منتديات الفطاحله - تلقى الخلا واعطى المفاتيح عبدالله

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - تلقى الخلا واعطى المفاتيح عبدالله (http://ftahilah.com/showthread.php?t=15295)

تلقى الخلا واعطى المفاتيح عبدالله

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا البارحة كني على صالي المله = يفوح الحشا من ضكة الوقت وغبونه
يا وين الرفيق اللي يبيّن وابيّن له = يترجم نظر عيني وانا اقراه بعيونه
ليا كشرت نيبان الايام نزبن له = ونلقى الذرا عن صافق الوقت بركونه
ولا جار حمله نثني وعنه نشتله = ويبشر بنا حتى يقنّد دركسونه
ماهو بيتحسس منك ويدور الزله = ولا بان له ما رام له عد طبلونه
خطاة الهبود اللي لا جيته يزوله = لو انك مسيّر قال جايٍ يبي عونه
سهج واجبات المرجله واختلف دله = لبس له ثيابٍ عن مدى الطيب مخبونه
رباه الرصيص وامتلا وانتفخ كله = ولا غاض عاض النقص بالجبن والتونه
على تبسي الفرغه لقا الونس والفله = ونفخ ذربه وكبرت علابيه ومتونه
وتناوش عروض الخلق واصبح يخيله = وزما في عيونه وان كل البشر دونه
( وتلقى الخلا واعطى المفاتيح عبدالله ) = ولا رده الا نكخة الضلع بقرونه
لنا شرهة الايام صبت مع الدله = وشربنا الشموخ ولحية التيش محسونه
قطعنا تهاتيه الخواريم والخله = جذبنا ارشا الايام والشر بمنونه
دحمنا الليالي بالنشاما وبالسله = يوم الموت خيّل وارتخا وابل مزونه
ويصفق بنا موج المقادير في ضله = عتينا عليه وشقرة الموت في لونه
ونشت مزنة العياله وجات منهله =ونفضنا العباه وطيشة الفوح مكنونه
دفنا شتات الوقت والحذف بالحله = وبقت مقدرتنا بالدهر وشكثر شونه
لحتنا السنين العوج والكبد منتله = على من شباته بالحشا تلحق طعونه
نقاسي وخفاق العنا شفق وموله = تهشم ضمايرها ولا بانت البونه
نوادر ضميرٍ يعقد الحبل ويحله = لا كشر لنا وجه الزمن واظهر سنونه[/poem]