انا ما ابيع شعري
 

السلام عليكم ورحمة الله وبركاته..
ايها القراء الاعزاء..وجدت هذه الابيات بين اوراقي لعلها تدخل مزاجكم..

[poem=font="simplified arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
نبهتنـي رنـة الجـوال ولجتنـي بلـجـه=يا ترى في وسط ليلي من زهمني من يكون
قلت ابسمع صوت منهو رجنـي الله يرجـه=مير يوم اني فتحت الخـط إلى صوتٍ فتون
مرهف الصوت انفتح له باب قلبي ثـم هجـه=غصب عني وانتشر في داخل القلب السكون
سلم وقال السموحه كان اقلقتك بضجه=قلت انت مضيعٍ ولا على شخصي تمون
قال معجب قلت والله قال والله لك موجه=قلت تكفى لا تدخلني متاهات الجنون
روح دور لك عشيقٍ غير عود فيه سجه=مقفين عمره وخله دوب نفسه لاتهون
قال لي يا شيخ ضنك لا يصير بعيد فجه=مطلبي عندك عسى عمرك يطول بلا ضنون
قلت آمر وش تبي كان اني اقدر دون حجه=اقضي اللازم ولا ترجع مخيَّب ومحزون
قال تكتب لي قصيده والحلا فيها تدجه=ودي اهديها باسمي صاحب القلب الحنون
قلت احاسيس استعاره ثوب ما يستر بعجه=مير شف منهو يبيع الشعر ويدور زبون
قال بعطيك المقابل كم تبي مبلغ وزجه=قلت انا ما ابيع شعري بس شعري لي يكون
وسكر الخط أمتضايق قلت يا ألله نجه=من صواديف الزمان ومن مكشرة السنون[/poem]
عبدالله الشويمان-الرعد
في 5-3-1410

رد: انا ما ابيع شعري
 

الله الله يابو بدر

راااائعه وجازت لي بالحيل

بس ليتك ماكسرت بخاطرها وعطيتها لو كم بيت هههه

صح لسااانك على هالمعزوفه ولاهنت ولاهان منطوقك

تحياتي لك

رد: انا ما ابيع شعري
 

ياسلام عليك
مبدع وجزل وهادف
تسلم
تحياتي لكم

رد: انا ما ابيع شعري
 

السنوووووووووووون

صح لسانك يابو بدر

مصافحه طيبه وهادفه

لاهنت

تقبل مروري

وتقديري

رد: انا ما ابيع شعري
 

اقول مير مش خشك
من يبي شعرك وشعري
لكن الخيال زين
صح لسانك
ولاهنت
تحياتي

رد: انا ما ابيع شعري
 

صح لسانك يالرعد

شاعر حكيم حتى في نظم المعاني و صياغة الفكرة

لله درك و صح لسانك مدد

رد: انا ما ابيع شعري
 

حبك وسبك من شاعر مبدع
صح لسانك
ولا هنت
ودي وتقديري

رد: انا ما ابيع شعري
 

قصيده كااااايفه
ورائعه وابدعت شاعرنا القدير
ومدد صح لساااانك ابا بدر

رد: انا ما ابيع شعري
 

[color="royalblue"][b][u]الله الله يالعود
اليوم سحوري شعر من النوع الفارِه
قصيدة تكتب بماء الذهب
لاهنت ولا هان منطوقك

كل بيت اطيب من خويه ..قصيدة جزله وافيه

لاخلا ولا عدم[/u][/b][/color]

رد: انا ما ابيع شعري
 

هالله هالله يا زينك
صح لسانك