منتديات الفطاحله - مطلع من ألفيتي القادمه

[poem=font="arial,6,darkred,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
ألف ٍ أولف من حسين المثايل=فيها الحكم فيها البيوت الجزايل
منظومة ٍ تسوى خيول الأصايل=جالس أرتبها ليال ٍ طويلات
طويلات في بحر المتاهة خذني=أبحرت فيها والمواجع طوني
عزاه من قلب ٍ يون ويحني=محتار من جور الليالي المشقات
والباء بادي يا هلي في كلامي=بسم الولي ربي أله الغمامي
الواحد المعبود محيي العظامي=الخالق الرازق مجيب الدعوات
دعوات نرفعها على كل الأحوال=لا ضاقت الدنيا وحظ البخت مال
نرجي ولي الكون بالحال بالحال=نرجيه يرحم من همومه ثقيلات
والتاء ترى رفقت هلّ الشر مره=حذراك رفقتهم تجيلك مضره
ورفقت هلّ المعروف دايم مسرة=تلقى السعادة والهنا والمسرات
مسرات تبحر بك ببحر السعادة=تنسى المأسى والشقى والنكاده
تنام ليلك مهتني بالوسادة=وتذوق في دنياك طعم الواناسات
والثاء ثواني في حياتك هنية= في ذكر رب الكون رب البرية
ترتاح نفسك من هموم ٍ شقية=وترتاح من آه ٍ وضيقة وونآت
ونآت خلتني بحال ٍ خطيرة=أصبحت في غربه وعيني سهيرة
أجر صوتي والمواجع مريرة=مالي سوى ربي ولي السموات
والجيم جاهد في راضي الوالديني=أبوك ومك مالهم من معيني
وبرك ترى مردود دين ٍ بديني=قاله نبي الله عليه السلامات
سلامات تاصلة نبي المحبين=محمد الهادي شفيع الملايين
اللي عطاه الله علوم وبراهين=عليه صلاة الله بكل الصلاوات
والحاء حلاه البر من بعد الأمطار=في خايع ٍ عشبه بختري ونوّار
تنزاح عن قلبك صواديف الأقدار=وتعيش نفسك بالهنا والملا ذات
ملذات مع ربع ٍ لهم كل تقدير=أهل الكرم وأهل الدلال المباهير
من طيبهم فاقو كثير التصاوير=يحماهم الوالي مجيب الشكيات
والخاء خويت بدنيتي كل الأشكال=منهم كريم النفس بالحق رجال
ومنهم عديم المرجله صدق محتال=الفرق واضح ما يبله علامات
علامات تعرف من يعزك ويغليك=اللي يبيع العمر من شان يرضيك
وتعرف من اللي بالشدايد يخليك=أهل المصالح والقلوب الضعيفات
والدال داعي الخير يفلح بدنياه=يلقى السعادة دايمه في محياه
ولا الشقي دايم حياة مشقاه=غرقان في بحر الشقى والمتاهات
متاهات ما يدري على وين ساري=خل اليمين وسار درب اليساري
لأمن نصحته قال هذا قراري=يا الله دخيلك من شديد المطمات
والذال ذمّ الناس والله ندامة=في يوم عرض الخلق يوم القيامة
في موقف ٍ كلن تراعد عضامه=يوم ٍ يجازى كل عبد ٍ بما فات
مافات له يومه عن الرب لاهي=لاهي عن فروضه وحب الملاهي
راحت سنينه كلبوها دواهي=ما فكر بيوم ٍ شديد العقوبات
والراء رسول الله نبي المحبين=محمد الهادي هدانا على الدين
الرحمة المهداة خير النبيين=شفيعنا يوم الحشر والندامات
ندامات في يوم ٍ شديد رهيبي=يوم عسير ٍ فيه شدّ الاهيبي
يوم ٍ يخلي أسود الرأس شيبي=كلن رجا ربه يجازيه جنات
والزاء زماني شفت منه العجايب=ذقت الشقى والضيم ذقت المصايب
يا ناس دلوني على رأي صايب=لأعل لي أسلى عن هموم ٍ مشقات
مشقات خلتني بحال ٍ خطيرة=خلتني طول الليل عيني سهيره
هذي حياة اللي همومه كثيرة=يجر له في تالي الليل ونآت
والسين سعد اللي رضا عنه ربه=بالدين والدنيا جزاه المحبة
واللي تبع درب المسبة بدربه=يضر نفسه بالردى والمذلات
مذلات يلقاها بدنيا العجايب=ما فاد نفسه غير كثر المصايب
محتار فكره بين كثر الطلايب=صارت حياته كلبوها متاهات
والشين شفي مع هلّ الخير ساعة=نعم السعادة نعم ذيك البضاعة
أهل التقى والدين وهلّ الشجاعة=تستر معهم في كثير المجالات
مجالات فيها من علوم ٍ جدايد=فيها الذكر الدايم وحلو القصايد
تسلى معاهم عن همومٍ شدايد=يحماهم اللي عالم ٍ بالخفيات
وصاد صافي الدمع مني يهلي=تذرف على خدين محدن فطلي
بسباب هم ٍ بالضماير يتلي=يتل قلب ٍ ذاق غم ٍ وحسرات
حسرات خلنّه طريح الفراشي=راحت حياته بين آه ٍ وماشي
مسكين بالدنيا قليل المعاشي=صابر على مر الليالي العسيرات
والضاد ضاقت بي جميع الدروبي=أصبح في دنياي دوم مغلوبي
أحس في جوفي لهيب الشبوبي=معاد لي من حمل الأيام طاقات
طاقات مقدر يا هلي ما تحمل=عجزة أبصبر يا هلي وأتجمل
أحس في جوفي هموم ٍتزلزل=تهدّ قلبي كل حزه وحزات
والطا طبيب النفس ذكر الولي دوم=ذكره يريح من سكن داخله هموم
ولي نسى ذكره على الدوم محروم=محروم من رحمة ولي السموات
سموات رافعها ولي العبادي=من دون عمدان ٍ بسبع ٍ وكادي
من شافهن يؤمن بيوم المعادي=يوم ٍ ما ينفع فيه ترديد آهات
والظاء ظلام القبر ياهو مخيفي=وشلون في حفرة ويرتاح كيفي
الطين من فوقي ولأمن وليفي=الروح راحت والجسد عظم ورفات
رفات لكن جمعها في النشوري=يوم القيامة تنبعث من قبوري
يحصّل الله ما حوته الصدوري=يا سعد من حصّل رفيع الدراجات
والعين عذال الملا لا تهمك=حذراك منهم يا فتى لا تسمك
من حقدهم تبغا البلاوي تلمك=وتكن لك دب الليالي عداوات
عداوات تغلي في خوافي جسدهم=يسعون في نشر العداوة بجهدهم
أفعالهم شينه وذا من حسدهم=ياالله يا رحمن منك السلامات
والغين غارات الزمان المخيفة=تقطع عروقي بالسيوف الرهيفه
تلعب بقلبي بالهموم العصيفة=يالله من غيرك أنا رجيه يا الله
يا الله أنت اللي عليم بحياتي=تلطف بقلب ٍ ذاق هم وشقاتي
أسألك يا موجب وجوب الصلاتي=ترحم دموع ٍ فوق خدي غزيرات
والفاء فديت اللي غيور ٍ على الدين=أهل العقيدة والجموع المصلين
من هو قرا القرآن حق ٍوتبيين=بالليل في ركعة ووقفه وسجدات
سجدات تشرح صدر كل العبادي=وتطير هجعات ٍ وزين الرقادي
لأجل التجمع وقت يوم المعادي=الناس في كربة وحسرة وسكرات
والقاف قم بالليل ورفع يدينك=واسأله يفزع لك ودايم يعينك
واعظّم به النية ووثق يقينك=ترى الدعاء رأس ٍ لكل العبادات
عبادات تنجي من شديد العذابي=لأخلصت فيها للقوي المهابي
رب ٍ رفيع الشان محصي الكتابي=أعمل لعلك تسكن بوسط جنات
والكاف كن مع من يحب الفلاحي=أهل التقى والدين وأهل الصلاحي
رفقتهم اللي ما عليها خلافي=معهم تلاقي كل خير ومسرات
مسرات معهم دايم الدوم فله=غيمة غلاهم بالوفاء مستهله
في مجلس ٍ فيه الذكر ماتمله=ذكر الولي خالق جميع البريات[/poem]