|
عزيزي الرجل هيا إلى المطبخ
سؤالي : للرجال والنساء
ماشعور المرأة حينما ترى زوجها أو أخوها مشمراً عن سواعده ويدخل المطبخ ويطبخ ويساعد؟؟؟ هل تقبل المرأة بهذا؟؟ عزيزي الرجل هل ستتقبل قول زوجتك أو أختك أدخل المطبخ ساعدني؟؟؟؟ عزيزي الرجل هل تذكر في يوم دخلت المطبخ وطبخت لزوجتك أو لبناتك أو لأبنائك؟؟ ماهو شعورك ؟؟ ماهو شعور زوجتك ؟؟؟ ماهو شعور أبنائك؟؟؟ ماهو شعور أخواتك؟؟؟ نريد نتكلم في هذا الموضوع لأن النساء يقلن أن الرجل الخليجي وخصوصاً السعودي مايهمه ألا نفسه ولا يدخل المطبخ ويساعد ؟؟؟ :) |
قبل ما اجيب على السؤال ، اجب على السؤال:
كم نسبة النساء السعوديات اللاتي لايعتمدن على الخادمات في المطبخ؟؟ |
لاوانت الصادق على المطاعم والبوفيات
|
والله بالنسبة لي أمي عندها عشرة عيال أنا أكبر الأولاد أبشرك نشيطة ومن الحريم الأولات ماعندنا خادمه أبد
وثيابنا وأكلنا وكل شيء في البيت بس معها أخواتي يعينونها في البيت إلى أصغر وحدة في أولى أبتدائي وماحطينا خادمة إلا من شهرين يوم الوالدة أحتاجت لمساعدة في شغل البيت ولا من أول رافضة شغالة لا والشغالة بعد ماتسوي شيء ألا تنظيف الملابس والأرضيات والطبخ تبطي عظم تقرب منه بالنسبة لي والي أشوفه في عائلتي والي حولي نسبة الخادمات مايتعدى 10% مدري عن نسبة الشعب كله لكن أتكلم عن الوضع الي أعيشه وأشوفه والي مدري عنه مدري عنه ولا تتهربون جاوبوا لأني مثلكم بجاوب وبصراحة بعد لكن في الأخير بجاوب |
ماشعور المرأة حينما ترى زوجها أو أخوها مشمراً عن سواعده ويدخل المطبخ ويطبخ ويساعد؟؟؟
اشعر بكل فخرواعتزاز بذاك الرجل مهما كان اخوي او زوجي.............. هل تقبل المرأة بهذا؟؟ نعم عن نفسي اقبل ولكن في حدود المعقول يعني يساعدني مثلا في اي شئ ولكن ماتكل عليه كامل مثلا هو داخل يقدم مساعده من نفسه من الصعب جدا اخليه يغسل الصحون او اوقوله سو الشي الفلاني واطلع هاذي اعتبرها مهزله عزيزي الرجل هل ستتقبل قول زوجتك أو أختك أدخل المطبخ ساعدني؟؟؟؟ عزيزي الرجل هل تذكر في يوم دخلت المطبخ وطبخت لزوجتك أو لبناتك أو لأبنائك؟؟ ماهو شعورك ؟؟ ماهو شعور زوجتك ؟؟؟ ماهو شعور أبنائك؟؟؟ ماهو شعور أخواتك؟؟؟ اتمنى الاجابه من الاخوان مع اني اشك انهم دخلوا يساعدون نريد نتكلم في هذا الموضوع لأن النساء يقلن أن الرجل الخليجي وخصوصاً السعودي مايهمه ألا نفسه ولا يدخل المطبخ ويساعد ؟؟؟ هاذي حقيقه وحتى لو ساعد اخر شي يفكر فيه المطبخ |
قبل أن يدخل الرجل السعودي المطبخ ، عليه بالوفاء بالتزاماته المعنوية قبل المادية تجاه اسرته ،
ما نبيه يدخله ، نبيه ينتبه لعياله وبناته ، ويترك السهر والشلات ، وكثرة الأسفار . أما توزيع العمل فكل مخلوق لما يسر له ، فالمرأة هي من يجيد هذه الشغلات ، ولايمكن أن اطالبها بالقيام بعمل الرجل ولا يمكن ان اطالب الرجل بالقيام بأعمالها. |
دلع ماله سنع
خخخخخخخ :) والله أنك مصرقعة بس ممتاز أنك ترين مساعدته لك مهزلة :) الي بياخذك بيريح خخخخخخخ :) أما حتى لوساعد آخر شيء يفكر فيه الطبخ هذي تحتاج لشيء من الواقعية أعرف رجال طباخ من الدرجة الأولى وبعض الأحيان يمل من طبخ مرته يطلعه برا ويسكر باب المطبخ علشان ماتسرق وصفاته ويقعد يطبخ بس المشكلة زوجته صارت تموت في طبخه اللذيذ فنشبت له صارت كل يوم تترجاه يطبخ لها فصار يضرب كفاً على كف ويندب حظوظه ويقال ياليتك يابوزيد ماغزيت خخخخخخخخ :) مشكورة على الرد والتعليق |
بس ممتاز أنك ترين مساعدته لك مهزلة الي بياخذك بيريح خخخخخخخ
لاتفهمني غلط يساعندي حلو المهزله اني اعتمد عليه يعني تخيلني انفخ واقوله رح غسل المواعين يقالك ميانه خخخخخخخخخخخخ وانا اطلع اتفرج عالتلفزيون هنا المهزله اتمنى تكون فهمتني صح |
فاهم فاهم
موب المهم أنا أفهم المهم هو يفهم خخخخ :) لأنه إذا مافهم فيه ناس بينطردون لبيت أهلهم الله لا يقوله خخخخ :) بس أنا من وجهة نظري أن الدنيا تغيرت يعني صرنا نشوف فيه رجال يدخلون المطبخ بس يساعد حرمته بس هذا غالباً يكون في أوقات تكون فيه الحرمة تعبانه من العيال ولا فيها عارض صحي متعبها وهذا يعتبر من حسن العشرة شكراً لردك |
غالباً يكون في أوقات تكون فيه الحرمة تعبانه من العيال ولا فيها عارض صحي متعبها
اوكي في سبب لومافي سبب وهي نايمه وهوينظف المطبخ ماله شخصيه لاعاد ترد علي بحوم كبدك |
والله بصراحه
مافيه رجال يغسل الصحون ومرته نايمه ولا يصح ألا الصحيح ألا عاد واحد ماودي أقول وشو ؟؟ :) بس يعني يساعدها من باب التلطف مثلاً من باب مراعاة مشاعرها مرة في الأسبوع ولا في الشهر يخش عليها من دون مقدمات ويغسل معها صحن واحد من باب جبرخاطرها أني معتس صح يجي يوم يدخل المطبخ يضبط أبو الزلة للقهوة وجايب معها حلا من برا يعني هيك شيء أما أنه يعكس الدور ويصير مثل الي مانيب قايل ينركب لا والله [quote]لاعاد ترد علي بحوم كبدك[/quote] ماحطينا الموضوع ألا نبي ردود وتفاعل ولا صدقت على الله القى أحد يرادني خخخخ :) |
اجل الله يعينك علي بس خلني احفظ اسمك ويامالك من حومة الكبد لين تطردني من المنتدىومواضيعك بالذات
|
خخخخخخخخخخخ :)
خذي راحتك ,, ماراح نطردك من المنتدى حنا ندور الي ردوده ومشاركاته واجد يله شدي حيلك ولي بغيتي تسولفين سولفي في قسم السوالف وخلي المواضيع مانبي نطلع بها برا الموضوع وأنا بنتظر ردود الباقين ودي أعرف منهم وش رايهم في الموضوع هل هم من هذولا ولا من ذولاك ؟؟ |
موضوع حلو :)
اشكرك اخوي ذيب على طرح هالموضوع مع ان الكثييييييييير من الناس ينظرون للرجل الي يساعد زوجته ان ما عنده كرامه او انها اهانه او ينظرون له نظرة رحمــــــه ... ليش ما ينظرون له على انه متعاون أو رحوم وطيب لما يشوف زوجته دائما تشتغل في البيت وهو فاضي ما فيه مشكله لو ساعدها .. لكن مجتمعنا للأسف لا يقبل بهذا الوضع ابدا والمجتمعات الثانيه عادي جدا ان الزوج يساعد زوجته في البيت وما فيها اي مشكله انا من وجهه نظري انه عادي ويعجبني جدا جدا الزوج المتعاون ... لكن هم نادرين .. وحتى لو فيه زوج متعاون المجتمع ينظرون له نظره اهانه وسيئه ويغيرونه بنظرتهم السيئه له... تحياتي لك |
يا أم فيصل
كلامك صحيح بعضهم ينظر له أنه خاتم في يد مرته وأنه يخاف منها والبعض يرى أنه لا والله حبيب مسيكين ولكني أقول أن الأجودي الطيب الي يعاشر بالإحسان يكون لين بعض الشيء لأن المرأة هذي أم عياله مثلاً أو أمه أو أخته تقدر هذا الشيء ويرفع معنوياتها ويحسسها بأنه معها وأن يقدر مجهوداتها ولنا في رسول الله صلى الله عليه وسلم قدوة حسنة فكان يعين زوجاته ولكن هناك أناس ينظر لهذا الأمر لا والله المرأة هذا شغلها و لا يصلح أقوم معها بشيء والحقيقة أن نحن ندري أنه هذا من واجباتها أن كان من واجباتها لكن برضه ما أجمل أن يقوم الرجل ولو مرة واحدة بشيء جميل من أجل أم عياله أو أمه أو زوجته لأن هذا في النهايه سيرتد عليه وعلى راحته داخل البيت بالتقدير وبالحب وأشكرك على تفاعلك ومرورك الكريم |
وش فيكم ترى الدعوه فري ، يعني غسل الصحون نظف البيت سوى اللي يبه ما أعتقد فيها شي
بس اللي بقوله أن الزوجه لا تستغل هالنقطه لصالحها وتقعد تناظر المسلسلات و(الرجال) في المطبخ يعني خلاص لقت من يشيل هم الغسيل ونظافة البيت ، يمكن تنسى أن هالشي من مهامها .. إيه الله يعين كملو خن نشوف وش عندكم ‘ إلين أخلص لي صحنين فيذاك ذابحني الدهون فيها هههههههههههههههههه ألا وش أفضل مزيل للدهون هههههههههههههههههه بغينا نوسع صدوركم |
انتم خلوا الرجال يقعد عندها في البيت وبعدين فكروا
في اذا بيساعدها والا لا اما انا من ناحيتي لا انا ولا هي نغسل الصحون لانا ناكل معلبات دايم وفي صحون ورق والا سندوتشات جبن ما يذبحنا الا الاباريق والبيالات راعين شاهي |
خخخخخخخخخ :)
يعني مافيه مراصيع أو مايسمى مصابيب ولا مرقوق ومطازيز مدري من وين جت ذا الأسامي :) على كلن صدقتوا خلوا الرجال يجلس بعدين طالبوه بشيء خخخخخخ :) أنا بعلمكم بشيء بس ماهوب الحين خلني أشوف أراء أكبر عدد وأعلمكم |
أما من نا حيتي ياذييب السنافي فاشكرك على اثارة هذا الموضوع لكل يدلي بدلوه فدلوي أنا هالمره هو :
هاليومين ماعندنا شغالة والعيال والله انهم كاسرين خاطري وودي اساعدهم بس مشكلتي أرفل بهالامور ومره من المرات قلت ابسوي نفسي ذرب وقلت اليوم أنا أبسوي لكم العشاء ولاتتدخلون في شغلي أبد وأنا لك أحوس المطبخ كله وأوسخ كل الملاعق والصحون وأكبكب البهارات واقطع الدجاج وقطعت اصبعي وبغيت أموت يوم عصرت الليمون وجاء على الجرح ويوم قضيت قلت يالله نبي ننكب ولمو السفره ويوم جو يبون ياخذون السفره لقوني حوسه بكل ماتعنيه الكلمه وقالو ياليتنا من حجنا سالمين المهم قلطنا العشاء وسمينا باسم الله ومن أول ماذاقوه اللي قام وقال أنا ماني مشتهي وأغلبهم قال أنا مفطر لاحظو ( مفطر ) وحنا الان وقت العشا يعني تصريفه وام العيال ماعندها شغاله وأنا حايسن كل شئ كانت منظفته المسيكينه وقالتي خلك بعيد عن المطبخ أرجوك ولا تحاول تطبخ مرة ثانيه قلت ليش ماهوب زين قالت لا يهبل بس لاتعودها قلت سمي انشاءالله وعاد أنا حاولت اتعشى يعني انه زين ولافيه شي بس ماقدرت لانه كان مالح والظاهر اني بدل ماحط بهارات عاديه حطيت بهارات سمك ومن عقبها ماقربت المطبخ الا لاجبت المقاضي فقط فاقولك يعني كل واحد وله مهامه واذا كنت بعض المرات تحاول تجتهد في شيء ماتعرفله خله لاهله أحسن شكرا أخوي ذيب وتقبل تحياتي |
صحيح اخوي ذيب ..
احنا متفقين انه يساعدها لو احتاجت ... هذي ما فيها شي لكن طبعا ما تجلس وهو اللي يشتغل ......... هذي مو مقبوله ابدااااااااااا وشكرا لك :) |
أخوي سناعيس والله أنك بعد ماتدري إذا بغيت تسرق أضبط أم السرقه لا أحد يشوفك
لوأني منك صرفتهم يمين يسار وطلبت من المطعم وحطيته في السفرة وضبطت أم الوضع وناديتهم وقلت تمو على عشاكم بس حلوة محاولة حلوة وخيرها بغيرها وبعدين لين جيت تطبخ أختر شيء بسيط شكشوكة بيض عيون مسلوق يعني إذا تطورت كرتون همبرجر من حدى ذا المحلات وسو له عملية قلي وسندوتشات وقلهم صلحت العشاء منها تحسب لك نقطة في ملفك عند معزبتك ومنها ماتعبت ولا أضطريت تحوس المطبخ بس الرجال رجال إذا دخل المطبخ يحسب أنه في ميدان معركة مايطلع ألا كل شيء منثور وأنا أول واحد خخخ :) مشكور على مرورك |
أم فيصل
صحيح كلامك والله أثر في حريمنا حريم مقتنعات أن هذا موب شغل الرجال والله زين أشوى أننا موب في ديرة ثانيه كان ندخل المطبخ غصب ولا نعتبر ممن يهدر حقوق المرأة الله يستر :) شاكر لك مرورك يا أم فيصل |
ماشعور المرأة حينما ترى زوجها أو أخوها مشمراً عن سواعده ويدخل المطبخ ويطبخ ويساعد؟؟؟
هل تقبل المرأة بهذا؟؟ والله شعوري هو شعور اي وحده سعيده بان ربي رزقها بزوج حبوب وطيوب وحنون وما هان عليه بوقت فراغه انه يشوف زوجته تشتغل الحالها بالمطبخ ...يعني يساعدها باشياء بسيطه طبعاً ..بس طبعا انا ماراح ارضا انه يطبخ ويسوي كل شي وانا جالسه وحاطه رجل على رجل لانه هذا اساسا شغلي طبعا وواجبي ناحيته وناحية البيت طبعاُ.. ماهو شعورك ؟؟ ماهو شعور زوجتك ؟؟؟ ماهو شعور أبنائك؟؟؟ ماهو شعور أخواتك؟؟؟ شعوري احس انه بيكون مره وناسه وفرحه مو طبيعيه :d |
انا من ناحيتي ابي رجل شرقي بحت
مايقرب المطبخ ولا يساعد ولاشي بس يامر وينهى لاني مابيه يتعب حرام هذا اذا كان زوجي اما اذا كان اخوي ماعلي منه اهم شي انه مايامرني اسوي له شي ويسوي شغله بنفسه وخلاص يعني مايهم يساعد مايساعد |
[QUOTE=المشرف العام]قبل أن يدخل الرجل السعودي المطبخ ، عليه بالوفاء بالتزاماته المعنوية قبل المادية تجاه اسرته ،
ما نبيه يدخله ، نبيه ينتبه لعياله وبناته ، ويترك السهر والشلات ، وكثرة الأسفار . أما توزيع العمل فكل مخلوق لما يسر له ، فالمرأة هي من يجيد هذه الشغلات ، ولايمكن أن اطالبها بالقيام بعمل الرجل ولا يمكن ان اطالب الرجل بالقيام بأعمالها.[/QUOTE] [COLOR="Navy"]كلام عين العقل أنا عن نفسي بسلامته لا يطب المطبخ بس يفكني من شره المرأة تبي من الرجل ان يقوم بعمله وبس كثر خيره [/COLOR] |
[QUOTE=الريم]ماشعور المرأة حينما ترى زوجها أو أخوها مشمراً عن سواعده ويدخل المطبخ ويطبخ ويساعد؟؟؟
هل تقبل المرأة بهذا؟؟ والله شعوري هو شعور اي وحده سعيده بان ربي رزقها بزوج حبوب وطيوب وحنون وما هان عليه بوقت فراغه انه يشوف زوجته تشتغل الحالها بالمطبخ ...يعني يساعدها باشياء بسيطه طبعاً ..بس طبعا انا ماراح ارضا انه يطبخ ويسوي كل شي وانا جالسه وحاطه رجل على رجل لانه هذا اساسا شغلي طبعا وواجبي ناحيته وناحية البيت طبعاُ.. ماهو شعورك ؟؟ ماهو شعور زوجتك ؟؟؟ ماهو شعور أبنائك؟؟؟ ماهو شعور أخواتك؟؟؟ شعوري احس انه بيكون مره وناسه وفرحه مو طبيعيه :d[/QUOTE] الله شيء جميل والله ياخي سبحان الله كل البنات زي كذا حتى عندنا في البيت أسولف معهم وأسألهم نفس الكلام |
[quote]انا من ناحيتي ابي رجل شرقي بحت
مايقرب المطبخ ولا يساعد ولاشي بس يامر وينهى لاني مابيه يتعب حرام هذا اذا كان زوجي [/quote] مدري نشوف بكرة لين تزوجتي أن كان صحيح ولا لا ؟؟ علينا يامناحيه خخخخخخخ |
[quote]
كلام عين العقل أنا عن نفسي بسلامته لا يطب المطبخ بس يفكني من شره المرأة تبي من الرجل ان يقوم بعمله وبس كثر خيره [/quote] لا لا لا مومن قلبك أم غادة خخخخخخخخ :) سويت أستطلاع للرأي ووجدت نفس الكلام الي فوق قالنه البنات نفس الكلام الي عندنا مانبيه يشتغل بس حلو لو مرة يجي من باب المداعبة ومراعاة الخاطر ورفع المعنويات يمسك قدر ولا صحن لو كذب بنحس بسعادة ما توصف أقول ياحليل السعوديات والله أنهن حبيبات قليبي الله لايغير علينا وعسى الله يوفقكن جميع ويرزقكن الصالح أن شاء الله الي يخاف الله ويتقيه فيكن :) |
أقول ياحليل السعوديات والله أنهن حبيبات قليبي
بس للاسف مومبين بعينكم كل هذا |
خخخخخخخخخخخخخخخخخ :)
ليش بالعكس الرجال الي يعرف ويفهم يدري أن مامثل بنات العقيدة بنات الحشمة والذوق البنات الي سترهن دينهن ودونهن رجالن هم دروع الكريهه بس أنتم يالبنات تحسبون رجاجيلكم مايحبونكم والله بالعكس مافيه رجال قد سألته ألا ويثني عليكم ويقول مامثل بناتنا بالدنيا ماأقول هذا مجاملة ولا أستدرار أعجاب لا والله بس هذي الحقيقة وأسألي أبو عبدالله يعطيك الجواب شكراً لمرورك الكريم |
وأسألي أبو عبدالله يعطيك الجواب
من ابو عبدالله خخخخخخخخخخ >>>>>> اشتغلت اللقافه بس أنتم يالبنات تحسبون رجاجيلكم مايحبونكم والله بالعكس مافيه رجال قد سألته ألا ويثني عليكم ويقول مامثل بناتنا بالدنيا ليه يثنون علينا عندك ومايثنون علينا عندنا مهما كانت المراه تعرف حب زوجها فهي تحب انه يقولها هالكلام بنفسه;) |
أبو عبدالله هو والدي الفخري الشاعر الطائر المهاجر المشرف العام
أظن إيضاح كافي لتعرفينه [quote]ليه يثنون علينا عندك ومايثنون علينا عندنا مهما كانت المراه تعرف حب زوجها فهي تحب انه يقولها هالكلام بنفسه[/quote] أنا وش ذنبي يادلع مادام زوجك مايقولك في وجهك ولا ترى رجاجيلنا شوي جافين فيهم جلافة ولا تراهم طويبين وقلوبهم خضر خخخخخخخخخ :) |
أبو عبدالله هو والدي الفخري الشاعر الطائر المهاجر المشرف العام
أظن إيضاح كافي لتعرفينه [img]http://smilies.sofrayt.com/1/q/sad.gif[/img] بصراحه طايح وجهي توقعت تقول وشدخلك بس طلعت ذوق أنا وش ذنبي يادلع مادام زوجك مايقولك في وجهك تصدق استانست بس اهم شي اعرس خخخخخخخخخخخخخخخ كلمة زوجك حلوه ب\من بؤك لوووووووووووووووووووووول ولا ترى رجاجيلنا شوي جافين فيهم جلافة ولا تراهم طويبين وقلوبهم خضر مانشوف الا الجلافه والطيبه متخفيه وبعدين علمني كيف اقتبس من لمووضوع ادري بتحذف الرد بس اهم شي علمني |
صباح الخير
ذيب السنافي والله يازين الطبخ والنفخ في احدى هالبران اما في البيت ليه من قل المطاعم واغلب العربان بخداماتهم الحمد لله نعمه ياشيخ وبعدين يالله حسن الختام مير بعض شباب اليوم والله مدري يمكن فعلا تلاقيه هو الي يزين لها الزاد ويغسل المواعين والله اني مره في السوق شفت رجال ورى حريمته يدف عربية الصغير تقل (؟؟؟) وهي قدامه تفز تقل الخيل وانا نادرا ماذهب الى السوق من الجور! اسمح لي مداخلتي لأن موضوعك شدني واضحك الله سنك تحياتي لك وتقديري |
[quote]بصراحه طايح وجهي
توقعت تقول وشدخلك بس طلعت ذوق[/quote] أشوا أنك أعترفتي [quote]تصدق استانست بس اهم شي اعرس خخخخخخخخخخخخخخخ كلمة زوجك حلوه ب\من بؤك لوووووووووووووووووووووول[/quote] والله أستحيت مالت عليتس كش [quote]مانشوف الا الجلافه والطيبه متخفيه[/quote] الله أكبر يالناعمه الحين بعد ترى حريمنا فيهن حقهن من الجلافة [quote]وبعدين علمني كيف اقتبس من لمووضوع ادري بتحذف الرد بس اهم شي علمني[/quote] أول شيء تظللين الكلام الي تبين أقتباسه وتسوين نسخ ثم تجين وتلصقينه في صندوق الرد وتظللينه ثانيه وتلقين في الصندوق حق الرد أدوات وأشكال فوق مباشرة أختاري من السطر الأول آخر أيقونه وبعدين خلاص إذا عطيتي أمر الرد يطلع أقتباس أما الحذف ماحزرتي عناد فيتس هالمرة ماراح أحذفه |
[quote]والله يازين الطبخ والنفخ في احدى هالبران[/quote]
حسبي عليك ذكرتني بالمظغوط في الصمان [quote]مير بعض شباب اليوم والله مدري يمكن فعلا تلاقيه هو الي يزين لها الزاد ويغسل المواعين والله اني مره في السوق شفت رجال ورى حريمته يدف عربية الصغير تقل (؟؟؟)[/quote] ياصدقك صدقاه لا وهو تلقاه لو نفخت عليه جاه مرض نفسي زي واحد يعلمني يشتغل في الشرطه ماسكين واحد سكران في نهار رمضان أعوذ بالله قاله ليه سكران وفي رمضان قاله الممسوك ياخي قدر وضعي أنا أعاني مرتي تطقني أبي أنسى :) [quote]اسمح لي مداخلتي لأن موضوعك شدني [/quote] ولو أدخل على كيفك الموضوع لكم يابعدي [quote]واضحك الله سنك [/quote] وسنك يابعدي |
يعطيك العافية ياذيب لكن انا ارىالرجل دخوله المطبخ ماله سنع الا في حالة مرض الزوجه لانه دخوله قد يضيف اشعال جديدة لانه بيحوس كل الصحون والمطبخ وستاحتاج المراة لاعادة ترتيبه بانتطار جديدك
|
[quote]ارىالرجل دخوله المطبخ ماله سنع [/quote]
نعم من يناديني خخخخخخخخخخ <<<<مضيعه داخله غلط بالموضوع |
هلا بالخنساء ياحليلكم ياحرمينا زين مدام أن الواحد مايبونه يدخل المطبخ لو يجيب كاس ماء شيء حلو
بس أنا حطيت الموضوع أبي أحركم شوي وأشوف أراءكم أنتم يالرجاجيل ويالحريم وعرفنا رايكم حلوووو ومشكورة على الرد يابعدي |
[quote]نعم من يناديني
خخخخخخخخخخ <<<<مضيعه داخله غلط بالموضوع[/quote] علينا ياقطوة مضيعة بلا هبال :) وش عندك يله قولي تبين شيء في موضوعي قولي لي خخخخخخخخ :) <<<<<<<<<<واحد مسوي كافشك خخخخ :) |
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة