ثلاثيات ورباعيات سامح الشبة
 

[size="5"][center][b]( 1 )
خليك ع الأرض ماشى
وأوعى تطلع فوق
ازعق وقول ماشى
واتكلم برضه بذوق
دا أنت ع الأرض ماشى
وبكره تطلع فوق
****** [/b][/center][/size]

[b][size="5"][center]( 2 )
سافرت مع موجة زرقة فى حضن البحر
حدفتنى فى موجة تانية مالهاش بر
لاقيت نفسى فى دوامة بتجر
لا أنا فيها حزين ولا بتسر

*****[/center][/size][/b]

أهلا ومرحبا بك شاعرنا القدير / سامح الشبة
ومداد من نور يصافحنا به قلبك النقي وضميرك الحي
شكرا على هذا الإيداع وهذه المعزوفات الجميلة
هناك ترحيب بك في قسم الإستقبال
فيا مرحبا بك
مع أطيب تحياتي

[size="5"][b][center]( 3 )
حبست نفسى فى زنزانة
ملهاش آخر
لافيها حد بيتكلم
ولا حد بيقول اتاخر
وأدى دنيتى أنا وحدى
أنا المسحور فيها
وأنا الساحر
دنيا صغيرة على قدى
بعيدة عن العالم الساخر
***** [/center][/b][/size]

[b][center][size="5"]( 4 )

قلت أعمل حساب للزمن وأوفر
وأحط القرش ع القرش يكتر
يمكن بنت الحلال تقدر تصبر
لما البيت الصغير يكبر
*****[/size][/center][/b]

[size="5"][b][center]( 5 )

علمونا إزاى نكتب الحروف
وإزاى نواجه كل خوف
ولما جات فرصة المواجهة
تعالى معانا اتفرج وشوف
***** [/center][/b][/size]

[b][center][size="5"]( 6 )

يا عينى ع الولد اللى صوته اتنبح
وراح فيها لمـا شـاف الشــبح
بيقرب منه ويقطع كل الصحـف
ويوشوش ف ودنه كان غيرك فلح
***** [/size][/center][/b]

[b][center][size="5"]( 7 )

زمان هتفنا بأعلى صوت
يا إما النصر .. يا إما الموت
ومرت أيام .. وجات أيام
والخوف جوانا ما له صوت
***** [/size][/center][/b]

[b][center][size="5"]( 8 )

قلت أعمل لنفسى تابوت
قبل ما تمر الأيام وتفوت
ما احنا فى زمن يا بنى
ما تعرف له حياة من موت
*****[/size][/center][/b]

[b][center][size="5"]( 9 )

قيس وليلى اتولدوا من جديد
واختلت الحكاية وخلفوا سعيد
تعالى واسمع من عمك قيس
إيه اللى جراله وإزاى بقى شريد
*****
[/size][/center][/b]

[b][center][size="5"]( 10 )

سلمت ف مرة على حوت
ماشى ع الأرض معاه " ريموت "
شتمته وضربته فى خيالى
وورايا ساكن جسدى فى تابوت
***** [/size][/center][/b]

[b][center][size="5"]( 11 )

قول للحمار يا حمار شى هايمشى
وقول يا بنى آدم إمشى ما يمشى
مهما ضربته بالعصا والسوط
اللى ف دماغه ف دماغه هايمشى
***** [/size][/center][/b]

[b][center][size="5"]( 12 )

الدنيا سجن كبير وعجيب
فيه الحبيب فى ضل حبيب
لو غابت فيه يوم الشمس
ما تعرف قريب من غريب
*****[/size][/center][/b]

[b][center][size="5"]( 13 )

قمت أصلى الفجر لله
وأدعى ع اللى ربنا نساه
يارب خد بإيد الظالم
وعلى جهنم .. ما تسمع نداه
***** [/size][/center][/b]

[b][center][size="5"]( 14 )

الدنيا بنت حلوة مؤدبة
لابسة طرحة بيضة منقطة
ماسكة بإيديها نار مولعة
للى يقرب منها تولعه
***** [/size][/center][/b]

[b][center][size="5"]( 15 )

ع الفول صحينا وافطرنا
واتغدينا واتعشينا ونمنا
ورجعنا صحينا وقومنا
لقينا طبق الفول ملازمنا
***** [/size][/center][/b]

[center][b][size="5"]( 16 )

ألمح فى عيون الناس كلام
يجيبوا فى سيرتى كتير ما نام
أفكر ودقق فى كل نظرة
أقول دا علام مش كلام
***** [/size][/b][/center]

[b][center][size="5"]( 17 )

غنيت للناس أغانى ومواويل
ورقص الشجر ومال النخيل
وفرح النهار وسهر الليل
ونسينا زمنا وارتضينا بالبديل
***** [/size][/center][/b]

[b][center][size="5"]( 18 )

قلت الوطن بيتباع يا رجالة
ومافيش حاجة أغلى م الكرامة
قالوا لنا الحكاية بسيطة خالص
حبة جاز على بنزين وولاعة
***** [/size][/center][/b]

[b][center][size="5"]( 19 )

نقطة ورا نقطة ورا نقطة
لابد فى الآخر هاتجيلك نقطة
من نقطة عيش وملح وهدمه
لنقطة كلمة توصلك للنقطة
***** [/size][/center][/b]

[b][center][size="5"]( 20 )

قلنا عروبة وقومية
راحت دى .. جات ديه
وبقلنا على الحال دا كده
قول ألف سنه وشويه
***** [/size][/center][/b]

[b][center][size="5"]( 21 )

سجنو الكلمة فى لسانى
قلت ومالو ما أنا المسجون
سلبو العقل من راسى
قلت ومالو ما أنا المجنون
سحبو البذرة من فاسى
قلت ومالو ما أنا المديون
حبيت اتكلم واعقلها واتوكل
مالقيت نفسى إلا وأنا مدفون
***** [/size][/center][/b]

[size="5"][b][center]( 22 )

كويس .. كويس .. كويس .. كويس
كله هنا.. كويس .. كويس
وكمان هناك .. كويس .. كويس
وفى كل حته .. كويس .. كويس
***** [/center][/b][/size]

[b][center][size="5"]( 23 )

مال عليه صاحبى وقالى يا خايب
ماله حبل الوصال عندك كدا دايب
رديت عليه بعكازى وبشعرى الشايب
الولد مهما كبر عمره ما هيبقى شايب
***** [/size][/center][/b]

[b][center][size="5"]( 24 )

أيوه علمتنا الدولة ومابننكرش
وخادت بروزم الروزم وماخلتش
وزرعت فى عقولنـــا مبدأ
اللى معاه قرش يساوى قرش
***** [/size][/center][/b]

[b][center][size="5"]( 25 )

الجهات الأصلية فى بيتنا مخرفة
فى الجنوب صورة لبنت مِدمعة
وفى الشرق عجوز بهدوم مِرقعة
وفى الشمال لولد فيه النار مولعة
***** [/size][/center][/b]

[b][center][size="5"]( 26 )

اكتب يا أديبنا اكتب واكتب
مهما كانت تحتك الأرض
بتتشق .. اكتب واكتب
ولا كانت فوق رقبتك سكينة
بتدق .. اكتب واكتب
ليوم يغيب فيه القمر
وينشق .. اكتب واكتب
***** [/size][/center][/b]

[b][center][size="5"]( 27 )

صنعت فى يوم عربية لعبة
بأربع عجلات وموتور شِحته
مشت العربية ببطء وبسرعة
وكان اللى سايقها الواد سِعده
***** [/size][/center][/b]

[b][center][size="5"]( 28 )

كنا زمان أطفال شاطرين
فى الجد واللعب والحب
ولما كبرنا صبحنا خايبين
فى الحب والصدق مش نافعين
***** [/size][/center][/b]

[b][center][size="5"]( 29 )

طقت فى دماغى فكرة وراح أعملها
أجمع أعلام بلادى واظهر معالمها
وألغى كل الحدود ويبان أصل معدنها
قبل قرارات الكراسى وكدب عاملها
***** [/size][/center][/b]

[b][center][size="5"]( 30 )

كلمة الآهـ فى لسانى بتقول آهـ وآهـ
لما تيجى تقول الآهـ آهـ وهى آهـ
ولما تيجى تقول الآهـ وهى مش آهـ
فيحسدوك على حالك ومن قولة آهـ
***** [/size][/center][/b]

[center][b][size="5"]( 31 )

خيرونى ما بين الألوان
فاخترت أنا الأسود
قالوا لى ما له الأبيض
قولتلهم بكره يتقبل اسود
قالوا لى طب والعسل
قولتلهم أحلى مافيه الأسود
قالوا لى اتفاءل بالنهار اللى جاى
قولتلهم يا خوفى يتقلب اسود
***** [/size][/b][/center]

[b][center][size="5"]( 32 )

كتير سألونى عنى وعنها
قلتلهم هاشيل همى وهمها
جيت أدور على همى
صعب عليه همها
***** [/size][/center][/b]

[b][center][size="5"]( 33 )

يا لى الكورة دايماً فى ملعبك
وعمرها ما طلعت بره آوت
سنتر وباصى وشوت إيه يمنعك
دا عمرك ما جالك أبداً آوت
فن الكلام المزوق دا لعبتك
واحنا اللى دايماً فى الآوت
***** [/size][/center][/b]

[b][center][size="5"]( 34 )

ملكت فى ساعة واحدة العالم فى إيديه
لاقيته حته واحدة من طينه وشوية ميه
وصبح فى ساعة تانية مش ف إيديه
حبة تراب رماهم الهوا ف عنيه
***** [/size][/center][/b]

[b][center][size="5"]( 35 )

حط على شباك بيتنا حمام جم
مكسور الجناح وبينزف دم
سال ع الحيطان وصبحنا ف هم
وجه علينا الليل بجرح ما يتلم
***** [/size][/center][/b]

[b][center][size="5"]( 36 )
عديت على بحر الهوا
وفردت أنا دراعى
شدنى بحر الهوا
قلت يا دراعى
سألت عن جنيته
فردت مافيش داعى
وابعد عن سكته
دا الغدر فيه راعى
***** [/size][/center][/b]

[b][center][size="5"]( 37 )

قلبى قايد فيه النار
للى بيحصل ف الدار
قالوا نبنى أقوى جدار
صرخت لأهـ .. هاضرب بالنار
***** [/size][/center][/b]

[b][center][size="5"]( 38 )

شفت ألوان كتير متلونة ع الخدود
الأبيض لون الفل والأحمر لون الورود
بس عمرى ما شفت ألوان كتيرة قوى
إلا على جناحين الحمام وع الحدود
***** [/size][/center][/b]

[b][center][size="5"]( 39 )

الأستاذ الكبير قاعد على مكتب
جاله الفراش ومعاه واحد سحلب
مرة يشطب والتانية يشرب
قال إيه الأستاذ بيكتب
***** [/size][/center][/b]