ܓܨ لا تعاتبني ܓܨ
 

السلام عليكم ورحمة الله وبركاته

من مدة طويلة انا متلهف للمشاركة هنا ولكن يبقى الوقت والإلتزامات حائل بيننا وبين ما نتمنى

اضع بين أيديكم اليوم هذه القصيدة المتواضعة التي أتمنى أن ترتقي إلى ذائقكم وتنال إعجابكم

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا تعاتبني وتجرح قلبي وكني جماد=وأرحم اللي في غيابك عايشٍ عمره وحيد
في غيابك ما تصدق اني عايش في جهاد=معتزل هالناس كني بالعمر اكبر زهيد
ما بغيت ازيد همك يكفي انك في بعاد=ما بغيت اشكي ولا احكي لأنْ ما عندي جديد
هذا قلبي ما تغيّر وانت عمري والمراد=حتى لو قل اتصالي وانقطع عنك البريد
يكفي اني في غيابك منتظر منك معاد=يعني اني من فقدتك انتظر وقت سعيد
والسعادة في جنابك يا أرق من الفؤاد= الفؤاد اللي يحبك وأعلن وعينك سيد
لا تفكر في غيابك اني هايم بالبلاد=لا حشى واصلا ما اقدر شوف قلبي يستقيد
اجلس لحالي وافكر وانتظر طيف ووداد= واحترق من شوق فيني ما يقل ابداً يزيد
أمس كان الجو حر وزاني منك براد= يوم شفت الطيف جاني صرت كني بيوم عيد
وانثنى طيفك وغنى وانقشع حزني وباد=كنه الا يطلب اني أبتدي أبدع قصيد
بأبدع المعني و وصف مثل ما قال بسعاد=كعب ياللي شاعر البرده أبو موقف مجيد
بانت اشواقي وطلت نجمة بين العباد=صوبت قلب برمش غير أحوال الوريد
رمشها ريش على طاووس لا يمكن يصاد=من خلقه الله تعلم يأسر عيون و يصيد
يعطي ألوان تزغلل ثم يعود للسواد=ويتحرك في تأني هاديٍ ماهو طريد
يحمي عيونٍ عطاها البن لونه ويوم جاد= في وسطها لمعة نجومٍ وسبحان المعيد
فوقها حجاجٍ كما قوس المحارب بالعتاد=يسحر الأنظار شوفه منحني مثل الجريد
وان رجعت لجيدها جيد كماجيد الجياد=مهرةٍ شهبا بلا سرج ولا حذوه حديد
كالعبيّه هَملَجتها لـ سرعت بأرضٍ شداد=أتبختر في توازن هيج حروف النشيد
تنثر القذله على وجهٍ يزينه العناد= ناصية تجذب يديني تحتها ذاك الخديد
يفعل بكفي كما طفل مكتف بالمهاد= نايم في حجر دافي بعد شبعه مستفيد
واتذكر في ثواني عمر عدى في بعاد=وأذكر هموم خذتني عنكم يومي بعيد
وارجع اقول اعترافي والحكي هذا وكاد=واعذر اللي من بعادك غايب الفكر وشريد
العمر كله بدونك يستوي مثل الحِداد=وانت عارف بالحِداد الناس ماتحكي وتعيد
اَنتظر لحظة رجوعك واِنتظر وانت العماد=اللي قام البيت فيها واستوى قصر شديد
لا تجرّحني بقولٍ لأنتهينا يستعاد=وألتفت لأحلى الثواني وانتبه عنها تحيد[/poem]

رد: ܓܨ لا تعاتبني ܓܨ
 

هلا ومرحبا بالناخي
في محلك وبين اخوانك وربعك
مصافحة جزلة وفارهه من شاعر مبدع
صح لسانك واعتلى شأنك
ولا هان راسك
ارحب يالغالي
تحياتي الطيبة

رد: ܓܨ لا تعاتبني ܓܨ
 

تبقى وأنا أخوك ولاهنت على الترحيب يا بو عبدالله

واسمح لي عن القطاعة وقل الوصل والشاهد الله ان الرجاجيل شرواك يستاهلون الوصل


لك مني كل الود

رد: ܓܨ لا تعاتبني ܓܨ
 

صح لسانك اخي الشاعرفواز
لاهان راسك قصيدة راائعة
سلمت وسلم شعرك
دمت بخير

رد: ܓܨ لا تعاتبني ܓܨ
 

ارحب يافواز

صح قلبك

مصافحه راقيه

ابدعت

شكرا لاتحافنا

ولا هنت

فائق الاحترام

رد: ܓܨ لا تعاتبني ܓܨ
 

[quote=الخنساء;385263]صح لسانك اخي الشاعرفواز
لاهان راسك قصيدة راائعة
سلمت وسلم شعرك
دمت بخير[/quote]


شكراً لك أختاه

الرائع هو مرورك من هنا

لك مني كل الاحترام والتقدير

رد: ܓܨ لا تعاتبني ܓܨ
 

[quote=فلاح بن منشار;385264]ارحب يافواز

صح قلبك

مصافحه راقيه

ابدعت

شكرا لاتحافنا

ولا هنت

فائق الاحترام[/quote]


مرحبا بك يابن منشار

صح بدنك وفكرك يا غلاي

الإبداع تواجدك بهالصفحة المتواضعة وانا اخوك


لك مني كل الود

رد: ܓܨ لا تعاتبني ܓܨ
 

صح لسانك

تحياتي

رد: ܓܨ لا تعاتبني ܓܨ
 

[B][COLOR="Blue"]اهلا وسهلا بك اخي الكريم

فواز البوعينين

بداية بنص جزل وفاخر

صح لسانك وبيض الله وجهك

وحياك الله

دمت بخير[/COLOR][/B]

رد: ܓܨ لا تعاتبني ܓܨ
 

تعاتبني وتجـرح قلبـي وكنـي جمـاد
أرحم اللي في غيابك عايشٍ عمره وحيـد
في غيابك ما تصدق اني عايش في جهـاد
معتزل هالناس كني بالعمـر اكبـر زهيـد
ما بغيت ازيد همك يكفي انـك فـي بعـاد
ما بغيت اشكي ولا احكي لأنْ ما عندي جديد
صح لسانك وحياك الله فواز