ودعتك الله لو على قلبي اخطيت(بالصوت)
 

القاء الشاعر والفنان حمد العيد
[rams]http://up.ftahilah.com/up/uploads/meElga/wda3ticallahH.rm[/rams]


[poem=font="Simplified Arabic,5,white,bold,normal" bkcolor="black" bkimage="" border="double,4," type=2 line=0 align=center use=ex num="0,black"]
ودعتك الله لـو على قلبـي اخطيت = وحاربتني من دون ذنب وخطيّه
احسبك تذكرني إذا اصبحت وامسيت = واثرك على فرقـاي نفسك هنيّه
اللـه واكبـر كيـف عنّـي تخلّيت = من بعـد ما علقت روحي البريّه
وش غيّـرك وش بدّلك ليه صدّيت = وانت الذي بالقلب نبض وهويّه
من هو بقى لي بعـدما عنّي اقفيت = وقدمتني للحـزن اثمن هديّه
كلـش تخيـلته ولا يــوم ظنيت = إنك لحد غيري ولانتـاب ليّه
ويلك من اللـه كيف بالحب ضحّيت = قلبك حجر ما حنّ يومٍ عليّه
اللي بنينـا بْعمر في يـوم هـدّيت = واحـلامنا ما عـاد منهـا بقيّه
اتعـد غلطـاتي إذا يـوم زليت = من دون مدري .. وين ذيك الحميّه
مافيه معصوم الخطـا لـو تحريت = ولا فيه كامل غير رب البريّه
ولو ما احبك ما نشدتك ولا اطريت = بعدك وصدك وانتخيتك نخيّه
ترجـع لقلبٍ يوم بالعقـل حبيت = وتترك هل الأحقاد واهل الوشيّه
خـايف عليك وخـايفٍ منك ياليت = مايوم حبيتك وصرت الضحيّه
لا نيب حي بعـد هجرك ولا ميت = ولا ني مريض ينعرف بالشكيّه
لكنـي ادرى بحـالتي لا تـرديت = ولا ينفـع الملتـاع طبه وكيّه
مالي سوى اللي كلمـا راح ناديت = يا كود يسمعني ويرجـع إليّه[/poem]

صح لسانك ابو عبدالله

هذي أحسها طالعه من قلب يابابا :)

أحسن الله إليك :)

صح لسانك طائرنا
ويسلم حرفك يالطيب[b][/b]

[color=#660066][font=Simplified Arabic][size=4][align=center][B]


مشرفي .. الـ عــام ..


كـتـبـتَ ..


فـ .. أبـدعــت ...


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


رائــدي ..

..[/B][/align][/size][/font][/color]

مافيه معصوم الخطـا لـو تحريـت
ولا فيه كامـل غيـر رب البريّـه
ولو ما احبك ما نشدتك ولا اطريت
بعـدك وصـدك وانتخيتـك نخيّـه


صح لساااااااانك يا مشرفنا الغالي

من اجمل القصائد يعطيك العافيه يارب


تحياتي لك :)

من هو بقى لي بعدما عنّي اقفيـت
وقدمتنـي للحـزن اثمـن هـديّـه
---------------------
لاتعليق

الله عليك يابوعبدالله
اثرك مظلوم

صح لسانك وطال عمرك

من اروع قصائدك

صح لساانك

وتسلمم

ابو عبدالله


صح لسانك وسلم بنانك

ولله درك على المشاعر الراقيه
ولايزال هناك متسع للحب



يسلم قلبك استاذنا

تحياتي واحترامي

استاذي .. ابو عبدالله
ولادة حرف جديد .. لا يعني نهاية حروف بحر من المشاعر والأحاسيس الراقية
كل يوم ننتظر مولود جديد يزيد اعجابي بإنتاجك الراقي
صح لسانك وكلك استاذي .. ولاهان راسك ،،