][ قــــعــــدة بـــنــات][
 

!^! هـاي Gurlz !^!وش يسولفن فيه البنات إذا تجمعن :p
.
.

عادة عن آخر كريم للبشرة، آخر عطر، فستان فنانة :)

و النيوو لوك لـ جارتهم مثلاًَ

الموضوع هذا رح يكون قعدة بنات :rolleyes:

كيف يعني اللي تبي تحط فستان عجبهـا

على عارضة أو فنانه

اوشافته في موقع ...

و نعلق عليه، يعجبني و ما يعجبني

هيك يعني، وش رايكـم :confused:

والله فكره حلوووه

مشكوره مزيونه نجد:)


وانا ببدأ هالقعده وبسألك انتي والبناااات كلهم ما تعرفون شي يجعد الشعر زين؟

لأن شعري مرره ناعم وطايح ما يتجعد ابد ودي شي يجعده بشكل حلو

كل وحده تقولنا كيف تجعد شعرها زين؟

ومشكورين يا بنات مقدما:)

مزيونة نجد

فكرتك مرره حلوووه
تسلمين يا قمر ويعطيك ربي الف عافية
ويا الله يا بنوتاتتنا الحلوات نبي كل وحده تسولف علينا من السوالف الزينة؛)

واممم كان ودي ابدا بسالفة بس انا حالياً ما تحضرني سواليف ابد مخي مقفل :p

موضوع حلو شكرا مزيونه نجد

وام فيصل انا عن نفسي اجعد شعري بذي الطريقه :بعد مااغسله وقبل مايجف مره يعني يكون مبلول شوي احط كريم صانصيلك بس مب كثير شوي او كريم بالمرز وافرك شعري بيديني الثنتين يعني يكون الشعر بين راحت يديني وافركه ..

اما ليمون وبيبسي او كريم خاص بالتجعيد ماانصحك تلعب في الشعر

طيب سؤال يابنات ماتعرفون مشغل يعطي دورات تجميل بالرياض وشغله مضبوط مب اي كلام

هلا عهوده

انا سمعت عن المناهل انهم يعطون دورات

وشغلهم حلو مشا الله ما فيه حكي

مشكوره الريم

طيب تعرفين عنوانهم او رقمهم

مشكــــــــــوره حبيبتي عهود;)

بجرب كريم كريم صانصيلك وعسى ان شاء الله يجيب نتيجـــــــه

وبالنسبه لدوره المكياج انا اقول سهل ما يحتاج دوره فيه دورات في النت كثيرررره

وصور توضيحيه سهله انتي طبقي وجربي كل يوم وراح تضبطينها

واذا مصممه على الدورات فيه مركز شيفلد في التخصصي يعمل دورات مكياج وشعر على يد اخصائية تقدرين تروحين وتستفسرين بنفسك عندهم

وبالتوووووفيق ياقلبي :)

مشكوره ام فيصل

بس النت مايعلم بدقه يعني زي قص الشعر ورسم العين يمكن اشياء بسيطه بس

ام فيصل الله يعافيك ياليت رقمهم إذا عندك علشان اكلم واتفاهم معهم بدال مااطق مشوار

هلالالا عهود

والله للأسف ما عندي رقمهم بس ممكن تاخذينه من الأستعلامات

وموقعه خلف كودو شارع التخصصي ويمدحووونه مرره

وان شاء الله تستفيدين :)

يعطيك العافيه ام فيصل

انا بشوف اللي قلتي واللي قالته الريم ويصير خير ان شاء الله

انتظر ردك يالريم