الصريح والمهاجر21/22فبراير
 

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الصريح=
الليل زان وزينه شوّفة العود=دام الله اكفانا شرور الشياطين
المهاجر=
والفجر بان وعايض اليوم للذود= يسرحن بهن بارضٍ صفاء مابها طين
الصريح=
اسمي صريح ومنك ماحتاج لشهود=تابع وطالع وافتح الاذن والعين
المهاجر=
اسمك غدا في النت يابيه مجحود=عايض ابن سرحي وتكفي عن الفين
الصريح=
ياصاحبي عثمان ياراعي الذود=للمنتدى تحتاج ناسّ نظيفين
المهاجر=
خابرك عود ولا بقى فيك من فود= ياغير صوت كنه اصوات دلفين
المهاجر=
هرش انحنى عظمه ولاهوب مفرود= تايه بوسط البر جر الكراعين
المهاجر=
الطير جالك ينتف لريش مقرود = فاربط حزامك لا تغث الوراعين
الصريح=
النار لن قرّبتها ريح بارود=تحرقك وتوّلع بناس عزيزين
المهاجر=
لوني وريعٍ لك ابفتح على "هود"= واقرا عليك الين تنعس ليومين
الصريح=
ترى البرى ياصاح مردود مردود=فتّح عيونك وافهم السين والشين
المهاجر=
اركد يامال الطير لاصرت منشود= ودرب التسامح طرقة العطف واللين
المهاجر=
قال استشاري قلت والحيل مهدود= ماعنده إلا الهوش ماله محبين
المهاجر=
انا عطيتك مثل في الكتب موجود=وإلا انت فوق الراس عزٍ وتثمين
المهاجر=
بديت تعزف او تتكرن على العود = قازك قصى مافيه حيل لمترين
الصريح=
مازلت في راس الهرم علم موقود=ولازلت انا سلطان مثل السلاطين
المهاجر=
ولامن بغيت الدرب ترقاه بصعود= احذر حرار الطير تاصلك تنشين
المهاجر=
هرمٍ على راس الهرم عظم ممدود= ماظن باقي منك يالعود ثلثين
المهاجر=
جمع عظامك كود تدرك لمقصود= من قبل ماياصلك يومٍ من البين
الصريح=
ماني بناشد عن حويمد ومحمود=والا اهتم بالالقاب والا العناوين
المهاجر=
طبعا مدامك طرش يابيه مسعود=عيدك مهو بالفطر لكن بتشرين
الصريح=
مسيلمه من فين يانسل الفهود=نسيتوا التاريخ من طول السنين
المهاجر=
سراقة الحجاج والسرق معهود= ماتومنوا بمسيلمه لا ولا الدين[/poem]

رد: الصريح والمهاجر..من الشات
 

[align=center]الصريح + المهاجر

صح السنتكم جميع[/align]

رد: الصريح والمهاجر..من الشات
 

هههههههههههه
الصريح .. ماقدرت تجاري ابو عبدالله
الصراحه شكلك رحت فيها
ههههههههه
صح لسانكم والله إبداع يستحق الإشاده به
وفخر للمنتدى هذا الإنسياب الفكري والأدبي منكم
الله يحفظكم

رد: الصريح والمهاجر..من الشات
 

الصريح
ماني بناشد عـن حويمـد ومحمـود= والا اهتـم بالالقـاب والا العناويـن
الـــمــــهــــاجــــر
طبعا مدامك طـرش يابيـه مسعـود= عيدك مهو بالفطـر لكـن بتشريـن
الـــــصـــــريـــــح
مسيلمه من فيـن يانسـل الفهـود= نسيتوا التاريخ مـن طـول السنيـن
الـــمــــهــــاجــــر
سراقة الحجـاج والسـرق معهـود= ماتومنـوا بمسيلمـه لا ولا الديـن
""""""""""""""""""""""""""""""""""""""""""""""""""""""""""""""""""""""
الله الله الله
شيبان الفطاحله
ماأحلاهامن ابيات ومحاوره
صح السنتكم ولاهنت

رد: الصريح والمهاجر..من الشات
 

مبدعين

كنت متابع على الشات

عافاكم الله

تحياتي

رد: الصريح والمهاجر..من الشات
 

[COLOR="Red"] الشاعرين المهاجر+ الصريح


صحت السنتكم محاورة قويه قويه وحسب رائي

الشخصي ان المهاجر تفوق في هذه المحاورة

ولكن ين يذهب عن الصريح له يوم ماهي عادتك

يابوفائز والله نك راعي مواقف ولكن الصريح

لاتتركه اعيد عليه مره اخرى انا شفت له

بيوت لازم تعيد عليه ولا انت ماقصرت نوشته[/COLOR]

رد: الصريح والمهاجر..من الشات
 

[COLOR="DimGray"]الصريح&المهاجر


صحت ألسنتكم جميع
على هالمحاوره الطيبه ...




تحيتي[/COLOR]

رد: الصريح والمهاجر..من الشات
 

[B][COLOR="Blue"]ابو عبدالله وين البقية

انا خابرها اكثر من كذا



عموما صح لسان كل واحد فيكم وبيض الله وجيهكم

دمتم بخير[/COLOR][/B]

رد: الصريح والمهاجر21/22فبراير
 

المهاجر والصريح
صح السنكم كلكم

بارك الله فيك
جميل ما اطلعت عليه
تحياتي