منتديات الفطاحله - لعيـــون ســـاره ..! ... مصافحة آولى ,

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - لعيـــون ســـاره ..! ... مصافحة آولى , (http://ftahilah.com/showthread.php?t=24008)

لعيـــون ســـاره ..! ... مصافحة آولى ,

[color=#00008b][align=center][size=4]

مساء الخير آيها الصرح الشامخ ..

الفطاحله .. آصبح لي كحلم للاشتراك به ...

لكن الوقت .. لم يسمح ..

وهآهو يسمح لي بالانضمام لكم ... وطبعا يشرفني هالشي ...

مصافحه آولى غزليه بحته لحد الثماله ... آرجوا أن تنال إعجابكم ... [/size]

[/align][/color]

[poem=font="arial,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا حكاية شاعرن يعجز على وصفك كتابه = ويا حكاية شاعرن قرّب ذهآبه من إيابه
ويا حكاية شاعرن آسرع سؤاله من جوابه = يعكس الامر المبدا فالامور الثانويه
--
الحكايه كلها حول الانوثه والعذارى = الوحيد إلي يخلي آغلب العالم سًكارى
الحكايه ليلها آطول وآحلاهم سهارى = والله اني ما رقدت وشلتها ليله هنيه
--
من سروري قمت آبوّصف والوصف فن ومهاره = من يجيده قد وصل (قمه) ومرحّلة الشطاره
والوصف عندي على مبدا (تخصص) و (إحتكاره) = كلّها لعيون ساره جتني من ربي عطيه
---
شعرها فيه التماسك والتراخي والتماسك = كنّي آشوف (المعارك) و(الهدن) وآغلى (المناسك)
لو تهف بشعرها يقلب (جمادك) من (حواسك) = خصلةٍ من شعرها تسوى فعيني الشاذليه
--
الجبين إلي بياضه تحسده آكبر سحابه = رسمته من ربها طوله معا عرضه مهابه
يا (بري حالي) لا طاحت غرتن لو بالدعابه = حالتي وش حالتي ؟ خارج حدود التغطيه
---
الحواجب مع جفنها كنها صوله وجوله = ما تجول إلا تصول وما تصول إلا فجوله
يرقد الجفن السهير ويسهر الحاجب ليوله = الملك يآمر وعبده نفذّ الامر المُهيّه
----
وش عيونه لو تشوفه تحسد إعيونك عيونه = رسمها رسمٍ دقيقٍ عذّب الناظر جنونه
عالمٍ يخلط قوالب يخترع نوعه ولونه = يكشف ان هالعين تفرق عن عيون آهل البريه
---
خشمها خشم الصقور إلي غدت من دون والي = طولها مع عرضها تآقع على وزن التوالي
فتحت الخشم الفريده للنفس آكبر مثالي = في نعومة هالخشم ما خذت في عمري هديه
----
كن نحرها من بياضه يلمع اللولو ويبرق = صفوة الصبح المنقح يوم شمس الصبح تشرق
ريحة العنق الوحيده دون شورك غصب تسرق = حدها من خدها تقلب موازين البريه
-----
مشيته مشيت (حمام) إلي على قولت (تمخطر) = من نعومة مشيها ارضي تباكى وإتذّمر
لو تمر بسوق تلفت مشيها كلّ النظر = شيخة إشيوخ البنات إلي على قلبي حليّه
----
صوتها آملس/سلس/يدخل فإذنك بإرتياح = لو يكون الهم في صدرك تقول الهم راح
وش آبو (نوره) و(رابح) وش (نوال) وش (صباح) = فاتنه تفتن ملوك آزمان وقرومٍ نديّه
----
يوم تجلس يا فهد كن الكراسي ما تبيني = والمقاعد تختفي فشمالي وإلا في يميني
كلها تطلب رضاه وكلها تطلب حنيني = جلسته جلست غزالٍ يحتري نومه شذيّه
-------
وش آبوّصف في عرقها لو عرقها ما توّصف = ريحها ياخي تحس إنه مثّبت ما تعّصف
ما يفيد إنك تجيب العطر لو منه تصفصف=ريحها شمّه كما شم الورود الازهريه
----
يا حكاية شاعرن جاب الوصوف الاوليه = ما طرى لي وقت آكتب لك وصوفٍ ثانويه
كلها لعيون (ساره) جتني من ربي عطيه = شاعرك باقي على حبك ولو طالت عليّه[/poem]

[align=center][size=4][color=#00008b][font=comic sans ms]
تحيتي

فريد الحرف ... [/font][/color][/size][/align]