لو انه غـاب عنـي
والله اني طحت في حال المروفـه=حيلتـي كثـر التوجـد والتمنـي
ماذبحني كود من تذبح وصوفـه=من جميع البيض حبـه ممتحنـي
عنز ريم مابعد رامـت اخشوفـه=قايده للصيـد ترعـى كـل فنـي
والجوازي كنها معهـا معسوفـه=يـوم تجفـل كلبوهـن يجفلنـي
هرجت العشاق يازيـن معروفـه=والغلا باقصى الضماير مستكنـي
الهوى مثل المغـازي والنكوفـه=والقصيدة من سمع فيهـا يغنـي
القمر يظلم الـى بيـن كسوفـه=لاتبيـن للعـرب ظنـك وظنـي
لازم راعي الهوى تكثر صدوفـه=لو يطولـن الليـال او يقصرنـي
والمعافى ملحق الدنيـا حسوفـه=ماطعنه اللي من الفرقـا طعنـي
لو تروح الروح للزين مخلوفـه=والعـذارى يبـعـدٍ او يقربـنـي
[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يازين مالك من عذابي زود=ارفق بحالي يابعـد حالـي
ودي بوصلك يانعيم العـود=ودي ولكـن ماتهيـا..لـي
اللي ذبحني بالعيون السـود=من قبل اعرفه خاطري سالي
ترى المحبه مابهـا منقـود=والله فلا أسمع هرج عذالـي
ياعود ريحان عليـه ورود=ومنين ماهب الهوى مالـي
هبي بريحه ياهبوب النـود=يطفي بعض همي وغربالي[/poem]

رد: مختارات احمد الناصر الشايع
 

في الأمير سلمان
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
علـق وسـام البوسنـه لا عدمـنـاك = مجدك مشاع ٍ كنـك أبـوك و أخـوك
مـا تـدري إن أرقابنـا ملـك يمنـاك = و الحر لك من طيب الأفعـال مملـوك
حبك و شخصـك بالضمايـر رسمنـاك = حب الولا ما يدخلـه ريـب و شكـوك
لـو مـا تعلمنـا بقصـدك فهمـنـاك = بابك عن المحتاج ما هـوب مصكـوك
يـا ليتنـا بالعمـر مــره خدمـنـاك = و إلنا الشرف لو كان نمشي على الشوك
من راحتك في وسـط بيتـك حرمنـاك = و إن كبرت القاله على النـاس نـادوك
تفرح إلـى كبـر اللـزوم و زهمنـاك = مثل العديـم اللـي لـه أيـام مشبـوك
تسعـى لـدرب الخيـر منـا و منـاك = يالله عسى سعيـك و مسعـاك مبـروك
طاب المريض و جـرح عـود يتمنـاك = و زاد الفـرح بأيتامهـم يـوم شافـوك
و تفريـج هـم الأرملـه غايـة منـاك = لا يا بعد مـن يحفـظ القـرش بالبـوك[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام يالوادي اللي قد نزلـك العـام مخلـوق=مدري من اي النحايا راح مـن ديـره الديـره

لكن الى جيت مدهاله وقفت وصابنـي عـوق=يحتار عنده قدم رجلي وياقـف عـن مسيـره

ماهوب ودي ولكن حب خلي ساقنـي سـوق=اناظر البيت من عقبه واسولف مـع قصيـره

من كثر ما أقبل معه واقفي معه سويت طاروق=هذي سواة العشير اللي شكـا فرقـا عشيـره

ياشين فرقى الضحى شيناه والمطرود ملحـوق=الله يظفي على اللـي راح جنحـان الستيـره

وشلون ابدله وقلبي مع صخيف الروح ماسوق=لوى هني المعافـى ماشتكـى شـره وخيـره

وانا تطارد هواجيسي وحمل الغبـن مطبـوق=اجحد صوابي عن العالم وانا روحـي خطيـره

قالوا لي الناس خل المنتحي والحـي مـرزوق=والناس واجد ولكـن ماتريـد النفـس غيـره

هذا وانا خابرٍ راعي الهوى ماهـوب ماثـوق=والله فلا انسى العشير اللي عليّ يبدي السريره

يقوله اللي يبي خله ولـه بالـدرب خـازوق=ماله جدى إلا تكسر عبرته بأقصـى ضميـره[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ود الخبـر للغـضـي وده=ود الخبر لاشقر الراسـي
ابـو ثليـل الـى كــده=اشقر على المتن له كاسي
يازين صبري وصل حـده=مانيب للي مضى ناسـي
ماقدر على البعد والصـده=ليل ونهار انت هوجاسـي
عنـدي وكنـك ورا جـده=تقطعت عنـك الارماسـي
اللي سـواة القمـر خـده=من شوفته مانقطع ياسي
والله لـو طالـت المـده=ماقطع رجا ظبي الاطعاسي
لاصبر ولو طالت الشـده=لو صابني منه وسواسـي[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وارجلي اللي تبين ضلعها مـن غيـر سامـوح=حار القـدم يـا الله الخيـره ولا فيهـا اروايـه
باسباب زول نطحني بالطريق وشاحنـي شـوح=اودعني أمشي والد اخلاف واقصر فـي خطايـه
زول نطحني وخذ عقلي ولا لي منـه مصلـوح=خلاني أركض واغني من خلايـه فـي خلايـه
اللي خذا القلب أظنه مخطرن يلحق على الـروح=الموجب انـه مريـض خاطـري حـد النهايـه
هذا وأنا عن طريق المنتحي منهـي ومنصـوح=مار المقادير جابتنـي علـى حسنـا او سايـه
ما دام باب الهوى لاهل الهـوى بيّـن ومفتـوح=ابين من الشمس عقب الظهر في وجه المرايـه
يا من يودي سلامي والهوى راعيـه مفضـوح=ويخبـره بالمصيبـه كلهـا والــراي رايــه
ان كان لد النظر يمي عن اللي فـات مسمـوح=وان كـان قفـا وخلانـي فانـا سبـة عنايـه
واعين ياللي من الفرقا بكت .. والقلب مجـروح=مانيـب عـازي لـعـل الله يجـبـر عـزايـه
الصاحب اللي ليا شفته عجـرت اقعـد ولا اروح=ما هو طويل نشاش ولا قصيـر الجـرم غايـه
يامن سميه على اسمي الناس به زودن وبه نوح=ثلاثـة أشهـر ينـزل نصـف ثالثهـن كفايـه
واثنين يكمل بهن اسمه أوله حـراس وشبـوح=كم لي وأنا وأرجيه جعل الله ما يقطـع رجايـه[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله الـطـف بـحـال العـاشـق الـلـي عيـونـه ماتـنـام اللـيـل = حاجتـه دونهـا المـوت الحمـر مـار قلبـه وش يـسـوي بــه
دونهـا اللـي حماهـم بالخطـر يحتمونـه فـي ظهـور الخـيـل = مـن قـردة نصيبـي ويـش ابــي بالـبـلاد الـلـي لـهـا هيـبـه
ابعـدوا نــور عيـنـي وابعـدونـي قـهـر والله قــوي الحـيـل = الـغـلا لاع قلـبـي والهواجـيـس تـقـبـل بـــه وتـقـفـي بـــه
لـيــت مـابــه غـــرام ولامـــودة وحـــبٍ مقتـفـيـه الـويــل = مـــن تـولــع مـــع الأجـنــاب ماظـنـتـي تـكـمـل مطالـيـبـه
صرت انا والطـواري والهواجيـس تـال الليـل حـط وشيـل = صاحبـي غـاب عـن عينـي ولا ادري علامـه طـول الغيبـه
امس شفت الوحش والتين فوق السحاب وحدر نجم سهيل = شهـد ان الصحيـح يشـاف واللـي يعـرف العلـم يـدري بـه
قـمـت اعــدل وابــدل مـــار مايـنـفـع التـعـديـل والتـبـديـل = راح قلـبـي مــع المحـبـوب بيديـنـه الثنتـيـن يـومــي بـــه
جعـل دارٍ خـذت زيـن التواصـيـف عـنـا مايجيـهـا السـيـل = لـو بغيـت ارسـل المرسـول مـاهـوب داري وش معازيـبـه
مـال وقـت الهـوى بأهـل الهـوى والغـرام الله يعـدل الميـل = المحبـه عــذاب القـلـب والـهـم يصـبـح بــه ويمـسـي بــه
كيـف ســت وثلاثـيـن اتعبتـنـي ومـيـة مــن مـعـه تحلـيـل = لكـل الرابـح اللـي مايـعـرف الـهـوى والـحـب يـوحـي بــه[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـا نـاس راعـي المحبـة لا تعذلـونـة = مهوب عـن صاحبـة دالـة ولا سالـي
لـو يسـهـر اللـيـل كـلـة لا تلومـونـة = الحـب بلـوى مانـيـب اول ولا تـالـي
لى صاحب ما قطعت الياس من دونة = لـو غـاب عنـي خيـالـة دوم يبـرالـي
الصاحب اللي سحر هـاروت بعيونـة = ودي بشـوقـة ولـكـن مــا تهـيـا لــي
يا هيف الخصر عينـي فيـك مفتونـة = والبعد ياصاحبي مـا يرخـص الغالـي
الروح يـا صاحبـي بحمـاك مرهونـة = عزي لحالي عقب فرقى هـوى بالـي
ياكود وصلك علـى مثلـي ويـا هونـه = ان كان حالك طواها اللي طوى حالي
عن غيرك القلـب غسلتـة بصابونـة = والعيـن مـا تلتفـت فـى كــل الازوال
ما يجرح القلب كود فـراق مضنونـة = ابطيت ما ارسلت لي يازيـن مرسـال
أجـر صـوت جميـع النـاس يوحونـة = غديت مثـل المصيـح بالخـلا الخالـي[/poem]

رد: مختارات احمد الناصر الشايع
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البـارحـه يــوم العـبـاد رقــود = الـنـوم مايـطـري عـلـى بـالـي
مجروح روح وخاطري ملهود = يـانـاس خلـونـي عـلـى فـالـي
تبكي عيوني والدموع شهـود = أي والله أبكـي صاحـب غالـي
يـازيـن مـالـك بالـعـذاب فــود = أرفـق بحالـي يــا بـعـد حـالـي
ودي بوصلـك يـا نعيـم الـعـود = ودي ولـكـن مـــا تـهـيـا لـــي
اللـي ذبحنـي بالعيـون السـود = من قبل اعرفة خاطري سالـي
تـرى المحبـة مـا بهـا منـقـود = والله فـلا اسمـع هـرج عذالـي
يـاعـود ريـحـان علـيـه ورود = ومنيـن مـا هـب الهـوى مــال
هبـي بريحـه ياهـبـوب الـنـود = يطفـي بعـض همـي وغربالـي
الحـب يذبـح والشقـا مـحـدود = ماهـى سواليـف علـى الخالـى
يا منوتـي يـا غايـة المقصـود = زولـك يـورى لـى ويبـرا لــي[/poem]

رد: مختارات احمد الناصر الشايع
 

محاورته مع مطلق الثبيتي

مطلق

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قبل شهر رمضان الليل هذا مثل ليـل العيـد =عسى ربي يطول عمر من نمشي على نـوره

تهرج يا احمد الناصر وصك الحيد جنب الحيد=ولا تزعل على مستور والاحـوال مستـوره[/poem]


احمد الناصر

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اظن العيـد عيـد للجميـع مبـارك وسعيـد=وهذي عادة ما تختلف لعيـال اخـو نـوره

عسى من قاد راسك يالثبيتي مـا يفيـد الفيـد=ترا مستور اخوي ورفقته في القلب مبـذوره[/poem]

مطلق الثبيتي

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ترا عقل البني آدم يا حمد الناصر سواة القيـد=يخلي السر دايم صرة في الجيب مصـروره

نسيت الفقه والتوحيـد والتفسيـر والتجويـد=بعد عودت معهم كـل يـوم تلعـب الكـوره[/poem]


احمد الناصر

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تهرج يالثبيتي انت ابو مـا تشتهـي وتريـد=وليا ضيعت دربك نزهدك في راس باكـوره

تكايدني واناخا بـرك رجـال تحـب الكيـد=جوازك للسفر ما فيـه توقيـع ولا صـوره[/poem]


مطلق الثبيتي

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عطوك البندقية مار ياجعلك تصيـد الصيـد=لها روحين صار البندقة ما هيـب ممهـوره

يجيبون الدوا للعـود يبونـه يصيـر وليـد=وليا شافوه يعرج بين اهل رابـغ ومستـوره[/poem]


احمد الناصر

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تشوف اللي قريبه يالثبيتي ما تشـوف بعيـد=سواة التاجر اللي في البحر غرقـان بابـوره

اظن الفقع في جنب الرقـه والعلـم بالتأكيـد=ولو ما تحسن اللحية لقيت البيـض منثـوره[/poem]


مطلق الثبيتي

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا ما ابغاك تمشي فالدروب العوج يا بوزيـد=ولا يطرحك درهام الجمل فالارض عنكـوره

انا با خذك بالمعروف وانت العم وانت السيـد=رجاجيل الجميلة بين كـل النـاس مشهـورة[/poem]احمد الناصر

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تهددني ولايزمـل عميلـك راعـي التهديـد=واخبر الناس يا رجال منهيـة ومـا مـوره

نبي نرضيك يا رجال والميت عسـاه شهيـد=وعقب اقرا عليك العاديات من أول السـورة[/poem]

رد: مختارات احمد الناصر الشايع
 

يعطيك العافية


صعوووووووب

رد: مختارات احمد الناصر الشايع
 

يعطيك العافيه...وعساك على القوه

رد: مختارات احمد الناصر الشايع
 

صح لسانه
يعطيك العافيه على النقل

رد: مختارات احمد الناصر الشايع
 

[center]منقول رائع لشاعر جزل
وبيض الله وجهك يابوعبدالله [/center]

رد: مختارات احمد الناصر الشايع
 

[font=arial black][size=5][color=darkgreen]رائعة جدا [/color][/size][/font]
[font=arial black][size=5][color=darkgreen] و مختارات جميلة [/color][/size][/font]
[size=5][font=arial black][color=darkgreen] سلمت الايادي و يعطيك العافية[/color][/font][/size]
[font=arial black][size=5][color=darkgreen] [/color][/size][/font]
[font=arial black][size=5][color=darkgreen]***********[/color][/size][/font]

رد: مختارات احمد الناصر الشايع
 

[size="5"][font="comic sans ms"]تسلم الايادي على النقل المميز
يعطيك العافية[/font][/size]