منتديات الفطاحله - رباعيات العياش !!.

هنا رباعيات مختاره لقصائد فوريه لم تكتمل ولأني احسب ان لها مدلول ومعنى قوي

وضعتها هنا وهي اخر ماكتبت تقريبا !!!.

[poem=font="simplified arabic,7,white,bold,italic" bkcolor="green" bkimage="" border="double,10,green" type=2 line=0 align=center use=ex num="0,black""]

لاتغرّك دمعة الرجل العطوف = ولايغرّك طيبة القلب اللطيف

كان جد الجد انا رجل معسوف = للشدايد بي جبل عالي منيف

ولي مساري ذيب ماداخله خوف = وكان شح الوقت بي للناس ريف

ماهوى قلبي سوى الناس الضعوف = وما عشقت من البشر الا النظيف

[/poem]

مبااااااااااشر

[poem=font="simplified arabic,7,skyblue,bold,italic" bkcolor="green" bkimage="" border="double,10,limegreen" type=2 line=0 align=center use=ex num="0,black""]

توي تحرّرت من نيرك وطغيانك = يالعنبو جد وقت(ن) فيه تحكمني

ماتستحق اتعب احساسي على شانك = من راس خشمك وفي منّه تكلمني

وش انت ومن هو تكون تطيّر اعيانك= بدري على من مثل شرواك يهدمني

عاملتك بطيب وسوس فيك شيطانك = مسكين اذا كان تنوي يوم تهزمني

[/poem]

ف

و

ر

ي

[poem=font="simplified arabic,7,white,bold,italic" bkcolor="green" bkimage="" border="double,10,limegreen" type=2 line=0 align=center use=ex num="0,black""]

تتذكرين ايام لعب الهريبه ؟ = في حي اهلنا يسعد الله لياليه

من ذلك التاريخ وانتي حبيبه = يالله عسى الجنّه لهاذيك الوجيه

حيث انّهم ضموا لقلبي نصيبه = وفيك امتلى عمري سعاده وترفيه

لولاك في دنياي ياهي مصيبه = يامرتبتني في حنان (ن) وتنزيه

[/poem]

تجليّات

فوريه

لحبي

الخالد

[poem=font="simplified arabic,7,black,bold,italic" bkcolor="coral" bkimage="" border="double,10,coral" type=2 line=0 align=center use=ex num="0,black""]

رجل الاماني كسيحه والدروب بعاد = وعوامل التعريه سوّت سواياها

مايكسر الظهر الا فقدي الاولاد = والا بقايا تعب دنياي اقواها

متى على الله نشوف احبابنا عوّاد = من قبل ماتفضح اشواقي خفاياها

لاالحال حاله ولا حتى البلاد بلاد = من دونهم تفقد الايام معناها

[/poem]

كيبورديات

شوق

صباحيه

[poem=font="simplified arabic,7,white,bold,italic" bkcolor="purple" bkimage="" border="double,10,deeppink" type=2 line=0 align=center use=ex num="0,black""]

الجوري اللي تبلّل من مضاليلك = كاني سبب فيه الله لايوفّقني

يالله تبسّم وهذا الصدر منديلك = الدمع من عين عطفك حيل يحرقني

واناالذي لاتردى الوقت اشكيلك = واليوم حزنك كلا قلبي وأرقني

ياليت تشكي لي الاحوال وابكي لك = فديت قلب(ن) برمش العين علقني

[/poem]

مبااااااااااااااااااشر

وبوح صادق

[poem=font="simplified arabic,7,white,bold,italic" bkcolor="purple" bkimage="" border="double,10,deeppink" type=2 line=0 align=center use=ex num="0,black""]

الوحده احسن من اعز القرايب = أفرح واحزّن بين نفسي وبيني

يقوله اللي عاش كل التجارب = اللي بخاصرته طعون السنيني

ياطالب الفزعات مات المحارب = لو شفت انا المضيوم غمّضت عيني

عن شاربي تنذل كل الشوارب = وتسقط جباه الغير وارفع جبيني

[/poem]

[poem=font="simplified arabic,7,green,bold,italic" bkcolor="transparent" bkimage="backgrounds/2.gif" border="double,10,green" type=2 line=0 align=center use=ex num="0,black""]

والله اني منكسر لكن أكابر = كسرتي اهون ولاكسر الجميع

وكل كسر(ن)له مع الايام جابر = دام انا متعود وبالي وسيع

صابرا غصب(ن)علي لازلت صابر = والا من يصبر عن الوجه الوديع

حرّتي حطيّتها بنزف المحابر = يالرحيل المر في فصل الربيع

[/poem]

رباعية البوح العميق

[poem=font="simplified arabic,7,black,bold,italic" bkcolor="green" bkimage="" border="double,10,limegreen" type=3 line=0 align=center use=ex num="0,black""]

يكفي ياشعاع النفس مليّت العنى والبوح = ومليّت البياض اللي احسّه في شراييني

ابي شيطان يزرعني رصاصات لحمام الدوح = ابي غدر وابي قسوه وابي حقد (ن) يعبيني

مادام ان المسارح كلها تمثيل مابها روح = ابي اضحك مثل غيري وامثل دور وجهيني

يكفيني عمر ابيض مضى . خلّف كثير جروح = اوزّع للفرح باقات مقابل نار تكويني

[/poem]

ثورة انقلاب مبااااااااااشر على الذات

[poem=font="simplified arabic,7,white,bold,italic" bkcolor="darkblue" bkimage="" border="double,10,royalblue" type=2 line=0 align=center use=ex num="0,black""]

عليك لو ثارت خلايا الغضب = القلب مايطاوع اضايق رقيقين

تبقى عزيز (ن) واحترامك وجب = يكفيني انك من عربنا العزيزين

باقي على إثرك بقايا تعب = يزول انا متأكد بظرف يومين

ومن بعدها يحرم عليّ اللعب = مايصاحب الاجرب سوى ناقص الدين

كيبورديات

[/poem]

[poem=font="simplified arabic,7,white,bold,italic" bkcolor="skyblue" bkimage="" border="double,10,blue" type=2 line=0 align=center use=ex num="0,black""]

الله يسعد يام احمد صباحك = الله يذكر وجهك الطيب بخير

ياللي خفضتي بالموده جناحك = اللي ابيه يصير لاقلته يصير

شلتي جراحاتي على كف راحك = ينام بااهدابك ويصحى الضمير

والله لو يسعى الزمن في جراحك = انّي لااخلي المملكه كلها غير

[/poem]