منتديات الفطاحله - لا غضب منّا تميمـي فالخلايـق غاضبـه

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا غضب منّا تميمـي فالخلايـق غاضبـه=دام حنا من بيدهـم كـل اركـان الوسيعـه
من بحرها اليا بحرهـا والبـراري قاطبـه=شرقها في غربها في الخريف وفـي ربيعـه
كل واحد في الشجاعه عن جيـوشٍ راتبـه=داخله بركان يحـرق مـن يـدور للذريعـه
ان بغيت السلم حنـا فـي اصولـه راغبـه=وان بغيت الحرب حنا نارها وقـت الوقيعـه
وان بغيـتَ للرجولـه فالمبـادي زاهـبـه=الكرم منـا وفينـا اصـل ماهـو بالطبيعـه
اسأل التاريـخ عنـا واسـأل اللـي كاتبـه=بالفعل لا الهرج نكتب مجد لايمكـن نضيعـه
عمق تاريخ التميمي فـي جـذوره ضاربـه=قبل ميلاد المسيح وبصمتـه تبقـى رفيعـه
واستمـر يسطـر الأمجـاد يـدرك واجبـه=حتى انه صار سيف الحق من يحمي الشريعه
من رفـع مـن شانهـا والخلايـق تاعبـه=بين كفـر وشـرك وبيـن احـوالٍ فضيعـه
لين جاهم رجل منـا فـي بصيـره ثاقبـه=جدد الدعوه وصان الدين باوقـات سريعـه
وشاد لاجله دولة الإسـلام ينصـر صاحبـه=حتى ساد العدل والاستقرار بارجاء الوسيعه
هذا حنـا مـن جهلنـا لـزم حنـا نعاتبـه=ومن يظن الشمس تحجب يغلط اغلاط شنيعه
شمسنا يحرق وهجها مـن جهـل للعاقبـه=يعرف إن الأرض خلقت للتميمـي لا تبيعـه[/poem]