|
محمد العبدالله القاضي
هو شاعر النبط الكبير محمد بن عبدالله القاضي من بني تميم القبلية العربية . . . من أكثر شعراء النبط وأغزرهم إنتاجاً وأقواهم معنى . . . شهد له الجميع وأشاد به نقاد الشعر النبطي على اعتبار أنه من الظواهر الفريدة بالشعر النبطي القليلة التكرار
ولد شاعرنا في (( عنيزه )) بالقصيم سنة 1224هـ وفيها توفى سنة 1285هـ عاش حوالي 61سنة نبغ بالشعر منذ صغره وكان حاوياً للخصال الحميدة فقد كان القاضي رحمة الله كريماً إلى حد يفوق الوصف حتى إنه لما قال قصيدته المشهورة في مدح أهل عنيزه بلدته والتي منها هذه الأبيات يـا عـل بـراقٍ حقــوقٍ خيـالـه ...محـنٍ مـرنٍ مـرجحـنٍ وهطـال يسقـي مفالـي ديرتـن ضـم جالـه ....ما يعجب الناظـر يشوفـه ويهتـال دارٍ لنـا ودادي الرمـه هـو شمالـه...غربيـة الضاحـي وشرقيـة الجـال دارٍ لنجـد مشـرّعه كـم عنـا لـه...راجعي و محتـاجٍ ولا جـي ونـزال ولما نظم تلك القصيدة قال له أمير ((عنيزه)) بذلك الوقت ((عبدالله بن سليم)) بماذا تكون المكافأة أيها القاضي ؟ فقال القاضي مكافأتي أن تكون عندي ضيافة كل ضيف يأتي لكم في اليوم الثاني بعدكم مباشرة . . . لا يسبقني أحد فقال الأمير هي لك وكان القاضي رحمه الله من الوجهاء الأغنياء في بلدته . . . ولما بلغ الأربعين من عمره توقف تدريجياً عن نظم الشعر وتوجه إلى أمور الدين ودراسته فنسح صحيح البخاري كاملاً بخط يده علماً بأنه كان معتدلاً في بداية حياته بالغزل وبالرغم من نظمه للغزل وإبداعه فيه كشاعر كبير إلاّ أنه كان عذرياً سليم الهدف بغزلياته وما رواه الرواة عنه أن هناك بعض من أصدقائه تحدوه بأن ينظم قصيدة طويلة كاملة لا يذكر فيها بيتاً واحداً في الغزل وبالفعل نظم القاضي قصيدته المشهورة والتي اختار موضوعها وصف القهوة مطلعها يا مـل قلـبٍ كـل مالتـم الأشفـاق...من عام الأول به دواكيـك وخفـوق إن عن له تذكـار الأحبـاب واشتـاق ...باله وطاف بخاطـرة طارى الشـوق قربـت لـه من غايـة البـن مالاق....بالكف ناقيـها عن العـذف منسـوق احمـس ثـلاثٍ يانديمـى على سـاق...ريحه على جمر الغضا يفضح السوق حـذراك والنيـه وبـالك والأحـراق..واصحا تصير بحمسه البـن مطفـوق ولما أشرف القاضي على نهاية القصيدة ولم يتغزل عرف الأصدقاء أنهم مغلوبون لا محالة وأمروا امرأة بالمرور أمامه رافعة طرف ثوبها ليتبين الحجل فلما مرت أمامه أردف القاضي يقول وقد شطح عن موضوعه الأساسي سحرٍ كتب في حبـر عينـه بالأوراق...خديـه صاديـنٍ ونونيـن من فـوق كن العرق بخدودها حـصٍ أرنـاق...نثر على صفحـات بلـورة شعـرق تمشي برفقٍ خايفـه مدمـج السـاق.. يفصم حجولٍ ضمها الثقل من فـوق إلى صفت لك ساعتن وأنت مشتـاق...فاقطف ثمر مالاق والعمـر ملحـوق وقد كان شاعرنا القاضي ذا علم فكان يعرف حساب النجوم والأنواء ومواسم المطر والزراعة وقد جمع علمه هذا بقصيدته المشهورة والتي منها هذه الأبيات ترى أول نجوم الليل سبعٍ وصايـف...كما جيب وضحا ضيع الدرك دالـق أو نعـل شـاخٍ والتـويبـع تبيعـها...وفي برجها الجوزا كما الـدال دانـق ترفع بها عاهـات الأثمـار بسطـه...نهايات قصـر الليل عشـر الدقايـق وكان بهذا العلم قد جدد ما بدأه الخلاوي حيث كان هو السبّاق إلى نظم القصائد بحساب النجوم والأنواء إلاّ أن القاضي قد أضاف معلومات جديدة وعالج الموضوع معالجة جديدة موضوعية تختلف عن معالجة الخلاوي لنفس الموضوع ويعد النقاد قصائد القاضي في كل معنى يتطرق له قمة الأشعار النبطية تقاس عليها قصائد باقي الشعراء حيث أصبح الشاعر مضرباً للمثل كقوله بالدمع باسـم الله يا عيـن مجـراك...محاجر البحرين جفنـك عن العيـن يرعد سماك ويمطر الدمع من مـاك...لا صاح به زجر المـلك ساقه البيـن اليـا عذلتـك زاد نوحـك وبلـواك...تسرين في سفك المدامـع وتجريـن بالعون يا عين الخطـا صرت ويـاك...مثـل الخطيـة دايـم الـدوم تشنيـن وقوله من قصيدة أخرى يرثى بها طلال العبدالله بن رشيد وصف انتحاره فيقول أعطت طلال المـلك ليـن أمهلـت له....تزخرف على وجهه بتجميع الأصنافـي يوم استتمت له وجت له على الهـوى...جرى من سبب كفه على نفسه إتلافـي وتمـلك بها غيره وهـي في حبالـه....وهي منه حبلى قاربٍ شهـرها لافـي تنـاهـى مقـام العـز منـها ولابقـا....ملكٍ عظيـم مارفـى شقـه الرافـي حنـت عليه جبـال حايـل ومن بـها...من الجار والجالينه وصنوف الأضيافي عمـار الجبل سور الجبل هيبه الجبـل..حمى دون ساكنها بشر ثات لا سيافـي وفى أواخر أيام شاعرنا محمد القاضي اعترته الأمراض فأنهكته وهدت قواه وبدأ يصارع المرض حتى صرعه المرض فتوفاه الله وكانت آخر قصيدة قالها بحياته قصيدته المشهورة والتي سميت ((توبة القاضي)) وفيها يتجه إلى الباري عز وجل يطلبه العفو ومنها هذه الأبيات يا محـل العفـو عفـوك يـا كريـم....ولطفـك اللـي كافـلٍ كـل الأنـام يـا سميـعٍ يـا بصيـرٍ يـا عليـم....يـا قـويٍّ يـا متيـنٍ يـا ســلام يـا حميـدٍ يـا مجيـدٍ يـا حكيـم....يـا عزيـز ذو الجـلال والإكـرام مـوحـدٍ يـدعيـك بالليـل البهيـم...بـالتخضـع والتضـرع بـالظـلام خاشـعٍ لـك خاضـعٍ لـك مستقيـم...أسـألك وادعيـك بأسمـاك العظـام أن تروف بحـال من جسمـه سقيـم ...علتـه تبـراه مـن خمسـة عـوام |
رد: محمد العبدالله القاضي
قصيدته المشهوره في القهوه
[poem=font="simplified arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] يــا مــل قـلـب كلـمـا الـتـم الاشـفــاق = مـن عـام الأول بـه دواكـيـك واخـفـوق كـنـه مــع الــدلال يـجـلـب بـالاســواق = وعامين عند امعزل الوسـط مـا سـوق يجاهـد اجنـود فـى سواهيـج الاطـراق = ويكشـف لـه أسـرار كتمـهـا بصـنـدوق لا عــن لــه تـذكـار الآحـبـاب واشـتـاق = بالـه وطـاف بخاطـره طــاري الـشـوق دنيـت لـى مــن غـالـي الـبـن مــا لاق = بالكـف ناقيـهـا عــن الـعـذف منـسـوق احمـس ثـلاث يانديـمـي عـلـى ســاق = ريحه على جمر الغضى يفضح السوق وايـــاك والـنـيــه وبــالــك والاحــــراق = واصحـا تصيـر بحمسـه البـن مطـفـوق الـى أصفـر لونـه ثـم بشـت بـالاعـراق = أصفر كمـا الياقـوت يطـرب لهـا المـوق وعـطـت بـريــح فـاخــر فـاضــح فـــاق = ريحـه كمـا العنبـر بالأنفـاس منـشـوق دقــه بنـجـر يسمـعـه كـــل مـشـتـاق = راع الهـوى يـطـرب الــى دق بخـفـوق لـقــم بــدلــة مــولــع كـنـهــا ســــاق = مـصـبـوبـة مـربـوبــة تــقــل غــرنــوق خلـه تـفـوح وراعــي الكـيـف يشـتـاق = الـى طفـح لــه جـوهـر صــح لــه ذوق أصـفـر قـمــوره كـالـزمـرد بـالأشـعـاق = وكبارهاالطـافـح كـمـا صـافـى الـمـوق زلـه علـى وضحـا بهـا خمـسـه أزيــاق = هيـل ومسـمـار بالأسـبـاب مسـحـوق مع زعفران والشمطـري الـى انسـاق = والعنبـر الغالـي علـى الطـاق مطبـوق فليـاأجـتـمـع هــــذا وهــــذا بـتـيـفـاق = صبـه أكفيـت العـوق عـن كـل مخلـوق بفنجـال صـيـن زاهــي عـنـد الارمــاق = يغضي بكرسيـه كمـا أغاضـي غرنـوق الـى انطلـق مــن ثعبـتـه تـقـل بــراق = أو دم فـلــب وانـمــزع مـنــه مـعـلـوق الى حصل لك صاحبـك وانـت مشتـاق = أقـطـف زهـرمـالاق والعـمـر مـلـحـوق عـبــث يـعـيـل بحـبـةمـا بــعــد مــــاق = وهــو يـزاهـي بـاهـر الـبـدر بـعـشـوق بيـن اشفتيـه الــى غـنـج حــق بــراق = عجـل رفيفـه بالطهـا يعـطـي اطـبـوق سـطــر كـتــب مـــن عيـنـيـه بـــأوراق = خـديـه صـاديـن ونـونـيـن مـــن فـــوق كـن الـعـرق بخـدودهـا حـمـر الارنــاق = ينثـر علـى الوجنـات باللـون معـشـوق الـى ابتـسـم شــع واشــرق بـالافـاق = نـــوره يفوقـالـبـدر سـحــر ومـنـطــوق بالعـنـق كــن المـسـك والـخـد بـــراق = شخـص بصـدره كمـا الـشـاخ مـدفـوق يمشـي برفـق خائـف مدمـج الـسـاق = يفصم احجول ضامها الثقـل مـن فـوق فيالحضـر مــا قـلـت عـنـدي فــالأرزاق = يــــد كــريــم كــافــل كــــل خــلـــوق صــــلاة ربــــي عــــد بــــارق حــــاق = علـى النبـي الهاشمـي خيـر مخلـوق [/poem] |
رد: محمد العبدالله القاضي
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يـا حـي طيـف عنـا لـي بالوصـال وهـل = بـدره عقـب مـا اختفـى ببروجـه وضـال بتحيـة مـن حشـا روحـي تبـي تنـسـل = وجسمـي يسلـه علـى فرقـاك ســلال تــل ودل وتـريــاق الـــي انـهــل عـــل = مـن ثغـر خـل عطـوف مـا صفـا الا لــي بـخـد وقــد الــى مـاانــه تـمـايـل هـــل = روايــح المـسـك هــو العنـبـر الـغـالـي حملتني يا الغضي حمليـن مـن جنـدل = لـو شلـت واحـد فــلا التـالـي بمنـشـال يا مجهجل العنق يا راعي الردوف الجل = يــا دقـيـق الـوسـط يــا زيــن الـتـعـزال والله والله والله الــــــــــذي نــــــــــزل = صـحـايـف الـكـتـب والـفـرقـان للـتـالـي ان لـك بقلبـي مـحـل حــل مــا يينـحـل = لـــو حـــل بـــالارض رجـــاف وزلــــزال ألا ولااذكــر مــن السـاعـات وقـــت زل = الا وشخصـك يـورى لــي ويـبـرى لــي احـمـل الـريـح تسلـيـم لـكــم واســـأل = ياسيـدي وانـت مـا سايلـت عـن حالـي [/poem] |
رد: محمد العبدالله القاضي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لعـلّ بـرّاقٍ صــدوقٍ خيـالـه=محـنٍّ مـرِنٍّ مرجحـنٍّ وهطّـال حين ارتكب كنّـه شوامـخ جبالـه=مترادفٍ ذيله يجي سيلـه ارسـال لجبٍ الى ربرب ربابـه صبـا لـه=من الشرق نسّم ردّ الاول على التال تشوف عياز المزن وقت احتمالـه=طبوقٍ بجنحان الخضاري له امثـال تنظر خشوم المزن يوضي بجالـه=صفايح الفضّـه بصالـوخ صقّـال لكن طفـاح الربـاب اجتـوى لـه=هجمـة مغاتيـر حداهـن خيّـال كن الرعد به والبـروق اشتعالـه=تتيبع اطواب الفرنجي الـى صـال ونضناض برقه في مثانـي خيالـه=لانشّروا شرع المراكـب بالادقـال الى هلّ طار غبـار خـدَّه وشالـه=والتجّ وديان الوعر والسهل سـال يسقي مفالـي ديـرةٍ ضـمّ جالـه=مايعجب الناظـر بشوفـه ويهتـال برباه حور العيـن يسحـر جمالـه=وحماه هو مربى الجوازي والاطفال دارٍ لنا وادي الرمَه هـو شمالـه=غربيّه الضاحي وشرقيّـه الجـال في روضةٍ شرْف المبانـي قبالـه=لجّة غروسه دايـرة تقـل تفصـال غيـن وبساتيـنٍ ظليـلٍ ظـلالـه=متمايلٍ كالـدّوح شاملْـه الاقبـال فسايـلٍ كالتيـن يـاحـيّ فـالـه=وفواكهٍ فيها الثمر والحمـل مـال كالليل ولا الحشـر لجّـة محالـه=ماها ومرعاهـا مـزّي وسلسـال دارٍ لنجد مشـرعٍ كـم عنـى لـه=راجٍ ومحـتـاجٍ ولاجٍ ونـــزّا ل والضيف هو ويّا الضعيف ارتكى له=كرام النفوس اهل القواعد والافعال دارٍ يجير الجار بـه مـن جلالـه=ويشمل من الباري بها عزّ واقبـال دار النّـدى دار السعـد والشكالـه=ماساقت الخاوة لـلاول ولا التـال حموا حماهـا بالمراجـل رجالـه=لين اوحشوا من جا لجاله بالافعال صالوا وصاطموا الدول دون جالـه=بحربٍ وضربٍ يسند العايل الى عال بـرايٍ وتدبيـرٍ وعقـل وصمالـه=وصبرٍ وتقديـمٍ وتوخيـر الاحـوال بعزمٍ وجـزمٍ كـان همّـوا بقالـه=ماثمّنـوا أو طاوعـوا شـور ذلاّل فان برّكوا للـراي شالـت حمالـه=زمل التخوت اللي يشيلون الاثقـال شالوا حمـولٍ مايـراوز مشَالـه=العفو مااصبرهم على كلّ الاحـوال أخيار واشـرار الـى جـا مجالـه=وعقّال في حالٍ وفي حـال جهّـال عـدامٍ شغاميـمٍ كـرامٍ سبـالـه=هم سورها وحماه كان الوحل حال يعجبك مرباع الغميس ان غدا لـه=نور بنوّاره وبـا ازهـاره اشكـال ماحدّر الـوادي وغـرب شمالـه=من وادي الروضه الى خشمه العال ومقياظها حدّ الوعر مـن سهالـه=رامه ومهره والبريقا الـى الجـال أمٍ لنـا مـن عقّهـا مـن عيالـه=عِدْم البصر والسمع والمال ورجال وصلّوا على المختار ختم الرسالـه=بازكى صلاة تبلـغ الصحـب والآل[/poem] |
رد: محمد العبدالله القاضي
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هيهات من يسلم من الشـوم واللـوم=رضا الناس فيـه غايـة مـا ترامـي ما ذكر مخلوق عن العيب معصوم=إلا الــذي ظـلـل عـلـيـه الغـمـامـي كم واحدٍ حده طغـا الجهـل والـزوم=حتى شرب بالكره كـاس الحمامـي كم سـاريٍ فـي تالـي الليـل منجـوم=اصبـح بصـحـاح بعـيـد المظـامـي حذراك خـلان الرخـا عدهـم قـوم=مـروك مـا ردوا علـيـك السـلامـي كم جامـع مـال وهـو منـه محـروم=سلـط علـى مالـه عيـال الحـرامـي لا تكتـرب يـا بايـت بــات مهـمـوم=ترى الفرج عند اكتراب الحزامـي [/poem] |
رد: محمد العبدالله القاضي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بالدمع باسم الله يا عيـن مجـراك=محاجر البحرين جفنك عن العيـن يرعد سماك ويمطر الدمع من ماك=لا صاح به زجر الملك ساقه البين اليا عذلتك زاد نوحـك وبلـواك=تسرين في سفك المدامع وتجرين بالعون يا عين الخطا صرت وياك=مثل الخطية دايـم الـدوم تشنيـن [/poem] |
رد: محمد العبدالله القاضي
التوبه
وفى أواخر أيام شاعرنا محمد القاضي اعترته الأمراض فأنهكته وهدت قواه وبدأ يصارع المرض حتى صرعه المرض فتوفاه الله وكانت آخر قصيدة قالها بحياته قصيدته المشهورة والتي سميت ((توبة القاضي)) وفيها يتجه إلى الباري عز وجل يطلبه العفو ومنها هذه الأبيات : [poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يا محل العفو عفوك يـا عظيـم=ولطفك اللي كافـل كـل الآثـام يا سميع ويابصيـر يـا عليـم=يا قوي ويا متيـن ويـا سـلام يا حميد يـا مجيـد يـا حكيـم=يا عزيز ذو الجـلال والإكـرام يا عطوف يا رؤوف يـا رحيـم=جلَّ شانه مـا يهـام ولا يـرام بنورك اللي يوم ناجـاك الكليـم=دك سينا خرّ موسـى ثـم قـام مُوحد ٌ يدعيـك بالليـل البَهيـم=وبالتخضع والتضـرع بالظـلام خاشع لك خاضع لـك مُستقيـم=اسألك وادعيك بأسماءك العظام أن تَروف بحال من جسمه سقيم=عِلته تبراه له خمسـة أعـوام داونـي بـدواك مِـن داءٍ أليـم=واشفني بشفاك يا من لا يضـام من انتحالي دوك حالي حام حيم=والمرض رض الأعضاء والعظام مدلـه نفسـي بتدليـه العظيـم=عن لذيذ النوم مع طيب الطعـام ولا لي مشكى غير للرب الرحيم=بحق السبع السمـاوات العظـام ذا ومع ذا لـو تمـادوا بالنعيـم=فإن عمر المرء مـرده للعـدام كل ابن انثى ولـو طـال سليـم=لا زم ٍ يشرب بكاسـات الحِمـام من عميم إحسانك ارحم يا رحيم=يوم نزع الروح وإن جاها حمام قام يصعدها ويحدرهـا غريـم=في عضاه من الدماغ إلى البهام شاخص طرفه وريقه ريق هيـم=كل عرق بالعرق يرشح شمـام يوم نزع الروح لجـنَّ الحريـم=وجضوا أهل البيت واشتغل الغلام والشفيق اللي يـوده والرحيـم=يستشين بشان تجهيـزه قـوام والخشب دن مع الخام الرخيـم=وفصلولـه وزره فوقـه حـزام ثم شاله كـل شغمـوم حشيـم=مرجليـن معجليـن بالهـمـام ووضعوه بمُوحش قبـر ٍ ظليـم=ووسدوه اللِبنَ عن ريش النَعـام وكشفوا عنه الغطا قبل الهديـم=وفككوا عنه العصايب والحـزام ورصفوا فوقه من اللِبن ِ الضخيم=وادخلوه وودعـوه بـلا كـلام وحدوه بموحـش مالـه نديـم=غير ما قدم مـن أعمـال قِـدام عند خلق ٍ بارزين فـي صَميـم=صامتين مـا يـردون السـلام حال ما خلـوه بالبـرزخ مقيـم=جاه من ناجاه عن خمس ٍ تَمـام اسأله يلهمك رشدك يـا غريـم=فـي ثباتـك للملائكـة الكـرام وعقب هذا البعث والهول العظيم=يوم حشره يـوم نشـره للأنـام يوم يبعث كل ذي عظـم رميـم=في صعيد للحسـاب والخصـام يوم نَصبه للسـراط المستقيـم=لنسل يافث ثم حـام ثـم سـام حاسريـن عابريـن بـه نظيـم=ذا يصيح وذا يطيح من الزحـام وذا جريح وذا عطيب وذا سليـم=وذا يمر مرور برق ٍ في غمـام وذا يُسرُ وذا يُجَرُ إلـى الجحيـم=وذا إلى الفردوس من باب السلام وذا يُخلدُ بالنعيـم اللـي مُقيـم=وذا مسيم في لظى دوم الـدوام كيف من ييقن بهذا يـا غشيـم=يفنى الدنيـا ويغـرى بالحطـام وين ابوك وين جدك؟ يا عديـم=وين خالك وين خِلك والعمـام؟! ويـن شُبـان يهـدون العديـم=وين شيبـان ٍ شغاميـم كـرام صُيروا في قبورهم مثل الهشيـم=خامديـن هامديـن فـي هـدام تبـرم الدنيـا وينقـض للبريـم=واخيرها منقضية مثـل الاحـلام يا (أحد) يا (واحد) شانه عظيـم=يا (صمد) يا عالم كـل العـلام سامع في غِبـة البحـر البهيـم=صوت يونس يوم نادى بالظـلام يا إلهي خذ بيـد قلـب ٍ سليـم=عن عذابك يوم للخلق ازدحـام من بحر مجدك وجودك يا كريـم=نفحة نَسعَـد بهـا دوم الـدوام أنا دُسـت الخطايـا مـن قَديـم=طالبك صفحك وعفوك لي ختـام الهوى والنفس أغواها الرجيـم=ونشر فضلك واسع ذا والسـلام ذا وصلى الله على طـه اليتيـم=وآله والصَحب ما هـل الغَمـام عدد من طـاف بالبيـت القديـم=بين زمزم والحجر هو والمقـام [/poem] |
رد: محمد العبدالله القاضي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فراق الدهر هبت لـه رياحـي=سعت بفراق من فارق وراحـي تحققت الخبـر وامسيـت كنـي=صريع شاربٍ له كـاس راحـي ورثت احزان يعقـوب بنوحـي=سلفت واحييت عصره يوم راحي يزج الدمع من فرقـاه يوسـف=اطال النوح لين انحـا وطاحـي انـا فارقـت لذتـي وذاتــي=تكدر دهري الصافـي وراحـي زعجت الياه وين اهل السوابـق=اهل عطرين نسمـات الرياحـي الا ياركب دنـوا لـي قلايـص=مراحيـل مراسيـل الطـلاحـي مـراديـل علاكـيـمٍ همـايـم=تجاذبنـا التغـاري واتنـاحـي قلايص بـزلٍ عـوض هوايـع=هميمـاتٍ بعيـدات المضاحـي الى اقفن كنهـن جـول نعايـم=بيـن اريـام دمثـات المداحـي فيوم اصحيت من خمر السكارى=وشفت اهل النجايب قلت انا حي مراحيلٍ بغـوا غايـة مـرادي=بطاريهـن يطـرون الرواحـي فجاء الرسول يندبنـي وينخـى=يقول الركب صاحـوا بالفلاحـي زعجت الياه وين اهل النجايـب=بعالي الصوت واومي في شلاحي الا ياركب عوجوا لـي عجـال=اسطر في سطر طرس الطلاحي افيق ان كان لي فيكـم رفيـق=يكـون منـورٍ قلبـه وصاحـي يفيض ابكارٍ غميقـات المعانـي=بفكـرٍ قاصـرٍ عنـه امتداحـي احملكـم سـلام مـن ولــوهٍ=شفق عدد صحـاح الضواحـي لطيـفٍ سايـغٍ الـذ وأحـلـى=على العطشان من سح البطاحي الى طفل قطـف نـوار عمـري=وجاز الـود بعـده والسفاحـي قولوا لـه بعـد نشـر السـلام=بلطف واخبروه يكـون صاحـي لـودٍ سابـقٍٍ بينـي و بيـنـه=وعهـدٍ سالـفٍ قبـل التناحـي فلا واللي سمـك سبـعٍ عظـام=ونزل بالملـك كتـبٍ صحاحـي فـلا جسـم بـلا روح يعيـش=محال ان كان هو زل المزاحـي فكيف الطفل يسلى عن غادٍ لـه=جري التجريب عن كثر اللحامي الا يا عزوتـي عـزوا عزيـز=قتيل الشوق مكفـي السلاحـي ومن رام الهوى مـا رام مثلـي=عنودٍ عينهـا عيـن المياحـي تخنطل باطلسٍ كنـه الـى مـا=تمايل به تـذل مـن الطياحـي تميـل وتنثنـي عنـي بعطفـه=الى مال الغطا عنهـا وطاحـي كشمعة مولعٍ في جوف صـافٍ=من البلـور محلـى الصفاحـي الا يـا عاذلـي يخفـاك حالـي=كما انك دالهٍ نومـك صطاحـي على نسـل آدم منتـب وكيـل=كفاك عيوب نفسـك لا تلاحـي تصبحنـي بعذلـك كـل يــوم=صباح الله قبل هـاك الصباحـي [/poem] |
رد: محمد العبدالله القاضي
تزوج شاعر نجد الكبير محمد العبدالله القاضي من ابنة عمه المرحوم
محمد العبدالرحمن القاضي (ت 1300هـ) فأنجبت له له ابنه البكر عبدالله , ثم توفيت رحمها الله .. وبقي الشاعر فترة عازبا , ثم تعلق قلبه بابنة جيراهم المرحومة هيا المنصور الزامل , وعشقها عشقا قيسيّا جنونيا , وتغزل بها في شعره , لكنه الغزل العذري الحشيم .. الذي يصف المشاعر وآلام الوجد والشوق .. وقد بلغ به الوجد مبلغا عظيما حتى وقع طريح الفراش , وبرّح به الحب , وذوت حاله , وضعف جسده , وتهالكت روحه .. وقد اجتمعت طائفة من أهل الحل والعقد في أسرة الشاعر , وقررت الذهاب إليه وعيادته في مرضه والاطمئنان على صحته ظاهرا , ثم نصحه بالتخلي عن غوايته وما يرونه مجونا في أخلاقه .. وهو الهدف من الزيارة فدار بينهم حوار سجله الشاعر بدقة متناهية في هذه القصيده : [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] حل الفراق وبيـح الوجـد مكنـون=قلبٍ تعايوا فيـه شطريـن الأطبـاب حيران قلبـي بالزناجيـل مسجـون=في سجن ابن يعقوب أنحى وهو شاب وبي علة أيوبٍ وغربـال ذا النـون=وبي عبرة المكظوم أناجبت ما جـاب وبي زفرة ٍ كل المـلا مـا يطيقـون=معشارها لو هي بصـمّ الصفـا ذاب لا شك ما يكتب على العبد بالكـون=يجري قضاه وكل شيء لـه أسبـاب لي بين حرف العين والصاد مضنون=والكاف طاف بزين تلعـات الأرقـاب غروٍ شعاع الشمس يوضي بمقرون=حجاجه قناديل الحـرم بيـد شبّـاب لحظيه مسلولٍ من الهنـد مسنـون=وحراب يطعن بـه ويعلّـق بنشّـاب بين شفتيه من أشرف الدر مثمـون=حصٍّ وياقوتٍ بهن صـرف الألبـاب به سحر هاروت ومـاروت مقـرون=والصرف يغذى من جبينه وينجـاب كامل وصوف الزين أنا منه مطعون=بسهم يسلّ الروح بـه سـل دولاب وبقيـت مشغـوفٍ هبيـلٍ وخلّـون=مثل الطريح اللـي تدالتـه الأسبـاب يا علي قتل الروح هو ذكر مسنـون=تفتون بأيّـا مذهـبٍ حـلّ وكتـاب روحٍ تسام وسيّمـه بـاع مديـون=يا من يسوم الروح للخيـر كسّـاب فصخت ثوب الستر وأبديت مضمـون=سدٍّ فضحه النـوح والدمـع سكّـاب يحـق زعـج الدمـع دمٍّ لمفتـون=قلـبٍ وعيـنٍ مغريـات بالأحبـاب متحمّلٍ لو قالـوا النـاس مجنـون=فأنـا لمـا قالـوا صميـمٍ وعتّـاب ما لامن أحدٍ لو عن الحـال يـدرون=ومن لامني بمـورّد الخـد ينصـاب تشيله رياحينٍ من الجـانّ يـدوون=بالسبع سبع سنين ما عنـه نبّـاب في حب غطروف برى الحال وادعون=بري القلم في كـف شطـرٍ وكتّـاب جاني من أقرابي نصاحـى يعـزّون=قالوا سفا بالحال ياحيـف منصـاب! علام جسمك ناحل؟ قلـت مطعـون=قالوا بعقّ؟ قلـت بحـراب الأحبـاب قالوا من أنت بحربته؟ قلت تـدرون=إني كما حيـران (حمّـام منجـاب) عرّضتكـم بالله لا لــي تعـذلـون=ياناس كثر القول والنصح مـا ثـاب قالوا تصرّ من الهوى قلـت فاتـون=عن حال مفتونٍ بحـوري الأتـراب قالوا هبيلٍ قلـت قالـوا (لمجنـون=ليلى) مثل هـذا وأنـا عاصـيٍ آب ياناس عنكم شاطن القلب مشطـون=أنتـم تـرون الحـال منتـم بغيّـاب أنا بـوادي التيـه وأنتـم تهرجـون=بيني وبين هرجكـم ستـر وحجـاب كان إنكم ترضون باللـي تعرفـون=محيي العظام الباليـة رب الأربـاب والله ماأسمع هرجكـم لـو تلجّـون=بالصوت يندب منكم الشيخ والشـاب إلا إن سمع فرعون ما قال هـارون=أو يسمع الميت نبـا صـوت نحـاب أظن من وصل الدرك لـه يعـذرون=كل الخلايق لو رمى عنه الأسـلاب وعقلٍ عْرِجْ به وأذهل الذهن مرهون=روحـه لكنّـه بيـن لاوي وجـذّاب ياعلي حـدّ النفـس مادونهـا دون=ولا مع الحييـن ترجيـن بحسـاب مني صـلاةٍ عـدّ كايـن ومكيـون=على النبي والآل منـي والأصحـاب [/poem] |
رد: محمد العبدالله القاضي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الصبـر محمـود العواقـب فعالـه=والعقل أشرف ما تحلت بـه الحـال والصمت به سرٍّ سعـد مـن ينالـه=والهذر به شـرٍّ وشـومٍ وغربـال وأشر آفات الفتـى البخـل بمالـه=وأشر منه المطل في كل مـا قـال ولا خير باللي مـا يصـدّق مقالـه=فعـلٍ بحـالاتٍ طويـلات وقصـار فالبـلّ معلـومٍ بالأيـدي عقـالـه=والخيل تزلـج بالشبيلـي والأقفـال والرجل بالواجـب لسانـه عقالـه=لا قال علمٍٍ تم لو حـال بـه حـال والمـال كثـره عـار إلا بحـالـه=فضلٍ ومعروفٍ إلى نـال مـا نـال ومن جاد جدّه صـار ضـده نعالـه=ومن ساءت أخلاقه فراقه هو الغال ومن لا يفارق موضع الهضم غالـه=فالقهر مثل السيف والحيـف قتّـال ومن هاش حاش المرجلة والشكاله=ومـن ذَل ذِل ومـن حـال يقتـال ومن جاد ساد ومن يشـح بحلالـه=ما أدرك مرام ولا صعد مصعد عـال والفقـر هـدّامٍ براسـه صعـالـه=والجود من ماجوده إن ثـار بعقـال ولا يفتخر من جـاد جـده وخالـه=هي بالهمم لا بالرمم مثل من قـال فالجمر يمسي كالخـلاص اشتعالـه=ويصبح رمـادٍ خامـدٍ مغبـرٍ بـال ومن قالب الدنيـا بالأريـا لحالـه=أخطا وأصاب ولـه دليـل بالأقـوال كم خيّـرٍ مـا نـال منهـا سؤالـه=وكم ثور هورٍ ساعفت له بالاقبـال فالسبع رزقه مـن جيفهـا ختالـه=وجيشٍ ضعيفٍ مرغدٍ رزقه أشكـال ومن كرر إفكاره بالأشيـا بـدا لـه=ضغاينٍ تكشـف خفيّـات الأحـوال فإن جلّ رجلٍ فـي عيونـك فمالـه=وأوزنْ ثقل عقلـه بعقلـك بمثقـال وتكشف ضغاين غايتـه بالرسالـه=أو لفظ مرساله بعنـوان مـا قـال ويبين لك فضـل الرجـال بمجالـه=إن جا جدال فيـه فـضّ للإشكـال فالصاحب الصافـي تِحِمِّـل خمالـه=يلزمك وإلا الضد حِدّه علـى الجـال واصحا ترى طـرد المقفِّـي عذالـه=يتعبك والمقبل عطه وجـه وإقبـال تـرى بوجـه اللـي يـودك دلالـه=وضده بمن تكره تراهـن بالإغـزال واحفظ وصح وصاة أمين الرسالـه=لا تغضب أو تجزع إلى حل بك حـال من ضاق ما أدرك مرامـه محالـه=والبصر قبل يريّع الفكـر لـك تـال فالدهر لـه حـال اكتـرابٍ وحالـه=يِنفكّ منه العسـر باليسـر ينجـال كم ضيقـةٍ ينفـكّ مشكـل مجالـه=بلطفٍ مْنُه ما عاد يخطر على البـال إن رمت رايٍ فاستخـر ثـم والـه=واعزم وزمّ واجزم على الحال بالحال كم فات راع الهـون عليـا ينالـه=وكم حصّل العليا غشـومٍ بالاجـزال إلى صدر بالـراي والشـور قالـه=مـا طـاع ذلالٍ برايـه وعــذّال ومن يفشي أسراره وقع بالجهالـه=عطا العدو زمام عقله وهـو عـال فالسد لـه خـلٍّ وثيـقٍ صفـا لـه=نقّـاض مفتـولٍ بالاريـا وفـتّـال إلى احتجت راي فـرّ فكـر بحالـه=يخاطب عواقب كل أمـرٍ بالاجمـال يبصرك بأشيا مشكلات صحـا لـه=يوريك ما صوّر على صفحة البـال واشك الحوال لمن تحـول بحوالـه=يسعدك ويبصّرك ويشرح لك البـال هذا وكـل مـن ادّعـى بالشكالـه=عمّج وتـاه بمظلـم الليـل بالـلال ومن اغتر بالدنيا فهو مـن هبالـه=ما يعتبر بآجـال جـولات الأجيـال لصولات دولاتٍ عصاةٍ مضـى لـه=ملْـكٍ وحطّتهـم تواريـخ وأمثـال ذهْبوا وذِهْب المال من لـه ومالـه=والحمد هو والمجد يبقى إلى التـال والعمـر فـيّ زايــلٍ لا محـالـه=وبالحشر ينشر من عمل وزن خردال فالله تــوّابٍ منـيـبٍ يـسـالـه=عفوه إلى نشر الصحايف والأعمـال إلى جا غريم الروح باغـي زوالـه=زفّوه عجْلٍ لين جوا به علـى جـال قبرٍ يشوف الهـول بـه والهوالـه=مِتْفرّدٍ فـي موحـشٍ مظلـمٍ خـال طالبـك روحٍ لا عليهـا ولا لــه=يغفر خطا ما فـات ياغافـر الـزال وصلوا على المختار والصحب وآله=ما التـجّ حجـاج بهاذيـك الأميـال [/poem] |
رد: محمد العبدالله القاضي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إلى أبصرت بالدنيـا تكـدّر لـي الصافـي=تعذّر زماني مـا حصـل صاحـبٍ صافـي أفيّض عليه أسـرار مـا التـجّ بالحشـا=وكـل شعيـبٍ لـه مفيـضٍ إلـى طافـي ومن عاش مـا لـه فـي زمانـه منـادم=تجرهم عمى رايه علـى جـرف ميهافـي تخيّـر مـن أجناسـك رفـيـقٍ تــودّه=وثيـقٍ غميـق الفهـم للعلـم عـرّافـي يتحمـل زلاتـك ويبصـرك مـا خـفـى=للقـلـب دربـيـلٍ للابـعـاد كشّـافـي وراغم علـى الخـل القديـم ولـو سهـا=واصرم إلى بـان الجفـا لـك والاجنافـي وترى ذهـاب الذهـن عشرتـك لاحمـق=يجوّز طغى جهلـه علـى حلمـك الوافـي وترى عذل من لا يرعـوي لـك جهالـه=كما وصف من ينفخ بكيـرٍ وهـو طافـي ومن اغتنى باريـاه عـن شـور ناصـح=تندّم ويِكشف لع إلـى شلـف مـا عافـي ومن خاطب الجاهل فهو مثل مـن كشـف=وجهه وقابل شعف عاصـوف الأصيافـي ومن لبْس تاج الكبر مـا صـان عرضـه=ولو ممطرٍ جـوده علـى الخلـق هتّافـي ومن شـال حمـل الـزوم كـاد امتحانـه=ولا حمّـل الله عاجـزٍ حمـل الإسـرافـي ومن طاول أطول منه مـا استـرّ ساعـة=يجاهـد جنـودٍ ينقسـم رايهـا أنصافـي وتكلّفـك بامـرٍ مــا عـنـاك عـذالـه=وتبرّيك عمـا كـان يلزمـك لـه قافـي ولا تسلـك إلا مسلـك الديـن والتـقـى=ولا تنزل إلا فـي عـلا روس الأشرافـي ولا تصـافـي كــود حـيـدٍ سمـيـع=غيورٍ على الصاحـب نصـوحٍ وميلافـي ولا تلـوم النفـس فـي جـاري القـضـا=ما لك عن المقسـوم يالعبـد مـن لافـي وباشـر هـل المعـروف منـك بتواضـع=وهـل الشـر بادرهـم بشـرٍّ وتستافـي تـرى اللئيـم إن لان لـه منـك جـانـب=توطّـاك ويـوري إنـه يخيـف ويخافـي فالعوشزة لو هي على النيـل مـا أثمـرت=بوردٍ ويقوى الشـوك والغصـن غريافـي وكم جاهـلٍ صـوّل علـى غيـره القضـا=ويجـرّم بفعلـه مسلـمٍ غافـالٍ غـافـي وكـم بخيـلٍ فــرّش الخـلـق مـالـه=وهو منه محـرومٍ علـى نفسـه اتلافـي كوصـف إبـرة عريـانـةٍ دبّ دهـرهـا=وهي تكسي المخلوق من قمش الأصنافـي فالمـال لـه حـقٍّ حلاتـه مـع الفتـى=يضـرب بـه المجـرم ويبذلـه للصافـي فمشيـي علـى حـدّ الصـراط متحسّـر=لما آقف بقعرٍ في لظى مـا لـه أطرافـي ولا أقصـد لئيـم طالـبٍ منـه حـاجـة=لو هي بكفـه حـال دونـه جبـل قافـي وترى الطبع ضلعٍ مـا يـزول ولـو نـزل=زحل في منزل المرّيخ ما افتـرّ بعسافـي وجلوسـك مـع الفهـم مـمـا يفـيـدك=ومع البهم يطبع ران قلبـك عمـىً خافـي ولا تبـدي أسـرارك لـمـن لا يـسـرك=رى أكثـر نصاحـك يريـدون الإشرافـي ولا تـوري الرقـة إلـى اوزمـك همـة=تِرجف به الصافـي وتِفـرح بـه الجافـي فصحيب العيا والعجـز مـا أدرك مرامـه=يفوته وهو يذري علـى راسـه السافـي ولا تِتّبـع راي السفـيـه مــن الـمـلا=غضوبٍ على أدنى الـدون للخـل نكّافـي ومـن عـاش يـزرع بالتمانـي رياضـه=يحصـد الهـوا ويوافـي الغبـن يستافـي ودمـار العـمـار بــدار ذلٍّ مقـامـك=ولو تربة أرضـه تِنبـت اللولـو الصافـي وبالعـز لـو فـي راس حـزم تـرومـه=لكنـك فـي جنّاتهـا مـرغـدِ غـافـي ومـن شـاف بالدنيـا قبـول كمـت لـه=بْخيـلٍ مغاويـرٍ وهجـن لـه أردافــي ومـن رامهـا عشقـان واغـري بحبهـا=فسـوفْ يـرى منهـا تناكيـر وعيافـي ولا تكتـرب لامــرٍ تـقـدم همـومـه=ترى صعب الأشيا ما اعترض لك بالأصدافي فالى اشتدّ حبل وسار سـوٍّ تـرى الفـرج=قريبٍ ب(ألم نشـرح) دليـلٍ وهـو كافـي فبين افتـرار الصبـح والليـل كـم حـدث=يسـرٍ بعـد عسـرٍ والأيــام زلافــي وابـرم دواليـبـك بالأسـبـاب ربـمـا=تِـوافـق مفـتـاحٍ للأقـفـال ويكـافـي فمـن راس صعبـات المشاكـل بـرايـه=أدرك بـه أشيـا مـا ينولـه بالأسيافـي بعـزمٍ فـراي العـزم كـم فـك مشكـل=ونجّم فلا تدري الشهـر وافـي او هافـي وتزمّل عقـول أهـل التجاريـب واجتنـب=بالأريا عمى رايٍ مـع الخـوف رجّافـي وأنا عن معانـي كـل مـا قلـت عاجـز=سراجٍ لغيـري محـرقٍ نفسـي أنصافـي ركنـت نفسـي للهوى يـوم لـي بــه=مـرامٍ وشفّـي فيـه ميـاس الأعطافـي خدمت القلم والطـرس للشـوق مصخـر=بعساف شرفـات القوافـي علـى القافـي فإلى جـزَت نفـس الغريـم مـن الهـوى=فـلا ينفـع المسنيـن تذكيـر الأريـافـي سنينٍ توالـت يـوم لـي بالهـوى هـوى=حربت الكرى ما أذكر بها ساعـةٍ غافـي وصدّرت ولا يغنى الفتى ذكـر مـا مضـى=لا عاد عن طلـب الهـوى معطـيٍ قافـي كذا البدر يطغى في بروجـه إلـى انتهـى=ويكسف ويِصحي صافـيٍ يـوم الأنصافـي سلامي وتسليمـي علـى شافـع الـورى=دعا الملـك القـدّوس والـروس كِشّافـي[/poem] |
رد: محمد العبدالله القاضي
في مدح طلال الرشيد
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] طلال لو قلبـك حجـر أو حديـدي=أمداه من حامي وطيس الوغـى ذاب شبّيت فـي نجـد بنـار الوقيـدي=واحرقت فيه عداك واذريت الأصحاب وكسيت ملكك ثـوب عـزٍّ جديـدي=وسلّيت حال عداك ياعـز الأقـراب بحربٍ وضربٍ شاب منـه الوليـدي=مالوم من عـاداك يـومٍ ولا شـاب تلقى الخطوب بباس ليـثٍ شديـدي=وعزايمٍ عزّت على عمرو وشهـاب أحيت شجاعة خالـد بـن الوليـدي=وأنسيـت قـالاتٍ لأبازيـد وذيـاب لو كان عمرو بـن معـد الزبيـدي=حيٍّ لجا بحماك يا زاكي الأنسـاب! حيثـك وفـيٍّ بالوعـد والوعيـدي=غيـثٍ وليـثٍ حضرمـيٍّ وقـلاب صميـدعٍ عنتيـت عـيٍّ عنـيـدي=شهـمٍ وفـيٍّ هيلعـيٍّ ووهّــاب شفقٍ على الدانـي حليـمٍ رشيـدي=طفقٍ على الجاني جـريٍّ وحـرّاب روّح لابن شعـلان علـمٍ وكيـدي=إنه بشهر الصوم ضيـفٍ لحطـاب وأوفى لهم وافي الذمـام الوعيـدي=وعنى لهم في خمسة آلـف قـرّاب سردٍ وحـردٍ كالدبـى يـوم قيـدي=وأتعب طويلات الجلامد على الـداب واقفوا عنـه خـرّام سـك أويـدي=وتبدلوا عـن دارهـم دار الأجنـاب خيّم علـى (مـارد) ورد الرديـدي=وتم الجواب وعزّب الجيش معـزاب ضرَب وخرّب كـل قصـرٍ مشيـدي=كن الصواعق والرعد حسّ الأطواب دمّر وجمّـر ناعمـات الجرديـدي=وأهفى مقام القوم والنوم له طـاب بفجريّة كنه ضحـى يـوم عيـدي=بدريّة ويعَز بـه مـن بالأصـلاب! وهو على اللي مثل عنق الفريـدي=أو قارحٍ مثل الفهـد يوثـب وثـاب يقلط على الجمع المشهّـر وحيـدي=كالموت لأرواح الملابيـس نهّـاب يدوسهـم دوس البغـال الحصيـدي=عسى عليه من الولي عز وحجـاب أنساهـم الماضـي بفعـلٍ جديـدي=وأودع مصاعيـب يقـادون بكتـاب صاروا له الحكـام مثـل العبيـدي=وأسقى سراج العز كمن دم الأرقاب! بالغت في مدحـه ولا صـح بيـدي=ولا أحصي خصالْ أعجزت كل حسّاب يقصر عنه فهمـي وينفـد نشيـدي=ومن الثنا لي خاطرٍ ما بعـد طـاب يـاولاد عمـه كاسبيـن الحميـدي=شمّر ينابيع الصخا حصن الأطـلاب يا ما هفا يأيمانهـم مـن عقيـدي=ولا جنّبوا عن قالةٍ خـوف طـلاب قوم إلى ركبوا على حـرد الإيـدي=شفت القلايـع كالحراذيـن هِـرّاب وصلوا على الشافع بيوم الوعيـدي=محمد المختـار وآلـه والأصحـاب[/poem] |
رد: محمد العبدالله القاضي
مفجوع ياقلبٍ بدت فيه خله
مما طرى طار الكرى الجفن جافيه بكيت لين اجريت من عبرة له دمعٍ كما زعج الدوالي دواليه وانتل من صفق المحاجر وهله موقٍ هطل وبل البكا لج واديه علمٍ لفا عن سيد روحي لعله مما بحاله والي العرش يشفيه جاني وفاجاني خبر علةٍ له سو الخبر فيمن صبر لامر واليه فزيت يوم اوحيت بالترف خله قلت الخبر بالله ذو العرش وش فيه قالو عليلٍ قلت روحي فداً له ياليت مابه ينتقل بي وانا افديه أحييت ميت النوح والوجد كله وارخصت روحٍ سندت وادي التيه أنحب وغربت الحيا عن محله بالويل والولوال هام المهاميه وعذرت قلبٍ كلما اطريت خله يعزا له المرعوب ينهش حواشيه يالله حبل العسر باليسر حله باشفاك بين الكاف والنون يكفيه ( بطه) وفي ( يس) وما انزلت كله حله وبآيات التشافي تشافيه يامنجي يونس واظلَّه بظله يامن دعاه ايوب واشفاه تشفيه يامخرج يوسف من السجن حله ويامفرج ليعقوب تفرج لغاليه يانادبي ود الرساله وقل له والله من ذقت الخبر طحت باكيه كني صريعٍ دك به الف عله ومن شاف حالي سال واقسمت ما افشيه واقسمت ليتي بالمرض في محله وما حل به يرفع ويوضع بداعيه يسمح به الجسم المحرق لخله وتخضع له الروح العزيزه وترضيه مغرمك مايجي الدهر من هواً له ولا ينفع القلب المحرق تمانيه أعذرت واحضرت القلم والسجله واد الحشا جا مكبر من معاليه بمزاج زاجٍ ما حلا زين تله وفريت فكرٍ كالتهامي تقافيه وانشا غمامه من غرامه وهله فكرٍ حضر كالدر من راي راويه واتلفت عمرٍ هم الاحباب سله ياعين حن القلب قومي بعانيه نوحي وهلي والبكا ذا محله على وليفٍ بالتصافي مصافيه أرخصت للروح العزيزه رضىً له والله ما انسى مامضى من حسانيه غروٍ الى منَّه تغطرف بدله خرت له ارقاب الملوك المداليه الى تغطرف بالهوى لي هوىً له دجرٍ كما غصن السفرجل تمدريه كالبدر يوضي في سنا غرةٍ له وزاهي اللوالو ناض من بين اشافيه نورٍ على نورٍ لكن الشفة له كالحص والمرجان والشهد في فيه ياسيدي روحي غرامك يسله وامسى فقيد الروح كافيه مافيه |
رد: محمد العبدالله القاضي
وكان عالما فلكيا
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] سبك لك نجوم الدهر بالفكر حاذق = حوى وأختصر مضمونا بأمر خالق ترى أول نجوم القيض سبع رصايف = كما جيب وضحا ضايع الدرك دالق او نعل شاخ والتويبع تبيعها = في برجها الجوزاء كما الدال دالق يرفع بها عاهات الاثمار عشبها = تغدي من سموم الحر مثل الحرايق سته وعشرين بها الحر بسطه = نهاية قصر الليل عشرة دقايق عقب تطلع الجوزاء كشلفا شمالها = نظيم تلالا كالدراري لواهق تبرى لها الهقعه وبالهنعه أنتهت = تهب السمايم فيه والظل سايق سته وعشرين والسرطان برجها =يصلح بفصله كل حلو وحادق ويظهر ذراع الليث هو والمرزم الذي = كما مشعل الساري بنوره يشاعق يرفرف بنوره كل مابان واختفى =- كما عين عمهوج غنوج لعاشق ويبين لك نجم الكليبين بعده = هي النثره اللي كالعيون الروامق دليل على ظهو الكليبين أماره = اذا غربن عنه النسور العتايق رياح وسموم وقيل تظهر به أفه = لبعض الثمار وبعض الاشجار صافق سته وعشرون ترى الليث برجهن = يقف ظلها قدم وتغور الخرايق ويظهر لك النجم اليماني وطرفه =يتقلب كدرة خاتم بيد مايق ! ينشر قماش الصوف والجوخ لايقع = به الدود في مثنى مطاويه خارق ومحسوبة أربع نجوم بنجمه = مع الجبهه الزبره لها الصرف لاحق واذا مضى منهن ثلاثين ليله =تواسى نهاره هو وليله مطابق وعشر ويبدي المزن ينشي مغرب =مغاتير ذيدان حداهن سايق واثنى عشر باقي سهيل وبعدهن =تظهر نجوم الوسم صرم الحدايق واثنين وخمسين ترى أنجوم أربعه = أولهن العوى كما اللام لاهق والسماك مع غفر كما القوس وصفه = وزباناه نجمين كرمح معانق تكثر عواصفها بها الظل سبعه =وعن الفصد والسهل نهونا الحواذق ويروجهن بالقوس والجدي ينتهي =كثير به الماطر حقوق البوارق[/poem] |
رد: محمد العبدالله القاضي
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هـبت اريـاح الفراق ولي برق=بارق من صوب ساعات المضيق كـل ماغـرب دجى ليل غسق=كـل هـمٍ جـاه مـن فج عميق لـويشب الكيرمن صدري علق=مـن غرامٍ مودع صدري حريق شـعلةٍ قـلبه غـدا يوم احترق=كـالدقيق بـريح وديان الحريق يـوم هـل هـلال حضي واتفق=شـملنا وارتاح بالوصل الشفيق خـانته سـمرالـليالي وختفق=بـه بـهلوانٍ بـالهوى عيا يليق عـاجل الـمقدور مـامور طرق=صـاحب الـتفريق لغرابه نعيق والـمقدر بـالقلم حـكمه سبق=نـافذ والـلوح والمشغوف عيق والـحذر مـا فك مـشغوف رمق=والـقدر مـالي على دفعه طريق مـن تمسك في عرى الدنيا خفق=فـي غدوره لو عطت عهد وثيق بـالهوى هـيهات يـاعصر مرق=فـي لـيالي وصال مياح الدليق زاغ لي قـلبٍ تـصعفق واندفق=زوغـة الزيبق من الكف الشفيق حـال مـثلي ما يلام اذا ارتهق=لو بكيت ونحت من فرقى الرفيق جـادلٍ يـشتال حـسنه مـرمق=بـالرمق نوره غدى قلبه حريق فـيه من طر الهوى عمل اليدق=بـين مخضود ومنضود الشقيق فـتنة الـعشاق في سود الحدق=مـرسلات الـسقم بالسهم الغميق فـي جـبينٍ كـن بركونه شعق=بـارق بـطبوق رجـاسه غريق نـوض خـده كلما شع وشرق=شـعة الـقنديل بـالزيت العتيق هـايف الخصرين في مشيه ديق=يـفتن الـمطاف بـالبيت العتيق عـندمي الـخد ودمـي الـخنق=حاش بيوت الجاش واقفى به طفيق جـض قلبي من فراقه واصطفق=جضت الحجاج مع عين المضيق سـل فـؤادٍ صـار قلبه مطرق=لـلهموم و افتر في الدنيا السعيق مـستهامٍ مـثل شـراب العرق=والـهوى شـراب خمره مايفيق غـرب ن شـموس حضي وافترق=شـمل حـيران غدا قلبه سحيق سيف شمل السوق من كفي دلق=والـغريم يساق من ضيق لضيق يـاليالي الايـام سـاعات الطلق=مـن بـكى فـرقاك بالدنيا حقيق هـو يـلام ان كان برياحه صفق=صفقت الضميان وان ضل الطريق يـاعـلي رد الـسلام الـمنخنق=مـهجتي بـالواه هل مثلي حقيق قـل غـريم في بحر غيه غرق=شـال من حمل الهوى مالا يطيق يـسئل الاطـلال من يوم افترق=يحتفي عن حال اهل ذاك الفريق يـاهل الـتقوى طـرقني ماطرق=بـالهوى مـجنون ليلى لي رفيق لايـمي فـي حـبهم خف وزهق=زهـقة الباطل عن الحق الحقيق[/poem] |
رد: محمد العبدالله القاضي
شكرا للمجهود الطيب ابو عبدالله
نقل رائع لشاعر مبدع لاهنت تقبل مروري وودي |
رد: محمد العبدالله القاضي
ابو عبد الله
مجهود تشكر عليه موروث شعبي يستحق منا كل الاهتمام تحية طيبة |
رد: محمد العبدالله القاضي
مشكووووووور ابو عبد الله
مجهود رائع |
رد: محمد العبدالله القاضي
تسلم على نقلك المميز
تحياتى.. |
رد: محمد العبدالله القاضي
[center]مجهود رائع وبيض الله وجهك يابوعبدالله
ورحم الله الشاعر القاضي وجميع اموااااات المسلمين [/center] |
رد: محمد العبدالله القاضي
تسلم على النقل الرائع
يعطيك العافيه |
بارك الله فيك
على ما تقوم به تحياتي |
جزاك الله خيراً
على ما افدتنا به ودي واحترامي |
احسنت
وفقك الباري تحياتي |
رد: محمد العبدالله القاضي
يعطيك العافية
صعوووب |
رد: محمد العبدالله القاضي
رحم الله محمد العبدالله القاضي
سيره مختصرهـ مليئـه بالاحداث والخصال الحميده التي كان يتمتع بهـا رحمـه اللــه واسكنـه فسيح جناتـه من الشجاعه والكرم والعلــم ووجدت إن لشعره وكتاباتـه ما يتميز بـه دون غيرهـ استمتعت بتواجدي هنــاا وكل الشكر لك دكتور عثمـان على هذا الطرح المتميز . تقبل مروري المتواضع لاهنت ودي وتقديري |
رد: محمد العبدالله القاضي
[color="darkred"]الله يعطيك العافيه ع المجهود
الشاعر القاضي كثير مانسمع عنه رحمه الله وله بصمه شعريه مميزه[/color] |
| الساعة الآن 06:02 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة