هرج الفتى فيما مضى
 

[RAMS]http://up.ftahilah.com/up/uploads/Mine/hurjMadhy.rm [/RAMS]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هرج الفتى فيما مضى نقص بالعقل = ومن قال جدّي "كان" ماله مكانه
حنا بوقتٍ حاضره يرفض النقل = فاللي مضى ماعاد له أي خانه
فالرجل من فعله بعقلٍ على ثقل = حاضر بحاضر باجتهاد وامانه
ومن ينتخي بالجد لكن بلا فعل = مفلس بوقته ماعرف وش زمانه
ومن يجمع الثنتين هذا هو الرجل= ماضي وحاضر في تواضع وامانه
فالفخر بالجدان في لمّة الشمل = وعند المصاهر واجبٍ في أوانه
واحيان للتعريف في درس أو شغل= وغيره فلا من داعيٍ في بيانه
فالحرّ يعرف ما يبي سرد للأصل = والبوم واضح ما يبي له فطانه
ومن قال انا فوق الملا اصل عن فصل= فهذا وضيع ولو علا يوم شانه
ومن لا يقدّر للرجاجيل ذا نذل = ومن لا احترم غيره يلاقي المهانه
فمهما اكتسبته في حياتي فهو وحل= من دون حسن الخلق اجني هوانه
ومهما وصل علمي فانا اخشى من الجهل= وأخاف من حرفٍ يجي عن رعانه
ومن لا يخاف الله عنّه فلا تسل = خسران دنيا وآخره عن ضمانه[/poem]

رد: هرج الفتى فيما مضى
 

تنقل لهمس القوافي

رد: هرج الفتى فيما مضى
 

جزل مبدع مميز
ومن ينتخي بالجد لكن بلا فعل = مفلس بوقته ماعرف وش زمانه
ومن يجمع الثنتين هذا هو الرجل= ماضي وحاضر في تواضع وامانه
فالفخر بالجدان في لمّة الشمل = وعند المصاهر واجبٍ في أوانه
كل الشكر لك
تحياتي

رد: هرج الفتى فيما مضى
 

ومن لا يقدّر للرجاجيل ذا نذل = ومن لا احترم غيره يلاقي المهانه

صح لسانك ومعناك
قصيدة كلها حكم
صح لسانك مدد

رد: هرج الفتى فيما مضى
 

كلام سليم
وصح السانك
لاهنت