الفقر
 

[center]

[poem=font=",6,darkblue,normal,italic" bkcolor="transparent" bkimage="" border="none,4," type=2 line=1 align=center use=ex num="0,black""]


ان كان تسال يامحمد عن الحال = فالحال والله ماتسر اصدقانا
الفقر خلاني وانا اخوك تمثال = وغنا على الضيق ياليل دانا
تضرب بي الدنيا من الجال للجال = الله من جور الزمان يحمانا
وانا يابو تركي على كل الاحوال =مؤمن برب البيت في كل شانا
ولو منت يارجال من راس رجال = ماقلت لك كنا وكنا وكانا
نبكي على الماضي على روس الاطلال =ونضحك على الحاضر وهذا جدانا
حرج وبيع اللي بدولار بريال =هذا اذا به شي باقي معانا
تجمعت فقر ومصاريف وعيال = شوف الزمن من كاس سمه سقانا
عالي ونزلني زماني من العال =وهينت شواربنا وهينت لحانا
رجلا قبل فتره من رجال الاعمال = والله عطا والله خذا اللي عطاانا
والحمد لله وشكر الله ولا سال =غيره لو ان الضيق يعلن ثوانا
لاكن زمان اسحااق وحسين واقبال= ماهو ا زمان اجدودنا قبل ابانا
جو للبلد قبل امس بفيز عمال =واليوم حطو ختمهم في قفانا
مستثمرين بكل عطال بطال = كلوا غدانا والحقوه بعشانا
قله ياعمي وان زعل قول ياخال =بلواي بها رب الخلايق بلانا
العام لي مخرج ولفه ومدخال =واليوم عشري يامحمد ثمانا
هز السماء زلزال والا رض زلزال = مدري خطا الايام والا خطانا
الاجنبي موتر وفيلا وجوال =وانا دبلت اكبود كل اقصارنا
يومين كان الوضع ياصاحبي طال = دور علي بالمسجد اللي ورانا
وان شفتني لابس فنيله وسروال = علم بما شاهدت كل اخويانا

اقطع يدي والبس يابو تركي الشال =واجلس مع النسوان واضحك كمانا
بلغ بما الت له الحال صلاال = وقله ترا ا و اقول ماذا ترانا
وان جاوبك بسلوب مفعم بالاهوال = قله مساء الخير يابو جمانا
اول مقاييس المراجل بالافعااال =واليوم ردد يالله المستعانا
اذناب صارت روس من كثره المال =افلان ولد افلان جده افلانا
ايموت بالحسرات من عاش محتاال =قول اش بنا واقولك وش بلانا
قم لاعدمت ارضاك ياطيب الفال = في لازمي يامحزمي لاتوانا
ضاقت يابو تركي ولا جاء على البال = الا رجل له بالمراجل مكانا
من روس قوم ومن صناديد وابطاال = ليت الولي باللي بلاه ابتلانا
مبلي بعلم الطيب مبطي ولازال = لوكنت لقمة طيب يمكن كلانا
امفصله ربي بالاخلاق تفصال = وتواضعه يزعلك عن مستوانا
ويمناه في ماله من الجود سلاال =بالسر يوم اهل الريا بالعلانا
واذ خذيت بمجلس الطيب فنجال =سلم مضامين الرساله ذرانا
اذا وصل علمي حمد سالم وقال = وش قصته لاح الفرج في سمانا
ارجع لنا بالخير ياخير مرسال= والخير قبللك باللزوم احترانا
غيثن على روس البعدين همال =يا لقربون ان ماصلناه جانا
اشهد شهادة حق والحق ينقال =ان اول الفرعات باول لقانا
وسلم ولا تسال بعدها عن الحال = بتسر كل اصحابنا وصدقانا[/poem][/center]

رد: الفقر
 

بن حزام قصيده فارهه من شاعر متمكن

صح الله السانك وجاد بيانك

تقبل مودتي

رد: الفقر
 

اشهد شهادة حق والحق ينقال =ان اول الفرعات باول لقانا
وسلم ولا تسال بعدها عن الحال = بتسر كل اصحابنا وصدقانا



صح لسانك

قصيده رائعه


يعطيك العافيه ولاهنت

رد: الفقر
 

نعم المضمون هو الاهم
قصيدة جزله ورائعه من شاعر اروع
لاهنت

تحياتي

رد: الفقر
 

[i][font=comic sans ms][size=6][color=#0000ff]لاعدمنا هذا البوح اخوي محمد[/color][/size][/font][/i]
[i][font=comic sans ms][size=6][color=#0000ff]صح لسانك وفكرك
نص رائع وجزل
[/color][/size][/font][/i][font=comic sans ms][size=6][color=#0000ff][i]لاعدمنا تواجدك ياغالي
تحياتي[/i][/color][/size][/font]

رد: الفقر
 

[color=purple]الشاعر محمد[/color]
[color=purple]ياهلا فيك وحياك الله[/color]
[color=purple]وصح قلبك ..[/color]
[color=purple]نص رائع وجميل[/color]
[color=purple]تسلم ويسلم حرفك[/color]
[color=purple]تحيتي لك[/color]

رد: الفقر
 

[center][size="5"][i][grade="00008b ff0000 008000 4b0082"]

صح لساااااااااااانك مليووووووووون يا بو حزام

و الحمدلله على السلامه يالغالي

قصيدة طيبة و معبرة بالحيل ،

ربك يصلح الحال و الفرج من عنده قريب ان شالله ،

و لاهنت يالشاعر

و يا هلا بك من جديد

مع تقديري لك

************

[/grade][/i][/size][/center]

رد: الفقر
 

[b][center][size="4"][font="al-mothnna "][poem=font="decotype naskh,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]




[/poem][color="darkgreen"]محمد حزام [/color]

نص مميز ورائع وجميل

من شاعر متميز ورائع فيما قدمة

ابدعت وأمتعت شاعرنا رعاك الله

دمت ودام حرفك الرائع الجميل

صح لسانك ملايين ملايين

ولك فائق تحياتي وتقديري[/font][/size][/center][/b]

رد: الفقر
 

طالعه من قلب
الله يفرجها عليك بعطف ورزق من عنده
بوح مؤلم ولكن الصبر طيب
ولنبلونكم لنعلم الصابرين"
واذا سلم العود فالحال تعود
صح لسانك وقلبك
ولا هان راسك
تحياتي

رد: الفقر
 

اكثر من رائعه ومعبرة
تسلم اخي الكريم
تحياتي