يابـوش لا تفـرح بطيرٍ ختلتوه
 

[rams]http://www.fatahilah.com/up/YboochLatfru7.mp3[/rams]
[poem=font="Simplified Arabic,5,black,bold,normal" bkcolor="transparent" bkimage="" border="groove,4," type=0 line=0 align=center use=ex num="0,black"]
يابـوش لا تفـرح بطيرٍ ختلتوه = لـو كان في وعيّه فتك بالجنودي
رشيتوا الغــازات يـومٍ جفلتوه = ولمّا سرى التخدير صرتوا فهودي
ان كانه اخطا ..جرمكم لو جهلتوه = كل الشرايـع حكمهـا فيه قودي
من شجّعه بالحرب وانتم كفلتوه = ضدّ الخميني بالعتـاد ونقـودي
ومن غرّره يغزي كويتٍ نزلتوه = من شان تلقـون العذر للحشودي
تستعمرون أيّـة بلادٍ دخـلتوه = بالغصب ولاّ بالمكر والـوعودي
سرّاقـة الثـروات كلش نشلتوه = وش عاد خلّيتوا بعـد من جهودي
يا اجبن بشر لولا سلاح جلبتوه = يضرب غدر من عاليات الصعودي
ما كان هذا الوضع واللي وصلتوه = ولا كان من ذلٍّ نعيشه عقودي
نصبرعلى المكتوب واللي فعلتوه= حتى يقوم الناس بعد الرقودي
حنّـا دعـاة السلم وانتـم قتلتوه = كل الجـرايم باسمكم بالوجودي
تـاريخكم أسـود بدمٍ غسلتوه = من دمّر الأفغان خان العهودي
ومن أحرق اليابان عمداُ صليتوه = ومنهو ذبح شعب العراق الصمودي
ومنهو حمى شارون وانتم فلتّوه= يذبح ويحرق ما لقى في برودي
منهو ومنهو .. جرمكم لو سألتوه = أشّر على امريكا بكل البنودي
ومهما رفعتوا من شعارٍ ظلمتوه = كله كذب ماله أساس ووجودي
في موطنك كل التعنصر قبلتوه = والأرض حتى بالأصـل للهنودي
يا مدّعي حـقّ الأوادم كفـلتوه = عطني حقوقي وابتعد عن حدودي
وش لون تطلب حقّ وأنتم سلبتوه= وافقـرتو الأمّه بحلبٍ يزودي
حتى السلاح اللي عليها حملتوه = تدفـع ثمن صنعه وهي بالقيودي
لـو بعْضنا يمشي بدربٍ عدلتوه= يحمل بقلبه كره حتى النفودي
بركاننـا الخامد ترى لو شعلتوه = يقذف حمم في وجه خصمٍ لدودي
أنتم تبـون الجاه بالمكر طلتوه = وحنّـا نبي الجنه بدار الخـلودي
نسقيك من كاسٍ شربنا مليتوه = الله أكبر فـوق كيـد الحقودي
تاريخنـا وان كان قصدٍ غفلتوه = فيه العبر لاهلك وكل الضدودي
حنّا صنعنا العـلم وانتم نقلتوه = يوم إنكم والجهل فيكم يسودي
والـوقت دوّارٍ على ما غزلتوه = من قبلكم كسرى خضع للبنودي
وان كان عزّ الروم يومٍ سليتوه = انهار من ضرب الرجال العدودي
اعقل .. تفكّر.. كل جرمٍ فعلتوه = ما يوم ينسى فالخـلايق شهودي
ان غرّتك قوّتْك واللي وصلتوه = ما طار طير إلاّ وقع في خمودي
في يـوم تتفكك ولو ما قبلتوه = وتبدا رجوع لماضيـات العهودي
أرجي من الله نصر ما يوم خلتوه = ويعزّ دينه رغم أنف اليهودي[/poem]

رد: يابـوش لا تفـرح بطيرٍ ختلتوه
 

جزلة

سلمت وصح لسانك

صعووب

رد: يابـوش لا تفـرح بطيرٍ ختلتوه
 

تسلم على القصيده الرائعه..وصح الله لسانك
ولا هنت..تقبل مرورى