بعض العرب يطلب بدربه تخاويه
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بعض العرب يطلب بدربه تخاويه = يم الربيع اللي بنفسك تمناه
تمشي معه ما تدري اللي يخبيه = وما تعرف اللي يضمره من نواياه
وبالمنتصف ميّل لطعسٍ يداريه = وعوّد عليك وكن شيٍ بمخباه
تنشده وش حصّلت ينفض اياديه = ويعتب عليك ويطلب انك ترضّاه
ويسلك طريق غير دربك ويمشيه= وتواصل المشوار من دون شرواه
حتى تصل ارضٍ بصحرا بها تتيه= ودربٍ مشيته جاه رملٍ وغطاه
والشمس تغرب والمسا في حراويه = وتدور اللي نافع لكل من تاه
البوصله بجوالك اللي توزيه = تنفعك في تعيين دربك ومنهاه
تدور عليه بشنطتك ما تلاقيه = واثره خذ الجوال والبوك خلاه
البوك فاضي غير من كلمة فيه= من يرجي الرحمن ماخاب برجاه
تتوجه لربك وتدعي تناجيه = ينقذك من وضعك وطول المعاناه
وفجأه تشوف لنور منت متحريه= دتسن يسوقه شايب ما تعناه
وقف وقال اركب ترى الاجر مابيه= اجري على اللي يعلم السر واخفاه
ياخذك للدرب الذي كنت تنويه = وينشدك بالحاصل وما كنت تبغاه
ومن يوم سمع اللي حصل من تواليه= قال لك خويك عارفٍ كل ممشاه
حصني لئيم والكذب ما يخليه = لو يظهر التقوى ومخافه من الله
وانته غلطت بلحظه انك تخاويه = ماتعرف لعمر مضى كيف قضّاه
خله على فاله يجي من يربيه = من اقرب قريب له ولو كان يرعاه
ما ينحدر سيل على غير واديه = ولا ينخدع ذيبٍ بحصني بمفلاه [/poem]

رد: بعض العرب يطلب بدربه تخاويه
 

عوذاااااااه من امثاله

صح السانك يادكتور
ابيات رائعة وهادفه
لاهنت

رد: بعض العرب يطلب بدربه تخاويه
 

صياغه جديده تتناول بعض المواقف التي تحصل لنا في مسيرة الحياة والدكتور ابحر بنا في سيفونه رائعه في اطار الصحراء ووسائل الدفع الرباعي
شكرا لك

رد: بعض العرب يطلب بدربه تخاويه
 

مــا ينـحـدر سـيـل عـلـى غـيـر واديـــه ولا ينـخـدع ذيــبٍ بحصـنـي بـمـفـلاه
اادكتور ،،

هذا البيت عن ديوان لحاله ،،

سلمت يمينك ،،

رد: بعض العرب يطلب بدربه تخاويه
 

[font="comic sans ms"][size="5"][color="navy"][i]ابداع بلاحدود ياشاعر
ابدعت واتقنت في اختيارالابيات الراقيه
وصح لسانك مليون مايكفون
لاهنت
تقديري ياصاحب القلم[/i][/color][/size][/font]

رد: بعض العرب يطلب بدربه تخاويه
 

[center][size="4"][b][color="blue"]مــا ينـحـدر سـيـل عـلـى غـيـر واديـــه
.. ولا ينـخـدع ذيــبٍ بحصـنـي بـمـفـلاه
[/color]
صح لساانك و اعتلا شانك

و اسعد الله صباحك ومساءك
خير المعاني واجزل الكلام

صح لسانك ولاهنت[/b][/size][/center]

رد: بعض العرب يطلب بدربه تخاويه
 

الله الله


مــا ينـحـدر سـيـل عـلـى غـيـر واديـــه///ولا ينـخـدع ذيــبٍ بحصـنـي بـمـفـلاه


صح السانك ولاهنت