شومي لولد المهيلب
 

قمنا برفقة سعادة السيد فيصل ال محمود برحله الى الأخ / سليمان المهيلب الشريفي
في منطقة القصيم ببريده والرجل كفو وما قصر ،، كما انه له مواقف طيبه سابقه مع الاشراف حضرت بعض منها وعلى ضوء ذلك جادت القريحه بما هو ادناه ،، اتمنى ان تحوز على ذائقتكم :-

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله على رحلة بالطيب ممشاها = في رفقة اللي خويه منزله عالي
ان قيل فيصل فهو فيصل بمعناها = افعاله الطيبه تذكر وتنقالي
وافي وصامل علوم الطيب يزهاها= دينِ ودنيا ولا همته الاحوالي
زرنا الرياض وبتنا ليل بحماها = وبعد الغداء دربنا مع طيب الفالي
وسرنا على سكة للجدي ممشاها = وتياسرت للقصيم وذبت الجالي
وجينا فتى الجود والقالات يزهاها = طيبه بالاول وزاده فعله التالي
له مجلس ومزرعه ودك تحلاها = وكبشِ سمينِ وكسرةعود ودلالي
يالله عسى ديرة سليمان يغشاها = وسمِ من الغيث بامر الواحد الوالي
يمطر حقوقه على الغواص وحذاها = ويعم باقي المناطق دون مكيالي
يابنت ياللي يشوق الناس حناها = شومي لولد المهيلب مرخص المالي
المرجله بوعمر دوم يتحراها = ذا نهج الاجواد من جدان واخوالي
سلالة اشراف يبطي العيب ماجاها = وكريم سبلا ودين وبه تبهلالي
للضيف حقه اذا جاله من ادناها = حيلِ وحيران وبشة وجه وافعالي
وان جا القرابه ضيق وكثرة عداها = يركي لها بوعمرفي كل الاحوالي
اخوته مثله ماتخلف هقوة اباها = لاكن سليمان غير ودوم في العالي
المري لسيرة الاشراف زكاها = شهادة الحق قدم الناس تنقالي[/poem]

رد: شومي لولد المهيلب
 

كفو ويستاهل
صح لسانك
ولاهنت
جزله من جزل
تحياتي

رد: شومي لولد المهيلب
 

الطائر
صح بدنك
وشكرا لمرورك
لاهنت دكتور

رد: شومي لولد المهيلب
 

ابيات رائعة ويستاهل راعي الطيب
تسلم ياالطامي
تحياتي لكم

رد: شومي لولد المهيلب
 

[font="comic sans ms"][size="6"][color="darkslategray"]صح لسانك وعتلى شانك
ولاهنت
جزله من جزل
تحياتي [/color][/size][/font]

رد: شومي لولد المهيلب
 

كفو يالمادح والممدوح ولاهنت يالطامى

رد: شومي لولد المهيلب
 

كفوووووووو يابو محمد

صح لسانك وونعم باخوياك

ومايمدح الرجال الا

مطلق

لاهنت

رد: شومي لولد المهيلب
 

صح لسانك يا بو محمد

و النعم بالمادح و الممدوح

ولاهنت يالشاعر

رد: شومي لولد المهيلب
 

صح لسانك يالقرم
فقد امتعتنا بهذه الشامخه
لاهنت
تحياتي الطيبه

رد: شومي لولد المهيلب
 

صح السانك يا ابو محمد

قصيده جزله ويستاهل راع الفعل الطيب..

دمت بخير ولا هنت