عبدالله السلوم
 

الشاعر عبد الله بن عبد الرحمن السلوم العنقري التميمي ـ رحمه الله ـ ولد سنة 1370هـ في القرائن بالوشم
والده شاعر مفوّه له قصائد اشتهر بها لا تقل جمالا وبهاء عن شعر كبار معاصريه وسابقيهم
لذلك كبر وهو يستمع الشعر ,, ويتغنى به رجال قريته اهازيجا و الحانا يسامرون به ليلهم الجميل
حصل على شهادة الليسانس في التاريخ عام 1396 هجرية وذلك من جامعة الملك سعود ( الرياض) آن ذاك ,,,, تدرج في سلم الوظيفة الحكومية من خلال عمله في إمارة منطقة الرياض ، صدر له من الدواوين الخطوة الحائرة وقد قدم له الأديب الكبير عبد الله بن خميس ، كما صدر له (( ديوان الشاعر عبد الله بن عبد الرحمن السلوم )) عام 1416هـ ، عاصر في شبابه كهولة الأمير الشاعر محمد الأحمد السديري وكان بينهما مساجلات كثيرة جدا ابتدأها في كثير من الأحيان الأمير محمد السديري يرحمه الله وذلك اعجابا بشاعريته حتى انه أسماه بحتري الشعر الشعبي ,, شهد له الأمير الشاعر الكبير عبد الله الفيصل في لقاء مع الصحفي خضير البراق بقوله ((عبد الله السلوم قمة من قمم الشعر)) ,,, ساجله الشاعر الكبير محمد السياري رحمه الله كذلك راسله الشاعر الكبير عبد الله بن عون الرويس ,, والشاعر الكبير عبد الرحمن العطاوي ,, وعمير بن زبن بن عمير البراق ،، وكذلك الشاعر عبد الله السياري وفهد السياري والحميدي الحربي وغيرهم

رد: عبدالله السلوم
 

قال هذه القصيدة ( الخطوة الحائرة ) وسمى بها ديوانه الأول

[poem=font="Simplified Arabic,6,black,normal,normal" bkcolor="transparent" bkimage="http://www.fatahilah.com/images/toolbox/backgrounds/12.gif" border="double,6,black" type=2 line=0 align=center use=ex num="0,black"]
حمام ياللي تزعج الصـوت بلحـون= نوحك طـرب منتـاب مثلـي معنـا
يالورق نوحك زادني هـم وشجـون=ارجيـك خفـف لوعتـي لاتغـنـا
انته مريح وبين غـدران وغصـون=وانـا عليـل وخاطـري مـا تهنـا
ما يجتمع يالورق سالـي ومشطـون=كف النيـاح جزيـت بالخيـر عنـا
يالورق انـا والله فلانيـب مجنـون=يوم اشتكـي لـك لوعتـي واتمنـا
يالورق انا اشكي واكثر الناس يشكون=ومن صوبه سهم مـن الحـب ونـا
انـا عليـل الحـال ياللـي تعذلـون=ما ارتحت ساعة من سنيـن مضنـا
ابكي على ناس من الحـزن يبكـون=حـدر ضعنهـم يـوم سنـد ضعنـا
وقفت اراعيهم وهـم لـي يراعـون=ودمـوع عينـي حـدرن واسبلـنـا
اقفوا وهم في كـل خطـوة يلـدون=حسبـي علـى منهـو علينـا تجنـا
ورجعت كني بين الاضلاع مطعـون=مثل الـذي صـوب بـراس المحنـا
وبقت لي الذكرى عساهـم يعـودون=وصورة خيالـة فـي خيالـي تبنـا
حسبي على دار جفت صافي اللـون=أمست قفـر مـا كنهـا مـن وطنـا
ما عاد فيها غيـر كثبـان وحـزون=وما حولهـا الا الريـح هـدم وبنـا
صارت كما الاطلال للـي يمـرون=ارض خـلا مـن مرهـا مـا تونـا
هي عادة الدنيا علـى كـل مفتـون=غاراتهـا بالنـاس يـامـا صطـنـا
وما دام هذي سنة الرب في الكـون=يلزمني ارضـى قسمـة مـا تعنـا
تمضي ليال العمـر والسـد مكنـون=اجحد صوابـي والسنيـن ارمسنـا
اخفيه ما ودي بـه النـاس يـدرون=وراعي الهوى المجروح ما يرجهنـا
واسهـر بليلـي والخلايـق ينامـون=واكتب بدمعـي والشعـر كـل فنـا
والصبح حالي فيه من دون فـي دون=ينحانـي الهاجـوس مـنـا ومـنـا
لولا الرجـا بالله قـوي ومضمـون=لمـوت مـن هـم حملتـه مثـنـى
ميتة قهر..والا ترى الموت مسنـون=علم ثبت.. مـا فيـه شـكٍ وظنـا[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عفا الله عن عينٍ قليلٍ منامها = تهل العباير مثل هامل غمامها
عفا الله عنها والله اني ما الومها = ولو كان من لا يبخص الحال لامها
بدت تنكر الراحة وتشكي من العنا = عنا الحب بهذلها وسبب هيامها
مضت لي ليالي ما تهنيت بالكرا = ولا استطعمت نفسي حلاوة طعامها
نديمي طوال الليل الاوراق والقلم = أبدد بها بالليل حندس ظلامها
والى بان نور الصبح كفكفت عبرتي = وتجلدت عن قولت : عيونك علامها ؟
مخافة عذول الناس يشمت بحالتي = وهي عادة العذال يفضح كلامها
أجامل مع العالم وأناأجهل كلامهم = وأمل السوالف قبل تاصل تمامها
ومتى ما نشدني عاذلٍ عن مصيبتي = تعللت باسبابٍ صعيبٍ مرامها
تعلقت باللي كل ما هبت اهوى = تجيتي بطاريها وتنقل سلامها
حياتي ولا أرضى عيشة العمر دونها = إلى شفتها دنياي زاد ابتسامها
تخيرتها من بين من داج بالوطا = وهي مالكة نفسي بيدها زمامها
وهي مثل حالي زاد حبي بقلبها = وعطتني دليلٍ عن صدوق اهتمامها
أنا حالفٍ ما اخلف عهودٍ قطعتها = ولا أنسى لها تقديرها واحترامها
على الله متى ترجع لقلبي سعادته = تذوق الكرى عينٍ قليلٍ منامها[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قال الوادع وقلت هذا مكاني=والله لو طال الزمن ماتعداه

أما الى منه رجع له لقاني=والا يكفيني مكانه وذكراه

انا الجريح اللي جرحني زماني=جرح علاج الطب ماطاع يرفاه

ياليت حظي يمهم مارماني=وأصبحت مثل اللي نقل داه برداه

ليته بعيد الدار ماهوب دني=ويومه دنا ليت الغلا بالمساواة

الى سمعت لهرج صافي الثماني=قلبي خفق حتى يضيق بحناياه

والى لمحته في عيوني ثواني=أبعدت ياسي عن مقاديم رجواه

عيا يقربني وهو ما جفاني=مدري حيا ولا البخل من مزاياه[/poem]

رد: عبدالله السلوم
 

في رد له على صديقه عبدالله محمد السياري
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذعذع وأنا بالجزاير من هبوب الوجد نسناس=وسما بي الشعر وأطلق همته عقب احتباسي
ما بين هاك السهول الطيبة وجبال الاوراس=قريت خط الرفيق اللي تزايد به حماسي
من شاعر له بقلبي منزل سوس على ساس=يا ما شكالي هموم يطردن عنه النعاسي
وإلى بغى يدمج الدعوى ويبعد عنه الأرماس=سوى قضية يبي جوي يجي فيه التماسي
حاشاك منتب يبو خالد على الغرات بلاس=انت الصفي الوفي ولا تجي درب التباسي
لاشك من سمع هرجك لبس درع والطاس=وفصل ثياب من البهتان لو ما هي مقاسي
ما ثور الحرب بين كليب و المقرود جساس=إلا كلام بسيط وصار له راس وساسي
لا تنصح الناس درب العشق ما به غير الإفلاس=من جنبه صار سالم والمولع به يداسي
رست سفينة غرامك في مكان ما به او ناس=وإلا الحميدي مسافر ما بعد دور مراسي
وانا تخيرت عن باب الطمع باب من الياس=ومشيت في الدرب الابلج ما تعرضت الهراسي
من عاش ما حط بالدنيا دليل وحط نبراس=ما ادرك مرامه وشرب من النكد عشرين كاسي [/poem]

رد: عبدالله السلوم
 

المظاهر الخادعه
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المظهر اللي ينخدع به كثيرين=انا يساوي في حياتي ولاشي
ماينخدع قلبي بما يعجب العين=هذي حقيقه مذهبي دام انا حي
والناس كلن له بفكري موازين=اميز الصايب واميز هل الغي
كم واحد نفسه دنيه ومسكين=وهو يغرك باحسن اللبس والزي
يحسب سواليف الرجال سباحين=يرجي ثمر زرع قطع دونه الري
اوصيك ياسامع كلام الموصين=لا استعصت العله ترى طبها الكي
وان صادفك في وقتك الموقف الشين=فاصبر ترى درب الصبر يورد المي
والحق مايفرض بوضع القوانين=الا بدين يفرق الحسن والسي
ولايروي الضامي كلام متمنين=ولاصار ماشرع بكفه على الطي
وان بار بك صاحب وهو يقدر الزين=فاطو الرجا واختر لشمسه على الفي
تبقى عزيز النفس لو عشت بالطين=ولامنةٍ توصل قراره جبل طي[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أثبت لي أنك مغرم فيّ هايم=واثبت لك أني هايم فيك مجنون
ياواحدٍ ذكرك وطاريك دايم=لك منزلٍ في داخل القلب مصيون
ما غيروه أهل الحكي والنمايم=اللي على تفريق الاحباب يسعون
ان شفتك اصبح طير الافراح حايم=وان غبت صار الحال من دون في دون
ياكيف ترضالي بهجر وظلايم=وانا الذي برضاك ما شي وممنون
الماضي اللي له بقلبي علايم=الى طرالي صابني هم وشجون
لو عشت في باقي حياتي مسايم=والله لابقى في محبتك مرهون
واخلص لحبك لو عذل كل لايم=واحفظ لسرٍ بين الاضلاع مدفون
أحمّل أشواقي هبوب النسايم=حيث النسيم بنقل الاخبار مامون
والله مالي غير حبك غنايم=وان ماحصل شوفك ترى الموت مسنون[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نجد الغريب بها يسمونه الضيف = يومه يهمّل في كثير البلادي
وان شاف بعض الناس من وقته الحيف = يلجي بها من خاف ظلم المعادي
دار حكمها الدين والعدل والسيف = يرجع بها التايه لدرب الرشادي
ان غبت عنها شدني عابر الطيف = وذكرت فيها كل روضه ووداي
حبي لها مافيه شك ولازيف = حب تغلغل في جوانح فوادي
عندي شتاها لويجور الدهر صيف = وسمومها لوجار عندي برادي
ما مثلها في الشرق والغرب والهيف = فيها الحنان بقلبها والايادي
هي ديرة الدنيا وهي غاية الكيف = تاريخها ابيض ماغشاها سوادي[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اذكر من الماضي نوادر علومه = واشوف بالحاضر تغير سجاياه
الوقت نفس الوقت ليله ويومه = هو ماتغير في صروفه ومسعاه
اللي تغير فيه واخلف سلومه = ناس تعايش فيه حلوه وبلواه
واكثرهم اللي مايميز يمومه = تاه الدليل وضاع مع ضيعة ارياه
والناس تسعى والنفوس محكومه = وللعقل سلطان على الشخص يقداه
يامن نشدني عن جواب يرومه = خفف على قلبك هموم تحداه
ساير زمانك لاتساير خصومه = ماحيلة العاجر سوى لوم دنياه[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياما كتمت ارار حبك عن الناس=شيٍ يحتمه الوفا والطبيعة
ول اعلم ان السر تبديه الانفاس=كتمتها والعمر لاجلك نبيعه
حبٍ بناه الوقت الاول على ساس=لازم تصير اركان سوره منيعة
يامن يشاركني بنومي والاحساس=يمرني له ذكرياتٍ سريعة
أن شفتكم فارقني الهم والباس=وان غبت تقتلني بليّا شريعة
مالي بديل عنك لو طاول الياس=رجواك للقلب المشقى شفيعة[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماحلا المجلاس في وسط الزهر=والطيور اسراب حولك ساجعات
في رياض ربعت عقب المطر=مابها غير الوضيحي والمهاة
الجداول فيه تمشي كالنهر=والغصون الخضر فيها سابحات
ريحة القيصوم والشيح الخضر=والخزامى والنفل زادت حلاة
كل مافتح من الورد وظهر=شفت منه الوان حولك زاهيات
والسهر محلاه في ضي القمر=والنسايم بالشذى مسترسلات
واهني من عاش فيها لو شهر=ذاق بين زهورها طعم الحياة[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يالمعبود ياقايد الرجا=ترحم عليل يسهر الليل لادجا
ماذاق حلو النوم من مدة مضت=يعيش في همٍ ولامنه مخرجا
كن الهموم موكلات بلوعته=حاول يجنبها بصبره ولا نجا
عرضت حالي للاطباء وطبهم=وشاورت في مابي هل الراي والحجا
قالو بلاك الحب ياكود لوعته=وشلون ترضا به طريق ومنهجا
قلت ايه لو هي في يدي ما رضيت به=وسلكت غيره مسلك لو تعرجا
لا شك هذي دبرة الله وقسمته=يلزمني ارضاها عسى الامر يفرجا
ياعاذلين القلب كفّوا ملامتي=مامنكم اللي جاب لي علم يبهجا
وانتم تشوفون الجروح متمكنه=بين الضلوع وساهج الهم يسهجا
والفارس اللي صابني ما اكتفى بها=وقف جواد الغزو جاهز ومسرجا
لا نجدة جتني تفرج مصيبتي=ولا موت انهاني عن الياس والرجا
كني بها الدنيا ليا شفت حالتي=نموذج في جدول الموت مدرجا
ياصاح لوعات الليالي تلوعني=وانت السبب وشلون ما صرت محرجا
تدله وانا صرت الضحية لطيبتي=وتضحك وتسلى والزمن لك تبهرجا
وانا العليل اللي همومي تداركت=ولا عاد أميز مسلك البعد والنجا
أقضي نهاري فالتوجد وفالمنى=ويدلج علي الهم وان ليلي ادلجا
الحب سلطانه قوي ليا حكم=قد رد محسن ما اعتمر من ورى سجى
وعبد الرحيم اللي سمعنا بقصته=مطوع وشيقر شاهده طعس ابلجا
ومن الدجيما مات ما ذاق نفعته=وجلاّل عقب العز الاول تدرجا
وبصري وهو شايب ترك حبة الحجر=وطمّن على خد حسين مضرجا
وشواهده واجد ولالي بعدها=ماعنه لا مخرج ولامنه ملتجا
وانا تحملته وابسلك مجاهله=عليّ حمل مانقص عن جبل اجا
الله يبلغني سعادة نهايته=آمين يالمعبود ياقايد الرجا[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نجديةٍ صادفتها بين الافواج=عرفتها مابين ساير بشرها
في ملتقى مفروض ماعنه منهاج=مكتوب يلحقني بلندن خطرها
طلبت لحظتها لو الدرب ينعاج=اخاف من عين حديد نظرها
أوليتنا في مركب بين الأمواج=نعيش غمرات الفرح في بحرها
نبعد عن أسباب المشاكل والازعاج=ونسعد نفوس حبها قد غمرها
في عينها من زايد السحر وهاج=ويضفي على الامتان خمري شعرها
لولي على درب مشت فيه معراج=سجيت لو بالحلم رجلي بثرها[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ضحى البين كل شال واقفت رحايله=وانا كل مظهور عيوني تخايله
مع البيد يوم اقفوا وقفت ضعونهم=بدى الجفن دمع الحزن ينثر بلايله
وزمى دونهم من مهمه الجرد ما زمى=سرابه بنى ياسي وحامي قوايله
لحا الله نهار البين ماشين لوعته=فجعني بفرقا اللي صعيب عزاي له
وجلست افرك الكفين من زود حسرتي=وتحملت حمل منه واصبحت شايله
الا يانديمي يارفيقي وفزعتي=على جور وقت عدله اغداه مايله
لك الله لو الدنيا صفت لي وطاوعت=فلا والله اجحد من زماني جمايله
ولكن زماني بان جوره وضدني=سطت بي صغاره وادركتني جلايله
وانا الله ليا حل الدجا هجعة الملا=جلست اذكر الماضي وافتش رسايله
واراقب نجوم الليل من زايد الولع=واجاهد خفوق موجعتني دخايله
واسطر من اشعاري على صافي الورق=ابيها تخفف عن فوادي حمايله
رعى الله ليالي ذقت فيها نعيمها=تولت مثل نو تقافت مخايله
ولا عاد باقي غير ياسي وذكرها=أروم العزا واليوم ابقطع رجاي له
بقى لي من اسباب العنا ذكر ما مضى=واشوف الصبر ماهوب عني بزايله
متى الوقت يسعدني برجعة ضعونهم=وهك الجو عقب الجدب تخضر مسايله
وهك المغرم المياد يسرح مع الظبا=وانا اسرح بمسراحه واقيل بمقايله
فلا حاسد نخشاه يفسد غرامنا=ولا عاذل نصغي لما كان قايله
رجيته وابرجي لو سلامه يزورني=يجيني به الغربي بنسمة علايله
أنا اللي قنعت بما ذكر صاحب المثل=حقيقة ، فلا يعطي لك العفو سايله[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياحمام الورق وصل لي سلام=وصله بالله مني للحبيب
بلغ الغالي سلام واحترام=واخبره بالحال والجرح العطيب
من عقب فرقاه عيني ما تنام=صايرن النوم لعيوني حريب
ما بغت نفسي شراب ولا طعام=صابها شيٍ عقب بعدك عجيب
ياعذاب النفس يابدر التمام=ياعديم الجنس يالغصن الرطيب
ياحسين القد ياعذب الكلام=يامليح القد يالشكل الغريب
يامليك الروح يانور الظلام=وجهك المملوح خلاني صويب
ما يلحّق واحد مثلي ملام=لو يقول ان البعيد اخو القريب
أو يقول ان الخوال هم العمام=او يقول المخطي اخون للمصيب
كان صدك ياهوى المشتاق دام=ما نفعني لا علاج ولا طبيب[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هيض الاشجان طيف مرني=في منامي عشت به لحظة سرور
طيفه اللي يوم جاني سرني=ليت راعي الطيف مع طيفه يزور
عشت ياوقت ابعرفه سرني=صاحب ما فيه زود ولا غرور
ان تفارقنا فراقه ضرني=وان تلاقينا غدا وقتي حبور
لو على شوك الكداده جرني=عندي ألين من براعيم الزهور[/poem]

رد: عبدالله السلوم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقطع ربيع لو عيونك تراعيه=ما ذقت منه الا العنا والمضره
غلطان يوم انك تجي في حراويه=قد قالها العقال .. عشرين مره
اترك سبيل يوصله وش تبي فيه=مالك من المصلوح مثقال ذره
لا صار ما تطمع بنيله وترجيه=فالبعد عن طاريه عز ومسره[/poem]

رد: عبدالله السلوم
 

تسلمون جميع وصح الله السنتكم

رد: عبدالله السلوم
 

صح لسانه
يعطيك العافيه على النقل

رد: عبدالله السلوم
 

[font=georgia][size=5][color=black][u]صح لسانه
يعطيك العافيه على النقل[/u][/color][/size][/font]
[font=georgia][size=5][color=black][u]الجميل لمثل هذي القصائد القديمه[/u][/color][/size][/font]

رد: عبدالله السلوم
 

[center]منقول رائع من ذوق اروع
الف شكر [/center]

رد: عبدالله السلوم
 

[quote=الطائر المهاجر;309073][poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قال الوادع وقلت هذا مكاني=والله لو طال الزمن ماتعداه

أما الى منه رجع له لقاني=والا يكفيني مكانه وذكراه

انا الجريح اللي جرحني زماني=جرح علاج الطب ماطاع يرفاه

ياليت حظي يمهم مارماني=وأصبحت مثل اللي نقل داه برداه

ليته بعيد الدار ماهوب دني=ويومه دنا ليت الغلا بالمساواة

الى سمعت لهرج صافي الثماني=قلبي خفق حتى يضيق بحناياه

والى لمحته في عيوني ثواني=أبعدت ياسي عن مقاديم رجواه

عيا يقربني وهو ما جفاني=مدري حيا ولا البخل من مزاياه[/poem][/quote]

شكرا مشرفنا

لاهنت صح لسان الشاعر

سلمت ودام طرحك

رد: عبدالله السلوم
 

[font=arial black][size=5][color=slategray]يعطيكم العافيه..[/color][/size][/font]
[font=arial black][size=5][color=slategray][/color][/size][/font]
[font=arial black][size=5][color=slategray]وماقصرتوا..مجهود رائع.[/color][/size][/font]

رد: عبدالله السلوم
 

[size="5"][font="comic sans ms"]انتقاء ولا أروع تسلم يمينك ويعطيك العافية[/font][/size]

احسنت
وفقك الباري
تحياتي

رد: عبدالله السلوم
 

سلمت ولاهنت يا يو عيدالله
و يعطيك العافية

*************

رد: عبدالله السلوم
 

سلمت دكتور
وقصيدة مميزة وطيبه

رد: عبدالله السلوم
 

[font="courier new"][size="5"]شاعر معروف و قصائده جزله

ولاهنت

يعطيك العافيه
تحياتي[/size][/font]