((((( قصيـده فكـاهيـّه )))))
 

[CENTER]السلام عليكم ورحمة الله وبركاته

للتواصل أقدّم بين أيديكم هذه المتواضعه عسى تلقى قبول[/CENTER]



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
تقابلت أنا والحظ ليلـه قمرهـا غـاب=عرفته بقبـح المنظـر ودثـرة ثيابـه
وصدّيت عنه ومنه أنا ظامري مرتـاب=أبي فكّةٍ منّه عسى خيـر وش جابـه
أنا كل ماصكّيت بابٍ فتـح لـي بـاب=ومن ذي سواته ياعرب ويش يبغى به
ويوم اعترض لي قالي ماعنك مجنـاب=أنا حظّك اللي بالقشر دوم يدعـى بـه
طرى لي معه فالمشكله نبحث الأسباب=بسلم وسلام وكـل جابـه لهـا جابـه
اذا كان فيه أمراض نحضر له الأطباب=واذا غير ذلك كل علـم ولـه أسبابـه
لكنّه نوى لي بالقشر قال سـم الـداب=تبي تشربه وألاّ اترك الـداب وأنيابـه
يبي يصفي الصافي ياصادق ويا كـذّاب=وأنا جيت متحدّي لكن وش تحدّى بـه
تحسب القضيّه كاالوكالـه بـلا بـوّاب=ولامعك فزعـه لومعـك ربـع وذيابـه
وقام التحدّي والتحدّي علـى الأشنـاب=لياما انهزم واحد ترى تنتـف أشنابـه
تعزويت ثم ردّيـت يمنـاي للمشعـاب=أبي ظربته من وقت ثـم زان مظرابـه
ظربته بقوّه ظربـةٍ تفقـد الأعصـاب=على غاربه من صاملٍ فاقـد أعصابـه
تساوى على القاعه وأنا خاطري ماطاب=لحيث الفعل ماهو على من تهقوى بـه
ولو حظّي المقرود ينسب له الأرهـاب=يمرّونه العالم مااحد يحسـب احسابـه
[/poem]




[CENTER]وسلااااامتكم[/CENTER]

ههههههه
معركة حاميه

الله ليردي لك حظ ياناصر
قصيدة معبره صح لسانك
والحظ مايستمر معاكس
ولابد له من ابتسامه ويجي لك على الهوى
بس لاتيأس وتفائل خير

تحياتي

ولو حظّي المقرود ينسب له الأرهـاب
يمرّونه العالم مااحد يحسـب احسابـه



_______________________

ههههههههههههههههه

ابدعت اخوي ناصر ,,,,

والله يقوم حظك دوم ,,,يرفع من شانك ,,,,,,,,

تر من قال حظي طايح ,,طاح حتى لو كان ما طاح .....

الله يعطيك العافيه ,,,,,,,,

[quote=سناعيس]ههههههه
معركة حاميه

الله ليردي لك حظ ياناصر
قصيدة معبره صح لسانك
والحظ مايستمر معاكس
ولابد له من ابتسامه ويجي لك على الهوى
بس لاتيأس وتفائل خير

تحياتي[/quote]


مرحبا يالغالي


صح بدنك وتشرفت بمرورك


والحظ على ماقال ابن دويرج((( عذروب حظي بركته ماتكيده=والا برك يركي على القاع خدّه )))


سلمت ودمت على مرورك

تحيتي



...

تعزويت ثم ردّيـت يمنـاي للمشعـاب
أبي ظربته من وقت ثـم زان مظرابـه
ظربته بقوّه ظربـةٍ تفقـد الأعصـاب
على غاربه من صاملٍ فاقـد أعصابـه
تساوى على القاعه وأنا خاطري ماطاب
لحيث الفعل ماهو على من تهقوى بـه
ولو حظّي المقرود ينسب له الأرهـاب
يمرّونه العالم مااحد يحسـب احسابـه


صح لسانك مليون على هذه الجزله في المعنى والتصوير


تحياتي

صح لسانك
جزلة جزلة جزلة

الاخ ناصر السهلي

صح السانك

قصيده جزله تجلب البسمه.

الله يعينك على حظك ..

اجل حظك يزحف مثلي..ههههههههه

الله يجعل حظنا يعدي الى ما يرضي الله

تسلم اخوي ناصر على القصيده الجميله

بس مو كنك قسيت على حظك اكثر من الازم

مشكور و الله يجيبلك الحظوظ الكثيره

هههههههه

صح لسانك وبنانك ياناضر

تحياتي

وصادق الود

اجل ذبحت حظك ولا عاد عندك حظ
ياجعل حظك في الآخرة أخير منه في الدنيا . قل آمين
وصح لسانك على هالابيات الطيبة والطريفة