جاهلية .. شفتهـا ببعض النوادي
 

[rams]http://www.fatahilah.com/up/Jahliah.mp3[/rams]
[poem=font="Simplified Arabic,5,purple,bold,normal" bkcolor="transparent" bkimage="" border="groove,4," type=2 line=0 align=center use=ex num="0,black"]
جـاهلية .. جاهلية .. شفتهـا ببعض النوادي = القبيـله والعشيره تنتخا لاجـل الحمّيه
يوم تكشف عن خطيّـه عندهم هذا انتقـادي = كلّهم ولدوا نجوم وكل يحمي ظهر اخيّه
تبتدي مع شخص واحد وتكسب الباقي معادي = ولو تناقش في ركاده شفت منهم عنجهيّه
اقلبـوها عنتـريّه مـن حـروفٍ كالحـدادي = وانت يالعاقل تفكّر وش حصل ليه الأذيّه
ما دريت عن عقـولٍ بالجهـل تركيب احـادي = ما تأثر بالحضاره ولا علوم الأبجـديّه
وكان نجمك في صعودٍ كـم تلاقي من نكادي = من نفوس في مرضها كل خبث بالطويّه
الحسد والحقـد واضح ما يبي له اجتهـادي = ليه تنجح في مجـالك وليه حبّـوك البقيّه
جـاهليّه... ياعقـولٍ في جهلهـا بازديـادي = تنتظر مثل العقـارب تلدغ الرجل البريّه
كم تحطم من اديب وشاعرٍ ما هـوب عادي = وكم تقفل من نوادي والسبب عصبه رديّه
وكم تشوه اسم واحـد غيبةٍ بين العبـادي = والسبب كـونه تألق صار نجم المهمهيّه
وتدّعون الدين ظـاهر يا عقـول بلا رشادي = تخدعون النفس اول والله اعلم بالخفيّه
لعنبـو شعـرٍ بقـلبٍ حـاقدٍ كلـه سوادي = ما نظف مع كثر بوحه تقل سم بجوف حيّه
الشعر احساس مرهف بالجمـال ولحن شادي = ماخبر احجـار تشعر ما لها روح وهويّه
الشعر يعطيـك روحٍ للمحبّـه والــودادي = والشعر يعطيك عقـلٍ تحترم باقي البريّه
والشعر يعطيـك درسٍ تجتنب بعض النـوادي = دامها بالحقد تنضح من بقايا الجاهليّه[/poem]