وصيّة للرجال البصيرة
 

للتواصل


[poem=font="simplified arabic,6,indigo,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
قال الذي بدع المثل مايكوده=جزل المعاني دايم ٍ في وجوده
معي نصيحة للرجال البصيرة=ولا العمى يحتاج له من يقوده
جنــّب عن ديار ٍ بها النذل له رأي=دار ٍ بها الحصني تقدّم فهوده
ترى الحصيني له دواعيس وخرم=وعالي المناهج مايجيها تكوده
من سار خلفه عرّضه للمناقيد=ينتق وتنشب في طريقه جنوده
هذي حقيقة ماعلى وجهها غبار=والله عباده في البسيطه شهوده
وكانك تبي تسلم من القيل والقال=فأحفظ لسانك من هروج ٍ تقوده
أقفر هروجك في القدا وأختصرها=وأحذر من الهزله تراها شروده
من طاوع لسانه وقع في المحاذير=يبلش ويكشف للمقابل سدوده
ورافق من قروم الرجاجيل نادر=متعبينه بالمراجل جدوده
يهديك للعليا وطيب الفعايل=وينهاك عن فعل ٍ تغشــّاك سوده
ويسترك لازلّيت بالفعل والقول=روابعه في الطيب دايم وقوده
قوي عزم ٍ لاتردوا المعاثير=يرقى سنود ٍ ماتردى جهوده
وعليك بفجوج الخلا لاتضايقت=تراه طب اللي هجوسه تذوده
لاما أنبرح شوفك مع جرد الأسهال=وأشرفت بالرجلين عالي حيوده
ماحولك إلا من يقاسمك بالشف=ولا المودّه لاتبين لذوده
وشبّيت ضوّك فوق مزموم الأطعاس=للكيف خولان ٍ وهيله قنوده
وأخير منها طاعة الله وتقواه=علاّم حالك من المهد لا لحوده
وأذنت للمغرب بعد هفـّت الشمس=وصليت فرضك خاشع ٍ في حدوده
وذكرت ربّك خالي ٍ مامعك ناس=والقلب لان ودمع عينك تجوده
فأبشر بظل ٍ في نهار ٍ به الشمس=تدني على مقدار ميل معدوده
من روس خلق الله نهار التغابن=يوم ٍ يشيّب واحد ٍ في مهوده
يستر بالك والزعل عنك يرحل=والبسط في صدرك تحسّه بزوده
هذي وصية واحد ٍ له تجاريب=حقل التجارب شارب ٍ من عدوده
وختامهاصلوا على سيّد الناس=اللي مع الله وافي ٍ في عهوده[/poem]

رد: وصيّة للرجال البصيرة
 

ابو عمر
صح السانك مليار
جزلة وطيبة جدا
نصح وحكم من اروع مايمكن لافض فوك
شكرا لك

رد: وصيّة للرجال البصيرة
 

الشامخ


شجاع الاكلبي



صح لسانك مليون



ابدعت يالشاعر



تحياتي وتقديري



اخوك

وليدالبسطي

رد: وصيّة للرجال البصيرة
 

[font=arial black][size=5][color=navy]
صح لسانك مليون[/color][/size][/font]
[font=arial black][size=5][color=navy][/color][/size][/font]
[size=5][color=navy][font=arial black] يالشاعر شجاع [/font][/color][/size]
[size=5][color=navy][font=arial black]قصيدة رائعة و جزلة بالمعاني الجميلة [/font][/color][/size]
[font=arial black][size=5][color=navy] [/color][/size][/font]
[size=5][color=navy][font=arial black] و وافية بالنصح و الارشاد [/font][/color][/size]

[font=arial black][size=5][color=navy]ابدعت يالشاعر[/color][/size][/font]

[font=arial black][size=5][color=navy]تحياتي وتقديري
[/color][/size][/font]

رد: وصيّة للرجال البصيرة
 

اللهم صل على محمد


وصح لسانك ياشجاع


نصائح طيبه وحكمه زاهيه

لاهنت يالجزل

تقبل مروري

وتقديري

رد: وصيّة للرجال البصيرة
 

[color="blue"][size="3"][center]شجاع الأكلبي

صح السانك وبيض الله وجهك

قصيده موعظه جزله

لك شكري وتقديري[/center][/size][/color]

رد: وصيّة للرجال البصيرة
 

صح لسانك وعلا شانك
قصيده جزله من راس جزل
ولا عدمنااااك
أجزل التحايا والاحترام يامميز

رد: وصيّة للرجال البصيرة
 

[color=navy][u]ابيات رائعه ومميزه[/u][/color]
[color=navy][u]بارك الله فيكم[/u][/color]
[color=navy][u]تحياتي وتقديري[/u][/color]

رد: وصيّة للرجال البصيرة
 

الاخ الفاضل الشاعر / شجاع الأكلبي
ما أجمل الوقوف على عتبات كلماتك
صح لسانك .. فقد أستمتعت بكل حروفها
نص عطر المتصفح بشذاه
تقبل تحياتي وتقديري
أخوك / بن ماضي

رد: وصيّة للرجال البصيرة
 

سلمت وصح لسانك وفكرك
واعتلى شأنك
نص رائع من شاعر رائع
لاهنت يابو عمر
دمت بخبر