منتديات الفطاحله - كلن على قده تفصل هدومه

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - كلن على قده تفصل هدومه (http://ftahilah.com/showthread.php?t=172788)

كلن على قده تفصل هدومه

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كلن على قده تفصل هدومه = الا همومه ما تفصل بمقياس
احد بليا هم عايش نعومه = ابوه هامور رصيده بالاكداس
واحد همومه عشق بنت العمومه= واحد همومه دين وقرض وافلاس
واحد همومه من عيال تلومه= ماله ظهرينفع مثل ساير الناس
يساعد احدهم للوصول لحلومه = وظيفة زينه بلا هم واتعاس
وهو حياته والمبادي سلومه= راحت بشغل وكد ما هاب الانجاس
حتى وصل للي بكرامه يرومه= ثم ابتعد يرتاح من غير هوجاس
لكن جيل اليوم قلت عزومه = بعضه يبي راحه وشغل به امراس
الجلد املس كل همه لحومه = واكل المطاعم لوعطي لحمة بساس
يجيك يتشكى ويبدي علومه = يقول انا تعبان والحال محتاس
ودك مثل هذا تصكه بشومه = لعل يصحى بعدما طوّل نعاس
ماكسب بالدنيا نفوس هزومه= ولا صفت للانبياء خيرة الناس
من لاتعب فيها بنفس جزومه= ما حقق احلامه ويرجع بلافلاس[/poem]