![]() |
مجاراة ورد على للشاعر على بن حذلم المري
المناسبه ،، مررت للسلام على الشيخ ابو ليله بن حمد البوليله المري في هجرة فضيله جنوب الاحساء ،، ووافق مروري عليه مناسبه حضرها بعض من مشايخ بني شهر وقحطان ،، وبحضور الشاعر ابن حذلم المري الذي القى قصيدت ترحيبيه بالجميع تعبر عما فيها :-
يقول الشاعر بن حذلم :- يامرحبا واهلاً هلا باالمسايير=عند الرجال وضيفهم رحبوا به أنوب أبوليله معزه وتقدير=الحال واحد والسلوم مهيوبه الضيف غالي والزياره تباشير=يامرحبا با الضيف مليون نوبه على الشحم على الدلال المباهير=والعود الأزرق في المداخن شبوبه يامرحبا يأهل الوجيه المسافير=اللي لفاء من شرق ولَّا جنوبه إكرام وعزاز وفهود ومناعير=وفعالهم بين الرجال محسوبه هذا من آل بحيح أهل البواتير=اهل السيوف اللي نباهم وفوا به وهذا من صبيان محلفنا المشاهير=قحطان جزل المدح كله زهوا به وهذا من رجال الحجر طيبهم غير=المدح فيهم له مسار وعذوبه الأحمري سعيد جزل الاشاوير=من عزوتن درب المعالي رقو به ايوا الله خوالي ينطحون الطوابير=تاريخهم معروف ماهوب دوبه أربع قبائل ماتبي زود تبرير=مجدٍ تليد لسلمهم وفخروا به شهري وعمري واحمري بالوفاء أتسير=والاسمري سار الذي هم مشوا به في مدحهم تعجز جميع التعابير =طول الزمن في سلم ولَّا آحروبه آرجال حجر وكلهم دون تقصير=بعلا السراه وفي تهامه دروبه مثل الجسد واحد على الشر والخير=من غير قاصر في رجال العروبه علي بن حثلم المري ،،،،،،،،،،،، الرد علي والمجاراه،،،،،،،،،، بك مرحبا ياللي تهلي بتعبير=عنك وعن راعي الضيافه تنوبه الله يجمعكم على العز والخير =ياربعنا اللي من الجميع محبوبه الضيف من اهل الدار ماهي تعابير=عنٍي وعن اهل الحِجر الف نوبه واقولها عن محلفنا المناعير =وعن يام واللي حاضرين محسوبه في مجلس اللي مايدوِّر معاذير =ولد الهدى ولد السعد وافخروبه هذاك ابو ليله لاكثرت الاشاوير=الراي رايه بالرخى والحروبه معرب الجدين مافيه تنكير =ابو حمد طيب النبا من دروبه راعي هلا وارحب لاشاف المسايير=بنفس لفعل الطِّيب ماهي مغصوبه وبالعود ودلال صفر شكلها غير=وفي مجلسٍ كل الجماعه درُو به تلقى الشحم معه حليب الأباكير=وخدمة محبه من عيال نشوبه اشّهر من العارض وقمة شمنصير عند ال مره*والقبايل حكوبه وإلا انت يابن حذلم علي يامساء الخير =رايتك بيضاء والفخيذه مهيوبه يالنادر اللي وسط راسك سعاطير=كرمه وعرمه والمعاني إعجوبه من ال شبيب اللي ماتحسب المخاسير=كم من عدوٍ قد نواهم عثو به يوم عادها والخيل تبرا لمعاشير=كم من عقيد قد بغاها رموو به ولاطوحن بالشال بيض الغنادير=هم سترهم لو الحياة محبوبه واسلم ودم يابن حذلم وتقدير=وتحية باسم الجميع محسوبه |
رد: مجاراة ورد على للشاعر على بن حذلم ال
صح لسانك ولسانه
ردية طيبة من رجال طيبين لاهنتوا تحياتي |
رد: مجاراة ورد على للشاعر على بن حذلم ال
ماشاءالله ابداع وتميز وفي من يستحق
كل الشكر لكم تحياتي |
رد: مجاراة ورد على للشاعر على بن حذلم ال
هلا دكتور
صح بدنك ويسعدني مرورك وتعليقك لاهنت |
رد: مجاراة ورد على للشاعر على بن حذلم ال
منيع
صح بدنك وماعليك زود شاكراً لك مرورك وتعليقك الاجمل لاهنت |
رد: مجاراة ورد على للشاعر على بن حذلم ال
صح لسان ابن حذلم
وصح لسانك ابومحمد جملتوا الحفل واهل الحفل |
رد: مجاراة ورد على للشاعر على بن حذلم ال
صح بدنك بو سعد
الجميل هو مرورك وتعليقك وما عليكم زووود ولاهنت |
الساعة الآن 09:33 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة