فـرق الـشـعــر ( شطحت فـكـر )
 

[center][size="4"][color="darkred"]( قد نميز الكريستال من الالماس ولكن ) قصيدة حبيسة ادراج الصدر احتياجي للتنفس أظهرها
هل هي شطحت فكر ام هذه أوامر الشعر / ظهورها الأول لكم فأنتم الأوكسجين النقي[/color][/size][/center]

[poem=font="simplified arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لو كل مخلوق تفكيره كبر راسه = كان استحى فيل من تسحيب خرطومه
وماشفت لك ذيب يقوى لحظة نعاسه = الشاه تسرح وهو غرقان في نومه
والحر للخرب يصبح دوم مفراسه = وصار الهدد لرخم ياخوك و البومه
بعض الرجاجيل يقبل مالي الباسه = وعند الشدايد مايسوى قيمة هدومه
جبل ولا هب علمٍ راح قرطاسه = مخيال ثوب النسيم يصفق كمومه
لو المراجل تجي تعلوم ودراسه = كان العرب مابهم من ضيع سلومه
بعض الكرستال يلمع مثل الالماسه = والمدرك اللي يقيّم أول السومه
لكنا في وقتنا ذا ضاعت الطاسه = المال يجعل حطيط اخلاق مخدومه
يالذرب يالقرم كف الجود نبراسه = ياسهيل غيرك نقول نجوم مزعومه
هو به فقير البشر تشتاق مجلاسه = او قيل فيه النعم لو طابت علومه
لاصار فقر الرجل عيبه ومقياسه = اكيد كل الخصايل فيه معدومه
وخطاه يصبح خطيئة حتى من ناسه = والتاجر استغفر الله روح معصومه
وش حال خاطر حطب والمجتمع فاسه = وما ينفخ الضو حظ أشفاه مشرومه
من وين فنجال فزعه يذهب عماسه = والفزعه دلالها قدام مخصومه
هو فيه عينٍ عشان الحب عساسه = او قلب يخفق عشان قلوب مكلومه
يطيح شامخ قدر من قدر مياسه = بنت الصدر نبتت الأضلاع مرحومه
رهف القوارير يكسر من قسا باسه = غرشة عطر بالخطر بإحساس ملغومه
شطحت مدري قصيدي مات حباسه = لاقلت قفلت قافي ضاف معلومه
فرق الشعر شاعرٍ يشتب هوجاسه = للغير وهموم غيره مصدر همومه
وشاعر دموع الطفل ماتوقض إحساسه = اغلا قصايد قصيدة تقضي الزومه
والنقد كدر زلاله حقد بلاسه = افواه تنقط عسل بكواب مسمومه
خالف وتعرف ياتعس اللي بنت ساسه = طموحه القاب لكن لـقب العومه
ومن نظرته عند خشمه سيّده ياسه = ومن ينظر بعيد حقق سيّد حلومه[/poem]

رد: فـرق الـشـعــر ( شطحت فـكـر )
 

[center][size="5"][color="indigo"]

صح لسانك يالشاعر مشعل

و ذكرتني بالابيات اللي تقول ،،

[poem=font=",6,darkblue,normal,normal" bkcolor="transparent" bkimage="" border="double,4,orangered" type=2 line=0 align=center use=ex num="0,black""]
من لا يروم المرجلة حاله صعيب = حتيش لو زانت حياته تعاسه

يشب فيها بإسم مجهول و يشيب = و عند النشاما ما يساوي لباسه [/poem]

*********

صح لسانك مليووووووون

مع التحية لك

*******[/color][/size][/center]

رد: فـرق الـشـعــر ( شطحت فـكـر )
 

جزلة جزلة جزلة اتعب واقول جزلة من راس جزل اسعد الله ايامك

رد: فـرق الـشـعــر ( شطحت فـكـر )
 

والنقـد كـدر زلالـه حقـد بلاسـه=افواه تنقط عسـل بكـواب مسمومـه
خالف وتعرف ياتعس اللي بنت ساسه=طموحه القـاب لكـن لقـب العومـه

اكيد جايك شي من هالباب وهو اللي فجر القريحه حتى عطيت المنتقد
اكبر من حجمه بهذه الأبيات ، وهو ما اراد الوصول إليه
صح الله لسانك وفكرك
ولا هان راسك
تحياتي

رد: فـرق الـشـعــر ( شطحت فـكـر )
 

عزالله انك صادق يامشعل صح الله لسانك يالجزل هذا نص ملئ بالنضج والحكمه ولاهي غريبه عليك...تحياتي

رد: فـرق الـشـعــر ( شطحت فـكـر )
 

ابيات اكثر من رائعه
سلمت ولاندمت
تحياتي

رد: فـرق الـشـعــر ( شطحت فـكـر )
 

[font=comic sans ms][size=6][color=blue]صح لسانك وعلا شانك [/color][/size][/font]
[font=comic sans ms][size=6][color=blue] تسلم الايادي التي[/color][/size][/font][font=comic sans ms][color=blue][size=6]
خطت لنا[/size][size=6] اروع الكلمات[/size][/color][/font][font=comic sans ms][color=blue][size=6]
[/size][size=6]دمت ودام قلمك بنبض بكل احساس[/size][/color][/font][font=comic sans ms][color=blue][size=6]
ونحن بنتظار روائعك بكل[/size][size=6] شوق[/size][/color][/font]

رد: فـرق الـشـعــر ( شطحت فـكـر )
 

صح لسانك مليون ولايكفون
قصيدة جزلة منشاعر جزل
سلمت ودام حرفك

رد: فـرق الـشـعــر ( شطحت فـكـر )
 

صح لسانك
واعتلا شانك
قصيده رائعه بروعة حضورك
لا خلا ولا عدم

رد: فـرق الـشـعــر ( شطحت فـكـر )
 

[color=purple]صح لسانك يا مشعل[/color]
[color=purple][/color]
[color=purple]رائعه بروعة حضور شاعرها[/color]
[color=purple][/color]
[color=purple]دمت كما تحب[/color]
[color=purple][/color]
[color=purple]ودام حرفك[/color]
[color=purple][/color]
[color=purple]..[/color]