سالم بن تويم
 

[img]http://www.naishan.com/dewan/images/s-b-t-aldway.gif[/img]

سالم بن تويم بن جمعان بن مرزوق بن عبدالله بن سعد الدواي العازمي ولد في الكويت 1920م وتوفي 1997م وهو الملقب بـ شاعر هوازن وايضاً يلقب بــــ(المسكت) لانه يفحم من يقابله من الشعار إما فالطواريق الطويله الصعبه والتي كان يتميز بها شاعرنا الدواي




مما قاله في وصف عباد الله
[rams]http://www.naishan.com/dewan/25bintwaim/1.ram[/rams]

رد: سالم بن تويم
 

قال في دخول الوسم ويرجي من الله الغيث

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا الله يا اللي دبرة الناس بيديه = ما غيرك احدٍ نرتجيه ونساله
جزل العطا اللي ما يخيب مرتجيه = علام بالرحمة عظيم جلاله
جعل الكويت مبكر الوسم يزيه = في حسبة الخمسين مقدم لياليه
اليا فات خمس وخمس جعله يباديه = نوٍ من القبلة شديدٍ خياله
يخلَي المظما تسافح خباريه = ومن الحدود اليا جليب الجواله
دارٍ ربينا فيه وامواتنا فيه = الا ولا نرغب بلادٍ بداله
دارٍ اليا جاها الضعيف متنصيه = مفرقعه كثر الطلب والتجاله
اليا تم مده في الكويت وضواحيه = يشبع ويا صل عيلته من حلاله
مباركٍ فيه الولي يوم اهاليه = كلٍ من المسكين ينقل حماله
اليا جاهم اللي قاصرات مساعيه = لبى طلبه الكل لقاه باله
في ضف اميرٍ كل طيب يداريه = ومقدمٍ في كل دار جماله
قلبه يحب الشعب والشعب يغليه = بالعز جاعلهم معزة عياله
عساه بالدنيا وليه ينجيه = وبالآخره تحمي جنابه عماله
وصلاة ربي عد ذاري ذواريه = على الرسول اللي شريف مجاله[/poem]

رد: سالم بن تويم
 

وقال يصف المقناص

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قبل امس في عالي المشاريف عديت = رجم زما ما بين حمر الحمادي
وامس الضحى من بين الافلاج مريت = طرقي ظهر من فرع وادي لوادي
ساعه على ذيك الطويله تعليت = عينت مخلوق فريغ الفؤادي
متوازيٍ وانا بهمه توازيت = معرفةٍ ومضيع الطير غادي
يقول تل وفز مني وفزيت = هذه على فيضه عراق وكدادي
واثريني بطلع الربيب استعزيت = طلعة خلوجٍ في روابٍ ابعادي
امجوعه يومين يوم اني اخطيت = في حسبة الستين بقران حادي
عقبه على ضافي السراويل غنيت = الاشقر اللي ما لجنسه ملادي
لكن في صدره من الودع خليت = خطٍ لبعض الناس فيه اعتقادي
راسه كما الفنجال والساق يا شيت = جبرٍ قصير مثل حرش الهوادي
من حين تكشف برقعه قلت هديت = من صفو وجهه بالعيون الحدادي
من قلة التسنيع للسبع فكيت = وقفا دقاق الريش جبر الثنادي
ساعة ضرب بالخد كبده تمنيت = لا ماه مير افخت طير الهدادي
لوحت بالملواح لينني ازريت = وانفدت من حمر القفوش الجدادي
عقبٍ على حروة مهده تمسيت = شبيت ضوٍ للخلاوي تنادي
في صدةٍ مني بغفله ولديت = لا مير اله رب المخاليق هادي
فزيت له من حب لينه وهليت = ترحيب احلى من لذيذ الرقادي
هادت هواجيس الضمير وتهنيت = جاني طرب قلبي ليال البرادي [/poem]

رد: سالم بن تويم
 

وقال يصف صقرا

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نواف فوق الوكر ما احلى معانيه = مثل الشجاع اللي صموت سنافي
قرمٍ اليا كبرت مشاكل عوانيه = يجعل حمول الثقل عنهم خفافي
محلى عيونه يوم بالنسر يدعيه = عساه يسلم ما يجيه الخلافي
وليا نشر زين الموامي مواميه = يشدن من خوص الغروس الخوافي
غرسٍ على ايمن كفته الشط يسقيه = ما نش عنه الماء ليال الهيافي
سيف الجناح مفهقاته تناديه = منين ما درت النظر فيه وافي
ابيض عسى والي المقادير ينجيه = صافي اليا قالوا هل الصنف صافي
حر اليا برقت فالراس ويديه = يكفيك عن باق التواصيف كافي
حر اليا حطه على الكف راعيه = بأول دخول الوسم عقب الخرافي
الله واعلم يتعب اللي يباريه = يشوف شوف كايدٍ ما يشافي
وجهه يعيش بدون عيشه مواريه = ومقدم سراويله على الحجل ضافي
نواف فوق الوكر ما ازين معانيه = مثل الشجاع اللي سموتٍ سنافي [/poem]

رد: سالم بن تويم
 

وقال في اعداد الصقور للمقناص

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا بله إلا قربت نقلة الطير = واهله من المربط بدوا ينقلونه
قاموا يشيلون الطيور الصقاقير = وصفن ليالٍ وقتهن يرتجونه
ايام ينشن المزون المزابير = غرن بومر الله تهشم مزونه
عساه في قدرة ولي المقادير = اليا تكاشف بارقه في ركونه
ينشي من المنشى وينوي المحادير = ويدهج عدودٍ بدونا يدهلونه
مدهال زينات البكار المغاتير = اللي فحلهن واحدٍ من نمونه
تلفى لهن في الخد ورد ومصادير = خدٍ يبيه البوش واهله يبونه
مضماه من خشم الوريبه ليا الصير = والايمن شوى ما تجهلونه
المحام في الديره ليال المخاضير = واليوم خشم طويق وسدير دونه
من عاشر البدوان ماهوب في خير = عزى لمسكين تفرق شطونه
ليا شرف النايف يجي به حواشير = وان رد حارت دمعته في عيونه
اكثر غرابيل المشق المظاهير = يا شاف سلفانٍ تطارخ ظعونه
هذي طبوع البدو من دورق عمير =اللي من الراشد تذكر لحونه [/poem]

رد: سالم بن تويم
 

عندما سأل ابنه علي الدكتور عن نسبة نجاح العمليه فسمعه الشاعر وقال:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا تنشده حدد الميعاد = جاني من الصبر مكفاني
تسعين ليله طريح اوساد = وهذا من الرابع الثاني
ماشفتني والعرب رقاد = نومي على روس كيعاني
ماني على ضيقتي معتاد = ياالله بعزمك والايماني
متغربٍ من بلد لبلاد = ارجي شفا عالي الشاني
ان كان ربك لعبده راد = ترجع ليالي ابو جمعاني
وان كان وقف موسم الحصاد = اللي وطا الناس ياطاني [/poem]

رد: سالم بن تويم
 

وله في وصف الدهر

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الصبح ماحلى شبوب النار = يا صرت مرتاح ومصلي
وحمست بنٍ من النيبار = تجلي الهواجيس وتسلي
خضره ومذعورةٍ ببهار = شف النشامى وشفٍ لي
يا طبت اشفي راعي الكار = يضحك احجاجه وينفلي
وياصار في جنبها بيطار = يفرح لياجيت ويهلي
والا الدهر بالعرب مرار =ياخذ من الناس ويخلي
فقير والا من التـجـار = العمــر ملحوق ومـولي [/poem]

رد: سالم بن تويم
 

وقال في ولده حمود عندما ادخل المستشفى

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا مل عينٍ من الهواجيس سهرانه = والموق عيا يهاب السهر ويعيفه
من العشا لين بان الصبح نيشانه = وأنا حمود اتهجع في سواليفه
ورعٍ خذاه الطبيب وصك بيبانه = موهوب في كيف ابوه ولاش في كيفه
يا الله يا اللي عظيمٍ فوقنا شانه = تفرج المنهو مريض الحال وضعيفه
وتفرح حشى اللي محل ابكاه وتنانه = يجحد عباريه عن بكية مواليفه
أطول البال قدم العود واخوانه = والا الحشا يطبخ الجاش وسراجيفه
يا مل عينٍ من الهاجوس سهرانه = والموق عيا يهاب السهر ويعيفه [/poem]

رد: سالم بن تويم
 

وقال عن ابن عمه بعد وفاة عمه
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
روحوا لجابر يا محمد وشوفوه = وشلون حاله عقب ما غاب واليه
ان كان مرتاح بدنياه خلوه = عن دمعة امه ترتجي الله وترجيه
وان كان منضك من الوقت هاتوه = انا ذرى راسه عن الشمس عطنيه
ما عقب ابوه الناس غيري تولوه = يعوض في عم توفى ابن اخيه
دامٍ راسي حي خلوه وانسوه = وعقبي ترى ما منكم احد نوصيه
دامه صغير السن باروه باروه = لين الولي عن منة الناس يغنيه
واسمع ترى قطع بالارحام مكروه = توحيه في دستور الاسلام توحيه
اقول قول قبلي الناس قالوه = من لا يسرك حي لا عاد ترجيه [/poem]

رد: سالم بن تويم
 

وقال عن حاله ولوعة الفرقى

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عيت عيوني من عناها تهملج = يوم العرب هجاع يا قل نومي
من العشا لين أول الفجر ينبج = وتغيب من مقدم ضواه النجومي
امست تعاليل الضماير توهج = واصبحت اشرف في طويل الرجومي
وأعول كما تعول من الهجن مخلج = جوديةٍ قامت تحن وتعومي
شافت ولدها يوم يذبح ويهدج = ومن دونها وقف غلامٍ بشومي
تقاطعوه الكل منهم ضرب فج = وخلوا لها جلده ونشر الدمومي
وقامت على تالي البلايل تدهج = ومن حر ما تونس تطيح وتقومي
على عشيرٍ دونه الجال حجج = وعيا مقارب نجعهم لا يدومي
دونه سراب الجو الاقصى تمروج = غير النبي النايفه والحزومي
لا جيت قلبان عليهن تهرج = مهو بذاك اليوم عندي بيومي
اللي اليا قابل جبينه تبلج = تبلج النشمي بوجه معزومي
عشرٍ وبشر بالحجج يتخرج = الا ولا عاشر هدوس الرخومي
ولا قط عمره في حياته تسمج = مثل الاصيل اللي جموحٍ عزومي
ان كان عقبي زين الاطباع ماسج = النفس عن عشرات غيره تشومي [/poem]

رد: سالم بن تويم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على لطيف الروح عرص بي الفال = قمت اتمنى ليتني كان ما جيت
يا حيس في ليت اريش العين ما قال = وإلا لقوله ليتني ما توحيت
يا شوق ويش علمك تغثبر علىالبال = في كلمةٍ لك قلتها يوم قفيت
حسيتني فيها وانا سالم الحسال = كان انت راعي تنَه ما تقاضيت
بالعون ما رجلي زلت من الجال = مير انت يا ضافي الدليقين زليت
من اولٍ يا شفت زولك بالأزوال = اقول لك من بد الأزوال حييت
واليوم زولٍ زال من عرض من زال = مع اوسط الازوال ما من تفاخيت
قلبٍ يحب من ابغضه كله هبال = واللي يعاد اللي مصافيه حلتيت [/poem]

رد: سالم بن تويم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا سعود انا في لذة النوم جاني = زولٍ غريب وجيته لي غريبه
ارتحت في شوفه وانا في مكاني = بالحلم ليت الحلم دايم يجيبه
واصبحت من دونه طويل البياني = وذيب يجر اعواه خالي شعيبه
انحاح طراد الهوى باللساني = والا على أهل العرف يا كثر غيبه
جا بيني وبينه امزوح ومعاني = قرّيت له بالغلب عين الربيبه
اللي ليا منه صفالك وزاني = يكفيك عن كل المخاليق طيبه
في خاطري من جور حبه حداني = لو هو على نفسي رضا بالغليبه
شبه الفتاه من النياق السماني = حايل ثلاث سنين ما شيف صيبه
وضحاً ليا ورد الدبش حندواني = ولا شرعت قدام قالوا مغيبه
ليا شافت الجويا وحسن الغواني = كمت على البريع وضحا حبيبه [/poem]

رد: سالم بن تويم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بالله ياهل الركاب اللي من المطراش ضمار = شدوا لي رسان سمحات اللحي وقتٍ قصيري
في مثل ما قال راعي السالفه مقدار مقدار = يرتاح منه الفؤاد وينجرد فيها النظيري
سلام للي عليه اشفق من الصايم اليا صار = ليصار في بارح الجوزاء وشاف الماء الغديري
في طاسةٍ باردٍ قدام وجهه حل الافطار = وهو على هفة القرطوع عطشان الضميري
شغله مع مقاولٍ والقيظ كنه واهج النار = من طلعت الشمس لين ان الفطر وقته يصيري
غريب دارٍ ولاله من يقول عليت وبحار = وهو يبي لزيته في الشغل محتاج فقيري
شارك ضميري ضميره عقب ما شدوا هل الدار = بالصاحب اللي صفالي وانكر الخلان غيري
وانا كذلك بعد عن عشرته مانيب مختار = دام النفس في يذري والقدم مني يسيري
ارجيه لو كان عني لددوه الناس بحيار = والله ما انسى رفيق الطيب والصاير يصيري
في مثل ما قال راعي السالفه مقدار مقدار = يرتاح منه الفؤاد وينجرد فيه النظيري [/poem]

رد: سالم بن تويم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياليتني في حفلة العيد ما جيت = جنبت عن نزلة هذيلا وذيلاك
والا بعد ما فيك بالعين لديت = صديت عن يمة يمومك وممشاك
وشفي ياسيد الرعابيب سويت = الله لا مني بالاحسان يجزاك
ماني بناسي وقفتك بايمن البيت = يوم انت ترفع لي سلامٍ بيمناك
سلام ياللي مالغيرك تمنيت = مشهات قلبي مير ويني ووياك
يا اللي علشانك عن العرس عييت = ارجي جليل الملك واصبر برجواك
يا شفت زولك دون غيرك تغانيت = العين تعجبها مثايل حلاياك
زد به اليا جيت بجدم واستعديت = وردت طراد الهوى حوض الادراك
يا وقف دوني ساقي الماء وذويت = بالخير ياسيد الرعابيب مناك
يا شفتني في النزل يا اقبلت واقفيت = مالي ترى حاجه وغرضان لولاك
انويك بالجيه واليا اقبلت صديت = من خوفةٍ بعض المخاليق تشناك
وقتي حداني عنك ما عنك سجيت = والا على وردك ظوامي و هلاك
ياواقف دوني ساجي الماء دويت = بالخير يا سيد الرعابيب مناك[/poem]

رد: سالم بن تويم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه يوم المخاليق هجاع = النوم عافنه عيوني عيافي
آصل إلى المكتب واعود بالاسراع = لين انسدحت من المسير متلافي
الشكر لله ما شكيت من الاوجاع = مير إن ما جاء بين الاضلاع كافي
على صديقٍ ناحروا عرق من ساع = والصبح ياما دونهم من سنافي
ودي بهم ومعكرش الراس ماطاع = لا تم سامي هالسبوع متعافي
راحوا لدارٍ علها وبل الارجاع = من المضامن والبحر والطفافي
دارٍ بها للجد والجند مرتاح = يعلها للسيل وسم وصيافي
يازين شوف الزمل يا ساح وانتاع = وينكسه جال الثمان الرهافي
البارحه يوم المخاليق هجاع = النوم عافنه عيوني عيافي [/poem]

رد: سالم بن تويم
 

بعدما مر على الغزو العراقي 22 يوم ولم يخبروه ابنائه خوفاً من انتكاس صحته
[rams]http://www.naishan.com/dewan/25bintwaim/18.ram[/rams]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الا يا الله يا ربي تعودي = رجاك العبد يا خير امعبودي
ترد الما الغدير ابموقعٍ له = تربينا عليه امن الجدودي
اشيوخٍ طبعهم حسن النوايا = ولهم شعبٍ بشوفتهم ودودي
وتجزى راعي السو ابشناته = ابفعلٍ ما يسويه اليهودي
نسى تسع السنين الي مضاً له = من الارزاق منا والنقودي
وعاهدنا ولا تم ابعهوده = وهجد بالليل والعالم رقودي
وذبح مسلمينٍ ما دروا به = يحسب انه بهالماقف صمودي
ترى ماقف رجاجيل الشهامه = اعلانٍ للسرايا والجرودي
على وضح النقى كلٍ يشوفه = رفع له بيرقٍ حدره عمودي
ولو هو ما يجي جو المعارك = يدهويهم واهو عنهم صدودي
يصير الطق في روس النشاما = ليا صادم فهودٍ في فهودي
ولو انه مسلمٍ يحضى بدينه = وقف يومه هجم عند الحدودي
وطالب له بحقٍ يدعي به = وشاف الي يجيه من الردودي
يعله فدوتٍ لخوان نوره = سندنا دايم الجيش السعودي
صديقٍ ما تجي منه الخيانه = مقر الجود ينبع منه جودي
ولاننسى الخليفه بالصداقه = وابن ثاني عساهم فالوجودي
ونعمٍ في فعول الشيخ زايد = والملك قابوس ترحيبه يزودي
ومصر وسوريا الجيش المدرب = سراياً قدمها القايد يقودي
وملوك المغرب الي ما تغبم = وشعب العرب معنا ومحشودي
يعرفون الكويت ابماقفٍ له = لها فعلٍ مشرف وامحمودي
وجميع المنتقص في كل ديره = معونتها لها العالم شهودي
عسى عيني تشوف الشيخ جابر = على تخت الحكم لا واسعودي
وولي العهد في صفه وربعه = عمى عين المنافق والحسودي
ويجمعنا على خير ومعزه = على ذيج الليالي واوجودي [/poem]

رد: سالم بن تويم
 

البارحه
[rams]http://www.naishan.com/dewan/25bintwaim/6.ram[/rams]

في المرض
[rams]http://www.naishan.com/dewan/25bintwaim/15.ram[/rams]

رد: سالم بن تويم
 

فراق الحبايب
[rams]http://www.naishan.com/dewan/25bintwaim/30.ram[/rams]

نصيحته لولده
[rams]http://www.naishan.com/dewan/25bintwaim/38.ram[/rams]

رد: سالم بن تويم
 

عن شابه

[rams]http://www.naishan.com/dewan/25bintwaim/50.ram[/rams]


رسالة للحبيب
[rams]http://www.naishan.com/dewan/25bintwaim/47.ram[/rams]

رد: سالم بن تويم
 

الله يرحم بن تويم من عمالقه الشعراء

ومشكوررر اخوي الطائر المهاجر

رد: سالم بن تويم
 

الطائر
لاهنت على النقل والأتحاف
العازمي رحمه الله كان فذ بين الشعراء

رد: سالم بن تويم
 

رحمة الله عليه رحمة واسعه

شكرا لنقلك وتقديمك الجميل يابو عبدالله

لاهنت

فائق الاحترام

رد: سالم بن تويم
 

[size=4][color=#008080]عظيم الشكر للجهد الرائع الراقى
دمت أخى و سلمت و غنمت[/color][/size]

رد: سالم بن تويم
 

[color="purple"][size="5"]
اختيار موفق



يعطيك العافية


صعووب[/size][/color]

رد: سالم بن تويم
 

شكرا لك ابو عبد الله
على النقل الرائع
وتسلم ايدك
تحياتي

رد: سالم بن تويم
 

بوعبدالله نقل مميز
ماقصرت..تحياتى

رد: سالم بن تويم
 

مجهود رائع لشاعر مميز
والف شكر

رد: سالم بن تويم
 

صح لسانه
يعطيك العافيه على النقل

رد: سالم بن تويم
 

رحم الله الشاعر
مجهود رائع لشاعر جزل
سلمت طائرنا ولا هنت

رد: سالم بن تويم
 

[color="darkorchid"][size="5"]رحم الله الشاعر

يسلموا على النقل

صعووووووووب[/size][/color]

رد: سالم بن تويم
 

[size="5"][font="comic sans ms"]تسلم الايادي على النقل المميز
يعطيك الف عافية[/font][/size]

رد: سالم بن تويم
 

[center][font=arial black][size=4][color=indigo]تسلم[/color][/size][/font]

[font=arial black][size=4][color=indigo]ويعطيك العافيه بة بو عبدالله[/color][/size][/font] [/center]

رد: سالم بن تويم
 

يعطيك العافية

نقل رائع

صعووب