محمد الأحمد السديري
 

هو ابو زيد محمد بن أحمد بن محمد بن أحمد بن محمد بن سليمان بن ناصر بن فوزان بن تركي بن عبدالمحسن بن محمد بن خالد بن احمد بن فارج بن ناصر بن عبدالله بن ملحم بن حسين بن عبدالوهاب بن عامر بن سويد بن سليمان بن محسن بن جواد بن سدير بن شاكر بن هجال بن مشجع بن حمدان بن عايد بن بدر بن خميس بن عامر بن بدران بن سالم بن زايد بن سالم بن زياد بن سالم بن وداعه بن عمرو بن عامر بن حارثة بن امرئ القيس بن ثعلبة بن مأرب بن الأزد بن الغوث بن مالك بن نبت بن زيد بن كهلان بن سبأ بن يشجب بن يعرب بن قحطان بن هود عليه السلام.
من السدارا فرع من البدارين الدواسر من الأزد قحطان، والسدارى من الأسر العريقة ولها مصاهرة مع آل سعود وخوال الملك عبدالعزيز رحمه الله فأمه الاميرة سارة بنت أحمد بن محمد بن سليمان السديري، وايضا خوال الملك فهد والامير سلطان والامير نايف والامير سلمان والامير احمد والامير عبدالرحمن فأمهم وأم الأمير عبدالله بن محمد الأميرة حصة بنت أحمد بن محمد بن أحمد بن محمد بن سليمان السديري وخالهم هو شاعرنا محمد بن أحمد السديري .







.

رد: محمد الأحمد السديري
 

عفى الله عن قلب


[poem=font="simplified arabic,5,darkblue,bold,normal" bkcolor="transparent" bkimage="" border="groove,4," type=0 line=0 align=center use=ex num="0,black"]
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عفا الله عن قلب يزيد عناه=وداعي غرامه للغرام دعاه
ماطاع عذالٍ يعذله من الملا=وان سمع عذاله يزيد عناه
إلى توسع خاطره ربع ساعه=على الضيق داكوك الهموم نحاه
قلب براه مجادل الضيم والعنا=الضيم من بين الضلوع براه
دع القلب ياعذال خله بغايته=هواك مايتبع طريق هواه
دع القلب ياعاذل عذلك يضره=يزيد ياعاذل عليه شقاه
كونه الايام لين أوجعنه=وعزى لمن حر الزمان كواه
يكويه من هجر النياحامي الطنا=يضيق به مما دهاه حشاه
يحن حنات الخلوج لجنينها=والخلج مفهوم تحن ظناه
ماحزنها حزنه ولاربع مابه=وحياة من نشا السحاب بماه
على جادلٍ ما شافت العين مثلها=احيا بذكري من هويت لقاه
عشيري شرابي من مناظيم مبسمه=يجلا عن القلب الدريك ظماه
اداريه عن شىء يحسه ويغضبه=وإلى زعل يصعب على أرضاه
ان دك بي من حامى البين هاجس=وجرعت من حر الغرام طناه
تذكرت من طلابة الجود نادر=رفيع الذرا عسر الدروب مشاه
مشى بدرب المجد والنفس تدفعه=الى شــامخ عسر الدروب سناه
خالد سنام الطيلات بن فيصل=حجا من لجابه والزمان وطاه
ابشكي على فرز الوغى جاير الهو=شطون الشفاوي والشفاوي تاه
قد تاه ببحور الغرام المظلمه=دليل الخطا عن من يريد نحاه
نحاه عن حي يوده من الملا =وما فات من يومٍ يزيد غلاه
غلاه في قلبي تجدد علايمه=وتكتب على القلب الدريك اسماه
اسماه وأن عرضت مع الناس صفقت=محاني فوادى والحبيب رماه
رماه بسهوم المحاجر وجندله=قليل الفزع ظلم الحبيب دهاه
دهاه بالفرقا وقلبي له انتما=يتله ومن بين الظلوع لواه
لواه يوم انه على الحب يلتوي=ومن دينه دين الجميل اوفاه
اوفيه بالروح العزيزه ولو غلت=روح تبي روح تحب جزاه
اجزاه لو انه رماني وجادني=يمحا خطا الغالي عظيم إرضاه
إرضاه يبهج خاطري عقب ضيقته=ويرتاح قلب بالفؤاد فراه
فراه في وسط المحاني وعذبه=وان عذبه سهل عليه أدواه
دواه عنده سبايب مصايبه=واشفاه من كوثر نظيم شفاه
ارجيه لو دونه من الناس حاسد=رجاي بالله ماقطعت رجاه
ارجيه لو دونه جموع تصدني=وحبل الرجا يضفي على رشاه
وقد قيل للعراف في ماضي مضى=هذا لهذا من هذاك رواه
يمنى بلا يسرى قليلٍ حصيلها=ورجلٍ بلا ربع يخاف اعداه
ماهبلك ياباغي من النذل فزعه=رجواك من عند الجبان سفاه
رفيق الرخا ينسى مودة رفيقه=ليا ضاق به شين الزمان نحاه
عوين الدهر مايامن الجار جانبه=وليا عرض للشامتين شناه
على داره السودا تبني خيامها=عوين الدهر شين السواد غشاه
خذ يالبيب القلب مني وصيه=حميدان في ماضي الزمان لقاه
إختر من الخلان حي توده=تسبق على فعل الجميل يداه
دليل على العليا بعيد من الخطا=الطيب في دنيا الحياة مناه
ماجال في قلبه من الخوف جايل=وان كاد مرقا الطيلات رقاه
ولا ضعف النفس العزيزه الجارته=ولاهروولت للمحصنات إخطاه
يفرح به العاني ليا حده القصا=وللضيف معسول الكلام نباه
وان جاك من يمة معاديك ريبه=من قبل ماتاطا عليه وطاه
صديقك صديق له وضدك يضده=وعلى روس عدوانك تدير رحاه
هذاك حطه لك رفيق موالى=عونك ليازاد الزمان بلاه
مايفصل القالات الا رجالها=ولاكل من شيد بناه حماه
ولا كل من ركب الجواد عدابها=على حامي الهيجا وحر لظاه
ولاكل من نوى لدار رحل لها=يموت مالحق هواه إمناه
ولاكل من رام المراجل ينولها=ياعسر مقضبها على يمناه
ولاكل من ركب المطايا غزابها=ولاكل من رام الغريم قواه
ولاكل من يبرم عهود وفابها=يطغى على فعل الجميل رداه
ولاكل من ودع لسر يصونه=وكم واحدٍ سر الصديق أبداه
ولاكل من حصل حلالٍ صخابه=يبين بالوقت الشديد صخاه
ولاكل من جالس هل العلم عالم=وكم عالمٍ ضر العباد خطاه
ولاكل من ناله جميلٍ يرده=ولاكل من شاف الحريب نصاه
ولاكل من سل السنان صطابه=يموت وسنانه جضيع إخباه
ياناشدٍ عني وانا لي قبيله=لها المجد زايد بالرفاع بناه
وكمل مقام المجد عامر وشيده=طريق المعالي للدخيل مشاه
كونٍ جرى على واضح النقا=الاشراف جضت من عظيم بلاه
مزنٍ تزبر فـوق سلـى صواعقـه = تشظّف مـن خشـوم الجبـال حصـاه
نشا من ثنايا بـرك ترعـد مخايلـه = مـن الشـرق غيـظ بالصـدور حـداه
غيظ مخيف يطحن الغيظ والغضب=وماطال من روس الخشوم طماه
امطر على الاشراف وانهل وبله=عليهم تنثر بالغزير طماه
قوز الشريف اكبر علايم دلايله=سيله تدفق هد كل انياه
سيله عجاج الخيل والبيض والقنا=وروس النشاما بالحزوم إغشاه
تشهد على ماقلته العامريه=جضت أسبيع من عويل ابكاه
تبكي على فتخان الإيمـان غلمـه =تعشوهـم اللـي بالحـروب اعـصـاه
والضبعة العرجا تعشا بدربهم=وكم ضيفوا ذيب يجر إعواه
والطير يلقى البر من ضرب شلفهم=مضاريبهم يعي الطبيب إدواه
وش حل بالاشراف غالب وراجح=اقفو كما صيد حدته إضراه
اقفو على قب تخافق مع الوطا=تنازا بطوعات الرقاب حذاه
من ولب عطبين الهوايا آل زايد=لهم صانع السيف الصقيل حناه
حناه وارهف شذرته يوم كمله=وعطاه لمن هم بالحروب عداه
حيث أنهم يروون حده من العدا=بأيمانهم روس الفهود عشاه
إلى عدا فيهم حريب وزارهم=يعدلون بحدود السيوف صغاه
وجريس ماطاله من الظيم طايل=اسود الشرى عمن يبيه حجاه
اسود الشرا بالضيق تنجي دخيلهم=ويروون من دم الرقاب ظماه
فكوه ثم اغنوه يوم انه التجا=وجه أبن بدران يزيد ضياه
تجمل مع جريس اليماني وعزه=الزايدي يوم الدخيل عداه
يشهد العامر مامضى من فعايله=يوم إن غالب بالجموع نصاه
يبي دخيل البيت ماخاف خالقه=دخيل عطبين السهوم إرماه
واقفا ذليل يتبع السير بالسرا=وحرب عناله بالفواد شكاه
أقفا مثل ماجا وهو يشكي العمى=اقفا من الذله يحر قناه
عيب على مثله لياهد ينثني=يبدل من عقب الهدير إرغاه
وأبن صباح أذروه وبن خليفة=رمح آل زايد ظلهم بافياه
اخذ ثارهم من ضدهم يوم كادهم=رمح من العز القديم عصاه
يشهد به الهدار واللى جرابه=دخيلهم ثاره عطوه إقضاه
فكو حقوق للدخيل ابن وايل=جميلية نالوا حقوق وجاه
من ضرب من لا صددوا عن حريبهم=يصكون باجباه الخصيم جباه
دخيلهم باعلى السماكين منزله=له بين نجم الفرقدين متاه
كنه بجنات تظله غصونها=والنايف الطايل يحل رباه
تعلوا لعرش المجد من قو عزمهم=مصابيح ظلنات تريح رجاه
مراجيم عدوان مرابيع ملتجى=ليا جف من وبل المزون ثراه
إلى قطبت عسر السنين وجذبت=ولاعاد يذكر بالرياض كماه
يهوشون بوجيه تكاشف من النقا=والضيف مايقصر عليه إقراه
ياناشد عني وأنا لي قبيله=قصر الندا زادو عليه إبناه
اشادوا فعول بالفضايل وسلمهم=للجار كل باللسان حكاه
بني زايد ادوا جارهم من جداره=ولا أحدٍ من اسباب الإله وداه
لهم وادي سهل الدروب ودونه=نار ينزح عن احماه سناه
سناه مصقول الحديد الصافي=وعزم القلوب الصاطيات لظاه
عذروبهم للضيف ترخص نفوسهم=والجار مضمون السلام إغطاه
وجه الندا يندا كمت ماطر الحيا=يبين عند الموجبات نداه
تعييي على الشيمات حفاظة الشيم=ووجيه الندا لازم يبش حياه
قصيرهم يارد على العد قبلهم=ولاشكا يوم الورود ظماه
إن زادت إسنينه تجدد معزته=وكلٍ خطا جاره عليه رفاه
وان ذبح خير عند وجهه=وكسب الفضيله بالحيلة إمناه
على الطيب شبان وشيب تزاحموا=والطيب يتعب للرجال مداه
دواسر كنيوا على دوسر الفحل=واسمٍ على فعل يبين إقداه
من الهضب للافلاج مكدين ضدهم=وحريبهم مر المذاق عشاه
وادي العقيق مطهرينن جنابه=ولا ديس بين العالمين إحماه
من عصر ابن بدران هذي ديارهم=والدار محدٍ للخصيم عطاه
راسين مثل جبال هضب آل زايد=وهم ليا شان الزمان إحماه
حموه يوم إن القنا يقرع القنا=ولمثلهم رب العباد بناه
من الفرعة العليا إلى الخرج حدهم =بـه الجـار مـا كِّـدر عليـه صـفـاه
الدار ما تصلح لمن لايصونها=الدار عوره والرجال إرداه
دارٍ خذوها بالمراهيف عنوه=وهم نورها الصاطع ينير ضياه
بني عقيل أخلو مغاني ديارهم=بعد دمهم بأرض العقيق سقاه
من غلمة ما باعوا العز والشرف=يوم الردي فعل الجميل نساه
تشهد مشاريف اليمامه بفعلهم=فعل تعد العالمين ثناه
هرج بفعل يشبه الماس بالذهب=وهرج بلافعل يقال سفاه
نعد قول ماتكذب مثايله=راويه أصدق من طيور قطاه
نعد مجد الطيبين و فعلهم=واذكار فعل الطيبين طراه
فعلٍ على فعلٍ تحاكا بـه العـرب =مجـدٍ يـكـذب مــن يـعـد ثـنـاه
من رام فعل الغانمين وشانهم=السيف يروى من عداه شباه
من رام فعل الغانمين وسلمهم=الجار عن الخصم العظيم وقاه
من رام فعل الطيبين وقدرهم=يبذل لياضاق الزمان قضاه
ان كف همال الحيا وامحل الوطا=وشحشح عن الطفل الرضيع غذاه
يكرم لياضاقت على الناس وامحوا=ويصبر ليامن الزمان وطاه
النذل مايقدر على طيب الثنا=والليل مايشبه صدوق ضحاه
يجود الفتى بالجود من زايد الحيا=يخاف من العايبات قضاه
قولوا لطلاب الثنا يتبع النقا=ولايلحق العرض النزيه شناه
ومن سار بدروب الردى زاره الخنا=ويلبس من اسلاب السواد كساه
ابعد عن الانذال وترك ديارهم=يفكك من الوجه الخبيث نياه
الاجواد آيات الندى في وجيهها=والانذال شرى ما يذاق جناه
الاجواد ما تنوي بك البوق والردى=والانذال عيب ما يعد غياه
الاجواد فعل الخير لذة نفوسهم=والانذال ملزوم يشاف خناه
الاجواد جنات تعاقب أنهورها=والانذال صلدا من صخور صفاه
الاجواد تاصف لك طريق يدلك=والانذال لعسرات الدروب إقداه
الاجواد مثل الورد عطر روايحه=والانذال زقومٍ يطير سفاه
الاجواد فيهم باب يسر ومعزه=والانذال عسرٍ ما عليه شفاه
الاجواد زلة جارهم يدمحونها=والانذال تجزا الاقربين جناه
الاجواد مثل النهر حلو شرابه=والانذال صباخٍ ملاح ماه
الاجواد تبذل فضلها دون عرضها=والانذال دنسين العروض عراه
الاجواد مثل الريف سعد سعوده=والانذال قحط الزمهرير شتاه
الاجواد تامن شرهم وانت عندهم=والانذال شر مايطيب بلاه
الاجواد مثل الصبح تمشي بنوره=والانذال ليلٍ مظلمٍ ممساه
الاجواد حبات الندى يبذرونها=والانذال تبذر بالرخيص رياه
الاجواد فعول الخير ما يجحدونها=والانذال حزم مايطيب حفاه
الاجواد ماتلحق عزيز مذمه=والانذال تنطق بالصديق زراه
الاجواد عز الجار والضيف سلمهم=والانذال بعيون العزيز قذاه
من طاوع النفس الذليله على الردى=يرخص ويظهر للرجال خفاه
من طاوع النفس الذليله على الردى=نسى الجار والضيف العزيز جفاه
من طاوع النفس الذليله على الردى=تقصر عن العز الرفيع إخطاه
يموت طلاب التماني على الشقا=سراب دو والظلال غطاه
يموت طلاب التماني بحسرته=وكثر التماني ماتعيد صباه
يموت طلاب التماني ومثله=من يرجي الحنظل يزين نماه
يموت طلاب التمانـي ومكسبـه =كمـا صايـحٍ صوتـه يـرد صــداه
أبا التماني لاتمنى وخلها=ترى التماني والحلوم أشباه
يقولها لك من هوى القلب عذبه=وداعي غرامه للغرام دعاه [/poem][/poem]

رد: محمد الأحمد السديري
 

[poem=font="simplified arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
يالله ياخالق جميع أشكالها=يامقدر أرزاقها وآجالها
يابسط ارضه يعيش بها الملا=ياسامع فيها دبيب أنمالها
يالواحد اللي مالنا غيرك رجا=ياللي خلقت انجومها باكمالها
يامنجي ذا النون من موج البحر=ياناصر موسى على جهالها
يامبري ايوب مما حل به=من علة ماغيرك احدزالها
يامرسل طهباعز رساله=رساله والشرك مايجلا لها
نادي بها واعلا بها وافصح بها=واكبر بها واعظم بها نقالها
وضح بها ماجابها من فضلها=من ربها علامها بافضالها
ماكنها ماعقها ماخانها=ارسل بها وافصح بها بجمالها
فيها الشرف فيها النصف فيها العفف=وجه الندا من طهرها يندالها
اوضح بها سيد البرا ماساعده=ياكود صديق صدق باقوالها
صديق من صادق نبي مرسل=باصدق رسالة مومن اصغالها
آمن بها وأعظم بها وأكبر بها=واخلص لها واصغى لها مرسالها
وربعي مسجلة الفخر يوم الكدر=روس الملوك الطايله تنحى لها
ربعي على سلم الصحابة سلمهم=والمي من عقب الكدر يصفا لها
ربعي ليا حل الخطر بديارهم=هم عزاها وان حل فيها اخلالها
هم سترها هم نورها هم برها=هم فضلها هم غيثها همالها
ربعي مقابيس الوغى يوم اللقى=شيب الاسود معقبين اشبالها
ربعي هل الطولات مجددت الظفر=خالد لفعل الطايلات افتى لها
وابوعبيدة للفضيلة دلها=وابن ابي طالب سن كل خصالها
واجد فعايلهم وجدد مجدهم=لطامها واعقابها جوا لها
عبدالعزيز ابا الفضايل كلها=ان جيدلت بالحرب حل جدالها
التغلبي الوايلي المقرني=الفيصلي حلال كل اقفالها
زاكي النسب رب الندا جزل العطا=هو معلق الهيجا وهو حلالها[/poem]

رد: محمد الأحمد السديري
 

[poem=font="simplified arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
يقول من عدا على راس عالي=رجم طويل يدهله كل قرناس
في راس مرجوم عسير المنالي=تلعب به الارياح مع كل نسناس
في مهمه قفر من الناس خالي=يشتاق له من حس بالقلب هوجاس
قعدت في راسه وحيد لحالي=براس الطويل ملابقه تقل حراس
متذكر في مرقبه وش غدالي=وصفقت بالكفين ياس على ياس
واخذت اعد ايامها والليالي=دنيا تقلب ما عرفنا لها قياس
كم فرقت ما بين غالي وغالي=لوشفت منها الربح ترجع للافلاس
ياما هفا به من رجال مدالي=ماكنهم ركبو على قب الافراس
ولاقلطوهن للكمين الموالي=ولاصار فوق ظهورهن قطع الانفاس
ولارددو صم الرمك للتوالي=كل يبي من زايد الفعل نوماس
من بينهم سمر القنا والسلالي=مثل البروق برايحٍ ليلة أدماس
يقطعك دنيا ما لها اول وتالي=لو اضحكت للغبن تقرع بالاجراس
المستريح اللي من العقل خالي=ما هو بلجات الهواجيس غطاس
ماهوب مثلي مشكلاته جلالي=ازريت اسجلهن بحبر وقرطاس
حملي ثقيل وشلت حملي لحالي=واصبر على مر الليالي والاتعاس
وارسي كما ترسي رواس الجبالي=ولا يشتكي ضلع عليه القدم داس
يابجاد شب النار وادن الدلالي=واحمس لنا يابجاد ما يقعد الراس
ودقه بنجر ياظريف العيالي=يجذب لنا ربع على كور جلاس
وزله الى منه رقد كل سالي=وخله يفوح وقنن الهيل بقياس
وصبه ومده ياكريم السبالي=يبعد همومي يوم اشمه بالانفاس
فنجال يغدي ما تصور ببالي=روابع تضرب بها اخماس واسداس
لاخاب ظني بالرفيق الموالي=مالي مشاريه على نايد الناس
لعل قصر ما يجيله ظلالي=ينهد من عال مبانيه للساس
لاصار ما هو مدهل للرجالي=وملجا لمن هو يشكي الضيم والباس
حسناك يامنشي حقوق الخيالي=ياخالق اجناس ويامفني اجناس
اجعل مقره دارس العهد بالي=صحصاح دوِّ دارس مابه اوناس
البوم في تالي هدامه يلالي=جزاك ياقصر الخنا وكر الادناس
متى تربع دارنا والمفالي=وتخضر فياض عقب ما هيب يباس
نشوف فيها الديدحان متوالي=مثل الرعاف بخصر مدقوق الالعاس
وينثر على البيدا سوات الزوالي=يشرق حماره شرقة الصبغ بالكاس
وتكبر دفوف معبسات الشمالي=ويبني عليهن الشحم مثل الاطعاس[/poem]

رد: محمد الأحمد السديري
 

[poem=font="simplified arabic,5,purple,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
إن صار زود المال بين الأنذال=حنا من المعروف تندا يدينا
وان كانهم شرهو على طيب الأفعال=حنا وردنا جمامها وارتوينا
وان فكر وللجود يمشون رحال=حنا قبل يمشون يمه خطينا
ياما لبسنا للشرف كل سربال=وعلى البسيطه للفضيله مشينا
في دوحة العرب لنا مجد وظلال=وحنا على در المكارم غذينا
لو تجمع اللي فات منا من المال=ان كان شيدنا القصور وبنينا
نعطي ولانتبع عطانا بالاقوال=ونبذل ونسكت كننا ماعطينا
وان باعو الشيمه بدينار وريال=حنا دخلنا سوقها واشترينا
تطلع لها لو هي على روس الأقذال=لو هي عسير دربها مانثنينا
بافعالنا نرسم دروب للاجيال=الى نساها غيرنا مانسينا
اسود سادات تسجل للاشبال=فضايل شمنا لها واهتدينا
بيض نسجلهن جديدات وسمال=حفايظ لاحفادنا اللاحقينا
نصبر على الشدات لو شيلنا مال=لوسال دم ادفوفنا ماشكينا
نخاف يلقى سدنا كل ختال=ويبني هزيلات المعاني علينا
الليل ياخالد على والدك طال=وهنيت ناس بالكرا نايمينا
ياعز راسي شفت ماخبّث البال=شي يهول شيب الجاهلينا
شي من اسبابه يشيب بالاطفال=فطر خشوم مهجرعات الحنينا
ادير قالات عريضات وطوال=قالت خلن المخفي يبينا
منهن رزين العقل بالوقت يهتال=بوقت عبوس فطّن الغافلينا
وقت من اسبابه شكا كل ريبال=نصبر ونسكت كننا غايبينا
الناس بالايام راحل ونزال=وتفجعهم الدنيا وهم دالهينا
وحيات رب نزل آيات الانفال=عالم خفايا نية الحاقدينا
ماترك طريق العدل في كل الاحوال=لو يرحل المريخ للفرقدينا[/poem]

رد: محمد الأحمد السديري
 

[poem=font="Simplified Arabic,5,purple,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
ينام من هو مايعرف الهمومي=وعيني اليا نامو حريب لها النوم
الله يلوم اللي لحالي يلومي=لاساهر سهري ولاهوب مهموم
مهوب مثلي يزعجه كل يومي=هميلوج بداخل الصدر مكتوم
لامبديا اسرار قلبي لقومي=واللي بسر الغيب ماهوب مفهوم
اخاف ابوح السر تبدا الثلومي=وتاقف على مكنون سري هل اللوم
عاهدت قلبي مايبوح العلومي=ولايويق بغايته كل مذموم
بالليل اساهر ساريات النجومي=والصبح اعدي بالنبا كل مزموم
اوجس بقلبي مثل حر السمومي=ولاصفا لي خاين الدهر لو يوم
ياسيف قم لعل حظك يقومي=ولعل ابوك بساعة الحشر مرحوم
النار شبه ياقوي العزومي=وهات الدلال وترك النوم لرخوم
خابرك يالطيب ودود رحومي=قم سو مايبعد عنا كل شغموم
فنجال بن مايحضره رخومي=مبهر من بين الاجواد مقسوم
ارواحنا بفلاك الايام تومي=ولو يطول العمر فالاجل محتوم
روحي بيد فارض صلاتي وصومي=اللي بحبل اليسر ينجي لمضيوم
الواحد الي نطلبه كل يومي=منجي ليوسف عقب ماهوب مظلوم
دنيا الشقا ياسيف ماهي تدومي=كم واحد فيها مشيحٍ ومنجوم
وافرح الى قالوتقافت غيومي=على شفا الباطن وهو قبل ماسوم
حيثه مرب لكل وضحا ردومي=اللي بها زود على الطوق برشوم
عسى تعله مرهشات الوسومي=يمطر عليها الوبل يوم بعد يوم
عشبه يغطي نايفات الحزومي=فيه الزهر فوق الزماليق منضوم
مخالف النوار غاد سهومي=والعشب من وبل المراهيش كيهوم
فيه أم سالم من طربها تعومي=تلفح بسمح الريش في كل مرجوم
من الطرب في كل روض تحومي=وتقضي الدنيا زغاريت وسجوم
إن شافت النوار نبته يزومي=ماسايلت عن حال معطا ومحروم[/poem]

رد: محمد الأحمد السديري
 

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
قلت آه من صبر صبرته على الكود=ومن ونة للقلب جاحت وقدت
ونة عتب ونة غضب مالها حدود=ياليتها عن مغلق الصدر صدت
لو هي بحيد ذوبت كل جلمود=على الضماير بالهضايم تحدت
قامت تعرض لي بالايام والسود=إن قلت قفت عودت لي وردت
إن قلت هانت بالحشا جابت الزود=وجاحت خفايا ضامري واستجدت
وزادت جروح القلب بجروح ولهود=ودنياي مالت على سنعها ولدّت
والعين كن بنونها ملح بارود=على السهر كل الليالي تحدت
تسهر وبعض الناس هجاع ورقود=وهي تبي فرقاه مافيه لدت
ونشدت ياتركي عن اللي بهم جود=وقالو ضعون أهل المروات مدت
العدل من شد ومع الناس مفقود=وبفعالهم عمسين الاريا تقدت
منزالهم خال تصافق به النود=منيوم اسلاف الاجواد شدت
اقفو عن الدنيا هل الخيل والقود=اللي فضايلهم على الناس بدت
هل الفعول ولبسهم صنع داوود=وهل المهار اللي على الضد كدت
عصمان الاريا مشرعه كل مجرود=ليت الليالي السودعنهم تعدت
الناس بالايام طارد ومطرود=ياليتها باهل المروه تحدت
وطير الفلاح اللي عن الصيد مردود=عقبه تبوع علمت واستهدت
أشوف ناس عندها الحقد ماجود=ونفوسهم عن كل عليا تردت
العدل في ساحتهم صار مفقود=وعن الفضيلة جنبت واستردت
مايرفعون النفس عن كل منقود=وان ماتعشت عرضها له تعدت
تعطي عن العليا محاريف وصدود=ووجيههم ماقيل بالجود ندت[/poem]

رد: محمد الأحمد السديري
 

يسند على الأمير سعود بن محمد
[poem=font="Simplified Arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
ياعذلين القلب لاتمحنونه=خلو عصى الراي ياصل مناهيه
بالعذال ياعذال لاتجرحونه=أخاف من نصح عن الرشد يعميه
القلب مايرضى أنكم تنصحونه=لاتنصحون القلب عن حب غاليه
حب المودة صايبه تجهلونه=مامنكم اللي ذاق مره وحاليه
اللي يود القلب ماتفهمونه=وجرح الموده مابكم من يداويه
جرح المودة جايرات طعونه=وين الطبيب اللي يعرفه ويبريه
ياليت طّراد المها يذكرونه==وياسعود قّواد الجوازي يحاليه
عسر على طلابه الي يبونه=يعطي البياح وشرد الصيد تتليه
عليه قلبي كاثرات شطونه=ويلوج وسط الصدر من حر كاويه
قلب الخطا ياسعود ياعظم كونه=يكفيه من جور الهوى ربع مافيه
الزين لو تبعد علينا ضعونه=يكبر غلاه وكن عيني تراعيه
ياجب علي اني عن الشك أصونه=وبالهرج عند الناس ياسعود ما اطريه
أدري عليه من العدا يشمتونه=وأخاف من هرج يضره ويوذيه
لا واهني أقرابه اللي يجونه=وأنا الى جيته عدوى حواليه
عليه روحي بالفواد مغبونه=وفاتن ثلاث سنين والروح ترجيه
ياسعود غني لابته يبعدونه=ناس تحلف به وناس تناحيه
البغض وسط قلوبهم يضمرونه=وفي مقرن الحجان تظهر مواريه
ويقفون السلم دوني ودونه=وعندك خبر قلب تولع بغاليه
أخاف من حبل الرجا يقطعونه=واشرب عذاف السم من كدره وصافيه
صبرت لين الصبر فاتت حتونه=واليوم كظم الصبر ماني بقاويه
عزالله ان الصبر غبن ومهونه=وأن كان ممدوح العواقب لراعيه
ياسعود فعل الخير ماتفعلونه=وتفزع لمن ضاعت حياته وتنجيه
ياسعود مدولي حبال المعونه=ترى رفيقك جاير الحب طاويه
أنت الذي راجيك تقضي ديونه=والليل الاسود ماتعوقك ضواريه[/poem]

رد: محمد الأحمد السديري
 

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
اللي هتف باسمه قلبي وناداه=حتى الضلوع بوجدها صفقت له
اللي غرامه تل قلبي من أقصاه=وبالدمع عيني خيّلت وامطرت له
اللي عسفت النفس لاجله ولرضاه=والرجل في سمر الغداري عنت له
بيا سبب عهد الهوا ليه ينساه=وينسى تخطي رجلي اللي خطت له
الرجل لو هو نازح الدار تنصاه=على حثاث القاع يا ما مشت له
أموت من فرقاه واحيا بذكراه=والروح خلت جسمه وانتحت له
قولو له أنه عذب القلب وأدماه=وحي يود لقاه ماله بقتله
ياكود والله غيبة عقب لاماه=وعيني بكت فرقاه ثم اخجلت له
ماصاب قيس بحب ليلى توطاه=ولوعات قيس وماجرى له جرت له
مالاق له غيره من الناس مشهاه=ويعاف كل الخود لو عرضت له
ان شاف زوله مغرم القلب يبراه=وان غير صد مايلتفت له
أغليه لامانساه واذكر سجاياه=لوهو بعيد الدار نفسي هفت له
معذبي بالحب وان حل طرياه=اسرار ودي بالضمير اهتفت له
لو هو ظهر للناس وابدى محياه=كل الخلايق بالجمال اشهدت له
عزاه ياقلب على الصبر ماقواه=لو مابغى الفرقا عصت واخطمت له
عزي لمن دمعه على الخد مجراه=ودنياه غيب نورها مااسفرت له
قولو لبن سلوم ابو زيد ينخاه=يوم ان غارات الهوا صادفت له
يتابع الونات من كود ماجاه=لوكثر الونات مافرجت له
يهيم مثل موده وسط مضماه=يذكر سنين بالوداد ضحكت له
ماجت له الدنيا على ماتمناه=وذياب ياسه من حبيبه عودت له
يكفيه من جور الهوا ربع ماجاه=وتغيرت دنياه يوم اوجهت له
قلبه من الحرمان فاخت حناياه=من يوم باقي ايامها ماصفت له
هنيت من حصل مرامه بدنياه=والورق بلحون السعد غردت له
هنيت من حصل مرامه بدنياه=والورق بلحون السعد غردت له
المولع الي في طريق الهوا تاه=لومابغاه اشراك دربه سعت له[/poem]

رد: محمد الأحمد السديري
 

[poem=font="simplified arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
حياتي كلها صبر وجلاده=وغيري عايش عيشة سعادة
أنا اللي تايه بالغي مغرم=غريق في هوى راعي القلاده
بعيد عنه بديار بعيده=ولحدٍ جاب لي منه الافاده
يجيبنه حلوم الليل عندي=وحط الخد للغالي وساده
والى مني صحيت وقمت أراعي=ولين الليل يفجعني سواده
تصور لي عزيز مانسيته=حبيب ماسلى قلبي وداده
عذولي لاتلمني بالموده=جريح هايم في حب غاده
تهل الدمع عيني من عناها=وسفك الدمع للعشاق عاده
نشدت أهل الموده وأرشدوني=يقولون الهوا صعب جهاده
اقوله مصخر من روح روحي=حياتي كلها صبر وجلاده[/poem]

رد: محمد الأحمد السديري
 

[poem=font="Simplified Arabic,5,seagreen,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
أنا من نجد يكفيني هواها=ويبري لوعتي شربي لماها
وشوفي من نبيه ومن نوده=غزال تابع قلبي هواها
غزال ضيعت عقلي وروحي=رمت قلبي وقلبي ما رماها
لها بالروح وفوادي موده=ولا شي من أحوالي خفاها
تعرف إني لها مملوك طايع=أبيع الروح في دورة رضاها
أهيم بحبها واخفي جروحي=وقلبي ما عشق زول سواها
توقد حبها باقصى فوادي=ونار الحب يحرقني لظاها
ملكني بالهوا عذب السجايا=ولا اذكر ساعة قلبي نساها
نحيل الخصر وضاح الثنايا=نظيم الدر منظوم بفاها
فجعني بالهوا ورقا حمامه=إلى غنت يذكرني غناها
يذكرني وليف غاب عني=وعيني منه جاها ما كفاها
ورا دنياي عقبه لوعتني=من الفرقا تكدر لي صفاها
نحيل الخصر وضاح الثنايا =نظيم الدر منظوم بفاها[/poem]


[poem=font="Simplified Arabic,5,seagreen,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
أن كان بي عذروب حبي لاهل نجد=أحبها وأحب شمة هواها
أحبها يوم انها ديرة المجد=دار تمكن بالضماير غلاها
دار غلاها باجد مهجتي بجد=دار لنا دار ظلالي سماها
ان غبت عنها الحقت وجد على وجد=متذكر عقب البطا برد ماها
ياما غدا فيها مهار لهن رجد=من فوقها صيد تروي قناها[/poem]

رد: محمد الأحمد السديري
 

رده على محمد العسيلي

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
اهـلا عـدد مامـال ريـح بنبنـوب =مـن خاطـر هـرج الـردا ماهذابـه
أحلى من السلسال في صافي الكـوب =وألـذ مـن نقـع المطـر مـن ربابـه
من خاطر يشفق على كـل محبـوب =ويجعـل رفيقـه دون كـل القـرابـة
يكـن لـه ماكـن يوسـف ليعقـوب =ويحمى قفـاه بحضربـه مـع غيابـه
ويذريه ما يشكي عنا كـل لا هـوب =ويزيد له بالطيـب عـن ماهقـى بـه
العمر من دونه رخيـص ومجلـوب =ولا يستمع بهـروج حـي حكـى بـه
نفتح له صـدور تـذرا ورى جيـوب =وعـن مـا يعيـب منزهيـن شنـابـه
يا ابن العسيلي مابكـم كـل معيـوب =حاشـا ولا فـي طيبـكـم مايعـابـه
لكم على الجـودا محاريـف ودروب =وراسين مثـل المعتلـي مـن هضابـه
ودياركـم حامينهـا بكـل مسـلـوب =ويامـا دخلتـوا دونهـا مـن حرابـة
وياما نثرتوا دونهـا الـدم مسكـوب =أروى لعطشـان الثـرى مـن ترابـه
ياهل السبايا اللي لها الأصل منتـوب =معمقـات مـن عصـور الصحـابـة
سلايل من فوقهـا حـرب لحـروب =دايـم علـى الـردات عـوج رقابـه
وإن جاء نهار مشعل الحرب مشبوب =فأنتم علـى الطوعـات مثـل الذيابـة
نعم بكم والسيف مشهـر ومقضـوب =إن حـل بأطـراف الجهامـة ضبابـة
أعني بني سالم ومسـروح ووهـوب =مـا اقولهـا بأهـل الـردى والخيابـة
وادي الرمة من ولبكم صار مهيـوب =بـروس البلنـزا مبعـديـن رحـابـه
وليا غزوا يمه غـزاة لقـوا شـوب =وطبـوا علـى بحـر تلاطـم غبابـه
الطيب لأهل الطيب يذكـر ومنسـوب =وكـل علـى طولـه يفصـل ثيـابـه
والناس في دنيـاك غالـب ومغلـوب =وكـل علـى شفـه يوجـه ركـابـه
واللي من أفعال الردا فيـه شـاذوب =هـذاك كسـاب الخنـاء فـي شبابـه
اختر رفيق بالقسـا يقضـي النـوب =وابعد عن المنزوع قـل لا هـلا بـه[/poem]

رد: محمد الأحمد السديري
 

يامتلف روحي



[poem=font="simplified arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
يامتلف روحي تحملت الآثام "=" ماخفت من يوم تدور الدواير

يهب دولاب الهوى لي بالاولام "=" ونقضي الديون المرمسات الكباير

لاتامن الدنيا ودورات الايام "=" اخاف من ناس يقولون باير

راقب ولي العرش ياخشف الاروام "=" يامترفن حكمه على الروح جاير

عانيك جسمه هيكل جلد وعظام "=" تشهد محاني لوعته والجباير

وتشهد عليه دموعه الغزر خرام "=" من فوق عينه خده نثاير

ويشهد عليه اليا وطا دارك العام "=" ياقف على مضراب الاطناب حاير

ياما براس الناب عظيت الابهام "=" وقفت في تالي منازلك خاير

قل لي بحرف القاف والبا مع اللام "=" والف تكمل جلها والصغاير

افتل بحبلي وانت تنقض بالابرام "=" وجرعتني غل يفت المراير

بين شفتيك شفا فؤادي والاوهام "=" واسألك بالله عن خفي الضماير

اما بحبل الوصل تنصف بالاحكام "=" والاتجور وكل ماقلت صاير

وارضى بحكمك ماشين درب الاسلام "=" مملوك والمملوك بالامر ساير

واقول هذا راس مالي والاقسام "=" واليا تردا الحظ تعمي البصاير

ياطاردين العشق باوهام واحلام "=" خوذوا كلام اللي بالاصلاح شاير

العشق مره علقمن رايبن سام "=" وحلوه عصير الكرم بالكاس فاير

لاشك شره ضد خيره اليا قام "=" وكم عاشقن بصباه زار الحفاير

ذا قول منهو ساهر الطرف مانام "=" يعد شئ شاهده بالنظاير

شاهد بعينه من مشاله بالاجرام "=" وعسى على الباغي تدور الدواير [/poem]

رد: محمد الأحمد السديري
 

[poem=font="simplified arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]

الصدر ضاق وحاير الدمـع دفـاق=من ناظر(ن)من حاير الدمع مرهوق

دمع تكبه عيـن عاشـق ومشتـاق=ارعد سماها بالغضب ومطر الموق

الا سفح من فوق الاوجان وانسـاق=يسيل منه معيلـت مرتـع النـوق

محدن رحمني يوم الاقـدار غـراق=منجور دمعات(ن)تكسر بصنـدوق

صدر من الفرقاء رمع فيـه دقـاق=ووجس معاليق الحشا يشعلن فـوق

فاذا بغيت ادلـه تذكـرت الافـراق=طفلا على شل المعاليـق مطفـوق

طفلا نقل بالزين غضات الاعنـاق=عزالله انه طالنـي منـه ملحـوق

في مامضا دنياي جتلـي بالاوفـاق=وردت عد(ن*)قبل ماهوب مطروق

جيت الحبيـب دالـه بالكـرى راق=ومجوهرات امبيسمـه ذقتهـن ذوق

يوم انتبه لي صاحبي بعـد مافـاق=اصبح يعاتبني على الغدر والبـوق

يقـول مامثلـك للجـواد ســراق=ولاانت على هذا من الناس مسبـوق

قلت ارحمو من زاركم ماله ارفـاق=ورووس الافاعي بالقدم حطهن سوق

ماله رفيق وبـه يضيقـن الافـاق=واذا جفيتـو مايبـي كـل مخلـوق

فطلق حجاجه وبدل الوجه بشـراق=وافتر عن بيضاء تكاشف بها اوراق

فنهن سقاني كاس خمـرا بتريـاق=زود على ماصار بالغدر مسـروق

احباب لحباب تعاطـف بالاريـاق=وارواح تحيا بين عاشق ومعشـوق

هو حط ذرعانه لي افراش وارواق=وانا لويت العضـد لمعنقـه طـوق

ثوبه نظيف ولاوطى فيـه عشـاق=وثوب الخنا يجوز به كل منطـوق [/poem]

رد: محمد الأحمد السديري
 

[poem=font="simplified arabic,5,darkblue,bold,normal" bkcolor="transparent" bkimage="" border="groove,4," type=0 line=0 align=center use=ex num="0,black"]
منازل كن الرياح عصفتها=ما عاد يلقى عقب اهلها علامات
كن السنين الموحشات سهجتها=ولا عاد فيها للمقيمين لذات
عيني بعد طول الفراق عرفتها=وتذكرت وقت مضى فايت فات
عين مشاهي ودها خالفتها=وصادف لها في بعض الايام ميلات
وقت رماها والمصايب رمتها=بافراق من يضحك ولو قلت له هات
روحه بذلها لوهله ما ارخصتها=يتبع حسناته علينا حسانات
اخذ من الجما العنود ارقبتها= وبه من حلاياها عيون ولفتات
حورية كن المها مرضعتها=وكنه يجريهن عليها قرابات
كن الغزال ام الغزيل غذتها=العفو مالي من خطرها سلامات
أن سلهمت بعيونها واطرقتها=منهن سهوم الموت للقلب عجلات
يمناي بالكف الشمال اصفقتها=واحسرتي ضيعت روحي وحاجات
نفس مخاليب الفراق خطفتها=تاهت بها ما بين الأحيا والاموات
عن من نوده بالفراق ابعدتها=الأمر لله والمقادير عجلات[/poem]

رد: محمد الأحمد السديري
 

[poem=font="simplified arabic,5,darkblue,bold,normal" bkcolor="transparent" bkimage="" border="solid,4," type=0 line=0 align=center use=ex num="0,black"]

هذي منازل مـن تمنيـت قربـه=ياما مشـى فيهـا ويامـا سكنهـا

دار(ن) خلت ماعاد يلقى الاثر بـه=مدري محت والا هبوب(ن) دفنهـا

وقفت في منزال (مي) أفتكـر بـه=وانشد ارسوم عقب أهل (مي) عنها

رسم(ن) لخلي عرش رجلي عثر به=لو هو كسر رجلي رخيص بثمنها

وأقول حى فاختـك ويـن دربـه=بالله قلـي ويـن قفـا ضعنـهـا

وين القبال اللي يحير النظـر بـه=عمار يـا دار(ن) حبيبـي قطنهـا

وين الجبين اللي يشع القمـر بـه=شعة قمر خمسة عشر من وجنهـا

يا منزل الغاليـن رد الخبـر بـه=وعطني سراير خافي العلـم منهـا

انا الذي حبل المـوده قصـر بـه=وعيني من الفرقا تزايـد حزنهـا

وانا الوحيد اللـي تحملـت غربـه=وعني بعيد شوف (مـي) وطنهـا

وانا الذي روحي هواها استعربـه=ثم جذب روحي (لمـي) وقرنهـا

وانا الذي مرن على الكبـد شربـه=لي حاجة(ن) مذكر ضمينن ضمنها

وانا الذي غصن الفراق أنهصر به=ولو ما بغا الفرقا يقـوده رسنهـا [/poem]

رد: محمد الأحمد السديري
 

اخترت لكم هذا النص النادر

من ابداع المرحوم / محمد احمد السديري

فلنتعلم ولنرتوي من هذا الجمال

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياقمر سبع وثماني زارني ضبي يماني = ياقمر ليتك تشوفه ياقمر سبع وثماني
حاشه الله من نصيبي ياقمر شكله غريبي= ياقمر ليتك تشوفه ياقمر سبع وثماني
لابسٍ له عقد هندي يازعيمٍ زار جندي= زارني باول محرم او رجب والا ارمضاني
ماشط الراس موضه والهوى يومي بعوده = زارني باول محرم او رجب والا ارمضاني
صورته بدر التمامي اشهد انه هو مرامي= هام قلبي في غرامه مايطيع اللي نهاني
ياعذول القلب خله مايطيع الي يدله = هام قلبي في غرامه مايطيع الي نهاني
عودها نبنوب بردي حامل بزهور وردي= عودها بيدي لويته مثل عود الخيزراني
حبني حسن الدلالي وانهصر عوده ومالي= عودها بيدي لويته مثل عود الخيزراني
قلت له ياسيد روحي الحذر عني تروحي = ياحياتي وانت ناري وانت فردوس الجناني
عقبكم كني يتيمي انت بالدنيا نديمي= ياحياتي وانت ناري وانت فردوس الجناني
قال انا واياك دايم مثل طفلينٍ توايم= راضعين من الموده مايفرقنا الزماني
مانخونك ياحلالي لو يطولن الليالي=راضعين من الموده مايفرقنا الزماني[/poem]

تحياتي للجميع
فلاح بن منشار

رد: محمد الأحمد السديري
 

[CENTER]الأخوه الكرام هذه مقتطفات
من ملحمة عكاظ
للمرحوم/ محمد بن احمد السديري[/CENTER]




[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الكرامه مايعادلها عديل = كان خدشت حرموا باقي الحياه
بالقبور ابوانكم تنخى الشباب= انتم احفاد الصناديد الكمات
خيلهم بالعز بايام الحروب= في ميادين المعارك جايلات
ان نشدت وقلت وابديت الصحيح=فلتة الدنيا جنوب امغرزات
ياشباب العرب بايام الكروب=ياذرانا بالأمور المعظلات
شمروا للمجد بايام الخطوب=ابعثوا سوق مضى له ذكريات
جددوا ذكرى عكاظ بما مضى=واعلنوها للوفود السامعات
سجلوا فيها الفخار وطهروا=الشرف يوم الأسنه شارعات
معركة ذي قار خاضوا حربها=بالعوالي والسيوف المشهرات
وابعدوا عار على النعمان صار=ابعدوه وبعدوا للعايبات
به تساموا للفخر يوم النزال=حلقوا للمجد فوق الحايمات
بالجزيره مايهابون المنون=ثابتينٍ كالجبال الراسيات
خيل قحطانٍ وعدنانٍ جميع=معركة ذي قار فيها سابحات
سبلوا للمعركه صب عجال=ممتطينٍ للمهار السابقات
لين رب الخلق علام الغيوب=خالق الأرواح رب الكاينات
انزل ايانه على سيد البشر=انبأه باقراء على رغم العدات
ثم شع النور في شرق العرب=واشرقت شمس الفضيله بالصلات
هبوا الأنصار للخطب العظيم=مع رسول الحق للعالم هدات
احدقوا بالمصطفلى سيد الأنام= كالأسود الكاسرات الفاتكات
وانتشر دين العداله للورى=شاع واهتزت عروشٍ للطغات
وانذهل كسرى وجيش الروم خار=من كتايب من سعوا للصالحات
عصبة محمد هل الفعل الجميل=يطلبون المجد فوق الجامحات
خيلهم بالشرق والغرب البعيد=للجحافل بالمعارك خايضات
في سبيل الحق ماتخشى الملام=كم ازالوا من عروش هايلات
الصحابه بالعوالي والسيوف=اخمدوا نيران قوم مشعلات
بن ابي وقاص هو وابن الوليد=كم تحدوا للصناديد العصات
قادوا جيوش الصحابه بالحروب=طاعةٍ لله رب الصافنات
طاعةٍ للي بعث طه الرسول=مكنوا بالضد روس الباترات
رسخوا بسيوفهم دينٍ حنيف=في كلامي يشهدن الشاردات
من رقاب الروم بالحرب العوان=ينثرون الدم بجدود الضبات
واحمد الله لابتي يوم النزال= مايهابون المنايا الواردات
ظيفهم والجار يلقى مايريد=في رحاب المجد ماجاهم شنات[/poem]

فلاح بن منشار

رد: محمد الأحمد السديري
 

ابيات للشاعر الكبير/ محمد الاحمد السديري رحمه الله

[poem=font="Simplified Arabic,6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ان جا ينادمني وضيعن من الناس = صديت عنه وقلت منتب نديمي
ماهوب كبرن وكل ناسن لها اجناس = وعندي عزيز النفس دايم حشيمي
للكبر والله ما توشحت بلباس = بكتب التواضع ناجح بتعليمي
انادم اللي رفقته ترفع الراس = وياقف معي دايم بوجه الخصيمي
ان كبرت القاله والارياق يباس = يظيم عدوانه ولا يستظيمي
وعندي ليا شفت المناعير جلاس = انا لهم بايات فكري كليمي
ولاقارب الخايب ولا كل بلاس = اللي على نقل النمايم فهيمي
نشدتني تقول بالقلب هوجاس = قلت اي نعم مافيه حين سليمي
يابومحمد كن ماعندي اوناس = اليا خفق فكري بشين عظيمي
اغيب كني وسط ظلمات الادماس = واناجي الرب العظيم الكريمي
اناجي الخلاق قطاف الانفاس = الواحد اللي فوق عرشه مقيمي
عزالله اني بالهواجيس غطاس = وعزي لمن هو في بحرهن يهيمي
يا بندر الجبرين يا معرب الساس = اخلصت لك حيثك حليمي
العالم الله ماهرجنا بالاجناس = والله بما يخفى فهيمن حكيمي
ولادن في جلساتنا حافة الكاس = ولا نخوض بكل هرج ذميمي
واللي نوده قطعت عنه الارماس = ذكراه مثل احلام ليل بهيمي
وقت النضا قفا وقفن الافراس = وحتى زهور الورد صارت هشيمي
والنمر مخلد عقل ماهوب فراس = والبوم عقب الذل صبح عديمي
وديك الدجاج معلق فيه الاجراس = والصقر في صكات وقته سقيمي
وابوحقب حصل بالايام نوماس = الحر غاب وصار عقبه زعيمي
وين الرجال مروية كل عباس = اهل المهار اللي تعط الرهيمي
اقفوا كما غيم تقفاه نسناس = ولاحدن بهالدنيا مقيمن مديمي
كم واحدن في لجة العيب غطاس = يفوت عمره في ظلاله بهيمي
من الذهب لوهو خزن طرم الاكياس = جن من كريم وحرم منها اليتيمي[/poem]

بواسطة منيع

رد: محمد الأحمد السديري
 

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من هم بروحي سهجها=بخافي ضميري في كنين الحشا لاج
أحر من نار توقد وهجها=منها خطر روحي على سلك ديباج
وعين عسى المولى يعجل فرجها=يفوح ناظرها كما عين هداج
استرسلت للدمع من مارهجها=غيظ يكظ عبارها مثل الأمواج
الله خلق دنيا وساع فججها=وعن مايريب القلب لك كم منهاج
والرجل ان شطت لياليك سجها=عسى تواليك تبشر بالافراج[/poem]

رد: محمد الأحمد السديري
 

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
ان هاجت أفكاري علي وتزايدت=تصور بعيني ساعة الحشر قايمه
تلاطم هموم القلب بالصدر كنها=ملاطم الامواج بالبحر عايمه
هم يفارقني وهم يزورني=وهم يزايمني وهم أزايمه
اسلي فوادي بالهموم وغايتي=إلى مرقب قلبي يحبه ورايمه[/poem]

رد: محمد الأحمد السديري
 

[poem=font="Simplified Arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
سلمى تقول ان الموده غرابيل =وانا على سلمى عليل الضماير
سلمى تقول الحب ويلٍ بثر ويل = وانا حشاي بجاير الحب فاير
وسلمى لها بقصى الضماير مداهيل = وعندي لسلمى بالموده سراير
اسأل عليها كل ما يقبل الليل=والصبح اوصي يمها كل طاير
الحب في قلبي صبغ صبغة النيل=بين المحاني صايب الحب جاير
وياما توجَّد والضماير مغاليل=وياما على سلمى عطيت البشاير
طفلٍ سلب عقلي بسودٍ مضاليل=منها قلوب اهل الموده عثاير
ورموش سودٍ ما تكحل من الميل= سواه خلاق البحر والجزاير
دارٍ لسلمى ما تجيها المراسيل=دارٍ لقلبي في حماها ذخاير
ارسل لها من ناحلات المراميل=ما يصلنه ناقلات المجاير
اطلب لها من رايح المزن بالسيل=منه الزبيدي نابتٍ بالمحاير [/poem]

رد: محمد الأحمد السديري
 

[poem=font="Simplified Arabic,5,indigo,bold,normal" bkcolor="transparent" bkimage="" border="groove,4," type=0 line=0 align=center use=ex num="0,black"]
قالوا عــلامك باكي قـــلت مطعون=شـوفـو نزيف الـدم مني تتالا
قالوا من اللي صوبك قالت عافـون=قـالوعــدوك قالت يانـاس لالا
هذا الحبيب الي له القلب مرهـون=هـذا حياة الروح بدر الكمالا
يا عـــاذلين القلب لا لا تــعذلـون=وحــياة رب فـوق عـرشه تعالا
اني فـــلا انسى واحــد فيه مفتون=بيني وبينه نازح البعد حـالا
فتـــان صاب القلب كـون بثر كون=مملوح اخذ كل البها والجمالا
كنه الى حــرك قـوامه على الهون=غصــن الى هب الهوا فيه مالا
قـــلبي لقلبه لو تنحيت مرهــون=غـــيره حرام ونور عيني حلالا[/poem]

رد: محمد الأحمد السديري
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا تناظر منك شفت أشنع جريمه =في حياتي سجلت موتٍ قبرها

حالتي ويّاك يا خلّي سقيمـــــه =ما تعرف البر وينه من بحرهـا

المشاعر منك فيك أمست يتيمه =ما نبي لاماك حيث إنك كدرها

دونك أعذارك تراها لك غنيمـه =احتفظ فيها ترى ماحدٍ نشرهـا

وحبّك اللّي خابره عزّى نديمه =واستراح وراح يبحث عن قدرها

مــا بقا لك كود أطلالٍ قديمـه =ليت لى قدره واكسّر في حجرها

واجعل القيعان عقبك مستقيمه =وأتلذّذ وامِن بصافي نهرهـــــــــا

يوم ابو زيد الشمالي قال شيمه =مـا خـذيتـي ذرةٍ ممّــا بـثـرهــــــا[/poem]

رد: محمد الأحمد السديري
 

حقيقه كفيت ووفيت يالطائر المهاجر وبيض الله وجهك على هالجهد الكبير - فيه بيت شعر يحضرنى لسديري واردده صارلى اكثر من عشر سنين طبعن من قصيده اجزم تتكون من 6 ابيات او خمسه البيت يقول : فـــات رمضــان وفات شوال يقفــاه = والفطر الاخر فــات والروح نعبــه = والقلب ضاق وعييــــت تتسعبه حناياه = ولوهو ظهر كل الفضى ماتسع بــــه

رد: محمد الأحمد السديري
 

السديري قمه في الشعر لاتجارى
وهو الشاعر الذي حببني للشعر النبطي
رحمه الله رحمه واسعه واسكنه الفسيح من جنته
والشكر موصول للاخ الرائع الطائر المهاجر
على اتحافنا بهذه الابيات الدرة النفيسه
تحياتي وتقديري

رد: محمد الأحمد السديري
 

[poem=font=",6,black,bold,normal" bkcolor="transparent" bkimage="http://www.fatahilah.com/mwaextraedit2/backgrounds/3.gif" border="solid,4,black" type=1 line=0 align=center use=ex num="1,black""]
مرقا العلا خطرٍ عسيرٍ صعوده = مايطلعه من لاتجلد على الكود
والبيت مايبنى بليا عموده = والحيف يزعل من عن الحق مردود
والحر يجزع يوم توطأ حدوده = وتشرهه نفسه على الطيب والزود
ولايشتكي من لا تضره لهوده = إن شاف جور الحيف والعدل مفقود
والوقت شفنا كل بيضه وسوده =وشفنا نهار مع لياليه مضهود
والغيم لو تسمع صواعق رعوده = لاممطرٍ وبلٍ ولا هوب مريود
يامدورين الطيب قيسو عدوده = والطيب عدٍ بين الاجواد مارود
والناس بأرض الله تراهم شهوده = وحق بلا فعل على الرجل مجحود
والنذل حيلات الردى ماتكوده = واليا بغا الطولات مايدرك الجود
عن المراجل قاصرات زنوده = طير العشا يصبر على كل منقود
الخيل ماتشتكي مضاريب عوده = وبالقيض ماركب النضا مثل صاهود
يعيش في دنياه همه رقوده = ولا نفضنه قرح الخيل والقود
لا عل رحمة خالقه ماتعوده = وعساه مع زمرة هل النار بخلود
هـذا زمـان هايبات فهوده = والناس نادو عنترة بسم مسعود
واشوف لي رجلٍ يعدد جدوده = لو أن أبوه وجده اضعف من الدود
كلت من المأطاء رواسي حيوده = والبوم شاش ولابسٍ درع داوود
والنيص حط لهامة الراس خوده = عقب المذله له طوابير وجنود
ماكن شيء في زمانه يكوده = شاهد بها الدنيا سلامات وركود
وحتى الغراب اليوم يفخر بجوده = والفأر بذراعه قطع كل بالود
والشري والحرمل تباهت وروده = وقامت تشيل غصونه الماس وعقود
ياحسين زانت له ليالي سعوده=وصدق حياه بزايد الوبل ورعود[/poem]

رد: محمد الأحمد السديري
 

[poem=font=",6,black,bold,normal" bkcolor="transparent" bkimage="http://www.fatahilah.com/mwaextraedit2/backgrounds/10.gif" border="groove,4,black" type=1 line=0 align=center use=ex num="1,black""]
وراك تورينا الجفا والقطيعه =وحنالك اطوع من بنان اليديني
نشري رضاك وكل شيء نبيعه =وحياة رب يبعث الميتيني
ونمشي بشف ارضاك وامرك نطيعه =اللي يصيبك عارف انه يجيني
لو ان نفسي للمعالي رفيعه =بالعين اجلك جاعلك لي ضنيني
ايامنا هي والليالي سريعه =ومازان بالدنيا لزوم يشيني
الله كفيل الناس وارضه وسيعه =عالم خفا يا نية الجاحديني
لابد من يوم نشوف الشنيعه =ونتبع طريق اجدودنا الاوليني
الروح تبقا لين يا صل وديعه =والأجل مكتوب بعال الجبيني
نفسي لها عشرين عام وجيعه =ويشهد على ما قلت عوج السنيني
إلى تبها نجد واقبل ربيعه =نشوف شيء فطن الغافليني
وبغضت شوف الناس جمعاً جميعه =وقمت اتمنا منزل الفرقديني
من ربعنا الادنين شفت الهزيعه =وقد قالو الناس المغطا يبيني
وشفنا الحقايق واكتشفنا الخديعه=لاشك ضاع الحق يالفاهميني
حقي غدو به مبغضين الشريعه =غدو به الانذال يالغانميني
وبنيت رجم وقلت هذا مضيعه =حتى يعرفون الخطا اللاحقيني
لو هو بالايدي كان اخذته قريعه =غصب على الحساد والمبغضيني
وقمت اتذكر فعل راع البديعه=وقت زمانه شيب المصغريني[/poem]

الطيب دمعه والردى ضحكه حجاج
 

[poem=font=",6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="1,darkblue""]
الطيب دمعه والردى ضحكةحجاج=ونفسك قبل لا تلوم الأيام لـمهـا
لو المراجل طالها كل هراج=رخصة فعايلها وقلة شيمها
الجهل غدراء ليل والحكمة سراج=والخلـق شــاره والمنايـا سهمــها
والضيق سجن البال والسجة إفراج=وأن ضامتك خطوى المقاريد ضمها
لو الرجال تقاس بالبشت والتاج=مانفرق شيوخ العرب من خدمها
ولو كل من تارد بهقوتك هداج=ماشفت كبد ناشفه من وهمها
ناسٍ فرقها وجودها بين الأفواج=وناسٍ تساوى وجودها مع عدمها
وقت يهيج ويصطفق مثل الأمواج=نبـني الأماني والظنون تهدمها
من جرب الحاجة عذر كل محتاج=ناسٍ عطاها الله وناسٍ حرمها
ماعاد يمدي والحكي دونه سياج=لكن تهجى كلمتي وأفتـهمـها
أما تجي بحراج وتروح بحراج=وألا تــثـمـن جيتك وتحشمها
للامير :محمد الأحمد السديري[/poem]