رسالة من سجن كوبا.... انا ما نيب إرهـابي
 

[rams]http://www.fatahilah.com/up/Koba.mp3[/rams]
[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
رسالة من سجن كوبا إلى الأوطان والأحباب = توضح ما خفى من حال تكشف بعض كتمانه
انا ما نيب إرهـابي ولا أدري سكة الإرهاب = انا من حملـةٍ للخيـر تنوي الخير لأفغانـه
خذوني من وسط شغلي وقالوا مجـرمٍ كذّاب = بعد تحقيق مع تعذيب رموني وسط زنزانه
حديـدٍ صنعها توهـج بعز الصيف كالـدبّاب = أبي فزعه أبي نشده ولا أحدن قال وش شانه
وهم ما صدقوا يلقـون كبشن للفـدا بالباب = فضفّوا من لقوا بوجيههم شايب وبزرانه
الى كـوبا خذونا ما يبون شعوبهم ترتـاب = لأن الشعب له قانـون يحمي العدل ميزانه
يخافون الشعب يدري من اللي صح والكـذّاب= ويعرف مصدر الإرهاب ومن بالفعل شيطانه
يبونه يـدفع المطلوب بليّـا شك كالمـرتاب = ويحصد نهم الأصوات وينجح بعد خذلانه
ويشغل شعبه العاطـل بوهم فاشل لو خـاب = فشعبه دون شغـلٍ يبتدي بتخريب بأوطانـه
مثل ما صار للسوفيت واللي قبلهم بحسـاب = دول عظمى تلاشت والسبايب ناس عطلانه
بعد ما طاحوا السوفيت والأعداء كلأصحاب = بلا أعـداء ينهـار إقتصادٍ رافعٍ شانـه
فدبرّ من ملفّـات الحقـد ما ألب الأحـزاب = على الإسلام يعلن حرب وفلمه دوم برهانـه
يبي عذر ومشى دربه بكل الفخر والإعجاب = ضربنا في بعض مثل الشياه تخاف نيبانه
ويشكي الذيب من دم الضحية وسّخ المخلاب = ويشكي الكف من وجه بـلاه بدم أوجـانه
الا يهـل الخليج اليوم أنتـم طمعة الأنيـاب = اشوف الـذيب ناويكم فـلا يخدعكم السانه
ترى ما جبت من عندي ولا ابي منكم إعجاب= صحفهم تنقل التخطيط وأنتم نوم بأحضـانه[/poem]

رد: رسالة من سجن كوبا.... انا ما نيب إر
 

جزلة

سلمت وصح لسانك

صعووب

رد: رسالة من سجن كوبا.... انا ما نيب إر
 

صح الله لسانك يالطائر.. ولا هنت
والله يفك اسرانا واسراء المسلمين
يعطيك العافيه..