مرحبا بالقاف رد على سيريالي
 

ردي على قصيدة سيريالي الموضحة ادناه


[poem=font=",6,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مرحبا بالقاف مـع سحـر البيـان= يوم سريالي بـدع مالـي مطيـر
كود احـاول بالمجـارا بامتنـان =للذي مشهـود لـه شاعـر كبيـر
العشق يـا صاحبـي ذل وهـوان =وبعض بالتوفيق درب من حريـر
والحذر واجب من خداع الحسـان =وبعضهن تاجر ولا عنده ضميـر
فالزمـن هـذا تبـيّـن للعـيـان =وقت كم تدفع لاجل عيـن العشيـر
انتهـت ذات القيـم كـلٍ بـشـان =والحضاره غيّـرت نـاسٍ كثيـر
ان لقيت الحب خذ منـي ضمـان =من معك يحكي اخاف انه خطيـر
مع سواك اكثـر ويلعـب دان دان =والشبـك يرميـه تنهيـد وزفيـر
لا بغيت الحب الأصلـي والامـان =اختر الحرّه من البيـت الصغيـر
لا توهّق بالأسامـي مهمـا كـان =كم فقيرٍ مـا حـوى بيتـه دشيـر
حافـظٍ بيتـه ودايـم بالمـكـان =مثل ذيبٍ مـا يغمـض بالهجيـر
ما يعرف الكـاس او شلّـة فـلان =ولا هو مترهبل بدينـه كالخفيـر
وامهـا حـرّه بعقـلٍ واتــزان =تحترم رجّالها لـو هـو ضريـر
ما حكي فيهـا بزلّـه مـن لسـان =وما وطت درب الدنس لوهو قصير
اخطـب المهـره وشيّـد للكيـان =وبالتعامل يبتـدي الحـب الكبيـر
وكان بك نـزوات طيّـر للدخـان =سيّر بليـلٍ تـرى ربـك ستيـر
لين تصبح يالفتى ما بـك مـلان =قلبك الخادم وعقلـك بـك اميـر
وكان مسحورٍ ترى سبـع المثـان =تشفي اللي يشتكـي قلـب كسيـر[/poem]


سيريالي
أقدم لكم هذه المشاركة وعساها أن تحوز على بعض من إستحسانكم
وهي عبارة عن قصيدة موجهه ومسنده على أستاذي شاعر العثمانيات
الطائر المهاجر
[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

ليت ماللعشق فـي قلبـي مكـان =كان أنا مرتـاح مـن هـمٍ كبيـر
من دخل بالعشق ماهـو والأمـان=دام قلبه مـن الهـوى مايستذيـر
الهوى سهمٍ من سهـوم الزمـان=وفتنةٍ ضايع بهـا حتـى البصيـر
القدر لاجـار فـي حـرٍ و شـان=تلقى بالمقنـاص عشاقـه كثيـر
الحمامـة فوقهـا فـخٍ طـمـان=يعرضن له حتـى إنـه يستثيـر
ويصبح المسكين في وضع مهـان=ليت يدري قبل ما يصبـح كسيـر
يصقرونه لين فـي طبعـه يبـان=ذلـةٍ فـي طاعـةٍ فيهـا زفـيـر
ياهوى سافر ولك منـي ضمـان=لرتحل لك عن مكانـي وأستخيـر
وأظهر الخافي من طبوع الجبـان=وإن بقت لك قـوةٍ خذنـي أسيـر
أهتويتك وأحتويتـك مـن زمـان=وقتها جاهل وتـو عقلـي صغيـر
في البداية كلك أحسـاس وحنـان=وقتها ماشفت غيرك لـي عشيـر
من ألوم الحر ؟! أو طبع الحسان؟!=أو ألوم اللي علينـا هـو أميـر؟!
مايفيد اللـوم واللـي كـان كـان=أبغى رايٍ فيه أمشـي وأستنيـر
منلجم فـي طاعتـه بليـا عنـان=ومنهو غيرك يامهاجـر أستشيـر
أستشيرك حيث لـك عقـلٍ رزان=أفتني به ياعسـى دربـك سفيـر
أفتني باللـي خـذا قلبـي رهـان=ودون قلبـي يامهاجـر ماأسيـر
راهنٍ قلبـي يليـن ألفـي طمـان=والـردى مافيـه والله أستجـيـر
لي سنة ياخـوك يقفيهـن ثمـان=والخطاوي من عثير فـي عثيـر
لي ثلاث سنيـن ماشفتـه عيـان=أستشف أخبارهـا بأمـرٍ عسيـر
من سبايب واحـد ماخـذ مكـان=في حشايـة زارعـة هـمٍ كثيـر
الهوى سهمٍ من سهـوم الزمـان=وماسلم من طعنته كـود الغريـر[/poem]

رد: صوت وصدى مع سريالي
 

جزلة وقوية

سلمت

وصح لساااانك

رد: صوت وصدى مع سريالي
 

صح الله السنتكم جميع ولا هنتو ..رديه رائعه
يعطيكم العافيه..تحياتى