منتديات الفطاحله - (الروتيـــن المُــمــل)

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - (الروتيـــن المُــمــل) (http://ftahilah.com/showthread.php?t=173412)

(الروتيـــن المُــمــل)

[poem=font=",6,black,bold,italic" bkcolor="white" bkimage="http://www.ftahilah.com/mwaextraedit2/backgrounds/196.gif" border="none,4," type=2 line=0 align=center use=ex num="0,black""]
يا يوسف الدنياا تراها مملّه=روتينهااااا يذبح بلياااااا سكاكين

ما احب انا الروتين دقه وجله=ولا احب اعيش العمر مثل المساجين

احب اسوق الساق دايم واتله=في روضةٍ تشفي قلوب الحزينين

الوضع متغيّر وفي الوقت خلّه=صاار الهوى لعبه بكف الوراعين

حتى وليف الروح ماا طاب كله=لو طاب لك شهرين يذبحك عامين ..!

عسى الهوى سلاّل دايم يسلّه=ماعاد ابي حصه ونوره وتاااااالين

ماعاد لي فالحب منهج ومله=كرهت طاري الحب من قبل شهرين !

ابي اعيش العمر من غير عله=تبت يدين الحب والعشق والزين

لا صار حبلي من مسد من يفلّه ..؟=حبل الهموم اللي يلف المحبين

ما باقي الا الدمع يا شيخ اهلّه=واكتب بدمع العين عدّت دواوين !

يوم الزمان المر قلبي يتلّه=تل الشبح لا صار بين المسارين

قلبي من الايام يا كم حصل لّه=جرح الهوى ماله طبيب ومدااوين

مات الامل في داخل الروح لله=ومات الرجا يا صاحبي فـ الوليفين

يا يوسف الدنيا تراها مٌضله=طريقهااا متشعبن له طريقيـن

ان كان تجهل دربها ما تدلّه=لا تمضي ادروبٍ تحير البصيرين

والقلب صكيته وطويّت زله=وقتلت فيه الجاااريه والسلاطين !

خلاص نفسي عوّدت مستقلّه=ماهيب محتلّه بيـد المعااااادين

ماعاد افكر في هوى سنّدريله=خالين يا يوسف من الشوق خالين

يا حظ منهو فالفيافي محلّه=داله وسالي ما شكى الجرح والبين

الياا احرقته الشمس دوّر لضله=يشرب حليب وياكل التمر والتيـن

واليا رجع في خيمته صبّ دله=مشروبهاا يشفي كبوووود العليلين

بعيد عن درب الخناا والمذله=ما يعرف الغيبه ولاا القدح والشين
[/poem]

[center][size="5"]لابن جردان[/size][/center]