![]() |
ركن الإستشارات الحياتيه
يا أخوان والله أني أحسكم كلكم مثل أهلي وأنا متأكد أن هذا شعور كل واحد منكم لهذا حطيت هذا الموضوع الي يبي يستشير أهله في شيء محتار وش يبدي وش يخلي يجي هنا ويستشير ويشيروياخذ الراي الي يصلح له
================================== وأبدأ خلوني الأول علشان ما احد يستحي :) أنا ودي اشتري سيارة بس مدري وش اشتري ؟؟ وعلشان ماينط لي واحد يقول رح اشتر مرسيدس يحسب أن عندي مالية ابن سعود بقول وش محتار بينه:) محتار بين كامري وفورد ؟؟ ناس يقولون الكامري شيك ولك وللزمن وناس يقولون أنت رجال عاقل ولا تنفع لك الكامري لأنها حقت شباب وتفحيط وتنسرق خلك على الفورد ,,, لهذا باخذ رايكم وش رايكم ؟؟؟ ============================================================ ولما أدخل بعد عدة ساعات اتمنى ألقى راين سديد :) يله بروح أودي أخوي ذيبان شجاع البيت والحارة منكسرة رجله من هباله بروح أخليهم يجبرونه وبرجع :) |
والله على اني ماني ذاك الخبرة بالسيارات ......
بس السياره الي اشوفها ماشيه هاليومين الكابريس والكل يمدحها من حيث الجوده والعمليه وصرف البنزين واهم شي شكلها مره حلو فخمه ........ وسعرها مره حلو ........... |
بالاول سلامات انشاء الله على اخوك اللي اعتبره اخوي والله يقومه بالسلامه انشاء الله
وبالنسبه لموضوع السياره بالتوفيق اخوي بس انصحك بالفورد لانك الكامري كل وصلت عند اي تفتيش وقفوك يتحققون من هويتك وانا صراحه ما انصحك فيها تحياتي لك وللاخوان. ========================= من ناحية الاستشاره انا ابغى استشيركم: وش رايكم في اني اكمل دراسات عليا في الخارج طبعا لان طبيعة دراستي انجليزي وانا محتار لحد الحين هو اني اكمل في الخارج بعد ما انتهي من الدراسه او لا وانا في راسي الولايات المتحده او استراليا ؟ ارجو منكم النصح تحياتي |
صياف انصحك تكمل دامك ماشاء الله مبين عليك مجتهد
اخوي كمل دراسته برى لمده 8 سنوات صح انه حس في البدايه بضغط وغربه بعدين انفرجت معه الحمدلله بعدين الرجال عادي يقدرون يتحملون الغربه كمل والله يوفقك ويوفق جميع المسلمين اختك:عهـــــــود,, |
كمل دراستك افضل لك...
|
اوكي بنت بس إن شاء الله عندها رأي من ناحية السيارات ...
أنا أنصحك بالكامري السبب: لإن شكل الفورد بالمره كريهههههههههههههههه. والكامري أذوق..(وجهة نظر) ومن ناحية صياف والله أنصحك تكمل دراستك والله يوفقك أخوي. |
السيارات مهمه وسيله للتنقل من مكان لاخر
الفورد فخمه وقويه تتحمل كثير فانصحك بها ياذيب وبالتوفيق وتكون قدوم خير ورزق الاخ صياف انصحك بكمال دراستك لان العلم بحر وبالتوفيق لكم مني الدعاء بالتوفيق والسداد |
صياف تروح لحالك أنس خذني معك ولا ترى بخرب عليك خخخخخخخخخخخخخخ :) شف بروح أدرس معك بس تدري ياصياف الله يوفقك أنت دافور وتصلح لدراسة برا أما أنا شكلها على مصر ماجستير خخخخخخخخخ
ولا وش رايك ودي أروح معك وش رايك نتعرف على بعض ونعرف أبوانا على بعض يمكن يقتنعون من بعض أروح معك ولا تروح معي ترى هالفكرة حلووه مرة :) بعدين الفورد حلوووووووو والكامري حلوووووووه بس أغلب الأصوات على الفورد مع أن عهود خشت وطلعت ماقالت رايها ولا القعقاع مع انه رجال وأكيد يعرف السيارات ودنا تنورونا بأرائكم :):) |
خخخخخخخخخ
انا احسب اراء وإذا استشار الثاني يتقفل الموضوع على العموم والله ماادري ترى داجه في السيارات اهم شيء عندي شكلها ولا اللي يصلح لسفر واللي تحمل ماادري عنها إذا تبي اسأل اخواني تراهم كثيرين ماشاءالله يعني بشوف اغلبيتهم وش يرجحون واقولك هذا إذا تبي اسألهم ترى مافيش مشكله خخخخخخ أما انك تصلح عمرك ماتعرف صياف تراهي واضحه ياذيب في البدايه شكيت وقلت امكن مايعرفه بس الحين ابصم على العشره انكم تعرفون بعض وأخوان بعد كيف تعرفون ابوائكم على بعض واصلا هو نفس الاب خخخخخخ واضحه ياذيب واضحه |
[quote]ماشاءالله يعني بشوف اغلبيتهم وش يرجحون واقولك
هذا إذا تبي اسألهم ترى مافيش مشكله خخخخخخ[/quote] ألا أسأليهم وترى إذا كان أغلبهم شباب صغار بيجي الجواب كامري وإذا كبار شوي بيجي الجواب فورد :):) [quote]أما انك تصلح عمرك ماتعرف صياف تراهي واضحه ياذيب في البدايه شكيت وقلت امكن مايعرفه بس الحين ابصم على العشره انكم تعرفون بعض وأخوان بعد كيف تعرفون ابوائكم على بعض واصلا هو نفس الاب خخخخخخ واضحه ياذيب واضحه[/quote] أنتي أشوى من الي يعتقد أني وياه نفس الشخص :) يمكن أنا أعرفه عن طريق النت صح بس أخوان هذي يبي لها جلسه مدري ولون استنتجتي أنا أخوان وحنا مالنا علاقه في بعض صح يمكن يعرف عني معلومات وأعرف عنه لاننا من نفس الديره وأسمي معروف في الخرج بس أخوان هذي مدري وشلون تكون :) |
خخخخخخخخخ
تحلف ياذيب مااتوقع تكذب خلاص لاتحلف صدقتك وبكره أنشاء الله تلقى الجواب وهم فيهم كبار وفيهم صغار يعني توازن عائلي خخخخخ |
وعند جهينة الخبر اليقين خخخخخخخخخخخخخخ :)
|
ذيب
بالنسبة للسيارة 1- سيارة قوية ولو صدمك احد هو يتعور 2- وذفه تدخل حتى في السكك الضيقة 3- ما تصرف بنزين 4- شيك في يدك 5- ما تحتاج فلوس في اية لحظة تشيل ركاب 6- ان رحت للبر تلقاها 7- ان بغيت تحمل لو بعير تلقاها هذي ابو عزيز الله يسلمه ، وخذ غمارتين مكيف وتراها عندي وسبق سويت فيها قصيدة فالرجال بفعالها وليست مظاهرها .. صياف الدراسة في الخارج هذاك من اول لما كان للشهادات قيمة هالحين كم معك تسوى ،،، التحق بعد التخرج في أي بنك وخلك ذيب تعلم بسرعة ، ورايح تجد كل بنك يدورك ، اعرف واحد ما معه إلا الثانوية ، وصل راتبه لأكثر من 70 الف ولا تفكر في العمل الحكومي... فقر وغلدمه ، وإذا مالك واسطة قوية رايح تقضي عمرك في مرتبه وحدة.. |
كلامك صحيح ابو عبدالله انا في نفسي التعلم لكن فكرت اني التحق بشركه او قطاع خاص بحيث هو بنفسه يقوم بارسالي لاجل تعلم في الخارج بس يكون خارج نطاقي او اني اخذ كورسات على المدى البعيد مع الالتحاق بالجامعه ومن ناحية اخوان والله اتشرف بالذيب السنافي بس ياليت والله
واما بالنسبه للذيب السنافي انا ماعندي مانع انت وابوك حددو موعد علشان تقابلوني انا وابوي ههههههههههه تخبر انا منشغل طول وقتي |
ذيب بلا كامري بلا فورد
وخلك متواضع ياخي بيجو وش فيها بيجو عل ى العموم مقدما وقبل ماتشتريها الله يطعمك خيرها ويكفيك شرها صياف بلا دراسه برى بلا دراسه بالخارج انت من صدقك بكره يمسكونك ويالله على البنتاغون تعرف البنتاغون؟؟ خلك هنا عند اهلك وربعك من جد احسه اصرف لك واذا انت صدق تدرس عنقليزي احسن وظيفة بعد ماتتخرج انك تكون مدرس خصوصي اغلب عيال السعوديه بلا لغه ولله الحمد تبي تجني اكثر من المدرس العادي لك دعواتي عاد ادعيلهم ولا احد يدعيلي |
ذيب السنافي
انا احس ان الفورد احلى من الكامري وفي سياره مدري احسها حلوه مره وتشبه للكزس شوي اسمها افالون بس الموديل الجديد ويااارب يعطيك خير السياره الي بتشتريها ويكفيك شرها الله يوفقك يا رب ويسعدك :) |
[quote]ذيب
بالنسبة للسيارة 1- سيارة قوية ولو صدمك احد هو يتعور 2- وذفه تدخل حتى في السكك الضيقة 3- ما تصرف بنزين 4- شيك في يدك 5- ما تحتاج فلوس في اية لحظة تشيل ركاب 6- ان رحت للبر تلقاها 7- ان بغيت تحمل لو بعير تلقاها هذي ابو عزيز الله يسلمه ، وخذ غمارتين مكيف وتراها عندي وسبق سويت فيها قصيدة فالرجال بفعالها وليست مظاهرها ..[/quote] يارجل عندنا ددسن أبو عزيز غمارتين :) جديد وكسرته بسواقتي كل يوم منسم كفراته وكاشت بعض الاحيان من خبالي اروح لحالي عليه للبر وأغرز واطلعه وأمسي لحالي وأبوي يضيق ياولدي وش بلاك حست أم الموتر ماكنا شارينه جديد وعندنا اثنين يوكون واحد آخذه من ابوي وهبلت به كل يوم طالع عند فلان في البر ولا رايح لفلان قام وقطه علينا وشرى يوكون جديد 2005 قال خلاص خلوا ذاك لكم ماصدقت أنا عاد مناشبه كل يوم خخخخخخخخخخخخخخ بس الحين ثقلت ومليت من روحت البران لأن خوياي الي كنت اروح وياهم تزوجوا ولاعاد هم زي أول ادق عليهم وانا في الرياض اجي للخرج العزبه جاهزة بعض الاحيان اثنين ونطلع نروح من الثلاثاء إلى الجمعه الله يرحم ايامه أبوسعد كنا كل يوم والثاني طالعين :) وبعد زواجهم صرت اطلع لحالي بس قاموا السكن يطلعون لي وطقاق انا وياهم وقلت خلاص ماعادني طالع وبالفعل ماعاد طلعت :) المهم الحين صرت أحب البحر وابي سياره حقت خطوط حيث المرحله القادمه تكون بحريه خصوصاً أني أفكر بالزواج بشكل جدي وأبي أتزوج وانا معي موترن زين :) [quote]واما بالنسبه للذيب السنافي انا ماعندي مانع انت وابوك حددو موعد علشان تقابلوني انا وابوي ههههههههههه تخبر انا منشغل طول وقتي[/quote] اخس يا ابن طوله على غفله خخخخخخخخخخخخ :) [quote]ذيب بلا كامري بلا فورد وخلك متواضع ياخي بيجو وش فيها بيجو عل ى العموم مقدما وقبل ماتشتريها الله يطعمك خيرها ويكفيك شرها[/quote] خخخخخخخخخخخخخخخخخخخخخخخخ:) الاخت فيها عرق مصاريه خخخخخخخخخخخ ياحليلك يانج نج أحس أنك زاحفه على البيبان خخخخخخخخ :) [quote]عاد ادعيلهم ولا احد يدعيلي [/quote] الله يوفقك وحفظك ويزوجك ويرفع مقامك دنيا وآخره :) [quote]انا احس ان الفورد احلى من الكامري[/quote] راي حلووو وأتوقع هو الي بيصير :) [quote]اسمها افالون بس الموديل الجديد [/quote] مغلينها وعلى بالهم لكزس وهي كامري خخخخخخخخ :) إذا لدت الامور خذت كامري ازين منها على الاقل الكامري تمسك قيمتها بس هي الظاهر بتعود على الفكتوريا :) [quote]ويااارب يعطيك خير السياره الي بتشتريها ويكفيك شرها الله يوفقك يا رب ويسعدك [/quote] الله يسمع منك ويحفظك انتي الاخرى ويرفع مقامك دنيا وآخره :) |
انا مع الريم
احس الفورد احلى من الكامري والله يكتب لك اللي في الخير ويوفقك تحياتي لك |
يسلمك ربي يا أم فيصل وعلى فكرة ترى ذا الموضوع للعموم يعني ماهو خاص فيني لحالي بدليل صياف شوفوه منزل استشارة :)
|
تحياتي للكل وشكرا لهم على اسداء النصح والراي الاول والمشوره ستكون من الكور انشاء الله
|
بالنسبه لأخوي صياف
والله انصحك تكمل دراستك لأن لها تأثير على مستقبلك والله يوفقك يارب تحياتي لك |
اقول لذيب صراحة انا ما اعرف للسيارات
بس الي اسمعه من اخواني ان الفورد تتحمل بس ما ادري وش سالفتها اما صياف اذا انت حاس انك بتقدر تكمل بعيد عن اهلك ادرس بالعكس هذا الشي رح يفيدك وتوكل على الله................ ممكن بعض الناس يشوفونها صعبة لكن موب صعبة على الي عنده ارادة ويبي ينجح في حياته الله يوفقك انشالله ,,,,,,,,,,,,,, الهنووووووووووف |
بصراحه يا أخوي أنا أنصحك بالفورد بس اذا كنت من النوعيه اللي دايم تودي اهالك لمشاويرهم وكان عددهم كبير يعني 5 أشخاص فأنا أنصحك بالجيب {فورد اكسبدشن أو نيسان أرمادا }وان كنت قد الكشخه فما لك الا جيب {كاديلاك}
|
الله مير يسلمك يالهنوف ماقصرتي اشوى أن رأيكم كلكم فورد رجحتوا الكفه :)
================================================== صمت الانين أي والله أودي اهلي بس غالباً أمي بس لأن عندنا سيارة للعائلة يروحون فيها بقية الأهل مع أخوي :) يعني إذا اشتغلنا نقليات مرة في الاسبوع وهو وقت اجتماع العائلة :) |
خخخخخخخخخ
ذيب صح جت متأخره بس وش اسوي مداك اشتريتها اصلا بس بعد بعطيك الرأي سألت 2 من أخواني ماسألتهم كلهم يقولون الفورد احسن طيب عادي لو أستشيركم بشيء محتاره فيه خخخخخخخخخ؟ |
مابعد شريتها أنا يومي سنه ما احب أقدم على شيء ألا متأكد منه ,,,, على كلن شكراً لك
بالنسبه لإستشارتك تفضلي ولا تستأذنين لأن الموضوع للجميع وليس لشخص معين :) |
"عندنا ددسن أبو عزيز غمارتين جديد وكسرته بسواقتي"
اجل ماصابر عليك إلا همر ... |
خخخخخخخخخخخخخخخخخخخخ
الهمر يبي له دراهم والدراهم في البنوك والبنوك ماتعطي ببلاش والدولة حاشرتنا في زاويه ضيقه :) |
استشارتي لكم امكن تصير غبيه شوي بس من جد محتاره
فيه زواج يوم الخميس الجاي يقرب لي وأنا ماودي احضر مو علشان شيء بس فيه سبب يمنعني مو من اقاربي السبب من الجماعه البعيد وأنا زواجات الرياض اتجنب حضورها امكن لي سنه ونصف ماحضرت منها شيء على أن اللي تصير لهم الزواجات يقربون لي مره مثل بنت اخوي وبنت اختي على ان الثنتين ذولي اعز الناس عندي وقدي ومع بعض دايم بس ماحضرت زواجهم لسبب والزواج اللي يوم الخميس زواج ولد أختي وماأدري وش اسوي هي تقول لأزم تحضرين ماعندك عذر وأنا أقول عندي أختبار السبت ماني متاكده أجي ولا لا هي ماتدري ايش فيني بس أخاف تفهمني خطأ امكن تقول أختي ولاتحضر زواجات عيالي وبناتي على الرغم أنها في وقتها تكون في الرياض السبب اللي يمنعني أمكن غبي شوي بس كم مره أتحلم فيه أمكن تنبيه لي والله وأعلم وش رايكم احضر ولا لا؟ |
تتحلمين في أيش ؟؟ في ولد أختك ولا في العرس ولا في الحادث على طريق العرس ولا ايش ؟؟ بالضبط؟
علشان نقولك :) وبعدين تحلمتي ولا ماتحلمتي قدر الله بيجيك لو كنتي في بروج محصنه ولا ماعليه من رحتي ولا مارحتي يعني توكلي على الله وشدي العزم وروحي وصل لرحمك وقرابتك :) ألا إذا فيه أسباب أخرى :) |
كنت قبل اصلي صلاة استخاره في حضور الزواجات اللي بالرياض لأن الجماعه البعيده ذي عيونهم قويه حيل
هذا في وقت زواج بنت اخوي من عقب صلاتي تحلمت بحلم يخوف ومارحت للزواج وأعتذرت ونفس الحلم يتكرر معي في الايام اللي راحت فخفت ووالله مو غرور زي مايفتكرون اصلا لو غرور ماحضرت الزواجات اللي موب بالرياض يعني كل مافيه زواج بالرياض اتحلم تقريبا نفس الحلم والحلم اللي اتحلم فيه ان شعري يتساقط بقوه وفيه اشياء ماأذكرها بس كل ماقمت عقب الحلم اقوم مفزوعه بتقولون ياربي لك الحمد علشان شعرها مابتحضر زواج ولد اختها بس الحلم يلاحقني مما يخلني أخاف انه تحذير من ان شيء بيصير في شعري امكن أنا ماادري بس أخذ بالاسباب |
أسمعي أجل أنا سمعت الرومي يقول أحذروا الزواجات فأن سلمت معصيه لم تسلم من عين وإن سلمت من عين لم تسلم من سحر وأن سلمت من سحر لم تسلم من تبذير وكان يقول هذا في أشرطتها الي فيها تفسير الرؤيا :)
|
شكرا لرايك ياذيب بس أختي الحين وش اقولها وشلون بتفهمني ؟
الاختبار مو عذر كافي بالنسبه لها والله أحترت |
والله هذي مدري عنها أنتي أبخص بعقليتها وبالي ينفع لها :)
|
اقول وأنا وجهي استشير
على العموم مشكور على الرأي السديد المفروض أني ماأكتب افكر بالحالي |
خلاص تعالي لا تزعلين قولي أختبارات وبسقط لو حضرت ما أقدر لازم أقعد أختبر ترضين على اختك تسقط حرام عليتس :)
|
والله قهرتني ياذيب احس أنك تسكتني يوم قلت
[quote]والله هذي مدري عنها أنتي أبخص بعقليتها وبالي ينفع لها [/quote] أنا عندي أرحم ماأحد يرد علي ولايقول كلام كأنه يسكتني فيه |
أفا وأنا أقدر أسكتك بالعكس بس أترك لك الخيار لأني أخاف أعطيك رأي وأنا ما أعرف طريقة تفكيرها فيخرب العذر وتزعل أختك وتجي براسي وبعدين أهم شيء لا تكذبين بس إذا مضطرة فعليك بالتورية :)
وبعدين حنا مانبي نزعل أحد والكل عندنا عزيز وغالي بيض الله وجهك وطول شعرك وحماه من العين خخخخخخخخخخخخخخخخخخخخخ :) |
من قال اني ابي أكذب
أنا ابي اوصل لها فكره مو عارفه وشلون اقولها يعني نفس الخبر إذا انقال باسلوب معين يكون قريب للأقناع يعني بإختلاف طريقة العذر لنفس الخبر تختلف كيفية قبوله |
الله أكبر على الفلسفه ياعهوده :)
أسمعي يابنت الأجواد أنتي طخي بالصحيح وماعليك أنا كذا في حياتي أقول الصدق والعذر على وجهه وأن شاء الله إذا عرف ربي منك صدق النوايا والكلام الصدقي راح يحطه بعيونها أكبر عذر مقنع في الدنيا وماجاك عندي روحي بس وأخبطي العذر أرفعي السماعه عليها الحين ودقي :) |
الساعة الآن 03:49 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة