منتديات الفطاحله - اهوجس بالحبيب (بالصوت)

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - اهوجس بالحبيب (بالصوت) (http://www.ftahilah.com/showthread.php?t=15723)

اهوجس بالحبيب (بالصوت)

[rams]http://www.fatahilah.com/up/Ahojisa.mp3[/rams]
[poem=font="Simplified Arabic,5,white,bold,normal" bkcolor="sienna" bkimage="" border="double,4," type=2 line=0 align=center use=ex num="0,black"]
اهوجس بالحبيب اللي تعيش بضـامري ذكراه = رحـل عني وخلاني ولا احدٍ يعرف اخباره
يتيـمٍ صرت من بعـده وصعب يالمـلا انساه = وكيف انسى وذا طيفه وهـذي باقي آثاره
سكن في القلب له وحده ولا حدٍ شاركه ويّاه = ولـو يدري غلاه اشلون يمكن غير افكاره
الا يا طير لـو تنقـل رساله من جحيـم الآه = لاعز الناس في الدنيا وأطيب واطهر اخياره
تقـول الحب من بعـدك تزايد في العنا بلواه = يحس الحـزن والغـربه وقلبه تشتعل ناره
انا ما عـادني بعـدك بنفس الشكل والاشباه = تغيّر كل شئ فيني اعيش الـوقت واكداره
من همـومٍ على قلبي وانا الصابر على بلواه = يساهر ليله المعتم بحزنٍ يعمي ابصاره
تعـال وعالج جروحه فأنت الجرح وانت دواه = تعـال وطمنه بالله فليـله غـابت اقمـاره
يشوف الفجر بعيـونك يحس السعد في دنياه= يا أول حب وآخر حب وشمس الكون وانواره
تعال اسمع نسيم الليل يوضح لو بعض نجواه= وتعال اسأل خزامى نجد تكشف بعض اسراره
عن العشاق من قبلك طـريق وتابعين خطاه= طريق الشوك نمشي به ونشرب علقم امراره
تعـال وخلنّـا نسمر ونذكر ماضي(ن) عشناه = ونرحل مع شراع الحب خيال ونركب ابحاره
ونسبح في سما الوجدان بلا جنحان في مرساه= نفتش عن امل نبني قصور الحب واسواره
ونزرع حب في الـزهره اله الحب بعـده تاه = وصار اليـوم انشوده وكلٍ يعـزف اوتـاره
وكلٍ قــال انا إنسان بحب المـال والا الجاه= وحب الروح لاجل الروح تلاشوا كل انصاره
وصـار الكـون كالغـابه وكلٍ غير بمبـداه = بـلا هم وبلا حب ، ضماير صارت احجاره
تبيـع وتشري الإنسان تحدد مشيته وخطـاه = ولـو عاش المذله عمر يقـول الله واقداره
وانا ويـاك مهمـا كان بعـادك وافتهم معنـاه = خذيني طـاير مهاجر لأجلك يترك ديـاره[/poem]