(( بعض العرب ))
 

[CENTER]السلام عليكم ورحمة الله وبركاته
من قديم الذاهبه ودمتم بخير جميعا[/CENTER]

[poem=font="Simplified Arabic,6,purple,normal,normal" bkcolor="transparent" bkimage="" border="double,4,purple" type=2 line=0 align=center use=ex num="0,black"]
بعض العرب يسوى عداله ملايين = مثل الذهب يشبه جديده قديمه
ماهو من اللي رفقته يوم يومين = هذا الرفيق اللي عسى الله يديمه
للطيب خوّه ترفع الراس والعين = ولا الردي فرقاه عيد وغنيمه
اللي على كسب الجمايل حريصين = دامت شموخ اهل القلوب السليمه
وليا تخلوا عنك ناس(ن) قريبين = يجلي همومك والدموع اليتيمه
تنسى في قربه مامضى لك من سنين = كل الهموم الحاضره والقديمه
وبعض العرب يسكت على الزين والشين = امثال شخصه يستحق الحشيمه
شكله ماهوب زين لاكنه زوين = في داخله بعض الصفا ة الوسيمه
وبعض العرب حسنه اخذ كامل الزين = زينن على مثله حرام وظليمه
في نظرته ينهب قلوب المحبين = يسلب عقل اهل العقول الرخيمه
ترى الرسايل تنقري من العناوين = لاتدنفع بعض العواقب وخيمه
والبعض الاخر كشخته للمزايين= يخدع بها ذيك البنات العظيمه
يقول انا شيخ ورصيدي ملايين = والفلس ماله عندي اليوم قيمه
مسكين قضى عيشته دين في دين = والكذب الاقشر جارين في دميمه
ومع الفقر عنده عجوز وبزارين = وديانته وقت الرواتب مقيمه
تاقف على بابه تخيّره بأمرين = اما السجن ولا حياة الهزيمه
وبعض العرب من شوفته تقل مسكين = مسكين طيب والمظاهر سليمه
يقتل ويركع مع صفوف المصلين = يخفي وراه اسرار ذيك الجريمه
وفي داخله خبث وجنون وشياطين = يصبح صديقك والنهايه أليمه
وبعض العرب ودك على الخد كفين = يتوب عن ظلم البشر والنميمه
بالوجه يضحك لك وبالظهر سكين = معدوم ذمه والمشاعر عديمه
اقولها مره وعشره وعشرين = ولاابغى شهادة قولة انتي عظيمه
اعطيك كلمه حطها بين(قوسين)= خذ الحكم من ناس قبلك حكيمه
واختامها مني ورود ورياحين = عطر يفوح اطياب مسك الختيمه[/poem]

الذاهبه

الله الله
صح لسانك
قصيدة رائعه وجزله بمعنى الكلمه

تحياتي

قصيده قمه في الروووووعه

شاعرتنا الراائعه/الذاهبة

صح لسااانك

وصح فكرك

وسلمت يمنااااك

[SIZE="5"][COLOR="Blue"]صح لسانك وقلبك وفكرك


يالذاااااااااااااااااهبه


لاهنتي ولاهان غاليك


الحرالأشقر[/COLOR][/SIZE]

قديمك رائع
يالذاهبه
اتحفينا من هذا القديم

بعض العرب يسـوى عدالـه ملاييـن
مثـل الذهـب يشبـه جديـده قديـمـه
ماهو مـن اللـي رفقتـه يـوم يوميـن
هذا الرفيـق اللـي عسـى الله يديمـه
للطيب خـوّه ترفـع الـراس والعيـن
ولا الـردي فرقـاه عـيـد وغنيـمـه
صح لسانك شاعرتنا الذاهبه
ان اشهد انك صدقتي قصيدة تحمل
الحقيقه والواقع
سلمت غاليتي وسلم شعرك
تحياتي ومودتي

بعض العرب يسـوى عدالـه ملاييـن
مثـل الذهـب يشبـه جديـده قديـمـه
ماهو مـن اللـي رفقتـه يـوم يوميـن
هذا الرفيـق اللـي عسـى الله يديمـه
للطيب خـوّه ترفـع الـراس والعيـن
ولا الـردي فرقـاه عـيـد وغنيـمـه
صح لسانك شاعرتنا الذاهبه
ان اشهد انك صدقتي قصيدة تحمل
الحقيقه والواقع
سلمت غاليتي وسلم شعرك
تحياتي ومودتي

بعض العرب يسـوى عدالـه ملاييـن
مثـل الذهـب يشبـه جديـده قديـمـه
ماهو مـن اللـي رفقتـه يـوم يوميـن
هذا الرفيـق اللـي عسـى الله يديمـه
للطيب خـوّه ترفـع الـراس والعيـن
ولا الـردي فرقـاه عـيـد وغنيـمـه
صح لسانك شاعرتنا الذاهبه
ان اشهد انك صدقتي قصيدة تحمل
الحقيقه والواقع
سلمت غاليتي وسلم شعرك
تحياتي ومودتي

السلام عليكم
صح لسااانك مليون ولا يكفون قصيده
في قمة الروعه والابداع
لك ودي وتقديري

الله الله ..
منبع الحكمة ..
صح لساانك ولاهنتِ