نبي مجاراتك يالعود 😂
 

ليا شاش راسي ، تكّ صدري من الأطراف
وفي وسط حلقي ،، يعترض كنه الشرقة
على قرص كبدي لاغشى يقسمه انصاف
ستار الحشا ،، من جاير الوجد ، يخترّقه
يجي للمعاني بين حدب الضلوع ارجاف
ورمشي ،، نفض دمعات ، عيني بها غرقة
اجاوب حمام الورق ،، وابدع جزيل القاف
وشمعات ،، وجداني ،، بها فيوز ، محترقه
عليل ،، المودة ،،، علته ،، دوم ،، ما تنشاف
ما دام ، المشاعر ، من عنا الوجد ، منسرقه
تحمّلت مضنوني ،، وحمله ،، علي اسراف
واشقاني ،، نظم القاف ،،، وما فادني طرقه
وحق ، الذي ،، انزل ،، تبارك ،، وسورة ،، ق
فلا عاد ،، أميّز ،، وجهة ، الغرب ،، من شرقه
محمد بن عمار

رد: نبي مجاراتك يالعود 😂
 

دور لك عود مثلك انا لا ازال شباب

رد: نبي مجاراتك يالعود 😂
 

مسكين ياعليل المودة
وصح لسانك ابو عبدالعزيز

عجل ياطائر بالمجاراة اتحفنا

رد: نبي مجاراتك يالعود 😂
 

يدور عود فلعلك تصير عود وتجاريه

رد: نبي مجاراتك يالعود 😂
 

اذا شاش راسك فاقر له سورة الاحقاف= تهجد شياطينه وتاخذك الى عرقه
بها واحدٍ يكوي ولا هوب بالخواف = ويمصع اذانيها ويرغمها للنتقه

رد: نبي مجاراتك يالعود 😂
 

يا اخي من اللي قال لك ان النص فكاهي
والاّ هذا عذر علشان يستبعد من الواجهه
يعني ما خلصتوا من هالحركات اللي
مالها داعي وبعدين مجاراتك لابد ان
تكون سبعة ابيات ياعود

رد: نبي مجاراتك يالعود 😂
 

انت اللي نشرته في قسم الشعر الفكاهي

رد: نبي مجاراتك يالعود 😂
 

صح السانك بن عمار
والله يعين العود على الرد ونقض ماقلت له
😂😂😅😅
والعود مثل السياره القديمه ،، تبي لها دف او دفره لين تشتغل ، هم توصلك لمبتغاك
لاهنت بن عمار