منتديات الفطاحله - نشكي على الله ضيقه الصدر والبال

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - نشكي على الله ضيقه الصدر والبال (http://www.ftahilah.com/showthread.php?t=136533)

نشكي على الله ضيقه الصدر والبال

[font="arial"][size="4"][size="5"]ما نيب متحسف على فراق الانذال
اللي لهم مع طاري العيب سيره

مخيبين الظن في كل الاحوال
لا جيتهم تلقى اليسيره عسيره

والله ما يحسب مع الناس رجال
منهو بوقت الجد يترك عشيره

متجردٍ بالسوء من كل الافضال
ما فيه خير وتركة النقص خيره

ياخالي الافعال مليان الاقوال
انت الصغيره في عيونك كبيره

لا تكثر الاقوال تفضحك الافعال
جنسك ترى والله ما راح ديره

تضحك وتبدي الود ولا انت دجال
واللي مثل شرواك سئ مصيره

لا تامن الدنيا ترى الوقت ميال
الارض تشبع عقب ما هي فقيره

الحال ما يثبت على وضع لو طال
الوقت يمشي والليالي قصيره

المغتني هذاك سائت به الحال
والمنعسر صارت اموره يسيره

لا هزنا منصب ولا رزنا مال
بالطيب والاخلاق شفنا الستيره

ولا همنا المكروه لو قال ما قال
درب المراجل ما نجنب مسيره

يحزنا الطيب من الهم لا شال
ويعاف سيف الجود فينا جفيره

ما ضامني صدك ولا مات بي فال
عزمي قوي وافضال ربي كثيره

نشكي على الله ضيقة الصدر والبال
ونصبر على الصدمات لو هي خطيره

محدٍ بميت جوع والخبز بريال
والماء بلاش ورحمة الله كبيره [/size]

الشاعر / فيصل بن سبيل [/size][/font]