حصان القصيد
 

هذه البسيطه قلتها سابقا واسندتها على أبوزياد
وقد رد عليها في وقتها
وأحببت أن أنقلها هنا لاحياء المشاركه

ابسرج حصـان القصيـد وأكـزه=وأباكتب من اللي طرالـي قوافـي
ماني من الغلطات شخص منـزه=ان قلت مابالقلب شيء لجا فـي
ألوم نفسـي كـل وقـت وحـزه=لامن هقيت اني مع الناس غافـي
القلب كن السيف وسطـه يحـزه=والعين تسكب دمعهـا دم صافـي
لأبو زيـاد أنظـم قصيـدي وأدزه=ما اخفيت عن غيره فلا عنه خافي
أنا أشهـد انـه دوم فـزه ورزه=نسل الكرام أردى صفاته سنافـي
ان جيت ابوه اليا الكرم والمعـزه=وان جيت خاله للمواجيب وافـي
عن الردى ودرب الرذيلـه تنـزه=وان جيته بفزعه نسيت الخلافـي
أبخبره عن شاغـل الفكـر لـزه=همي كبر سلمى واجـا والفيافـي
كني فلسطيني من أطـراف غـزه=لاشفت دم الطفل يرعف رعافـي
وكني عراقي في بريهـه وبـزه=لاشفت الأمريكي لعين السقافـي
داس اليهودي قدسنا عقب عـزه=وبغدادنا به بوش تحـت اللحافـي
الشر من ساسـه لـزوم نجـزه=بايماننا والحـق للنصـر كافـي

حجز ولي عودة

كني فلسطيني من أطراف غـزه
لاشفت دم الطفل يرعف رعافـي
وكني عراقي في بريهـه وبـزه
لاشفت الأمريكي لعين السقافـي
داس اليهودي قدسنا عقـب عـزه
وبغدادنا به بوش تحت اللحافـي


صح لسااانك قصيده رائعه

يعطيك الف عااافيه

صح لسااانك مليون ولايوفون

راااائعه

والقافيه بصراحه شي :)

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
اسند سناعيس(ن) كلامه ودزه=يم شاعر(ن) بيطار قرم(ن) سنافي
ابو زياد وله مع الناس رزه=بارع بميزان الشعر والقوافي
والطيب عنده كل ساعه وحزه=وافي وله أصل(ن) كريم(ن) ووافي
عرضه عن الشينات دوم متنزه=مايقرب الخمله نقي الخوافي[/poem]
أخي سناعيس..............
والقافية اللذيذة رهن اشارتك والقول الجميل طوغ يدك ومداد فكرك
أجد في قراءتك لذة ومتعه واجد في كلماتك عمق وجمال
اسعد كثيرا بك
لك وللجميع تحيتي

صح لسانك يا سناعيس
ولسانك يابو انس

ولي عوده

اخوي سناعيس
خذ الرد مني واعذرني على القصور
انت وباقي الاخوه فهو لا يرتقي لمستوى قصيدتك
ورد ابو انس عليها



[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

جاني من القيفـان قـول منّـزه=ما حاشه النقصان كافي وشافـي

ابو محمـد والسناعيـس عـزه=قوم الطنايا صيتهم حيـل ضافـي

أشغلـه هـم وحركـه واستفـزه=يرقى به الهامات ما هوب هافـي

الصدر ضايق من جـروح تحـزه=ما يا سعنـه راحبـات الفيافـي

من حال بغداد ومن حـال غـزه=شكيت مكنونك وما كـان خافـي

واللي يجي لك ينشد الحال عـزه=قله عربنـا شاربيـن الزعافـي

شارون يذبـح بالنسـا ويتهـزه=وله بوش عون ولانقص شي يافي
[/poem]

اخوي


سناعيس


صح لسانك مليارات

وكل عام وانت بخير


تحياتي واحترامي

السنعووووووووسي

كل عام وانت بخير

ابدعت بماقدمت

سلم نبضك

الشر من ساسـه لـزوم نجـزه
بايماننا والحـق للنصـر كافـي


خلف جدي والله سناعيس

قلت ووفيت ورد جزل من ابو زياد

لاهانت روسكم

وعيدكم مبارك يالغالين